Gazeta Kritika-Lajme � Tags � Ballkani

Burimi

200195 lajme

Kulture

• BBC - Kulture

Lajme

• BalkanWeb - Lajme
• BBC - Lajme
• CNN.com
• Deutsche Welle - shqip
• Radio Evropaelire-Lajme
• SETimes news - Shqip
• Shekulli Lajme
• Zeri Amerikes

Shtypi

• BBC - Shtypi evropian
• Evropaelire-Shtypi Boteror
• Gazeta Korrieri
• Gazeta Tema
• Shekulli Dossier

Sport

• BalkanWeb - Sport

918 materiale shenuar "Ballkani"

• 06. 02. 2012
• 19:36

  Sannino: Shqipëria të mbajë lart ritmin e reformave

  [Lajmi i Plote] Zeri Amerikes

  Shenja:  Ballkani  

  

  Në Shqipëri Drejtori i Përgjithshëm i Zgjerimit në Komisionin Europian Stefano Sannino kërkoi sot që vendi të mbajë lart ritmin e reformave të nevojshme për integrimin europian. Zoti Sannino nisi sot një vizitë në Tiranë për të parë konkretisht hapat e bëra për realizimin e objektivave të vendosura nga Brukseli.

  Zoti Sannino ka vizituar Tiranën dy herë të tjera, vitin e kaluar pasi Brukseli rrëzoi sërish në muajin tetor, dhënien e statusit të vendit kandidat për Shqipërinë. Falë edhe ndërmjetësimit të tij, nëntorin e kaluar shumica dhe opozita arritën një marrëveshje për realizimin e reformës zgjedhore dhe asaj parlamentare, si dhe nisën punën për ligjet me tre të pestat e zgjodhën në mënyrë konsensuale Avokatin e Popullit.

  “Përpjekjet duhet të vazhdojnë në mënyrë të qëndrueshme. Perspektiva europiane është një arritje e të gjithë vendit, e të gjitha forcave politike dhe e kontributit të tyre, dhe jo vetëm e një pale të caktuar”, deklaroi zoti Sannino në përfundim të takimit me ministrin e Jashtëm shqiptar Edmond Haxhinasto. Zoti Sannino ka patur bisedime me autoritetet më të larta të vendit si dhe ka qenë i pranishëm në Komisionin parlamentar të integrimit ku po diskutohet rishikimi i Planit të veprimit për 12 prioritetet që Shqipëri aduhet të përmbushë. Drejtori i përgjithshëm i Zgjerimit I Be gjatë vizitës në Tiranë ka nënvizuar se “ky është një vit vendimtar për Shqipërinë dhe për institucionet e Bashkimit Evropian, që do të vendosin për angazhimet e saj në këtë kuadër”

• 08:04

  Kosovë: Moti i keq shkak për mbylljen e shkollave

  [Lajmi i Plote] Zeri Amerikes

  Shenja:  Ballkani  

  

  Kosova po përballet me një mot të keq, të shoqëruar me reshje të shumta të borës dhe temperatura të ulëta.

  Disa komuna kanë shpallur gjendjen e jashtëzakonshme, ndërsa Forcat e Sigurisë së Kosovës janë angazhuar në hapjen e rrugëve. Trupat u dërguan edhe në qendrën e skijimit në Brezovicë, rreth 60 kilometra në jug të Prishtinës për të zhbllokuar disa qindra pushues, përfshirë edhe nxënës që kishin mbetur atje për shkak rrugëve të zëna nga bora.

  Institutit Meteorologjik i Kosovës ka paralajmëruar se temperaturat do të shënojnë rënie gjatë javës dhe sipas parashikimeve ato do të bien deri në minus 22 gradë Celsius.

  Gjendja e krijuar në vend ka bërë që ministria e Arsimit të vendosë ndërprerjen e mësimit në të gjitha shkollat fillore dhe të mesme të Kosovës deri më 13 shkurt.

• 28. 01. 2012
• 16:54

  Kosovë: Debate rreth prodhimit të energjisë

  [Lajmi i Plote] Zeri Amerikes

  Shenja:  Ballkani  

  Kur flitet për energjinë elektrike në Kosovë, ka një pajtim në shkallë të gjerë se ajo mungon në sasitë e nevojshme për qytetarët e saj. Por, rrugëdalja është burimi i mospajtimeve. Një grup organizatash joqeveritare të mbështetura në një studim të Daniel Kammen, nga Universiteti i Kalifornisë, kanë shprehur shqetësimet e tyre  lidhur me planet e qeverisë së Kosovës për ndërtimin e Termocentralit të ri për  prodhim të energjisë nga linjiti. Ata kërkojnë që para se të merret çfarëdo vendimi për ndërtimin e termocentralit të ri duhet të merren parasysh mundësitë tjera që do të linin si zgjidhje të fundit përdorimin e qymyrit.

  Nezir Sinani nga Instituti për zhvillimin e politika (INDEP) tha se Kosova ka mundësi të prodhimit të energjisë elektrike nga burime të ripërtërishme.

  “Burimet e ripërtërishme në skenarin më pesimist do t’i siguronin Kosovës deri në vitin 2020, 23 për qind prodhim të energjisë nga burimet e ripërtërishme, mirëpo skenari më i mirë është se do të mund të arrihet deri në 35 për qind”, tha zoti Sinani.

  Por, autoritetet thonë se është interes themelor i Kosovës që të ketë energji të sigurt për furnizim të qytetarëve dhe të përballueshme për kushtet e tyre ekonomike. Liridon Mavriqi, nga Ministria e Zhvillimit Ekonomik, tha se burimet e energjisë së ripërtërishme janë të kufizuara dhe qeveria është e vendosur të shpallë së shpejti tenderin për ndërtimin e Termocentralit Kosova e re.

  “Ky termocentral është një paket që nuk përfshin vetëm ndërtimin e një termocentrali të ri, mirëpo faktikisht përfshin ndërtimin e termocentralit të ri me  standardet më të reja të Bashkimit Evropian, përfshinë rehabilitimin komplet të termocentralit Kosova B në bazë të direktivave të Bashkimit Evropian dhe si pjesë e kësaj pakete parashihet që në momentin kur të filloj ndërtimi i termocentralit Kosova e Re, do të mbyllet termocentrali Kosova A”, tha zoti Mavriqi.

  Termocentrali i ri i planifikuar të ndërtohet do të prodhonte afërsisht 1 mijë megavat orë energji elektrike dhe pritet të kushtojë nga 700 milion deri në një miliardë euro. Projekti fillestar i cili qe publikuar në vitin 2006 parashihte një termocentral me fuqi prej mbi 2 mijë megavat orë energji elektrike duke synuar siç është thënë shndërrimin e Kosovës në një fuqi rajonale të prodhimit të energjisë elektrike, por ai më vonë u ndryshua. Deri në zgjidhjen e çështjes së sigurimit me energji të mjaftueshme, vendi do të vazhdojë të përballet me vështirësi dhe të varet nga prodhimi i termocentraleve të vjetra e të mbajtura keq që nuk sigurojnë dot energji të mjaftueshme për vendin, janë të dëmshëm për mjedisin dhe detyrojnë qeverinë të investojë në importe të shtrenjta.

• 08:01

  Lirohet serbi i dyshuar për vrasjen e policit shqiptar

  [Lajmi i Plote] Zeri Amerikes

  Shenja:  Ballkani  

  

  Misioni i Bashkimit Evropian për Sundimin e ligjit në Kosovë, bëri të ditur se e ka liruar nga paraburgimi personin e arrestuar një ditë më parë, në lidhje me vrasjen e oficerit të policisë së Kosovës, Enver Zymberi, vrasje kjo e kryer më 26 korrik 2011.

  Sipas zyrtarëve të Eulex-it, arrestimi ishte bërë gabimisht meqë ai nuk ishte personi që po kërkonin dhe se identiteti i të arrestuarit është kuptuar gabimisht.

  Arrestimi ishte kryer një ditë më parë në fshatin Çabër të komunës së Zubin Potokut, një nga komunat me shumicë serbe në veri të Kosovës. Avokati i tij mbrojtës tha se ai ishte arrestuar derisa po provonte të rregullonte dokumentet e tij peronale në një zyrë në fshatin Çabër i cili banohet nga shqiptarët.

  Enver Zymberi, pjesëtar i njësisë së posaçme të policisë së Kosovës u vra në pritë në afërsi të Zubin Potokut, gjatë një operacioni për vënien nën kontroll të vendkalimeve kufitare ndërmjet Kosovës dhe Serbisë në veri. Një ditë më vonë ai u shpall hero i Kosovës me dekret të posaçëm të presidentes së Kosovës, Atifete Jahjaga.

  Hetimet e EULEX-it dhe policisë së Kosovës bënë që të shpallen në kërkim pesë pjesëtarë të komunitetit serb të dyshuar për vrasjen e policit.

  Edhe pas më shumë gjashtë muajsh rrugët në veri po mbahen të bllokuara nga serbët vendas që kundërshtojnë çdo përpjekje për shtrirjen e autoritetit të Prishtinës në atë zonë.

• 27. 01. 2012
• 08:28

  Ina Rama: Prokuroria po heton edhe për organizatorët e 21 janarit

  [Lajmi i Plote] Zeri Amerikes

  Shenja:  Ballkani  

  

  Prokurorja e Pergjitshme e Shqiperise Ina Rama, deklaroi se hetimet per 21 janarin po vazhdojne me kembengulje mbi te gjitha palet pjesemarrese ne ate ngjarje. Ajo deklaroi ne Tirane se krahas gardisteve qe perdoren armet dhe fshehen provat, po hetohet edhe per deyshimet se  protestuesit u organizuan per veprime te dhunshme ne nje tubim te paligjshem. Korrespondenti i Zërit të Amerikës, Ilirian Agolli, sjell me shume detaje per komentet e zonjes Rama ne Tirane.

  Prokurorja e përgjithshme e Shqipërisë Ina Rama, deklaroi se hetimet për ngjarjet e 21 janarit vazhdojnë me intensitet edhe për dyshimet nëse protestuesit janë organizuar për veprime të dhunshme në një grumbullim të paligjshëm. Zonja Rama tha se ende priten detaje nga laboratorët kriminalistikë dhe nga hetimet dhe se emrat e përmendur në publik nuk janë të vetmit që dyshohen për veprimet e paligjshme të asaj dite.

  “Përsa i përket rindërtimit të vendit të ngjarjes që lidhet edhe me organizatorët edhe me vrasjet, ne i kemi dërguar një kërkesë FBI-së. po ashtu edhe për pastrimin e pamjeve filmike, që mendojmë se do të na ndihmojmë për organizatorët, ne i kemi kërkuar laboratorit ndihmë” - tha ajo.

  Prokurorja e Përgjithshme Rama i bëri këto komente në programin “Opinion” të televizionit Klan, ku theksoi se hetimet po bëhen të plota, të pavarura dhe gjithpërfshirëse për çdo palë pjesëmarrëse.

  “Ne nuk mund të kërkonim oficerë amerikanë që të pyesnin shqiptarët në Shkodër, në Laç, Tiranë apo Durrës që ishin demonstrues dhe të tregonin se kush i organizoi, nëse i kishte organizuar, për veprime të dhunshme. Them nëse i kishin organizuar për veprime të dhunshme, sepse hetimi vazhdon dhe ende nuk ka konkluzion përfundimtar. Unë nuk mund të them sot nëse na ka dalë apo jo, por kemi regjistruar edhe për këtë vepër një hetim, dhe po hetojmë; domethënë se kemi dyshime se kanë qenë të organizuar” - tha ajo.

  Zonja Rama tha se hetimi nuk është vonuar, dhe një vit ka qenë koha e nevojshme për këtë hetim, duke marrë parasysh veprimet e shumta hetimore nga pothuaj e gjithë Prokuroria e Tiranës. Megjithatë ajo tha se ende prokuroria ende nuk është gati të kërkojë hapjen e një gjyqi për të akuzuarit.

  “Po përpiqemi që ta finalizojmë sa më shpejt. Nuk do të doja të jap një kohë se kur do të dalë një kërkesë për gjykim. Po bëjmë ç’është e mundur që ta mbarojmë sa më shpejt” - tha ajo.

  Prokurorja e përgjithshme tha se deklaratat kundër saj nga koalicioni qeveritar i sheh si një presion mbi hetimin, por nuk e shqetësojnë, sa kohë që nuk ka shkelur ligjin. Ndërsa lidhur me kryetarin e opozitës Edi Rama, ajo tha se ai mund të vijë vetë në prokurori dhe të japë versionin e tij të ngjarjes.

  “Në qoftë zoti Rama do të thirret për këtë çështje, nuk do të thirret sepse e kërkon vetë zoti Rama, por do do të thirrej nëse do të jetë një nevojë e hetuesve. Zoti Rama mund të paraqitet dhe të japë versionin e tij, të deklarojë ato që di. Ne kemi shtet dhe çdo shtetas ka detyrimin të deklarojë fakte apo të dhëna që ai ka lidhur me një vepër penale. Ky është një detyrim ligjor madje, jo vetëm çështje vullneti” - tha prokurorja e përgjithshme.

  Parlamenti pritet të dëgjojë sot shpjegimet e tre deputetëve të opozitës, Tom Doshi, Taulant Balla dhe Besnik Baraj, lidhur me rolin e tyre në demonstratën e 21 janarit. Prokuroria i ka kërkuar parlamentit që t’u heqë atyre imunitetin parlamentar për të vazhduar me procedura të tjera hetimore, dhe kërkesa u shoqërua me një material voluminoz me prova mbi veprimtarinë e tyre atë ditë. Prokuroria kërkoi arrestimin e komandantit të gardës, shoferit të tij dhe specialistit të kompjuterave në kryeministri për krim dhe fshehje krimi në ngjarjt e asaj dite.

• 23. 01. 2012
• 07:56

  Kosovë: Lëvizja Vetëvendosje ndërpret protestat

  [Lajmi i Plote] Zeri Amerikes

  Shenja:  Ballkani  

  

  Pas më shumë se 12 orë qëndrimi në rrugë, lëvizja Vetëvendosje i dha fund protestës në afërsi të vendkalimit kufitar ndërmjet Kosovës dhe Serbisë, në Merdarë, në veri të Prishtinës. Më herët ajo kishte shpallur të përfunduar protestën tek Dheu i bardhë, vendkalimi tjetër në lindje të Kosovës. Temperaturat e ulta bënë që pjesëmarrja në të dyja rastet të zvogëlohet, ndërsa veprimtarët e kësaj lëvizjeje thanë se për shkak të kufizimeve që janë bërë nga policia në aspektin logjistik dhe temperaturës së ultë që po mbizotëron, është bërë i pamundur qëndrimi i sigurt i protestuesve.

  Ata thanë se policia kishte konfiskuar, tendat, batanijet e ushqimet e përgatitura për protestuesit dhe udhëheqësit e lëvizjes, siç thuhet, në shenjë përgjegjësie për mirëqenien e protestuesve, kanë kërkuar shpërndarjen e tyre.

  Lëvizja Vetëvendosje edhe dje u hodh në protesta duke synuar të bllokojë vendkalimet kufitare me Serbinë për të mos lejuar hyrjen e mallrave të saj në Kosovë. Me moton “Serbia nuk kalon”, protestuesit bënë thirrje për vendosjen e masave të ndërsjella politike, ekonomike e tregtare me Serbinë. Ndryshe nga 14 janari pjesëmarrja ishte më e madhe, mirëpo protesta kaluan pa ndonjë incident.

  Një javë më parë mbi 50 persona u lënduan, ndërsa 150 veta u arrestuan gjatë ndërhyrjes së policisë për të shpërndarë protestat e lëvizjes Vetëvendosje, e cila akuzoi qeverinë për moszbatim të vendimeve të Parlamentit dhe për dhunë ndaj protestuesve, shqetësime që ishin ngritur edhe nga organizatat humanitare.

  Autoritetet u zotuan se do të hetojnë çdo rast të mundshëm të përdorimit të forcës së tepruar.

  Kryetari i lëvizjes Vetëvendosje, Albin Kurti, tha se protestat janë në funksion të mbrojtjes së Republikës së Kosovës dhe prodhimit vendas dhe se ato duan të nxisin zbatimin e masave të ndërsjella me Serbinë.

  Protestat u cilësuan të panevojshme nga qeveria e Kosovës e cila bëri thirrej që çështjet e hapura të diskutohen në kuadër të institucioneve.

  Lëvizja Vetëvendosje nuk ndryshoi qëndrimin e saj pavarësisht se të premten Parlamenti i Kosovës miratoi një mocion me të cilin u shfuqizua mocioni i 7 dhjetorit që detyronte qeverinë të zbatojë reciprocitet të plotë me Serbinë.

  Drejtuesit e vetëvendosjes thanë pas përmbylljes së protestave se ato do të vazhdojnë edhe në forma të tjera, ndërsa kanë paralajmëruar mundësinë që çështjen e mocionit mbi reciprocitetin me Serbinë ta dërgojnë edhe në Gjykatën Kushtetuese të Kosovës.

• 21. 01. 2012
• 08:46

  Kosova: Lëvizja Vetëvendosje nuk heq dorë nga protestat, Presidentja Atifete Jahjaga takon udhëheqësit politikë

  [Lajmi i Plote] Zeri Amerikes

  Shenja:  Ballkani  

  

  Presidentja e Kosovës, Atifete Jahjaga, pritet të takojë sot kryetarin e lëvizjes Vetëvendosje, Albin Kurti, për të diskutuar mundësinë e shmangies së protestave të kësaj lëvizjeje të paralajmëruara për të dielën. Presidentja takoi mbrëmë edhe udhëheqësit tjerë politik, kryeministrin e Kosovës Hashim Thaçi, kryetarin e Lidhjes Demokratike të Kosovës Isa Mustafa dhe nënkryetarin e Aleancës për Ardhmërinë e Kosovës, Blerim Shala. Nuk janë bërë të ditura hollësi nga takimet e mbrëmshme, në të cilat është diskutuar rrugëdalja nga situata e krijuar pas protestave të 14 janarit të lëvizjes Vetëvendosje.

  Kjo lëvizje nuk ka hequr dorë nga planet e saj për të protestuar më 22 janar në përpjekje për të bllokuar vendkalimet kufitare me Serbinë në funksion të siç thuhet, nxitjes së zbatimit të masave të ndërsjella politike, ekonomike e tregtare. Vendimi i kësaj lëvizjeje për të vazhduar me planet e saj u publikua mbrëmë pak pas seancës së Parlamentit të Kosovës i cili miratoi një mocion me të cilin u shfuqizua mocioni i 7 dhjetorit i vitit të kaluar të këtij parlamenti për masat ë ndërsjella me Serbinë.

  Në tekstin e mocionit thuhet se Parlamenti mirëpret marrëveshjet e arritura në bisedimet Kosovë – Serbi dhe mbështet zbatimin e tyre. Qeveria e Kosovës duhet  të vendosë për masat përkatëse reciproke, për mbarëvajtjen e procesit të dialogut  dhe zbatimin e marrëveshjeve. Qeveria duhet t’i raportojë Parlamentit lidhur me mbarëvajtjen e procesit të dialogut dhe reciprocitetit. Ky vendim hyn në fuqi në ditën e miratimit të tij dhe shfuqizon të gjitha vendimet e Parlamentit në lidhje me këtë çështje, thuhet në tekstin e mocionit, i cili u miratua vetëm dy ditë para mbajtjes së protestës së re të lëvizjes Vetëvendosje, e cila kërkon masa të ndërsjella politike, ekonomike e tregtare me Serbinë, siç ishte parashikuar në mocionin e 7 dhjetorit të vitit të kaluar.

  Moszbatimi i atij mocioni kishte bërë që Vetëvendosje më 14 janar të organizojë protesta me të qëllim të bllokimit të vendkalimeve kufitare me Serbinë, të cilat përfunduan me përleshje të dhunshme me policinë. Dhjetëra protestues dhe pjesëtarë të policisë së Kosovës janë lënduar ndërsa afro 150 veta janë arrestuar të shtunën gjatë ndërhyrjes së policisë për të shpërndarë protestat e lëvizjes vetëvendosje e cila ka akuzuar qeverinë për moszbatim të vendimeve të Parlamentit dhe për dhunë ndaj protestuesve përfshirë edhe deputetët e kësaj lëvizjeje. Autoritetet thanë se policia veproi në bazë të ligjeve në fuqi dhe u zotuan për hetime të çdo rasti të mundshëm të përdorimit të forcës së tepruar, shqetësime të ngritura edhe nga organizata humanitare.

• 08:41

  Njëvjetori i 21 janarit; hetimi vazhdon, bashkë me akuzat qeveri-opozitë

  [Lajmi i Plote] Zeri Amerikes

  Shenja:  Ballkani  

  

  Një vit pas përleshjeve të dhunshme të 21 janarit, ku humbën jetën 4 protestues dhe u plagosën dhjetëra civilë dhe ushtarakë, qeveria dhe opozita ende vazhdojnë të shkëmbejnë akuza mbi përgjegjësitë, ndërsa prokuroria ende nuk i ka mbyllur hetimet. Kryeministri Sali Berisha akuzoi në mediat vendore Presidentin Bamir Topi dhe Prokuroren e Përgjithshme, Ina Rama, se “ata në bashkëpunim me kryetarin e Partisë Socialiste, Edi Rama, u përpoqën një vit më parë të rrëzonin me dhunë një qeveri të zgjedhur në rrugë demokratike”.

  Kryeministri Berisha deklaroi në televizionin Vizion Plus se ai kishte “informacion të besueshëm se këta tre zyrtarë dhe politikanë të lartë bashkëpunuan ngushtë për të përmbysur qeverinë e tij përmes dhunës së organizuar që rrethoi për disa orë selinë e qeverisë”.

  Zoti Berisha tha kish shprehur keqardhjen dhe ngushëllimet e tij për 4 personat që humbën jetën në këtë tubim të dhunshëm, dhe se mbetej i hapur për çdo hetim, edhe pse e dinte se drejtuesja e hetimeve ishte e njëanshme dhe e përfshirë në ato veprime kundër qeverisë. Ai tha se edhe pas një viti prokuroria ende nuk ka akuzuar asnjë organizator politikan të tubimit të dhunshëm, ndërkohë që synoi të arrestonte gjithë komandën e Gardës Kombëtare qysh mbrëmjen e 21 janarit. Zoti Berisha tha se forcat e rendit dhe gardistët kryen detyrën, por theksoi se “nuk ka patur asnjë urdhër nga asnjë zyrtar për të hapur zjarr ndaj protestuesve, që sulmuan me zjarr, gurë dhe armë policinë dhe ushtarakët”.

  Partia Socialiste e opozitës pritet të zhvillojë sot ceremoni përkujtimore në nderim të personave që humbën jetën në 21 janar. Organizatorët besojnë se prania e qytetarëve nga Tirana dhe qytete të tjera do të nxiti zbardhjen e kësaj ngjarjeje nga prokuroria, vendosjen e drejtësisë. Opozita ka kërkuar që drejtësia të thotë sa më parë fjalën e saj për këtë ngjarje, ndërkohë që hetuesve sapo u kanë ardhur të dhënat e fundit nga laboratorët e FBI në Uashington që lidhen me prova ligjore e balistike.

  Përfaqësues të diplomacisë amerikane konfirmuan se tashmë është plotësuar pjesa më e madhe e kërkesave të hetuesve shqiptarë për asistencë teknike nga ana e ekspertëve amerikanë. Ata pohuan se ky është një hetim shqiptar dhe se mbështetja amerikane ka të bëjë me aspekte shkencore dhe ndihmë teknike për një hetim të plotë, të pavarur dhe gjithpërfërshirës nga prokuroria shqiptare.

• 20. 01. 2012
• 08:20

  Ambasadori Arvizu thotë se mbërriti ekspertimi i provave të 21 janarit nga FBI

  [Lajmi i Plote] Zeri Amerikes

  Shenja:  Ballkani  

  

  Ambasadori i SHBA-ve në Tiranë, Aleksandër Arvizu konfirmoi dje njoftimet se Byroja Federale e Hetimeve ka sjellë në Shqipëri rezultatet laboratorike mbi materialet e 21 janarit, ku humbën jetën 4 qytetarë dhe u plagosën shumë të tjerë civilë dhe ushtarakë. Ambasadori Arvizu bëri të ditur se me studimin e objekteve të 21 janarit ka punuar laboratori i FBI-së në Uashington.

  “Edhe më parë prokurorët kanë marrë përgjigje për kërkesat e tyre, ndërsa aktualisht është sjellë në Tiranë pjesa më e madhe dhe më domethënëse e hetimeve të FBI-së, që kanë të bëjnë me fakte balistike dhe ligjore” – tha ai gjatë një bisede në televizionin Top Channel.

  Ambasadori Arvizu tha se ky është një bashkëpunim ndërshtetëror hetimi dhe besonte se provat do të pranoheshin nga palët. Ai tha se SHBA ka mbështetur prokoruroren e përgjithshme në hetimin e 21 janarit, me besimin se do të realizoheshin 3 elementë; një hetim i pavarur, i plotë dhe pa ndikime partiake.

  Ambasadori amerikan tha se njerëzit janë të zhgënjyer nga tejzgjatja e hetimit, ndonëse prokurorja e përgjithshme ka dhënë garanci se përfundimi hetimeve do të jetë gjithëpërfshirës sa u takon palëve pjesëmarrëse në ato ngjarje.

  “Qeveria është shprehur e zhgënjyer se hetimi mbi organizatorët nuk ka bërë përparim, megjithatë ka mbetur e gatshme që të bashkëpunojnë me hetimin” – tha ambasadori amerikan – i cili theksoi se “ky është një hetim shqiptar dhe SHBA po jep ndihmë teknike-ligjore. Prokurorët shqiptarë kanë zhvilluar dosjen dhe kanë mbledhur faktet, nuk ka asgjë të veçantë të prodhuar nga ana amerikane që shqiptarët nuk e kanë patur”.

  Ambasadori amerikan Arvizu tha se disa persona në Shqipëri janë përpjekur që të përfitojnë politikisht nga vdekjet e 21 janarit, por nga ana tjetër duhet hetuar edhe fakti që një ose disa persona urdhëruan Gardën për të qëlluar; të gjitha do të dalin në një hetim gjithpërfshirës. Ambasadori Arvizu shprehu besimin e tij se qysh nga marrëveshja PD-PS e muajit nëntor ka patur ndryshime politike, dialog të qytetëruar, hapa konkrete dhe bashkëpunim thelbësor dhe komisione për reforma. Ai tha se “demokracia shqiptare nuk ka bërë hapa prapa, por përparimi është ngadalësuar në mënyrë dramatike”.

• 18. 12. 2011
• 23:55

  Kancelarja gjermane Angela Merkel sot në Kosovë

  [Lajmi i Plote] Zeri Amerikes

  Shenja:  Ballkani  

  

  Kancelarja gjermane Angela Merkel, pritet të qëndrojë sot për një vizitë disa orëshe në Kosovë. Gjatë qëndrimit atje, ajo pritet të takohet me kryeministrin e Kosovës, Hashim Thaci, përfaqësuesit e mekanizmave ndërkombëtarë dhe do të takojë ushtarët gjerman që shërbejnë në kuadër të forcave paqeruajtëse të udhëhequra nga NATO-ja.

  Ushtarët gjerman, u sulmuan më 28 nëntor nga protestuesit serbë në veriun e Kosovës të cilët po mbajnë të bllokuara rrugët ne atë zonë në shenjë kundërshtimi ndaj shtrirjes së autoritetit të Prishtinës në atë pjesë.

  Incidentet e dhunshme ishin vendimtare për shtyrjen e vendimit të Bashkimit Evropian për t’i dhënë Serbisë statusin e vendit kandidat për anëtarësim në Bashkimin Evropian. Më e prera në qëndrimin e saj ishte kancelarja gjermane Angela Merkel e cila tha se Serbia nuk i ka përmbushur kushtet për afrimin e saj me strukturat e Bashkimit Evropian, ndërsa ka krijuar një mjedis për dhunë në veriun e Kosovës. Ajo në fillim të dhjetorit tërhoqi vërejtjen se rruga e Serbisë drejt Bashkimit Evropian mund të realizohet vetëm nëpërmjet normalizimit të marrëdhënieve me Kosovën.

  Kjo ka bërë që vizita e kancelares gjermane të vlerësohet shume rëndësishme nga autoritetet në Kosovë që këtë e shohin si një rikonfirmim të mbështetjes germane për pavarësinë e Kosovës, duke pasur parasysh edhe rolin e Gjermanisë në kuadër të Bashkimit Evropian.

  Vizita e kancelares Merkel, shihet me sy jo të mirë nga autoritetet serbe, pasi ata e fajësojnë atë si shkaktaren kryesore që Serbia nuk morri statusin e vendit kandidat për anëtarësim në Bashkimin Evropian.

• 17. 12. 2011
• 08:03

  Kosovë: Dialogu për liberalizimin e vizave me BE-në fillon më 9 janar

  [Lajmi i Plote] Zeri Amerikes

  Shenja:  Ballkani  

  

  Zyrtarë të Bashkimit Evropian dhe të qeverisë së Kosovës thanë se dialogu për liberalizimin e vizave me Kosovën, do të fillojë më 19 janar të vitit që po vjen.

  Sipas tyre, kjo datë i është propozuar Ministrit të Brendshëm të Kosovës, Bajram Rexhepi, nga ana e Komisionares për çështje të brendshme të Bashkimit Evropian, Cecilia Malmstrom.

  Në fillim të dhjetorit, udhëheqësit e Bashkimit Evropian vendosën të mos i japin Serbisë statusin e vendit kandidat për anëtarësim, ndërsa miratuan propozimin e Komisionit Evropian për të hapur dialogun për vizat me Kosovën dhe që asajt t’i ofrohen marrëdhëniet tregtare, si një shpërblim për qasjen në dialogun me Serbinë për zgjidhjen e cështjeve të interesit të përbashkët.

  Qeveria e Kosovës ka vlerësuar se këto zhvillime shënojnë një kapitull të ri historik në marrëdhëniet ndërmjet Kosovës dhe Bashkimit Evropian. Kryeministri i Kosovës, Hashim Thaçi tha se ka shume sfida në fushën e rendit e ligjit, luftës kundër korrupsionit dhe reformën e administratës publike, por shfaqi bindjen se këto kritere do të përmbushen sa më parë që është e mundur dhe Kosova do të trajtohet njëlloj me vendet tjera të rajonit.

  Kosova është vendi i vetëm në rajon që ka mbetur jashtë procesit të liberaliizmit të vizave me Bashkimin Evropian.

• 11. 12. 2011
• 07:50

  Rusët protestojnë kundër Putinit dhe pro demokracisë

  [Lajmi i Plote] Zeri Amerikes

  Enclosure: [download]

  Shenja:  Ballkani  

  Protestuesit dolën nëpër rrugët e Rusisë dje për të kërkuar zgjedhje të drejta dhe të ndershme, duke shprehur pikërisht atë që nuk mund të thuhej një javë më parë. “Rusia pa Putinin” ishte thirrja më e preferuar e mijëra demonstruesve që marshonin pranë Kremlinit në demonstratën më të madhe pro demokracisë që kur Vladimir Putini erdhi në pushtet në vitin 2000.

  Nga Vladivostoku në brigjet e Oqeanit Paqësor në Kaliningrad në brigjet e Detit Balltik, dhjetra mijëra rusë dolën nëpër rrugë për të protestuar kundër manipulimit të zgjedhjeve parlamentare të së djelës së kaluar.

  Në Sheshin e Revolucionit në Moskë, Evgenia Çirikova, udhëheqëse e opozitës, foli me Zërin e Amerikës para se të merrte pjesë në protestën që policia e llogariti të kishte 20 mijë pjesëmarrës, megjithëse organizuesit thanë se pjesëmarrja ishte shumë më e madhe.

  Ajo tha se lëvizja për demokraci kërkon mbajtjen e zgjedhjeve të reja dhe lirimin e të burgosurve politikë. Javën e kaluar, policia u përgjegj ashpër ndaj protestave nëpër rrugë, duke arrestuar rreth 1600 njerëz.

  Të shtunën, më pak se 100 vetë u arrestuan në gjithë vendin. Në fund të protestës në Moskë, demonstruesit u rreshuar përballë policëve, duke thirrur: “Policia është pjesë e popullit”. Televizioni shtetëror rus theu heshtjen një javore dhe i mbuloi protestat, duke treguar mijëra njerëz që kishin mbushur një park të  Moskës dhe ishin përhapur në një urë dhe brigjet e lumit.

  Aleksei Venediktov, drejtori flokëbardhë i Radios Ekho Moskow, luftoi kundër autoriteteve sovjetike në vitit 80-të. Ai tha se ky është një brez i ri, brezi i Putinit. Ata votuan, votat e tyre u vodhën dhe tani ata duan një sistem të drejtë. Autoritetet ruse u përpoqën ta mbanin larg protestave brezin e ri të Rusisë.

  Të premten, zyrtarët e shkollave të Moskës shpallën një provim të detyruar për të gjitha shkollat e mesem , duke e caktuar atë pikërisht në kohën kur do të mbaheshin dje demonstratat. Zyrtarët federalë të shëndetësisë paralajmëruan prindërit të mos i lejonin fëmijët të bashkoheshin me grupe të mëdha njerëzish për shkak të sëmundjeve ngjitëse të frymëmarrjes. Ushtria paralajmëroi se do të bënte kontrolle për ata që i janë shmangur shërbimit ushtarak, ndërkohë që protestuesit kalonin pikat e dedektorëve të metalit.

  Një gjykatës mbajti në burg udhëheqësin më karizmatik të protestave, Aleksei Navalni. Udhëhqësit e burgosur u përgjegjën duke u rënë me grushta dyerve të qelive dhe hidhin parrulla në kohën e protestët masive. Kur arriti ora e protestët, mijëra moskovitë dolën nëpër rrugë nga stacionet e metrosë në afërsi, megjithë borën e parë të lehtë të dimrit.

• 09. 12. 2011
• 08:14

  Kosovë: Xhavit Gashi, atashe ushtarak në SHBA

  [Lajmi i Plote] Zeri Amerikes

  Shenja:  Ballkani  

  

  Në Kosovë, autoritetet kanë emëruar atasheun e parë ushtarak në Shtetet e Bashkuara të Amerikës. Autoritetet në vend e kanë cilësuar si një datë historike për vendin, për faktin se siç thanë kjo po bëhet në një shtet mik siç janë Shtetet e Bashkuara. Kjo është hera e parë që shteti i Kosovës emëron një atashe ushtarak.

  <!--AV-->

• 05. 12. 2011
• 04:52

  Kroacia dhe Sllovenia pritet të ndryshojnë qeveritë

  [Lajmi i Plote] Zeri Amerikes

  Shenja:  Ballkani  

  

  Dy republika të ish Jugosllavisë votuan dje për zgjedhjet parlamentare të dominuara nga shqetësimet rreth gjendjes ekonomike dhe korrupsionit. Në Kroaci votuesit pritet të rëzojnë partinë konservatorore, ndërsa në Slloveninë fqinje konservatorët pritet të kthehen në pushtet.
  
  Nëse anketat e opinionit janë të besueshme, votuesit në Kroaci kanë ndëshkuar partinë konservatore në pushtet, Bashkimi Demokratik Kroat, ose HDZ, pjesërisht për shkak të ngritjes së nivelit të papunësisë. Votuesit janë gjithashtu të zëmëruar rreth një seri skandalesh korrupsioni brenda qeverisë.

  Gjatë fushatës elektorale, Kryeministrja Jadranka Kosor  pranoi nga fundi i muajit tetor se byroja e anti-korrupsionit kishte ndërmarrë hetime për financimin ilegal të partisë së saj HDZ.

  Kjo e dëmtoi HDZ-në, e cila kishte mbajtur pushtetin gjatë gjithë periudhës  që nga shpallja pavarësisë nga Jugosllavia në vitin 1991, përveç një mandati katër vjeçar.

  Votuesit pritet t’i japin bllokut opozitar të qendrës së majtë të ish diplomatit 45-vjeçar, Zoran Milanoviç, të social demokratëve një mandat për të udhëhequr Kroacinë për të hyrë në Bashkimin Evropian në vitin 2013. Presidenti Ivo Josipoviç pranoi se çdo qeveri e re do të ketë përballë një detyrë të vështirë.
  

  Ai tha se “naturisht që ka probleme”, por shtoi se “ne jetojmë në shekullin e 21-tç dhe qeveria e re do të bëjë ç’është e mundur që Kroacia të dalë nga kriza ekonomike.

  Kroacia do të jetë republika e dytë ish jugosllave që do të hyjë në Bashkimin Evropian, pas Sllovenisë fqinje, ku votuesit gjithashtu votuan dje në zgjedhjet e para të parakohëshme që nga shpallja e pavarësisë nga ish Jugosllavia dy dekada më parë.

  Zgjedhjet e Sllovenisë u shpallën në shtator, pasi qeveria e qendrës së majtë ra për shkak të pasigurisë ekonomike dhe akuzave për korrupsion.

  Ndryshe nga kroatët, votuesit sllovenë pritet të kthejnë në pushtet konservatorët përballë zgjidhjes së borxhit në rritje të vendit, papunësisë  dhe rrezikut të recesionit.

  Anketat e opinionit parashikojnë se Partia Demokratike e Sllovenisë e ish kryeministrit Janez Jansa do të fitojë një të tretën e botave të popullatës së vendit prej dy milionë banorësh. Por analistët thonë se atij mund t’i duhet të kërkojë mbështetjen e partive më të vogla për të siguruar shumicën në parlamentin prej 90 vendesh.

• 03. 12. 2011
• 02:14

  Kosova dhe Serbia arrijnë marrëveshje për vendkalimet kufitare

  [Lajmi i Plote] Zeri Amerikes

  Shenja:  Ballkani  

  

  Kosova dhe Serbia janë dakorduar për normalizimin e procedurave kufitare në kuadër të konceptit për menaxhimin e përbashkët të kufirit, një prej cështjeve më të mprehta në bisedimet e ndërmjetësuara nga Bashkimi Evropian.  

  Në një komunikatë për opinion të ndërmjetësit të Bashkimit Evropian, Robert Cooper, thuhet se “palët janë pajtuar që gradualisht të vendosin postat kufitare të përbashkëta, të integruara, të vetme dhe të sigurta në pikë-kalimet e tyre të përbashkëta. EULEX-i do të jetë i pranishëm në pajtim me mandatin e tij. Koncepti I menaxhimit të përbashkët të kufirit do të zbatohet gradualisht sa më parë që është e mundur në pikëpamje praktike”.  

  Në komunikatë thuhet se palët kanë zhvilluar diskutime thelbësore për bashkëpunimin e frytshëm dhe gjithëpërfshirës rajonal dhe janë arritur përparime të mira. Ato do t’i kthehen kësaj cështjeje në takimin e radhës. Po ashtu në takime është diskutuar për zbatimin e marrëveshjeve të arritura deri më tash, dhe pritet që marrëveshja për lëvizjen e lirë, të fillojë të zbatohet më 26 dhjetor 2011.

  Shefja e delegacionit të Kosovës Edita Tahiri, tha se marrëveshja për menaxhimin e përbashkët të kufirit përfshinë 6 vendkalime kufitare ndërmjet Kosovës e Serbisë. Me këtë marrëveshje, sipas saj, “janë mbrojtur interesat kombëtare të Kosovës dhe është respektuar Kushtetuta e saj”.

  Por, shefi i delegacionit serb, Borisllav Stefanovic, u tha mediave serbe është shënuar përparim i madh në bisedime, por ende nuk ka një marrëveshje të qartë dhe kjo cështje do të vazhdojë të diskutohet edhe sot.

  Përparimi në bisedimet e ndërmjetësuara nga Bashkimi Evropian është parë si kusht themelor për Serbinë që të fitojë statusin e vendit kandidat për anëtarësim në Bashkimin Evropian.  Por, vendet e Bashkimit Evropian janë të ndara rreth kësaj cështjeje, për shkak të dhunës në veriun e Kosovës ku gjatë javës që po lëmë pas, disa dhjetëar ushtarë të NATO-s u plagosën në përleshje me protestuesit serbë që kundërshtojnë shtrirjen e autoritetit të Prishtinës në atë zonë.  

  Serbët në veriun e Kosovës kanë vendosur barrikada që nga muaji korrik, kur qeveria e Kosovës u përpoq të merrte nën kontroll vendkalimet kufitare me Serbinë. Të martën presidenti i Serbisë Boris Tadiç bëri thirrje për largimin e barrikadave, por diplomatët thanë se thirrjet duhet të pasohen nga veprime konkrete.

  Më e prera në qëndrimin e saj ishte kancelarja gjermane Angela Merkel e cila tha se Serbia nuk i ka përmbushur kushtet për afrimin e saj me strukturat e Bashkimit Evropian, ndërsa ka krijuar një mjedis për dhunë në veriun e Kosovës. Ajo tërhoqi vërejtjen se rruga e Serbisë drejt Bashkimit Evropian mund të realizohet vetëm nëpërmjet normalizimit të marrëdhënieve me Kosovën.

  Zyrtarët evropianë kanë thënë se Serbia duhet të gjejë një zgjidhje nëse kërkon të avancojë me kandidaturën për në Bashkimin Evropian. Vendimi për këtë çështje pritet të merret javën që vjen. Njëkohësisht Prishtina pret që të marrë udhërrëfyesin për liberalizimin e vizave si shpërblim për qasjen ndaj procesit të bisedimeve.

• 01. 12. 2011
• 06:07

  Reagon ashpër edhe kongresisti Engel për prekjen e varrezës hebraike të Prishtinës

  [Lajmi i Plote] Zeri Amerikes

  Shenja:  Ballkani  

  

  Këtu në Uashington ka reaguar po ashtu me tone të ashpëra edhe anëtari i Dhomës së Përfaqësuesve, Eliot Engel, bashkë-kryetar i grupit të Kongresit për çështjet shqiptare. Në një deklaratë për shtyp, zoti Engel i bën thirrje qeverisë së Kosovës të ndëshkojë autorët e aktit në formën më të rëndë që parashikon ligji.

  “Jam i indinjuar nga ky akt i urryer i përdhosjes së varrezës së hebrejve në Prishtinë. Prekja e vendit të prehjes së anëtarëve të komunitetit të vogël hebraik në Kosovë është një akt urrejtjeje që nuk duhet të lejojet të hedhë rënjë. I bëj thirrje qeverisë së Kosovës të hetojë imtësisht vandalizmin dhe të ndëshkojë autorët siç parashikohet me ligj”, thotë kongresisti Engel në deklaratën e tij.

  “Unë e vizitova këtë varrezë me ish presidentin Ibrahim Rrugova në vitin 2005 dhe e para për nder që sëbashku me të të shprehja respektin për komunitetin hebraik të Kosovës, të cili ai e kishte përqafuar si pjesë të historisë dhe trashëgimisë së Kosovës”, vazhdon më tej zoti Engel.

  “Ky akt në varreza është edhe më tragjik pasi vetëm kohët e fundit ajo ishte vendi i një projekti pune vullnetare të kryer sëbashku nga studentët e Universitetit Amerikan të Kosovës dhe Kolegjit Dartmouth në Shtetet e Bashkuara. Shpresoj që puna e tyre e mirë të mos humbasë nga ky akt përdhosjeje dhe varreza të restaurohet dhe të mbrohet që të gjithë në Kosovë ta dinë se sa njerëz kanë banuar dhe vazhdojnë të jetojnë në këtë tokë”, përfundon deklarata e kongresistit Eliot Engel.

• 05:29

  Përfaqësues të Parlamentit Europian përshëndetën bashkëpunimin PD-PS

  [Lajmi i Plote] Zeri Amerikes

  Shenja:  Ballkani  

  

  Dy euro-parlamentarë të njohur u bënë thirrje përmes një letre të hapur drejtuesve të dy partive kryesore Sali Berisha dhe Edi Rama që të vazhdojnë bashkëpunimin e saponisur në komisionet parlamentare, duke e cilësuar atë “një hap të shumëpritur drejt normalizimit të klimës politike në Shqipëri”. Europarlamentarët Eduard Kukan dhe Hanes Suoboda publikuan një letër drejtuar dy politikanëve kryesorë në Tiranë ku theksojnë se rifillimi i punës së rregullt parlamentare është një zhvillim inkurajues për integrimin europian të vendit. Ata theksojnë se vecanërisht me rëndësi janë fillimi i punës së përbashkët për reformën zgjedhore, rishikimi i rregulloreve të parlamentit dhe votimi i ligjeve me shumicë të cilësuar.

  Kryetari i Delegacionit për Marrëdhëniet me Evropën Juglindore në Parlamentin Europian, Eduard Kukan, dhe eurodeputeti Hanes Svoboda, shprehën shpresën se kjo periudhë e re bashkëpunimi do të normalizojë jetën politike dhe partitë do të trajtojnë shqetësimet e qytetarëve shqiptarë. Në letrën e hapur drejtuar zotërinjve Berisha dhe Rama eurodeputetët theksojnë se vendi ka sfida të mëdha përpara dhe kjo marrëveshje ka ardhur në castin e duhur për vendin dhe rajonin, ndaj ky çast duhet shfrytëzuar për të ndërmarrë masa politike që të jenë largpamëse, vendimtare dhe konstruktive.

  Zotërinjtë Kukan dhe Suboda i nxitin kryetarët partiakë shqiptarë që të bashkojnë energjitë për reformat e BE-së, me frymë pajtimi dhe pragmatizmi. Ata shkruajnë se “përmes zbatimit të kësaj marrëveshje, të gjithë aktorët politikë do të fitojnë besueshmëri, ndërsa vendi do të përqëndrohet në 12 detyrat në marrëdhënie me BE-në, të cilat Tirana i ka shpallur si përparësi kombëtare”. Europarlamentarët Kukan dhe Suoboda mbajnë shpresa se marrëveshja PD - PS do të sjellë një funksionim më të mirë të Parlamentit.

  “Mirëkuptimi i gjerë për reformën zgjedhore do të sjellë funksionimin e duhur të procesit demokratik - shkruajnë ata. - Kjo marrëveshje krijon mundësi për reformat ligjore dhe të drejtave njerëzore, për reformën e sistemit gjyqësor, luftën kundër korrupsionit dhe krimit të organizuar”. Eurodeputetët theksuan se e ardhmja e Shqipërisë dhe Ballkanit Perëndimor është në Bashkimin Europian, dhe ata si anëtarë të Parlamentit Europian shprehën gadishmërinë që të ndihmojnë me këshilla në arritjen e këtij qëllimi. Ata thanë se “zhvillimet e reja në Shqipëri mund dhe shpresojmë të krijojnë një platformë parlamentare për Europën, e cila do të bashkojë forcat politike rreth qëllimit të përbashkët të integrimit në BE”.

  Komentet e europarlamentarëve erdhën menjëherë pasi nisi punën një komision parlamentar për reformën zgjedhore me 10 anëtarë nga dy partitë e mëdha dhe aleatët e tyre më të vegjël. Presidenti i Republikës, Bamir Topi, përshëndeti fillimin e këtij bashkëpunimi duke uruar që reforma të përfundojë në kohë dhe që forcat politike të mos udhëhiqen në këtë proces nga emocionet partiake.

• 05:19

  Kosovë: Ambasada amerikane dënon përdhosjen e varrezave hebraike në Prishtinë

  [Lajmi i Plote] Zeri Amerikes

  Shenja:  Ballkani  

  

  Ambasada amerikane në Prishtinë, u ka bërë thirrje autoriteteve të Kosovës që të kryejnë hetime të hollësishme dhe të vënë para drejtësisë përgjegjësit e një incidenti në varrezat hebraike në Prishtinë të cilët kishin vizatuar kryqin e thyer nazist mbi to.

  Në një komunikatë për opinion thuhet se “ambasada e Shteteve të Bashkuara dënon fuqimisht përdhosjen e varrezave hebraike në lagjen Velania të Prishtinës. Kjo vepër e urrejtjes përbën fyerje jo vetëm ndaj familjeve të të varrosurve aty dhe ndaj komunitetit hebraik në Kosovë dhe përtej, por po ashtu është fyerje ndaj shtetit dhe shoqërisë shumetnike kosovare. Kjo është një vepër e përbuzjes së normave më themelore të tolerancës, bashkëjetesës dhe respektit dhe nuk mund të tolerohet”, thuhet në komunikatë.

  Në qershor të këtij viti, studentët e Universitetit Amerikan në Kosovë ishin përfshirë në një projekt të restaurimit të varrezave hebraike. Ambasada në reagimin e saj e vlerëson inicidentin “si sulm ndaj veprës së tyre të miqësisë dhe vullnetarizmit”.

  Nuk është dhënë ende ndonjë hollësi nga organet e rendit lidhur me këtë incident.

• 05:08

  Vazhdojnë edhe sot bisedimet Kosovë - Serbi

  [Lajmi i Plote] Zeri Amerikes

  Shenja:  Ballkani  

  

  Bisedimet ndërmjet Kosovës dhe Serbisë do të vazhdojnë edhe sot, ndonëse ishte planifikuar që ato të përmbyllen mbrëmë. Të dy delegacionet kanë diskutuar për më shumë se 12 orë për cështjen e vendkalimeve kufitare ndërmjet Kosovës dhe Serbisë dhe pjesëmarrjen e Kosovës në nismat rajonale, por nuk kanë arritur ndonjë marrëveshje. Zyrtarë të Bashkimit Evropian dhe përfaqësuesit e delegacioneve thanë se ka pasur përparim në bisedimet rreth menxhimit të përbashkët të kufirit dhe për këtë arsye bisedimet do të vazhdojnë edhe sot.

  Shefi i delegeacionit serb, Borisllav Stefanovic tha se janë hedhur disa propozime nga ana e Beogradit për tejkalimin e dallimeve rreth kësaj cështjeje, por Prishtina ka ngulur këmbë që kufiri të jetë kufi shtetëror që është e papranueshme për Serbinë.

  Shefja e delegacionit të Prishtinës, Edita Tahiri, ka theksuar ndërkaq se Prishtina angazhohet për menaxhim të përbashkët të kufirit ndëmrjet dy vendeve si një model evropian që tashmë Kosova e zbaton me vendet tjera fqinje.

  Bisedimet po zhvillohen pak ditë para se të merret vendimi nëse Serbisë do t’i jepet apo jo statusi i vendit kandidat për anëtarësim në Bashkimin Evropian. Por, kusht është përparimi në përmirësimin e marrëdhënieve me Kosovën që nënkupton shtendosjen e situatës në veriun e Kosovës. Tensionet në zonë vazhdojnë të mbeten të larta, ndërsa serbët lokal po vazhdojnë të qëndrojnë në barrikadat e vendosura tash e katër muaj me radhë në kundërshtim të shtrirjes së autoritetit të Prishtinës në veriun e banuar me shumicë serbe.

  Bisedimet, që janë të fundit për këtë vit po ndodhin në një periudhë të zhvillimeve të dhunshme në veriun e Kosovës ku gjatë ditëve të fundit të paktën 30 pjesëtarë të KFOR-it u plagosën gjatë përleshjeve me protestuesit serbë. Dhuna është dënuar gjerësisht nga autoritetet ndërkombëtare dhe ato vendase, ndërsa forcat paqeruajtëse thanë se do të përdorin të gjithë mjetet e përshtatshme për të mbrojtur jetën e ushtarëve të KFOR-it.

  Në përpjekje për të hapur rrugën për të marë statusin e vendit kandidat për anëtarësim në Bashkimin Evropian, presidenti i Serbisë, Boris Tadiç, bëri thirrje për largimin e barrikadave në veriun e Kosovës duke nënvizuar se ato nuk sigurojnë mbrojtjen e asnjë interesi kombëtar të serbëve, përkundrazi, sipas tij, shkallëzimi I dhunës rrezikon atë interes. Ai tha se për shkak të zhvillimeve të fundit në veri të Kosovës, Serbia u ndodh më larg statusit të vendit kandidat sesa që ishte ditë më parë.

  Qëndrimet e presidentit serb janë parë me mosbesim në Prishtinë, ndërsa kanë nxitur reagime të ndryshme në Serbi. Derisa një pjesë e forcave politike atje e kanë mbështetur atë, opozita e ka kritikuar ashpër duke e cilësuar këtë si njohje të pavarësisë së Kosovës.

  Bisedimet e filluara në muaji mars më ndërmjetësimin e Bashkimit Evropian kanë prodhuar disa marrëveshje, përfshirë lëvizjen dhe tregtinë e lirë, por ka ngecur zbatimi i tyre.

  Prishtina që më parë ka kërkuar që marrëveshja e mundshme për vendkalimet kufitare të nënshkruhet nga të gjitha palët për dallim nga marrëveshjet e deritashme që janë paraqitur në formë përfundimesh por pa u nënshkruar pej tyre.

• 26. 11. 2011
• 03:52

  SHBA të vendosura përkrah popullit shqiptar për një të ardhme të begatë dhe të sigurt

  [Lajmi i Plote] Zeri Amerikes

  Shenja:  Ballkani  

  

  Shtetet e Bashkaura urojnë Shqipërinë me rastin e ditës së shpalljes së pavarësisë. “Në emër të Presidentit Obama dhe popullit të Shteteve të Bashkuara, është kënaqësi për mua të përshëndes popullin e Shqipërisë ndërkohë që ju festoni Ditën e Pavarësisë më 28 nëntor”, shkruan në mesazhin e saj të urimit sekretarja e Shtetit, Hillari Klinton.

  “Dy vendet tona kanë një histori të gjatë miqësie dhe bashkëpunimi. Sot ne po e forcojmë këtë partneritet, duke bashkëpunuar krah njeri tjetrit në NATO për të shtuar stabilitetin në rajon dhe nëpër botë”. Shtetet e Bashkuara, shkruan sekretarja Klinton, vazhdojnë të mbështesin integrimin e Shqipërisë në Bashkimin Evropian dhe e inkurajojnë udhëheqjen politike të Shqipërisë të bashkëpunojë  për të siguruar që vendi të ecë përpara.

  “Populli shqiptar do një qeveri transparente, një udhëheqje të përgjegjëshme dhe institucione të forta demokratike që do të ndihmojnë në ndërtimin e një të ardhmeje të begatë dhe të sigurtë. Shtetet e Bashkuara do të vazhdojnë të qendrojnë të vendosura përkrah popullit të Shqipërisë, duke punuar sëbashku për realizimin e këtyre qëllimeve”, thuhet në mesazhin e sekretares Klinton.

  “Ndërkohë që  ju festoni këtë ditë të veçantë, duhet ta dini se Shtetet e Bashkuara janë partneri dhe miku juaj. I dëshiroj gjithë popullit të Shqipërisë më të mirën dhe jam optimiste për thellimin e partneritet tonë në vitit që do të vinë”, përfundon mesazhi i urimit të Shteteve të Bashkuara drejtuar popullit shqiptar me rastin e Ditës së Pavarësisë së Shqipërisë.

• 25. 11. 2011
• 08:25

  Kosovë: Publicisti Veton Surroi merr çmimin fitues për të drejtat e njeriut

  [Lajmi i Plote] Zeri Amerikes

  Shenja:  Ballkani  

  

  Organizata për Media të Evropës Juglindore me seli në Vjenë, SEEMO i ka dhënë publicistit Veton Surroi, çmimin për të drejtat e njeriut për vitin 2011. Çmimi iu dorëzua zotit Surroi gjatë një konference ndërkombëtare që po mbahet në Prishtinë, për Agjencitë dhe Mediat e Reja në Evropën Juglindore.

  Kjo organizatë në motivacionin e saj thekson vlerësimin për metodat jo të dhunshme dhe “përkushtimin e vazhdueshëm për të drejta të njeriut” në të gjitha aktivitetet profesionale të zotit Surroi.

  I lindur në vitin 1961, Veton Surroi është një ndër personalitet e shquara publicistike e politike të Kosovës. Si themelues i partisë politike “Ora” ai ishte deputet në Parlamentin e Kosovës gjatë viteve 2004 – 2007 dhe një nga pjesëmarrësit e negociatave për statusin e Kosovës. Në vitin 1997, ai themeloi gazetën e përditshme Koha Ditore, të cilën e drejtoi deri në hyrjen e tij në politikë.

  Vitin e kaluar, këtë çmim e ka fituar karikaturisti nga Bullgaria, Kristo Komarnicki, ndërsa në vitin 2004, fitues ishte shkrimtari nga Shqipëria, Fatos Lubonja.

• 08:20

  Shqipëri: Banka Qendrore për situatën ekonomike të vendit dhe të ardhmen

  [Lajmi i Plote] Zeri Amerikes

  Shenja:  Ballkani  

  

  Në Shqipëri Banka qëndrore vlerëson se rritja e mirë ekonomike në pjesën e parë të vitit mund të mos konfirmohet e tillë në gjysmën e dytë për shkak të ndikimeve të ekonomisë botërore dhe mungesës së një politike stimuluese fiskale në vend dhe uljes së konsumit e investimeve. Banka në raportin e saj të stabilitetit financiar parlajmëron edhe rreziqe të shtuara për sistemin bankar i cili megjithatë vlerësohet i qëndrueshëm. Në sfondin e debateve gjithnjë e më të ndezura për pasojat e krizës europian në ekonominë shqiptare parlamenti do të votojë sot në parim buxhetin për vitin e ardhshëm i cili parashikon një reduktim të zërit të shpenzimeve e të investimeve ndërkohë që përkundër parashikimeve të institucioneve ndërkombëtare por edhe vetë Bankës qëndrore flet për një rritje edhe më të madhe ekonomike.

  Zhvillimet në ekonominë shqiptare duket se gjithnjë e më shumë po zbehin notat e optimizmit. Rritja vazhdon të jetë pozitive, por ritmi i saj ka ardhur në rënie, e duket se kjo tendencë do të jetë edhe për këtë vit, vecanërisht nën dritën e zhvillimeve të fundit mbi ekonominë europiane. Raporti i stabilitetit financiar për gjashtëmujorin e parë të këtij viti i Bankës qëndrore vlerëson se “megjithë rritjen e mirë ekonomike në pjesën e parë të vitit, pritshmëritë për pjesën e mbetur të vitit janë më të pasigurta, në kushtet e ngadalësimit të pritshëm të rritjes së ekonomisë botërore, mungesës së hapësirës për një politikë fiskale stimuluese dhe presionit mbi kontributin e konsumit dhe të investimeve në rritjen ekonomike, për shkak të rritjes së prirjes për kursim nga ana e familjeve”. Autoritetet shqiptare parashikon një rritje ekonomike te 3.9 përqind të fund të këtij viti, shumë më optimiste se parashikimi i fondit monetar Ndërkombëtar, i cili e uli së fundmi në më pak se 2 përqind parashikimin e tij. Në tendencë ulje duket edhe vlerësimi i Bankës, e cila vetëm pak muaj më parë mendonte se do të ruhej niveli i 3.4 përqind i rritje në tremujorin  të parë. Banka në raportin e saj nuk përmend parashikime në shifra edhe sepse Instituti i Statistikave ka tejkaluar të gjitha afatet për publikimin e rritjes ekonomike të tremujorit të dytë. Justifikimi zyrtar është se zyra e tatimeve nuk ka dërguar të dhënat.

  Sipas raportit të Bankës qëndrore “nëse ekonomia ngadalësohet, kjo mund të ndikojë negativisht në vëllimin e aktivitetit dhe në vendimet për zgjerimin e investimeve nga bizneset, duke frenuar rigjallërimin e kërkesës për kredi bankare”. Sistemi bankar paraqitet i qëndrueshëm por paralajmërimet për rreziqet e shtuara nuk mungojnë në raportin e Bankës Qëndrore. Nëse rrisqet nga luhatjet e kursit të këmbimit apo normës së interesit vlerësohen të ulta, rreziku që lidhet me kreditë e këqija është një kërcënim në rritje. Shqetësues mbetet ritmi i zgjerimit të këtij rreziku. Nga 12.2 përqind e totalit të portofolit të kredive, ato në fund të qershorit u ngjitën në 17 përqind, ndërsa në fund të muajit tetor u përkeqësuan edhe me 1.4 pikë përqindje. Sektorët më problematik në kreditë e këqija janë ai i Ndërtimit, që përfaqësion 28 përqind të vëllimit, Tregtia me 20 përqind, dhe Industria përpunuese me 18 përqind. Efekti i kësaj situata është një reaksion zinxhir. Bankat janë të detyruara të shtojnë fondet rezervë për përballimin e humbjeve të mundshme. Në fund të qershorit të këtij viti këto fonde u rritën me 27.3 përqind krahasuar me dhjetorin 2010, duke arritur në 460 milion dollarë.

  Rënia e cilësisë së kredisë dhe nevoja për të rritur fondet rezervë dëmtojnë sipas Bankës së Shqipërisë “aftësinë e sistemit për të gjeneruar një rezultat financiar pozitiv në nivele të mjaftueshme për të mbështetur rritjen e kapitalit. Nëse rreziqet në aktivitetin kreditues mbeten të qëndrueshëm, aftësia e sektorit bankar për të ruajtur një nivel të mjaftueshëm të rezultatit operativ bruto mund të rrezikohet”, thuhet në raportin e Bankës Qëndrore. Për këtë çështje, nëpërmjet funksionit të saj mbikëqyrës “Banka e Shqipërisë ka kërkuar nga bankat tregtare që ato të sigurojnë paralelisht identifikimin e saktë dhe në kohën e duhur të kredive me probleme dhe krijimin e fondeve përkatëse rezervë, si edhe të realizojnë veprime të vendosura për rikuperimin e vlerave të kredive të humbura nëpërmjet ekzekutimit të kolateraleve”.

  Tremujori I dytë I këtij viti nuk ka qenë shumë shpresëdhënës edhe për parametra të tjerë të ekonomisë. Sipas raportit të Bankës Qëndrore “vlerat negative të deficitit të bilancit tregtar janë rritur dhe kontributi i tij në rritjen ekonomike është përkeqësuar. Konsumi privat vijon të zhvillohet me ritme të ngadalta, për shkak se niveli i punësimit dhe të ardhurat nga paga kanë shënuar një rritje të moderuar dhe prirja për kursim shfaqet e qëndrueshme. Dërgesat e emigrantëve vazhdojnë të shënojnë rënie duke ndikuar negativisht në nivelin e konsumit në vend. Ritmi i rritjes së investimeve në vend ka rënë, duke reflektuar ngadalësimin e kreditimit nga sektori bankar dhe të shpenzimeve kapitale të politikës fiskale. Po ashtu edhe investimet e huaja direkte janë tkurrur me 15 përqind”.

  Situata ekonomike pritet të jetë sot në qendër të debateve të gjata në parlament ku do të duhet të votohet në parim buxheti për vitin e ardhshëm. Një buxhet që sipas qeverisë ruan stabilitetin makroekonomik të vendit dhe garanton rritje të ekonomisë, e parashikuar për 4.3 përqind për 2012-ën. Opozita i konsideron utopike parashikimet e qeverisë të cilat sipas saj bëhen vetëm për të mbajtur nivelin prej 60 përqind të borxhit publik. Edhe Fondi monetar ndërkombëtar ka vlerësuar se parashikimet janë tepër optimiste. Në të vërtetë Fondi monetar mendon se vitin e ardhshëm rritja ekonomike e Shqipërisë mund të jetë 1 deri 1.5 përqind, pra 3 deri katër herë më e vogël se parashikimi i autoriteteve.

• 21. 11. 2011
• 08:36

  Ashpersohet perplasja e policive me trafikante e narkotikeve ne kufirin greko shqiptar

  [Lajmi i Plote] Zeri Amerikes

  Shenja:  Ballkani  

  

  Policia greke dhe ajo shqiptare po shohin me shqetësim rritjen e trafikut të lëndëve narkotike në brezin kufitar të të dy vendeve. Raste e fundit të bllokimit  të hasahsit nga policia greke kanë folur për incidente të armatosura mes policisë dhe trafikantëve. Ndërkaq, drjetuesit e njësive vendore në të dy anët e kufirit  po kërkojnë një bashkëpunim më të madh në programet ndërkufitare dhe një luftë pa kompromis ndaj trafikut të narkotikëve. i.

  Policia  shqiptare bllokoi një ditë më parë në pikën kufitare të Kakavijës rreth 10 kilogramë hashash me destinacion Athinën  në një autobus udhëtarësh. Rastet e bllokimit të sasive të ndryshme të lëndëve narkotike janë shtuar ndjeshëm si në anën shqiptare edhe  atë greke. Vetëm policia greke e Gumenicës thotë se ka bllokuar muajve të këtij viti mbi 4,5 tonë lëndë narkotike hashashi.

  Kontrollet e policisë kanë arritur të zbulojnë lëndën narkotike, jo vetëm në mjetet që udhëtojnë në kufi ,por sidomos në brendësi të territorit grek. Rastet e ditëve të fundit kanë folur për një ashpërsim të ballafaqimit si të policisë shqiptare dhe asaj greke me trafikantët. Në zonë e Gumenicës, pak ditë më parë ,u shënuan shkëmbime me armë zjarri mes policisë greke dhe trafikantëve shqiptarë. Burimet zyrtare të policisë greke njoftuan për mbi 300 kilogramë hashash të bllokuar.

  Pak kohë më parë edhe në zonë afër Konicës po në  brezin kufitar të Greqisë me Shqipërinë ishte shënuar një incident i armatosur mes policisë greke dhe trafikantëve shqiptarë. Edhe për policinë shqiptare ballafaqimet në aksionet policore me trafikantët kanë mbartuar mjaft sfida. Në disa raste  personat  që kanë transportuar  lëndën narkotike nuk i janë bindur pikave policore të bllokimit duke rrezikuar jetën e punonjësve të policisë.

  Përmasat e trafikut të lëndëve narkotike në brezin kufitar mes të dy vendeve kanë shkaktuar shqetësim edhe tek drejtuesit e njësive vendore të rajoneve ndërkufitare. Një përhapje më e madhe  e këtij trafiku dhe incidentet e rënda mund të cënonin perspektivën e bashkëpunimit sidomos në sektorin turistik. Kryetari i Qarkut të Vlorës, i sapozgjedhur në këtë post, Anesti Dhimojani, në takimin me prefektin e Janinës Kahrimanis ka diskutuar diët e fundit gjatë një vizite në Janinë  bashkëpunimin jo vetëm për programet e e zhvillimit  të zonave fqinje. Sipas mjeteve greke të informimit  dy drejtuesit kanë  nxitur  bashkëpunimin e ndërsjelltë në nivele rajonesh ëshë për të luftuar  kultivimin dhe transportimin e hashashit.

• 19. 11. 2011
• 08:14

  Kosovë: Qindra zyrtarë janë nën hetime për korrupsion

  [Lajmi i Plote] Zeri Amerikes

  Shenja:  Ballkani  

  

  Në Kosovë, zyrtarë të Prokurorisë kanë bërë të ditur se qindra zyrtarë janë nën hetime nën dyshimet për përfshirje në korrupsion. Këto komente u bënë  gjatë  prezantimit të punës së prokurorisë së Kosovës gjatë nëntë muajve të këtij viti, ku u tha se ndër synimet kryesore  është lufta kundër krimit të organizuar dhe korrupsionit. Autoritetet në Kosovë thonë se janë të përkushtuara në luftën kundër korrupsionit, të cilat janë pjesë e kritereve të përcaktuara për përfshirjen e Kosovës në proceset integruese evropiane.

  <!--AV-->

• 18. 11. 2011
• 08:26

  Rritje të reja çmimesh në tregun shqiptar

  [Lajmi i Plote] Zeri Amerikes

  Shenja:  Ballkani  

  

  Ne Tirane Instituti i Statistikave njoftoi kete muaj rritje cmimesh te ushqimeve ne tregje dhe tek mallrat e konsumit te perditshem. INSTAT deklaroi se rritjet e cmimeve jane kryesisht ne grupin e ushqimeve, veshjeve dhe shkollimit. Vezhguesit e pavarur te ekonomise kane shprehur shqetesim per mungesen e nje studimi per minimumin jetik ne Shqiperi,  qe do te orientonte me mire edhe perpjekjet kunder varferise. Rritjet e pagave dhe pensioneve jane te pafuqishme perballe tregjeve jashte kontrollit.

  Instituti i Statistikave raportoi se çmimet në tregje po rriten më tej në prag të dimrit, duke e vështirësuar përballimin e jetesës nga buxhetet familjare. Nga matja e fundit deri në fillim të muajit, doli se indeksi i çmimeve të konsumit u rrit me 0,4 për qind më shumë se një muaj më parë. Indeksi mujor për çmimet e ushqimeve u rrit 1 për qind. Brenda këtij grupi, rritja më e madhe e çmimeve, gati 7 për qind, ndodhi pikërisht me frutat e stinës, përfshi edhe pataten; çmimi i specit dhe patëllxhanit u rrit 30 për qind, çmimi i domates dhe sallatës u rrit rreth 20 për qind, ndërsa çmimi i kastravecave u rrit rreth 8 për qind. Po ashtu çmimi i portokallit u rrit 8 për qind krahasuar me një muaj më parë, ndërsa ulje ka vetëm në çmimin i kivit, limonit dhe mollës.

  Sipas Institutit të Statistikave, muajin e fundit u rritën 1 për qind edhe çmimet e qumështit, bulmetit dhe vezëve, sheqeri u rrit 2,2 për qind, uji mineral 0,3 për qind, kafja 0,4 për qind. Për veshmbathjet po ashtu çmimet u rritën 0,3 për qind, veshjet e fëmijëve janë rritur 0,4 për qind. Indeksi mujor i çmimeve për ujë, qera e drita u rrit me 0,1 për qind, ku peshën kryesore e zënë drutë e zjarrit, çmimi i të cilave u rrit mbi 2 për qind. Çmimet e ilaçeve u rritën 0,3 për qind po ashtu. INSTAT thotë se këtë muaj u rrit 1,4 për qind edhe çmimi i shkollimit, dhe pagesat për nevojat e studentëve u rritën 3,4 për qind.

  Raportimi më i fundit i INSTAT vërteton shqetësimet e qytetarëve se jetesa e përditëshme po vështirësohet nga çmimet e tregut, jashtë çdo kontrolli të inspektorëve, për të shmangur së paku abuzimet e spekullantëve. Ekspertë të pavarur të ekonomisë kanë ngritur shpesh shqetësimin se Shqipëria ende nuk ka publikuar ndonjë studim mbi nivelin e jetesës, dhe të vendosë një kufi zyrtar të minimumit jetik, i cili do të nxirrte shkallën e varfërisë së banorëve. Analistët besojnë se varfëria në Shqipëri është 3 herë më e lartë se në Europë, ndonëse autoritetet ende nuk deklaruar se sa është minimumi jetik.

  Nga matje të pavarura vlerësohet jozyrtarisht se minimumi jetik në Shqipëri është rreth 100 euro, ose 150 dollarë amerikanë. Studiuesit e ekonomisë pohojnë se rritjet e pagave dhe pensioneve që bën qeveria janë të pandjeshme përballë çmimeve të tregut. Pagat dhe pensionet rriten periodikisht, por varfëria nuk ulet, dhe shumë familje jetojnë me 35-40 dollarë në muaj. Papunësia, nga të njëjtat burime të besueshme, vlerësohet se është 2-3 herë më e lartë se shifrat zyrtare dhe varfëria është shtrirë gjerësisht në familjet fshatare, që janë gjysma e popullsisë. Qeveria ka deklaruar se regjistrimi i popullsisë dhe banesave, që sapo u krye, do të jetë një studim i mirë për të parë hartën e varfërisë në Shqipëri dhe për të shëruar plagët e saj.

• 17. 11. 2011
• 08:35

  Leka Zogu I në gjendje të rëndë në spital

  [Lajmi i Plote] Zeri Amerikes

  Shenja:  Ballkani  

  Në Shqipëri mjekët thanë sot se gjendja shëndetësore e pretendentit të fronit Leka Zogu I, është përmirësuar.

  Mjekët shpjeguan se ai vazhdon të mbahet në reanimacion për shkak se situata shëndetësore vazhdon të mbetet e rënduar. Në moshën 72 vjecare Leka Zogu I, vuan nga sëmundje sistemike, pra që kanë prekur funksionet e disa organeve. Ai u shtrua dy ditë më parë në spital dhe po mbahet nën vëzhgimin e rrepte te mjekëve.

  Sot ai u vizitua edhe nga kryeministri Sali Berisha si dhe presidenti Bamir Topi, të cilët shpjeguan se kishin komunikuar me të e shprehën shpresën se do të rimarrë veten.

  Njoftimi u bë publik mbrëmë, ndonëse ai ndodhet në reanimacionin e spitalit neurokirurgjik që prej pasdites të së martës.

  I tërhequr prej kohësh nga jeta publike për shkak të gjendjes jo të mirë shëndetësore, Leka Zogu I, u dërgua të martën pasdite me urgjencë në një nga spitalet shtetërore të kryeqytetit, pasi kaloi një gjendje të fibrilacionit atrial, një crregullim i funksionimit të  zemrës. Njoftimi për rëndimin e gjendjes së tij shëndetësore u dha vetëm mbrëmë, kur u bë publik nga mediat.

  Përhapja e lajmit detyroi familjen mbretërore të nxirrte një shpjegim zyrtar e të saktësonte, duke ju referuar doktorit të njohur Mentor Petrela, shefit të neurokirugjisë ku ai gjendet i shtruar në reanimacion, se pretendenti i fronit “vuan nga sëmundje multisistematike, pra sëmundje të zemrës dhe të mushkërive”.

  Leka Zogu I nuk është tërhequr vetëm nga jeta publike por prej vitesh edhe nga ajo politike aktive. Po ashtu edhe i biri i tij, Princi Leka i cili ka zëvendësuar të atin në aktivitet të ndryshme publike, nuk është dalluar për një angazhim të dukshëm politik, ndonëse forca politike, Partia e Legalitetit e cila synon rikthimin e monarkisë, është përfaqësuar edhe në koalicionin qeveritar, me postin e zëvendësministrit të Mbrojtjes.

  Pretendenti i Fronit bëri një përpjekje të parë për të ringjallur dhe ushqyer idenë e monarkisë në fillim të viteve ’90. Pas një jete të gjatë në mërgim, i larguar nga vendi që kur kishte vetëm dy ditë jetë, në prill të 1939, ai shkeli për herë të parë në Tiranë në nëntor të 1993, me një vizitë të papritur kur u ul në aeroportin e Rinasit me një avion privat.

  Ai u rikthye përfundimisht, së bashku me familjen për të jetuar në Shqipëri pas 5 vjetësh në qershor të vitit 2002.

• 11. 11. 2011
• 07:53

  Gjykata Evropiane për të Drejtat e Njeriut ndëshkon Greqinë për shkelje në trajtimin e të burgosurve

  [Lajmi i Plote] Zeri Amerikes

  Shenja:  Ballkani  

  

  Gjykata Europiane për të Drejtat e Njeriut e ka ndëshkuar Greqinë për shkelje  në trajtimin e të burgosurve. Vendimi i referohet trajtimit jo njerëzor në burgjet e Janinës  për vitet 2008-2009 ku vujnë dënimin edhe mjaft të burgosur shqiptarë. Gjendja e burgjeve greke është e mbi populluar dhe herë pas here ka ngjallur kritikat e organizatave ndërkombëtare.

  Burimet mediatike greke kanë pohuar se Gjykata Evropiane e të Drejtave të Njeriut ka gjetur shkelje në trajtimin e të burgosurve në institucionet greke të paraburgimit. Sipas mjeteve kryesore greke të informimit vendimi i gjykatës trajton rastet e 47 të burgosurve mes të cilëve edhe 8 të huaj në burgun e Janinës në Greqinë e Veriut për periudhën 2008-2009. Në këtë burg vuajnë dënimin edhe disa dhjetëra emigrantë nga Shqipëria, të dënuar për vepra të ndryshme penale nga drejtësia greke.

  Vendimi i Gjykatës Europiane, sipas medjave greke, nxjerr në pah problemet kronike që karakterizojnë burgjet  greke. Vendimi referohet kushteve jashte standarteve ndërkombëtare duke pohuar se në një burg të projektuar për 80 persona vuanin dënimin 220 të burgosur pa kushtet minimale dhe me mungesa të theksuara të trajtimit.

  Ky vendim i Gjykatës Europiane që e ndëshkon Greqinë për këtë trajtim , sipas komenteve të shtypit grek,  mund të luajnë një rol të rëndësishëm në përmirësimin e situatës që mbizotëron në burgjet greke. Kjo situatë është  përkeqësuar sidomos viteve të fundit  me thellimin e krizës ekonomike dhe financiare që ka mbërthyer Greqinë.

  Në fillim të këtij viti  Komisioni Europian i Këshillit të Europës për Parandalimin e Torturave kishte lëshuar  kritika të ashpra ndaj  Greqisë, në lidhje me kushtet e mbajtjes së emigrantëve të paligjshëm dhe të të burgosurve. Ministria greke e Mbrojtjes së Qytetarit  ishte përgjigjur se po ndërmerrte disa masa pavarësisht situatës së vështirë financiare.

  Ministria greke kishte pohuar gjithashtu presionin e lartë të emigracionit sidomos nga disa vende të Afrikës së Veriut që e përdorin Greqinë si vend tranzit drejt vendeve të tjera perëndimore.

• 10. 11. 2011
• 03:57

  Ndërron jetë një nga tre serbët e plagosur në veriun e Mitrovicës

  [Lajmi i Plote] Zeri Amerikes

  Shenja:  Ballkani  

  

  Policia në Kosovë bëri të ditur se një person ka humbur jetën nga pasojat e plagëve që pësoi bashkë me dy të tjerë në një incident me armë zjarri në një lagje me popullsi etnikisht të përzier në veriun e Mitrovicës. Të tre ata janë të përkatësisë kombëtare serbe, ndërsa njëri prej tyre është pjesëtar i Policisë së Kosovës.

  Policia, e cila ka bllokuar vendin e ngjarjes dhe është duke kryer hetimet, nuk ishte në gjendje të jepte më shumë hollësi rreth incidentit i cili kishte pasuar një përplasje ndërmjet grupesh të serbëve dhe shqiptarëve.

  Policia tha se të shtënat nuk ishin pjesë e përplasjes, por kishin ndodhur nga një drejtim i panjohur. Të plagosurit ju nënshtruan trajtimit në spitalin në veriun e Mitrovicës, ku njëri prej tyre, Savo Mojsic, ndërroi jetë.

  Incidenti është dënuar nga autoritetet e Kosovës, që u kanë bërë thirrje organeve të rendit “të ndërmarrin të gjitha masat që kryesit e këtij akti të rëndë të nxirren para drejtësisë dhe të marrin dënimin e merituar”.

  Presidentja e Kosovës, Atifete Jahjaga, nëpërmjet një komunikate për opinion ka theksuar se “aktet e dhunës janë të patolerueshme dhe të papranueshme që nuk i kontribuojnë paqes dhe stabilitetit në vend”. Ajo u ka bërë thirrje “të gjithë qytetarëve që të tregojnë maturi dhe qetësi dhe që zgjidhjen e të gjitha çështjeve ta bëjnë përmes rrugëve institucionale duke respektuar ligjin.

  Ndërkaq, edhe qeveria e Kosovës u ka bërë thirrje të gjithë qytetarëve të Kosovës “për qetësi dhe maturi, duke u përmbajtur nga çdo akt i dhunës, ngase përdorimi i dhunës është i papranueshëm në shtetin demokratik të Kosovës”, thuhet në një komunikatë për opinion.

  Incidenti ka nxitur reagime edhe të zyrtarëve të Beogradit të cilët kanë kërkuar që hetimet të bëhen nga Misioni i Bashkimit Evropian për policinë dhe drejtësinë, ndërsa u kanë bërë thirrje qytetarëve serbë në veri që të shmangin cdo incident të dhunshëm.

  Incidenti ndodhë në një periudhë tensionesh të larta në veriun e Kosovës, ku serbët lokal po mbajnë të bllokuara të gjitha rrugët që cojnë në vendkalimet kufitare me Serbinë, në shenjë kundërshtimi ndaj shtrirjes së autoritetit të Prishtinës në atë zonë.

  Forca paqeruajtëse të NATO-s thanë dje se kanë përdorur gazin lotsjellës gjatë një operacioni për të mbyllur një vendkalim të paligjshëm kufitar ndërmjet Kosovës dhe Serbisë në veri. Zyrtarët e KFOR-it thanë se kanë vendosur një pikë të re kontrolli të automjeteve në afërsi të vendkalimit kufitar në Jarinë, njëri nga dy vendkalimet e diskutueshme kufitare në atë zonë. Gjatë operacionit janë larguar barrikadat në rrugë të vendosura nga serbët lokal që kundërshtojnë shtrirjen e autoritetit të Prishtinës në veri.

  Pak pas operacionit të forcave paqeruajtëse serbët kanë ngritur një barrikadë tjetër në afërsi, një situatë e përsëritur shpesh muajve të fundit.

  Serbët kanë shprehur gatishmërinë që të lejojnë lëvizjen e forcave paqeruajtëse, por jo edhe të EULEX-it, përderisa nuk marrin garanci se ata nuk do të transportojnë policinë kufitare dhe doganierët e Kosovës për në vendkalimet kufitare.

  Veriu i Kosovës i banuar me shumicë serbe është skenë e kundërshtimeve më të ashpra ndaj pavarësisë së Kosovës, e cila kundërshtohet nga Beogradi, ndërsa është njohur nga mbi 80 vende të botës.

• 06. 11. 2011
• 07:37

  Kongresi i Partisë Socialiste diskuton programin e ri politik

  [Lajmi i Plote] Zeri Amerikes

  Shenja:  Ballkani  

  

  Partia Socialiste e opozitës po shqyrton një program të ri politik në kongresin që po zhvillon në Tiranë. Kryetari i saj, Edi Rama, tha se fushat kryesore të angazhimeve socialiste janë ekonomia, politikat sociale, demokracia dhe integrimi evropian. Kongresi i opozitës po ndiqet me vëmendje edhe nga kritikët brenda radhëve të të majtës, të cilët po kërkojnë më shumë liri debati në PS. Korrespondenti i Zërit të Amerikës Ilirian Agolli, njofton nga Tirana.

  Partia Socialiste zhvilloi dje kongresin e radhës mes thirrjeve të kryetarit të saj Edi Rama për bashkim të socialistëve rreth një programi opozitar që synon të përmirësojë ekonominë, demokracinë, integrimin dhe politikat sociale. Kongresi voton për të zgjedhur asamblenë e re dhe programin e ri të partisë kryesore të opozitës. Zoti Rama tha se disa politikanë socialistë nuk duhet të bashkëpunojnë me kundërshtarin politik për qëllime personale, ndonëse shtoi që për hir të interesave të vendit opozita do të bashkëpunojë dhe me qeverinë për të përshpejtuar integrimin europian.

  “Ky është fillimi i një rruge të re, për ta kthyer programin e ri në një frymë të re besimi tek njerëzit e raskapitur nga ekonomia në krizë, nga drejtësia në krizë, nga demokracia në krizë. Ky është fillimi i një rruge të re, për ta futur politikën në çdo shtëpi, jo me erën e dasive të së shkuarës, po me fuqinë e propozimeve për të ardhmen” - tha ai.

  Partia Socialiste po e mban këtë kongres 6 muaj pasi humbi bashkinë e kryeqytetit në zgjedhjet vendore dhe 26 muaj pasi zgjedhjet parlamentare te 2009. Megjithatë drejtuesit e partisë opozitare dhe një mijë e 500 delegatët e majtë janë të vendosur të shohin përpara drejt zgjedhjeve të ardhshme që janë pas një viti e gjysmë. Ata po hartojnë programin e ri, po zgjedhin asamblenë dhe kryesinë e re, me shpresën se do të përtërijnë shpresat e qytetarëve për një jetë më të mirë.

  Kongresi i sotëm ka ngjallur së pari shpresat e disa socialistëve kritikë. Anëtari i kryesisë, Ben Blushi, thotë se PS tregoi sot se ka aftësi vetkorigjuese, duke u kthyer në qëndrimet e majta, duke u larguar nga bojkoti parlamentar, grevat e urisë dhe politika e rrugës. Sipas tij, sfida e vërtetë e Shqipërisë është varfëria dhe ajo parti që e trajton më mirë atë, ajo do të marrë edhe më shumë vota nga qytetarët.

  “Unë mendoj se problemi më i madh që kanë shqiptarët sot është varfëria. Duhet të konkurrohet me ide, platforma, instrumenta administrativë për të mundur varfërinë. Cila nga dy partitë e mëdha apo koalicionet e mëdha adreson më mirë çështjet e varfërisë sigurisht ka arësye që të votohet më tepër. Pas 6 vitesh qeverisjeje, qeveria e Sali Berishës e ka të pamundur të vazhdojë, sepse nuk ka patur sukses në luftën kundër varfërisë, nuk ka patur sukses në luftën kundër korrupsionit. Besoj që garën e ardhshme elektorale këto dy përqasje do të konkurrojnë. Jam i bindur që kjo gjuhë që u përdor sot këtu në këtë kongres mund të gjenerojë më shumë vota për të majtën” - tha ai.

  Por Kastriot Islami, një tjetër politikan i njohur socialist thotë se sfida e vërtetë e socialistëve është nevoja për bashkimin e forcave të majta.

  “Sfida e PS dhe opozitës në tërësi do të mbetet e vështirë, po të kemi parasysh edhe tre betejat e fundit elektorale. Në radhë të parë, siç është vërtetuar në 2005, 2007 dhe në 2009, për të fituar zgjedhjet PS duhet të bashkojë të majtën, e cila ende vazhdon të jetë e pabashkuar në nivelin e saj maksimal. Kjo është një nga sfidat më të mëdha, të cilën zoti Rama në 2005, kur kërkoi largimin e zotit Nano e vendosi si prioritetin e prioriteteve, dhe nuk arriti dot që ta realizojë. Pra, kjo mbetet një sfidë kryesore për të fituar zgjedhjet” - tha ai.

  Partia Socialiste në dy vitet e fundit bojkotoi 6 muaj rresht parlamentin e ri të 2009, duke mos njohur rezultatin e atyre zgjedhjeve, zhvilloi grevë urie në shëtitoren para kryeministrisë, organizoi dhjetëra tubime proteste në kryeqytet dhe qytete të tjera, duke bllokuar rrugët kombëtare me djegien e gomave të automjeteve. Ngërçi politik që po zgjat prej më shumë se 2 vjetësh vuri në vështirësi shqiptarët dhe ndërkombëtarët, që vazhdimisht kërkojnë dialog midis forcave kryesore politike për një të ardhme më të mirë për Shqipërinë.

• 05. 11. 2011
• 08:44

  Kriza e Greqisë po ndikon edhe në projektet e pritshme në zonë ndërkufitare me Shqipërinë

  [Lajmi i Plote] Zeri Amerikes

  Shenja:  Ballkani  

  

  Kriza ekonomike dhe financiare në Greqi po ndikon edhe në projektet e pritshme në zonë ndërkufitare me Shqipërinë. Sipas  Ministrisë greke të Transporteve zgjerimi i Segmentit rrugor që lidh Janinën me Kakavijën nuk pritet as vitin e ardhshëm. Ndërkaq ndërtimi i një linje asfalto - betoni në zoën e Gumenicës afër kufirit me Shqipërinë ka ngjallur reagimin e organizatave greke mjedisore.

  Segmenti rrugor që lidh Janinën  më Kakavijën nuk ka gjasa të zgjerohet vitin e  ardhshëm, ndryshe nga ajo që ishte deklaruar në mesin e vitit 2010 nga zyrtarë të lartë grekë të Ministrisë së Transporteve. Sipas medjave lokale të Janinës Ministria  greke e Transporteve nuk ka përgatitur ende projektin . Kjo për shkak të  shtyrjeve e njëpasnjëshme të fazave të studimit dhe të vlerësimit të ndikimit në mjedis të këtij segmenti rrugor, gati 65 kilometra.

  Segmenti ndahet në dy pjesë , në atë që lidh janinë me Kallpaqin dhe atë që lidh këtë zonë me Pikën e Kakavijës në kufirin me Shqipërinë. Aktualisht kjo rrugë është e ngushtë dhe në disa prej zonave ka nevojë për  shtresa të reja të asfaltit prej dëmtimit që është bërë nga ritmi ilartë i qarkullimit sidomos të automjeteve tregëtare.  Duket se kriza ekonomike dhe financiare që po kalon Greqia po ndikon në projektet në zonat ndërkufitare me Shqipërinë.

  Kështu edhe një tjetër rrugë, ajo që lidh zonën e Konicës me Janinën,siaps medjave lokale greke , nuk do të njohë investimin e pritshëm. Njësitë vendore greke fqinje me Shqiëprinë i kanë parë me shqetësim këto zhvillime . Këto zona kanë përfituar ndjeshëm vitet e fundit dhe sidomos pas liberazimit të vizave  për shtetasit shqiptarë nga lëvizja  në të dy anët e kufirit dhe shkëmbimet tregëtare të rritura.

  Ndërkaq organizatat mjedisore dhe një seri sipërmarrjesh të akuakulturës në zonë e Gumenicës në Greqinë e Veriut kanë reaguar për planet e autoriteteve  greke për ndërtimin e një fabrike asfalto betoni në këtë zonë. Fabrika e parashikuar të ngrihet në zonë e Sajadhës, fare afër Pikës së Qafëbotës, në kufirin me Shqipërinë, shihet si një rrezik mjedisor për dhjetëra  njësitë e kultivimit të peshkut në këtë zonë.

  Të dhënat greke flasin se rreth 27 njësi sigurojnë nga tregëtia e peshkut të kultivuar ne rezervatet në det  rreth 70 milionë euro në vit xhiro vjetore. Organizatat mejdisore greke e kanë quajtur vendim krejt të papërshtashëm për ndërtimin e kësaj njësie dhe kane kritikuar  vendosjen e depozitave të karburanteve të cilat do të përbënin kërcënim mjedisor për zonën.

• 04. 11. 2011
• 08:53

  Policia e Korfuzit godet nje rrjet te trafikut te narkotikeve

  [Lajmi i Plote] Zeri Amerikes

  Shenja:  Ballkani  

  

  Policia greke tha se ka goditur një rrjet të trafikantëve të narkotikëve nga Shqipëria. Sipas policisë së Korfuzit rrjeti transportonte përmes rrugëve detare sasi hashashi në drejtim të Greqisë. Policia greke tha se ka arrestuar dy prej anëtarëve të rrjetit dhe ka shpallur në kërkim disa të tjerë. Rastet e transportimit të narkotikëve vazhdojnë të shtohen edhe në Jug të  Shqipërisë.

  Roja bregdetare greke e Korfuzit ka bllokuar disa dhjetëra kilogramë bimë narkotike  me prejardhje nga Shqipëria dhe ka arritur të arrestojë dy persona që transportonin lëndën narkotike në thellësi të territorit grek. Sipas Policisë së ishullit grek fqinj me Sarandën, operacioni është kryer në zonën e Ftelesë afër brigjeve me Shqipërinë. Policia greke kishte kohë që monitoronte këtë zonë për shkak të aktivitetit të rritur të trafikantëve të narkotikëve, deklaruan burimet zyrtare.

  Një natë më parë policia greke ka arritur të finalizojë operacionin duke angazhuar edhe forca policore nga brezi tokësor.  Dy prej personave u arrestuan në flagrancë, ndërsa një person tjetër arriti të  largohej, thanë burimet zyrtare të policisë greke. Pak ditë më parë policia shqiptare  e Sarandës kishte bllokuar  mbi 120 kilogramë lëndë narkotike me destinacion Greqinë.

  Policitë e të dy vendeve po shohin me shqetësim se trafikantët synojnë të përdorin tani krahas rrugëve tokësore edhe  hapësirën detare  me Korfuzin për të transportuar lëndë narkotike. Rastet e transportimit të narkotikëve vazhdojnë të shtohen në zonat jugore të Shqipërisdë. Kështu kohëve të fundit policia e Gjirokastrës ka arritur të bllokojë disa dhjetëra kilogramë bimë narkotike me destinacion jo vetëm Greqinë por edhe tregun e brendshëm te narkotikeve.

  Policia e Gjirokastrës tha  se ka filluar operacionet edhe për bllokimin e shpërndarësve të lëndëve narkotike.Sipas policisë ,dy të rinj u arrestuan dje, me sasi të vogla hashashi që shpërndanin në shkollat e mesme në qytetin e Gjirokastrës.

• 27. 10. 2011
• 06:11

  Përfaqësuesit e serbëve në veriun e Kosovës do të lejojnë lëvizjen e KFOR-it në rrugët veriore

  [Lajmi i Plote] Zeri Amerikes

  Shenja:  Ballkani  

  

  Në Kosovë, përfaqësuesit e serbëve në veriun e vendit, thanë se nga sot do të lejojnë lëvizjen e KFOR-it në rrugët veriore dhe se një plan të tillë ua kanë ofruar zyrtarëve të NATO-s. Ata thanë se janë të gatshëm të ofrojnë të njejtën gjë edhe për EULEX-in, me kusht që ata të mos transportojnë doganierët dhe policët shqiptarë në vendkalimet ndërmjet Kosovës dhe Serbisë. Ky paralajmërim nuk është komentuar nga autoritetet ndërkombëtare në Kosovë të cilët kërkojnë liri të lëvizjes për të gjithë. Çështja e veriut sot do të jetë temë debatesh edhe në Parlamentin e Kosovës.

  <!--AV-->

• 21. 10. 2011
• 06:08

  Gjendja në veriun e Kosovës e qetë por e tensionuar

  [Lajmi i Plote] Zeri Amerikes

  Shenja:  Ballkani  

  

  Forcat paqeruajtëse të NATO-s kanë bërë të ditur se aksioni i filluar në ditën e djeshme për zhbllokimin e rrugëve që çojnë drejt vendkalimit kufitar në Bërnjak në veriun e Kosovës është kryer me sukses dhe këto pjesë janë vënë nën kontroll. Në një njoftim të zyrtarëve të KFOR-it thuhet se “në aksion janë  lënduar lehtë 8 ushtarë të kësaj force, pas kundërshtimit të serbëve lokalë për zhbllokimin e rrugëve”.

  Gjendja në veriun e Kosovës raportohet e qetë por me tensione të larta. Qytetarët serbë të veriut po vazhdojnë të qëndrojnë në barrikada.

  Forcat paqeruajtëse të NATO-s dje filluan një aksion për zhbllokimin e rrugëve me qëllim të vendosjes së lëvizjes së lirë. Forcat e KFOR-i përdorën gaz lotsjellës për të shpërndarë serbët lokal që po i pengonin ata në largimin e barrikadave.

  Burimet lokale serbe të informimit thanë se janë plagosur 22 serbë gjatë aksionit  të KFOR-it, tre prej tyre në gjendje të rëndë”. Sipas këtyre burimeve, plagët janë shkaktuar nga gazi lotsjellës.

  Autoritetet vendase e ndërkombëtare në Kosovë e kanë përkrahur aksionin e trupave paqeruajtëse të NATO-s për zhbllokimin e rrugëve në veriun e vendit.

  Presidentja e Kosovës Atifete Jahjaga ka shprehur mbështetjen e plotë për KFOR-in dhe EULEX-it, për veprimet e tyre në veri. Gjatë një ligjërate në Universitetin Amerikan në Prishtinë, ajo tha se këto veprime janë në drejtim të vënies së rendit dhe sundimit të ligjit në atë pjesë të Kosovës.

  “Sa i përket veriut, unë do ta përsëris atë që e kam thënë edhe në të kaluarën se përgjigja ndaj gjithë kësaj është sundimi i mirëfilltë i ligjit në tërë territorin e Kosovës. Veprimet nga institucionet e Kosovës dhe partnerët tanë ndërkombëtarë të cilët janë të pranishëm në Kosovës, si EULEX-i dhe KFOR-i janë në drejtim të ruajtjes së sundimit të ligjit që është një kusht kushtetues dhe ligjor i yni”, tha  presidentja Jahjaga.

  Zëvendëskryeministri i Kosovës Hajredin Kuqi thotë se aksioni i KFOR-it për largimin e barrikadave është në kuadër të përkushtimeve të qeverisë së Kosovës  për lirinë e lëvizjes dhe vendosjen e rendit dhe ligjit.

  “Është një aksion plotësisht i bashkërenduar me qeverinë e Republikës së Kosovës, ne kemi pajtueshmëri me KFOR-in dhe EULEX-in për vendosjen e rendit dhe ligjit në tërë territorin e Republikës së Kosovës, zhbllokimin e rrugëve gjithashtu në tërë territorin e Kosovës dhe krijimin e kushteve të mira për qytetarët tanë serb atje por edhe për të tjerët që të lëvizin lirshëm dhe të jetojnë në kushte normale”, tha zëvendëskryeministri Kuqi.

  Ambasadori i Shteteve të Bashkuara në Prishtinë Christofer Dell e ka përkrahur aksionin në veri, duke shpreh keqardhje që siç tha “nuk lejohet rendi dhe ligji” në atë pjesë të Kosovës.

  “Lëndimi i ushtarëve të KFOR-it është lajm i keq pasi që KFOR-i nuk po bon asgjë tjetër pos që po vepron në përputhje me mandati ne tij që përcaktohet me rezolutën 1244, e cila garanton liri të lëvizjes për të gjithë qytetarët dhe për të gjitha organizatat ndërkombëtare. Më vjen keq që strukturat kriminale serbe në veri kanë zgjedhur rrugën e konfliktit në vend të rrugës së bashkëpunimit”, tha ambasadori Dell.

  Aksioni i forcave të NATO-s pasoi afatin e caktuar për  zhbllokimin e rrugëve, por serbët në veriun e Kosovës refuzuan thirrjet e KFOR-it për të hequr barrikadat e ngritura në rrugët kryesore në atë zonë, në shenjë kundërshtimi ndaj vendosjes së policisë dhe doganierëve të Kosovës në vendkalimet kufitare me Serbinë.

• 20. 10. 2011
• 05:21

  Shqipëri përkeqësoi pozicionin e saj krahasuar me një vit më parë në renditjen e Bankës Botërore

  [Lajmi i Plote] Zeri Amerikes

  Shenja:  Ballkani  

  

  Shqipëria përkeqësoi pozicionin e saj krahasuar me një vit më parë në renditjen e Bankës Botërore për lehtësirat e të bërit biznes, e cila publikoi mbrëmë raportin e saj më të të ri per 183 vende të botës. Shqiperia u rendit ne vendin e 82-te nga vendi i 77-te qe kish vitin e kaluar, sipas një rishikimi të vlerësimit të raportit të mëparshëm. Analiza e Bankës mbështet në rregullat që ndihmojnë  apo pengojnë një aktivitet sipërmarrjese, dhe nuk është një tregues i klimës së biznesit në një vend.

  Sipas raportit Shqipëria vlerësohet e fundit lidhur për dhënien e lejeve të ndërtimit, ndërkohë që nga 245 reforma të reja të ndërmarra në 12 muajt e fundit nga qershori 2010 në qershor të 2011 në të 183 vendet e përfshira në raport, Shqipëria përmendet vetëm për lehtësimin e regjistrimit të titullit të pronësisë në regjistrin e tokës. Nga vendet e rajonit të Ballkanit, Maqedonia qëndron dukshëm përpara të tjerëve duke përmirësuar një pozicion mjaft të mirë që ish edhe vitin e shkuar kur ishte e 34-ta,  e duke u renditur këtë herë e 22-ta në botë.

  Shqipëria gjendet në gjysmën e parë të renditjes për lehtësirat në kryerjen  e një aktiviteti biznesi, e cila është hartuar nga Banka Botërore në raportin e saj të fundit “Doing Business 2012”, i cili merr në analizë 183 shtete në të gjithë botën. Klasifikimi i saj ka një përkeqësim, duke u renditur në vendin e 82-të e duke humbur 5 pozicione krahasuar me një vit më parë. Në të vërtetë vitin e shkuar Shqipëria renditej po në pozicionin e 82-të, por Banka ka shpjeguar se ajo ka rishikuar të dhënat duke i mbështetur ato në 10 reforma, dhe jo në 9 sic kish qenë në vlerësimin e kaluar. Për pasojë jo vetëm renditja përfundimtare por edhe ajo sipas cdo treguesi, ka ndryshuar.

  Gjithashtu, në raportin e ri Banka ka përdorur një tjetër metodologji tre nga treguesit e saj: lejet e ndërtimit, marrja e kredisë dhe pagesën e taksave. Shqipëria renditet tashmë e fundit për treguesin që lidhet me lejet e ndërtimit, pasi sipas raportit gjendja u përkeqësua ngaqë autoritet e ngarkuara nuk kanë dhënë leje për ndërtesa që prej prillit të vitit 2009.

  Ndërsa në të gjithë botën janë identifikuar 245 reforma të reja të ndërmarra nga qershori 2010 deri në qershor 2011, Shqipëria përmendet vetëm për një rast, për lehtësimin e regjistrimit të pronave, “duke e bërë më të lehtë atë përmes vendosjes së afateve kohore në regjistrimin e titullit të pronësisë në regjistrin e tokës”, thuhet në raport. Megjithatë edhe në këtë pikë, krahasuar me vendet e tjera, Shqipëria është e 118-ta, ndonëse ka fituar 8 vende. Përsa i përket treguesve të tjerë, Shqipëria është në vendin e 61-të për hapjen apo regjistrimin e një biznesi.

  Një vit me parë sipas pozicionit të rishikuar, ishte e 56-a. Në treguesin që lidhet me furnizimin me energji është në vendin e 154-t, pra në vendet e fundit. Ky është një tregues i ri që nuk ka qenë vitin e shkuar. Marrja e kredisë, është një tregues që e rendit Shqipërinë në vendin e 24, me një përkeqësim prej tre vendesh krahasuar me vitin e shkuar, por sërish në një pozicion shumë të mirë. Një përkeqësim të lehtë, duke humbur një vend në klasifikim, ajo ka përsa i përket mbrojtjes së investitorëve ku renditet e 16-a, pra mes 20 vendeve të para. Ky është edhe treguesi më i mirë për Shqipërinë.

  Pagesa e taksave, përkundrazi e con atë drejt fundit të tabelës në vendin e 152-të, duke humbur dy vende nga viti i kaluar. Në gjysmën e parë ajo renditet edhe për tregtinë ndërkufitare, ku ka mbajtur të pandryshuar vendin e 76-të. Një përmirësim me tre pozicione, duke u renditur e 85-ta, është vlerësuar treguesi që ka të bëjë me zbatimin e kontratave. Ndërsa për mbylljen e një biznesi është në vendin e 64-t, duke humbur dy pozicione nga viti i shkuar.

  Duke parë vendet e rajonit, dhe pozicionin e tyre në raportin e Bankës Boterore, ajo që bie në sy është renditja e Maqedonisë, e cila ka shënuar një përmirësim të ndjeshëm, duke u renditur në vendin e 22-të, ndërkohë që një vit më parë ishte sërish në një klasifikim mjaft të mirë, duke u pozicionuar e 34-ta. Po ashtu përpara Shqipërisë është edhe Mali i Zi i cili ka ruajtur të pandryshueshëm vendin e 56. Kroacia është vetëm pak përpara Shqipërisë në vendin e 79, me një përkeqësim prej vetëm një pike, krahasuar me vitin e shkuar. Kosova ndërkaq mbetet ne vendin e 177 ashtu si dhe një vit më parë.

  Raporti i Bankës Botërore reflekton kuadrin ligjor dhe masat regullatore që qeveritë ndërmarrin në ndihmë të sipërmarrjeve. Ai në vetvete nuk përbën një matës së klimës së biznesit në një vend. Sikurse shpjegohet edhe vetë në raport ai “nuk synon të masë as kostot apo përfitimet që sjell ky apo ai ligj a rregullore. Qëllimi i tij është t’u ofrojë sipërmarrësve dhe vendimmarrësve politike një bazë faktesh informuese në hartimin e politikave dhe të dhëna që do të shërbenin për kërkime apo studime mbi atë se si rregullat e biznesit dhe institucioneve, mund të ndikojnë rezultatet ekonomike të tilla si, produktiviteti i investimeve, informaliteti, korrupsioni papunësia dhe varfëria”.

• 16. 10. 2011
• 20:46

  Lidhja Arabe, takim urgjent për pezullimin e Sirisë

  [Lajmi i Plote] Zeri Amerikes

  Shenja:  Ballkani  

  Zyrtarë të Lidhjes Arabe thanë se ministrat e jashtëm të vendeve anëtare po zhvillojnë një takim urgjent sot në Kajro për të diksutuar pezullimin e Sirisë nga kjo organizatë rajonale.

  Të gjithë zyrtarët folën rreth bisedimeve për pezullimin e Sirisë me kusht që të  mos përmendej identiteti i tyre. 22 anëtarët e Lidhjes Arabe pezulluan Libinë nga organizata në fillim të këtij viti pasi ish udhëheqësi libian Muamar Gadafi shtypi me dhunë protestuesit anti-qeveritar. Më vonë organizata e pranoi Libinë në gjirin e saj nën përfaqësimin e udhëheqjes së re.

  Shtetet arabe të Gjirit bënë kerkesën për organizimin e takimit të sotëm. Arabia Saudite dhe disa vende tjera të Gjirit Persik tashmë kanë tërhequr ambasadorët e tyre nga Damasku në shenjë proteste për ndaj shtypjes vdekjeprurëse ndaj opozitës nga ana e qeverisë së presidentit Bashar al-Assad.

  Ndërkohë, aktivistët sirianë thanë se forcat e sigurisë në lindje të vendit kanë hapur zjarrë kundër personave që morën pjesë në ceremoninë e varrimit të një aktivisti që ka punuar për një organizatë për të drejtat e njeriut. Në afërsi të Damaskut edhe sot kanë vazhduar arrestimet e protestuesve nga forcat qeveritare.

• 15. 10. 2011
• 07:59

  Policia greke e Igumenicës shkatërron një grup trafikantësh të lëndëve narkotike

  [Lajmi i Plote] Zeri Amerikes

  Shenja:  Ballkani  

  

  Policia greke e Igumenicës tha se ka shkatërruar një grup trafikantësh të lëndëve narkotike që kishin ngritur rrjetin e tyre në Europën Perëndimore. Policia tha se hashashi me prejardhje nga Shqipëria transportohej drejt Suedisë me makina tregëtare që eksportonin djathin grek. Policia e Igumenicës tha se ka bllokuar gjatë këtij viti në brezin kufitar me Shqipërinë mbi 4 tonë hashash.

  Departamenti i Narkotikëve  në Igumenicë, qytetin fqinj me Sarandën, ka deklaruar se ka goditur një grup  të strukturuar që kryente  veprime kriminale të vazhdueshme në trafikun e lëndëve narkotike me prejardhje nga Shqipëria drejt  Evropës Veriore.

  Policia greke tha se ka arrestuar tre persona duke sekuestruar mbi 200 kilogramë hashash dhe një arsenal armësh. Operacioni ,sipas policisë greke, është kryer në zonën e Sulit në Greqinë Veriore, zonë që ishte kthyer në bazë të trafikantëve.

  Sipas policisë greke lënda narkotike pasi transportohej nga Shqipëria maskohej në podhimin blektoral që eksportohej drejt Stokholmit te  Suedisë përmes një kompanie transporti. Paketimi, sipas policisë greke,  realizohej në mënyrë të tilla duke mos ngjallur dyshime në kontrollet kufitare. Policia greke ka bllokuar si provë materiale pajisjet me të cilat realizohej paketimi i lëndës narkotike.

  Ndërkaq, policia e Igumenicës publikoi të dhënat për trafikun e lëndëve narkotike me prejardhje nga Shqipëria drejt Greqisë gjatë gjithë këtij viti. Sipas këtyre të dhënave policia greke ka arritur të  bllokojë mbi 4 tonë bimë  narkotike hashashi të futur në Greqi nga territori shqiptar.

  Policia tha se janë regjistruar  227 raste të operacioneve kundër narkotikëve. Sipas policisë greke 333 persona  janë arrestuar për këtë vepër kriminale. Gjatë operacioneve krahas lëndës narkotike në jo pak raste janë sekuestruar edhe armë të tipeve të ndryshme që përdoreshin nga trafikantët për sigurinë e ngarkesave me lëndë narkotike.

  Të dhënat e publikuara flasin për një rritje të këtij trafiku  që po bëhet gjithnjë e më shqetësues për policitë  shqiptare dhe greke në brezin kufitar mes të dy vendeve.

• 14. 10. 2011
• 08:27

  NATO: Protestuesve serbë në veriun e Kosovës u është dhënë mundësia të zhbllokojnë rrugët

  [Lajmi i Plote] Zeri Amerikes

  Shenja:  Ballkani  

  

  Në Kosovë, forcat paqeruajtëse të NATO-s kanë bërë të ditur se protestuesve serbë në veriun e Kosovës u është dhënë mundësia që gjatë fundjavës të zhbllokojnë rrugët në atë zonë me qëllim të vendosjes së lëvizjes së lirë. Këto komente janë bërë pas një takimi të zyrtarëve të KFOR-it me përfaqësuesit e serbëve lokalë në veri. KFOR-i tërhoqi vërejtjen se nuk do të lejojë bllokimin e rrugëve për një kohë të gjatë. Protestuesit serbë kanë refuzuar zhbllokimin e rrugëve duke ngulur këmbë për largimin e personelit shqiptarë nga vendkalimet kufitare. Zhvillimet e ditëve të fundit në veriun e Kosovës kanë nxitur shumë debate për të ardhmen e asaj pjese të banuar me shumicë serbe ku nuk njihen dhe nuk pranohen institucionet e Prishtinës.

  <!--AV-->

• 08:22

  Problematike dhe jo transparente privatizimet e bera ne Komunen e Ulqinit

  [Lajmi i Plote] Zeri Amerikes

  Shenja:  Ballkani  

  

  Perfaqesuesit politike, shoqatat joqeveritare dhe analistet ekonomike  e cilesojne si problematike  dhe jo transparente  privatizimet e bera viteve te fundit  ne Komunen e Ulqinit. Ata gjithashtu vleresojne se ky proces  u zhvillua ne menyre te gabuar duke shkaktuar pasoja te medha ekonomiko-sociale per qytetaret  e Ulqinit. Deputetet shqiptare e shohin te nevojshme fillimin e nje dialogu te mirfillte midis pushtetit qendror dhe atij vendor ne  kordinimin dhe realizimin e procesit te privatizimit ne Komunen e Ulqinit.

• 08:19

  Parlamenti i Maqedonisë voton për shfuqizimin e ligjit për regjistrimin e popullsisë

  [Lajmi i Plote] Zeri Amerikes

  Shenja:  Ballkani  

  

  Parlamenti i Maqedonisë votoi mbrëmë për shfuqizimin e ligjit për regjistrimin e popullsisë, ekonomive familjare dhe banesave. Në këtë mënyrë, edhe zyrtarisht është ndërprerë procesi i regjistrimit që filloi më 1 tetor. Partia më e madhe maqedonase VMRO vlerësonte se në zonat veri-perëndimore të vendit, ku është përqendruar popullata shqipare, po bëheshin përpjekje për falsifikimin e shifrave. Ndërkohë, kritikët thonë se Kryeministri Nikolla Gruevski u frikësua nga numri i shqiptarëve.

  <!--AV-->

• 08:11

  Reformat e qeverisë greke prekin sistemin doganor

  [Lajmi i Plote] Zeri Amerikes

  Shenja:  Ballkani  

  

  Reformat e qeverisë greke kanë prekur sistemin doganor i cili po krijon mjaft problem  edhe në kufirin greko shqiptar. Krahas grevave të njëpas-njëshme  reduktimet e personelit po sjellin probleme  për qarkullimin e njerëzve dhe të mjeteve në kufi. Në të gjitha pikat e kalimit kufitar të Greqisë me Shqipërinë nisi  sot një grevë 48 orëshe  e doganierëve  që bllokon paralizon lëvizjen e mjeteve. Ndërkohë, Agjensitë e udhëtarëve njoftuan se do t’u shërbejnë emigrantëve duke këmbyer në të dy anët e kufirit linjat e autobuzëve.

   

  <!--AV-->

  Shërbimi doganor grek po përjeton vështirësi nga reduktimet  e ndërmarra së fundi nga autoritet greke në kuadër të reformave fiskale dhe administrative dhe të shkurtimeve të mëdha.

  Sipas burimeve zyrtare greke në rajonin e Epirit dhe të Janinës  në shërbimin doganor duhet të ishin aktivë 260 të punësuar, ndërkohë që aktualisht punojnë vetëm 135 persona. Shërbimi pritet të reduktohet, sipas reformës së parashikuar, në 120 vetë, çka do ti sillte  funksionimit të doganave greke fqinje me Shqipërinë probleme edhe më të mëdha  në funksionimin e tyre.

  Aktualisht në të dy anët e kufirit  po shfaqen shpesh probleme me radhët e emigrantëve shqiptarë , kryesisht prej personelit të kufizuar apo ndërprerjeve të herëpas-hershme të aktivitetit doganor prej grevave të nëpunësve grekë. Një grevë e tillë  48 orëshe ka  nisur sot në pikat greke fqinje me Shqipërinë duke  paralizuar  qarkullimin e mjeteve. Doganierët grekë kundërshtojnë reformat financiare të ndërmarra nga qeveria greke  e detyruar nga kriza e rëndë ekonomike dhe financiare që ka mbërthyer prej kohësh këtë vend.

  Agjensitë e udhëtimeve njoftuan se për të mos u prekur nga greva do të këmbejnë autobuzët e udhëtarëve në kufi. Kështu prej orës 7 të mëngjesit të ditës së sotme autobuzët e këtyre linjave do ti përcjellin nga rrethet e ndryshme të Shqipërisë emigrantët deri në anën shqiptare të kufirit.Më pas ,do të realizohet kalimi i tyre në këmbë në kufirin grek dhe  autobuzë të tjerë të kompanive të ardhur nga Athina do të vijojnë udhëtimin.

  Kompanitë e udhëtimit thonë se po i hedhin këto hapa për të mos thelluar humbjet në financat e tyre të prekura nga grevat e njëpasnjëshme dhe për të lehtësuar lëvizjen e shqiptarëve e cila vijon të mbete e lartë. Greva e doganierëve greke sjell ndërkaq problem për qarkullimin  tregëtar mes të dy vendeve .Dogana shqiptare humbet disa dhjetëra mijë dollare  në ditë nga mosvjelja e të ardhurave doganore ndërsa mjaft sipërmarrës vihen në vështirësi nga pritja në kufi sidomos për prodhimet shtazore  dhe frigoriferike

• 13. 10. 2011
• 03:56

  Shqipëria humbet sërish mundësinë për të marrë statusin e vendit kandidat në BE

  [Lajmi i Plote] Zeri Amerikes

  Shenja:  Ballkani  

  

  Shqipëria humbi sërish një tjetër mundësi për të marrë statusin e vendit kandidat e për të bërë kështu një hap të ri përpara në marrëdhëniet me Bashkimin Evropian. Ambasadori i delegacionit të Bashimit Evropian në Tiranë Ettore Sequi tha mbrëmë se Shqipëria ka bërë progres të kufizuar në plotësimin e kritereve politike dhe përmbushjen e 12 prioriteteve kyçe të përcaktuara nga BE. Ai shtoi më tej se raporti i progresit duhet të shërbejë tani si një element bashkimi dhe jo ndarje. Por të dy krahët e politikës shqiptare e shohin përgjegjësinë e këtij dështimi te njëra tjetra. Kryeministri Sali Berisha deklaroi dje se të vetmet reforma të mbetura në vend ishin ato që kërkonin votën e opozitës në parlament, duke shtuar se megjithatë mbetej i hapur për dialog. Nga ana e saj partia socialiste përmes një deklarate të shkurtër u shpreh se opozita rinënvizon vullnetin e saj për të ushtruar përgjegjësinë që i takon në jetësimin e axhendës evropianizuese të Shqipërisë.

  Komisioni Evropian u shpreh dje se nuk mund të rekomandonte hapa të tjerë për Shqipërinë këtë vit, duke bërë që për të dytin vit radhazi vendi të mos marrë statusin e kandidatit për anëtar i Bashkimit Evropian, për shkak të  ngërcit të vazhdueshëm politik që ka penguar përparimin, nënvizoi komisioneri për Zgjerimin Stefan Fyle. Ndërsa ambasadori i delegacionit të Bashkimit Evropian në Tiranë Ettore Sequi shpjegoi mbrëmë se “Shqipëria ka bërë progres të kufizuar në plotësimin e kritereve politike dhe përmbushjen e 12 prioriteteve kyçe”.

  Ashtu si dhe një vit më parë, sfidat për Shqipërinë mbeten të njejta, po ato 12 objektiva të përcaktuara nga Brukseli, saktësoi ambasadori Sequi: “Përpjekje të mëtejshme thelbësore për miratimin dhe zbatimin e reformave duhen ndërmarrë, përpara se të rekomandohet çelja e negociatave për anëtarësim. Nuk ka standarte të dyfishta. Kushtet janë të njejta për të gjitha vendet që aspirojnë anëtarsim në BE dhe në vecanti ndërmarrja e atyre refromave që kanë të bëjnë me BE-në e sidomos të atyre reformave që kanë të bëjnë me 12 prioritetet kyçe të identifikuara nga BE”.

  Si dhe komisioneri Fyle nga Brukseli, ashtu edhe ambasadori Sequi në Tiranë konfirmoi angazhimin e Bashkimit Evropian për të ndihmuar ecjen përpara të Shqipërisë duke shprehur besimin se vendi i ka aftësitë për të përmbushur standartet e larta që kërkohen nga ky proces.

  "Megjithatë për këtë kërkohet që të bëhen përgatitje rigoroze dhe të plota, të ketë bashkëpunim konstruktiv mes qeverisë dhe opozitës e për disa fusha të ketë edhe konsensus. Shqipëria ka nevojë që të bashkojë forcat e veta për rreh një objektivi të vetëm e të qartë e bashkues që do të jetë anëratësimi në BE e të veprojë e vendosur e në mënyrë të vazhdueshme”.

  Ambasadori Sequi u shpreh se raporti i progresit duhet të shërbejë si një element bashkues dhe jo ndarës. Por që përpara daljes së raportit, të vetdijshëm për dështimin e pritshëm, dy krahët kryesorë të politikës kishin nisur betejën e fajësimit të njëra tjetrës. Edhe dje, pasi mori zyrtarisht raportin e progresit, Kryeministri Sali Berisha e la hapur topin e përgjegjësisë në fushën e opozitës.

  "Një vit më parë, Komisioni Evropian ka renditur 12 kërkesa, që të gjitha absolutisht të drejta, që të gjitha kërkesa dhe reforma që realizojnë një afrim të mëtejshëm të Shqipërisë me BE-në. Disa nga këto kërkesa janë avancuar dhe gjërat kanë ndryshuar, pra reformat kanë sjellë ndryshimet përkatëse. Një pjesë e tyre kanë mbetur në vend numëro, sepse kanë kërkuar një votim me 3/5. Nuk ekziston asnjë vend tjetër në të cilin nuk votohet për kërkesat e BE-se. Në Shqipëri nuk votohet, ky është një fakt”.

  Kryeministri tha megjithatë se dëshiron të shohë përpara e është i gatshëm për të bashkëpunuar, porse sipas tij opozita edhe për reformën zgjedhore ngre pretekste.

  “Unë jam i gatshëm të shoh përpara, jam plotësisht i gatshëm që nesër të adresojmë reformën zgjedhore. Por rivali im më propozon një skemë qesharake. Më thotë të ulemi në një tavolinë me konsensus, por ai këtë ta quajë konsensus dhe, kur të ketë të drejtë, të veprojë pa konsensus. Kurrë ndonjëherë, një shumicë dhe as edhe një individ, nuk mund të poshtërohet, sepse t’i thuash një shumice hajde të punojmë me konsensus e pa konsensus, i thua mos prano”.

  Nga ana e tyre socialistët shpërndanë vetëm një qëndrim të shkurtër në përfundim të takimit të kryetarit Edi Rama me ambasadorin Sequi. “Kryetari i Partisë Socialiste Edi Rama e konsideron Progres Raportin si një instrument të rëndësishëm për demokratizimin e shoqërisë dhe rrugëtimin evropian të Shqipërisë. Si drejtues i opozitës zoti Rama përfiton nga rasti për të rinënvizuar vullnetin e opozitës shqiptare për të ushtruar përgjegjësinë që i takon në jetësimin e axhendës shtetndërtuese dhe evropianizuese të Shqipërisë”, thuhet në njoftimin e partisë socialiste shpërndarë mbrëmë.

  Nga ana tjetër përfaqësues të saj edhe në ditët e shkuara i kanë mëshuar faktit se sipas tyre, vendi dështoi në të gjithë objektivat, edhe në ato për të cilat nuk ishte e nevojshme vota e saj në parlament. Dhe ky pritet të jetë edhe argumenti i debateve të pritshme në ditët e ardhshme ku secila palë do të shohë vetëm atë pjesë që i intereson nga gota e mbushur gjysëm.

  Raporti i plotë: http://eeas.europa.eu/delegations/albania/documents/eu_albania/al_rapport_2011_en.pdf

• 30. 09. 2011
• 08:05

  Presidenti i Shqipërisë fajëson “politikanët egoistë për situatën e trishtuar politike”

  [Lajmi i Plote] Zeri Amerikes

  Shenja:  Ballkani  

  

  Presidenti i Shqiperise, Bamir Topi, deklaroi ne Tirane se ai nuk do te perfshihej ne debatet per ndryshime te tjera ne Kushtetute. Zoti Topi theksoi ne nje bisede televizive se ndryshimet e shpejta kushtetuese te 3 vjeteve me pare ishin burimi i situates se trishtuar politike aktuale. per te cilen ai fajesoi politikanet egoiste dhe pa etike.

  Presidenti i Shqipërisë, Bamir Topi, deklaroi së fundi se “situata politike mbetet e trishtuar për shkak të egoizmit të politikanëve”. Presidenti Topi tha në një bisedë për televizionin Top Channel se “opinioni qytetar është mjaft i zhgënjyer nga politikanët pa etikë, prej të cilëve dëgjon vetëm sharje”. Zoti Topi tha se kishte vendosur të fliste tani hapur pas disa vjet përpjekjesh me durim që të ndikonte në zbutjen e tensioneve mes partive poltike, duke synuar rolin e një moderuesi në dobi të qytetarëve. “Kam reflektuar nga vërejtjet e analistëve dhe qytetarëve se presidenti duhet të flasë më drejtpërdrejt. Jam treguar racional dhe kam folur për shqetësimet e qytetarëve brenda kontureve dhe detyrës së Presidentit të Republikës” - tha zoti Topi.

  Presidenti Topi tha se politikanët duhet të punojnë në të mirë të qytetarëve që i kanë zgjedhur, sepse nuk janë nëpër institucione vetëm për vete. Zoti Topi theksoi se “situata e tensionuar ka ardhur nga ndryshimet kushtetuese të vitit 2008, dhe nga mënyra se si ato u bënë brenda një nate nga dy partitë e mëdha”. Nëse do të ketë ndryshime të tjera në Kushtetutë, presidenti Topi tha se “nuk do të marrë pjesë në debate, sepse kjo është temë eksluzive e partive politike, meqenëse ato nuk e pëlqejnë referendumin si një rrugëzgjidhje”.

  Presidenti Topi tha për televizonin Top Channel se mbështeste idenë që “presidenti të zgjidhet drejtpërdrejt nga populli, dhe se ky model është më i miri dhe demokratiku”. Ai tha se disa politikanë kanë punuar dhe propozuar për zbehjen e rolit të presidentit, i cili në fakt ka një pozicion thelbësor në kushtetutë dhe në funksionimin e shtetit demokratik shqiptar.

• 29. 09. 2011
• 07:51

  DASH reagon ndaj incidentit me dhunë të 27 shtatorit në veri të Kosovës

  [Lajmi i Plote] Zeri Amerikes

  Shenja:  Ballkani  

  

  Departamenti amerikan i Shtetit reagon ndaj incidentit me dhunë të së martës në veri të Kosovës ku mbetën të plagosur paqeruajtës të NATO-s dhe protestues serbë. Në një deklaratë që bëri dje, Departamenti i Shtetit dënoi sulmin me dhunë të një turme serbësh kundër forcave të KFOR-it  më 27 shtator.

  Trupat e KFOR-it po ç’montonin një bllokim rruge dhe po ngrinin një pikë kontrolli automjetesh në një pikë të paautorizuar kalimi kufitar, kur u gjendën nën sulmin e serbëve, thuhet në deklaratën e Departamentit të Shtetit. Me keqardhje, vazhdon deklarata, nëntë anëtarë të KFOR-it u plagosën gjatë incidentit, i cili ndodhi ndërkohë që trupat po përmbushnin përgjegjësitë e tyre në bazë të Rezolutës 1244 të Këshillit të Sigurimit.

  Departamenti amerikan i Shtetit thotë se po vazhdon të ndjekë nga afër zhvilliet në veri të Kosovës dhe u bën thirrje të gjitha palëve të ruajnë qetësinë, të shmangin aktet provokuese dhe retorikën që nxit dhunën, si dhe të lejojnë lirinë e lëvizjes.

  Departamenti i Shtetit thekson se liria e lëvizjes së njerëzve dhe mallrave është në interesin më të mirë të Kosovës dhe Serbisë, dhe në përputhje me aspiratat e vendit për t’u anëtarësuar në Bashkimin Evropian. Bllokimet e rrugëve, barrikadat dhe dhuna, thuhet me tej në deklaratën e Departamentit të Shtetit, bëhen vetëm pengesë për normalitetin e jetës së përditëshme të banorëve të Kosovës dhe Serbisë, dhe pengojnë lirinë e tyre të lëvizijes.

  Departamenti i Shtetit u bën thirrje qeverive të Kosovës dhe Serbisë të qendrojnë të angazhuara të procesin e dialogut të ndërmjetësuar nga Bashkimi Evropian, të inkurajojnë qetësinë dhe të gjejnë rrugën e marrëveshjes për përmirësimin e jetës së qytetarëve të të dy vendeve.

  Ndërkaq, dje pas dite, ambasadori i Rusisë në Kombet e Bashkuara, Vitali Çurkin, kritikoi praninë e KFOR-it për prishjen e barikadës rrugore dhe ngritjen postbllokut në pikën e paautorizuar të kalimit, duke thënë se ajo bie ndesh me mandatin e forcës.

  “Sekretari i Përgjithshëm i NATO-s e siguroi ministrin e Jashtëm të Rusisë, Sergei Lavror, se KFOR-i do t’i përmbahej thjesht statusit të tij neutral. Se çfarë dreqin bënte KFOR-i në atë bllokim rrugor, nuk mund ta kuptoj”.

  Çurkin mbrojti përsëri tezën e Rusisë në mbështetje të Serbisë se shpallja e pavarësisë së Kosovës është e jashtëligjshme dhe se Shtetet e Bashkuara dhe vende të tjera evropiane që e kanë njohur atë janë përgjegjëse për këtë situatë të nderë në Kosovë.

  Edhe Beogradi ka kritikuar praninë  ndërkombëtarë si shkak për nxitjen e dhunës Sekretari shtetëror në ministrinë serbe për Kosovën, Oliver Ivanovic, tha se KFOR-i ka përdorur forcë të paarsyeshme mbi protestuesit serbë.  Banorët serbë në Mitrovicë fajësojnë amerikanët që janë pjesë e KFOR-it për dhunën e të martës, si dhe ushtarakët gjermanë.

  Por, zyrtarë të KFOR-it thanë se ishin grupe dhe individë serb që nxitën dhunën,  ndërsa u zotuan se do të shfrytëzojë të gjitha mjetet e përcaktuara në mandatin e tyre për ruajtjen e një mjedisi të qetë dhe të sigurt për të gjithë. Dhuna është dënuar edhe nga Bashkimi Evropian, I cili ka shprehur mbështetje të plotë KFOR-it dhe EULEX-it në përpjekjet për vendosjen e qetësisë në veri. Dhuna u dënua edhe nga Kryeministri i Kosovës Hashim Thaçi, i cili e quajti të papranueshëm çdo sulm ndaj pranisë ndërkombëtare në Kosovë.

  Që nga 16 qershori rrugët e veriut të  Kosovës janë bllokuar nga barrikadat e vendosura nga serbët në shenjë pakënaqësie me praninë e policisë dhe doganierëve të Kosovës në atë zonë. Ata kërkojnë largimin e tyre nga vendkalimet kufitare, kërkesë që është hedhur poshtë edhe nga qeveria e Kosovës.

• 26. 09. 2011
• 08:00

  Janina dhe Gumenica zonat me përmasat më të mëdha të trafikimit të lëndëve narkotike nga Shqipëria drejt Greqisë

  [Lajmi i Plote] Zeri Amerikes

  Shenja:  Ballkani  

  

  Janina dhe Gumenica vazhdojnë të jenë dy zonat me përmasat  më të mëdha të trafikimit të lëndëve narkotike nga Shqipëria drejt Greqisë.Sipas policisë greke disa qindra kilogramë hashash janë bllokuar gjashtë muajt e fundit në brezin kufitar të të dy vendeve. Policia greke flet për një aktivitet të rritur të trafikantëve,  sidomos gjatë sezonit turistik.

  Kufiri verior  i Greqisë me Shqipërinë vazhon të jetë në shënjestër të trafikantëve të lëndëve narkotike. Policia greke  thotë se zonat e Janinës dhe Gumenicës  në anën greke, fqinje me Gjirokastrën  dhe Sarandën në anën shqiptare  po njohin përmasat më të mëdha të transportimit të hashashit nga Shqipëria.

  Vetëm gjashtë muajt e fundit policia greke ka bllokuar në brezin e kufirit tokësor disa qindra kilogramë lëndë narkotike. Pjesa  dërrmuese e personave të arrestuar kanë qenë shtetas grekë të cilët e transportonin lëndën narkotike nga zonat kufitare në drejtim të kryeqytetit grek Athinë.

  Përmasat e trafikut të narkotikëve  u rritën sidomos gjatë sezonit turistik vërejnë mjetet greke të informimit. Policia greke vlerëson se pas frenimit të trafikut të emigrantëve të paligjshëm prej liberalizmit të vizave me Shqiëpërinë , trafikimi i lëndëve narkotike mbetet tani krimi më i përhapur në zonat ndërkufitare.

  Disa prej rasteve të narkotikëve të bllokuar , sipas ekspertëve të policisë greke, kanë provuar se trafikantë të qënieve njërëzore tani janë përfshirë në transportim të bimëve narkotike. Kjo dëshmon sipas  policisë se këto rrjete  që kanë funksionuar  në disa nga  qytetet  kufitare të të dy vendeve po e zhvendosin aktivitetin  e tyre kriminal.

  Ndërkaq shumica e sasisë së hashashit që transportohet drejt Greqisë,  sipas vlerësimit të policisë greke është kultivuar në fshatin Lazarat të Gjirokastrës . Kjo është zona më problematika e kultivimit vërejnë edhe specialistët shqiptarë të policisë. Këtë vit policia ka kryer një operacion në këtë fshat për të shkatëruar sipërfaqet e mbjella me bimën narkotike ndërkohë që vazhdon puna e efektivave policore për evidentimin e vatrave të tjera.

• 22. 09. 2011
• 08:06

  Parlamenti diskuton sot 6 Kode që duan 84 vota pozitë - opozitë

  [Lajmi i Plote] Zeri Amerikes

  Shenja:  Ballkani  

  

  Ne Tirane parlamenti pritet te diskutoje sot ndryshimet ne 6 Kode, të cilat duhen miratuar me 84 vota, ose me tre te pestat e votave te deputeteve. Ndryshimet perfshijne Kodin Penal, Kodin Civil dhe Kode te tjera, por ato nuk mund te miratohen pa votat e opozites. Kjo eshte aresyeja qe analistet e shohin edhe si nje sprove per angazhimet e opozites socialiste ne procesin e integrimit europian.

  Parlamenti shqiptar pritet të shqyrtojë sot 6 Kode, për miratimin e të cilëve nevojiten 84 vota, ose siç njihet 3/5 e votave të deputetëve. Rendi i ditës në seancën e paradites përmban disa shtesa dhe ndryshime nenesh në Kodin Civil të vitit 1994, në Kodin Penal të vitit 1995, në Kodin Rrugor të vitit 1998, në Kodin Detar të vitit 2004, në Kodin Hekurudhor po të vitit 2004 dhe në Kodin Ajror të vitit 2008 në Republikën e Shqipërisë. Ndryshimet nuk mund të miratohen pa bashkimin e votave të opozitës me shumicën parlamentare.

  Për amendametet në Kodin Penal janë ndërmarrë 4 nisma legjislative, për Kodin Detar janë ndërmarrë 2 nisma legjislative, për Kodin Rrugor 3 nisma, ndërsa për Kodin Civil, Hekurudhor dhe Ajror janë propozuar shtesa dhe ndryshime për aktualizimin e tyre me kërkesat ndërkombëtare të kohës. Në seancën e sotme pritet të raportojnë pothuaj të gjithë komisionet parlamentare që shqyrtuan projekt-ligjet; komisioni i ligjeve dhe të drejtave njerëzore, komisioni për sigurinë kombëtare, komisioni për integrimin europian, si edhe komisioni për tregtinë dhe mjedisin.

  Në rendin e ditës janë edhe disa ligje po aq të rëndësishme mbi transmetimet radio-televizive, për menaxhimin e mbetjeve urbane, dhe për prodhimet bujqësore, si edhe në fund dy interpelanca me ministrat e shëndetësisë dhe teknologjisë. Por prova e vërtetë e parlamentit janë miratimi ose jo i 6 Kodeve që kanë nevojë për 84 vota.

  Seanca e sotme plenare shihet nga analistët vendas edhe si një provë për opozitën socialiste, e cila deklaroi se do të kthehej në parlament në shtator dhe do të bashkëpunonte për reformat e kërkuara nga Bashkimi Europian. Kryetari i Partisë Socialiste, Edi Rama, deklaroi në fillim të kësaj jave para grupit parlamentar se opozita nuk do ta ngrejë kartonin jeshil formalisht, vetëm që maxhoranca të kryejë disa arnime të ligjeve të mëparshme. Partia Socialiste hodhi idenë që projekt-ligjet e vonuara nëpër komisione për shumë muaj të kthehen prapa dhe të ripunohen nga e para.

  Por shumica e djathtë e ka hedhur poshtë këtë propozim, duke theksuar se projekt-ligjet dhe amendamentet janë shumë profesionale, të konsultuar nga profesionistë të SHBA dhe BE-së dhe se ato janë vonuar vetëm për shkak të bojkotit dyvjeçar të socialistëve në parlament. Partia Demokratike deklaroi se ideja e Partisë Socialiste është e papranueshme; pra që të hidhet poshtë puna e deritanishme vetëm se opozita mungoi në parlament muaj e vite të tëra. Demokratët pohuan, që nëse socialistët nuk votojnë ligjet me 3 të pestat e votave, ky do të jetë një bojkot i ri i parlamentit prej tyre dhe tërheqje pas e premtimeve të tyre për bashkëpunim parlament në dobi të integrimit europian.

• 08:01

  Një Gjykatë e Pireut në Greqi nis procesin kundër disa pjesëtarësh të forcave speciale të ushtrisë

  [Lajmi i Plote] Zeri Amerikes

  Shenja:  Ballkani  

  

  Një Gjykatë e Pireut në Greqi nisi gjykimin për një grup pjesëtarësh të forcave speciale të ushtrisë greke. Ata janë paditur nga Komiteti grek i Helsinkit për thirrjet rraciste antishqiptare gjatë një parade ushtarake vitin e shkuar.

  Mediat zyrtare greke njoftuan se një grup i gjerë pjesëtarësh të forcave speciale të ushtrisë greke, posaçërisht Njësisë së Marinës Detare, po gjykohen nga Gjykata e Pireut në Greqi për thirrjet antishqiptare gjatë një parade ushtarake marsin e vitit të shkuar.

  29 pjesëtarët u paditën nga Komiteti grek i Helsinkit pas shfaqjes së pamjeve video  të cilat tregonin ushtarakët në një paradë në kryeqytetin grek Athinë duke kënduar një marsh ushtarak  ku shprehej urrejtja ndaj shqiptarëve.

  Vëzhguesi grek i Komitetit të Helsinkit Panajotis Dimitras reagoi menjëherë pas ngjarjes dhe organizata që ai përfaqëson bëri edhe depozitimin e padisë për shkelje të Ligjit  Kundër Racizmit. Pas gati një viti e gjysëm është hapur proçesi gjyqësor ndaj ushtarakëve grekë, pjesë e forcës elitë. Proçesi gjyqësor ,sipas burimeve mediatike greke , ka filluar me dëgjimin e palëve .

  Mjetet greke të informimit njoftuan se ndërsa procesi zhvillohej në gjykatë , të afërm dhe qytetarë grekë u mblodhën jashtë dyerve të gjykatës duke lëshuar parrulla patriotike. Gjyqi është ndjekur gjithashtu nga përfaqësuesit politikë të Partisë  së ekstremit të djathtë “Laos”.

  Komuniteti i emigrantëve shqiptarë i përcolli vitin e shkuar me shqetësim pamjet e shfaqura në fillim nga televizionet shqiptare dhe më pas edhe nga mjete kryesore televizive greke të ciat tregonin një marrshim ushtarakësh të njësisë detare tek këndonin një marsh antishqiptar. Ministria e Jashtme shqiptare kishte reaguar menjëherë pas ngjarjes me  forcë ndërsa autoritetet  greke  të mbrotjes deklaruan atëherë se do të hapnin një hetim mbi ngjarjen.

  Ndonëse në Greqi janë ulur ndjeshëm gjatë viteve të fundit tonet rraciste ndaj shqiptareve  nuk mungojnë raste të veçuara. Trajtimi i tyre, sidomos në mjetet greke të informimit, sipas analistëve të shtypit  nga Athina, është bërë me tone më realiste. Kjo, sipas tyre,  larg problematikave të viteve të shkuara kur shqiptarëve u visheshin  epitete , sidomos me ngjarje kriminale që më pas rezultonte se këto ngjarje se nuk kishin të bënin me emigrantët shqiptarë

• 20. 09. 2011
• 20:11

  Qeveria shqiptare organizoi në Nju Jork Forumin Amerikano-Shqiptar për Investime

  [Lajmi i Plote] Zeri Amerikes

  Shenja:  Ballkani  

  Qeveria shqiptare organizoi dje në Nju Jork Forumin Amerikano-Shqiptar për Investime me synimin për të tërhequr vëmendjen e kapitalit amerikan për mundësitë që ofron sot Shqipëria. Një delegacion i nivelit të lartë, i kryesuar nga kryeministri Sali Berisha, prezantoi përpjekjet që ka bërë vendi për të krijuar një mjedis sa më të favorshëm për investimet e huaja, duke theksuar se Shqipëria mbetet ende një terren i pashfrytëzuar dhe  premtues.

• 16. 09. 2011
• 07:58

  Takim i Këshillit të Sigurimit të OKB-së për Kosovën

  [Lajmi i Plote] Zeri Amerikes

  Shenja:  Ballkani  

  

  Një zyrtar i lartë i paqeruajtësve të Kombeve të Bashkaura u ka bërë thirrje Kosovës dhe Serbisë të demonstrojnë angazhimin e tyre për një zgjidhje paqësore të mosmarrëveshjes së tyre të kohëve të fundit lishur me kontrollin e dy pikave të kalimit kufitar.

  Edmond Mulet, ndihmës sekretari i përgjithshëm i Kombeve të Bashkuara për operacionet paqeruajtëse, tha se Këshilli i Sigurimit ka rastin të dërgojë “një mesazh të qartë se Prishtina dhe Beogradi duhet të “tregohen të përgjegjshme” për parandalimin e përsëritjes së dhunës në veri të Kosovës sot dhe në të ardhmen.

  Zoti Mulet informoi Këshillin e Sigurimit dje rreth shtimit të tensioneve në veriun e Kosovës.

  Kosova ka shpallur planet për të dërguar zyrtarë të doganave dhe forca të sigurimit sot për të marrë nën kontroll dy pikat problematike kufitare me Serbinë. Këto kalime kufitare kanë qënë nën kontrollin e NATOs që nga shpërthimi i dhunës mes serbëve dhe shqiptarëve në muajin korrik, gjatë të cilës një person mbeti i vrarë.

  Mulet tha se misioni i Kombeve të Bashkuara në Kosovë ka patur kontakte intensive me të dy palët për të vendosur linjat e komunikimit dhe për të dekurajuar përdorimin e dhunës si nga Beogradi ashtu edhe nga Prishtina, por edhe nga udhëhqësit e serbëve në veri të Kosovës.

  Serbia dhe Rusia i kishin kërkuar Këshillit të Sigurimit të Kombeve të Bashkuara të ndihmonin në parandalimin e përdorimit të forcës nga autoritetet shqiptare në veriun e Kosovës, të banuar kryesisht nga serbër që kundërshtojnë qeverinë e Prishtinës.

  Në Beograd, Presidenti serb Boris Tadiç i bëri thirrje komunitetit ndërkombëtar të parandalonte çdo përpjekje për zgjidhjen e çështjes së Kosovës pa dialog dhe kompromis. Ai tha se veprimet e njëanëshme të Kosovës janë të rrezikshme për gjithë botën.

• 03. 09. 2011
• 07:55

  Serbia nën presion për të përmirësuar marrëdhëniet me Kosovën si kusht për kandidaturën në BE

  [Lajmi i Plote] Zeri Amerikes

  Shenja:  Ballkani  

  

  Dhuna e kohëve të fundit në  kufirin mes Serbisë dhe Kosovës në veri solli pengesën më të madhe për anëtarësimin e Serbisë në Bashkimin Evropian. Këshilli i Sigurimit i Kombeve të Bashkuara e dënoi këtë javë dhunën, por refuzoi kërkesën e Serbisë për ta implikuar Kosovën në provokimin e konfliktit.  Korrespondentja e Zërit të Amerikës, Diana Kahn na informon nga Beogradi se presioni ndaj udhëheqësve serbë është në rritje.

  Shpërthimi i dhunës në veri të Kosovës në fund të korrikut ishte më i rëndi në disa vjet. Ai la një polic të vrarë dhe shumë civilë të plagosur. Kancelarja gjermane, Angela Merkel, u përgjegj ndaj përleshjeve duke thënë se Bashkimi Evropian besonte se ngjarje të tilla i përkisnin të kaluarës.

  Disa javë më vonë, zonja Merkel e shtoi edhe më shumë presionin, duke i bërë thirrje Beogradit të suprimojë institucionet e tij në veriun e Kosovës dhe të lejonte EULEX-in  të vepronte lirisht atje. Ajo ia vuri këto si kushte Serbisë për anëtarësimin në Bashkimin Evropian.

  Kjo ishte hera e parë që shumica e serbëve i dëgjonin këto kushte. Kjo deklaratë e Kancelares Merkel pas dhënës së kohëve të fundit dhe pasi Seribia transferoi në Hagë dy të dyshuar për krime lufte, mundësia e mosmiratimit të kandidaturës së Serbisë për në Bashkimin Evropian i kapi njerëzit në befazi.  Serbia ka punua prej shumë vitesh që të hyjë në Bashkimin Evropian dhe Komisioni Evropian do të paraqesë rekomandimet e tij në muajin tetor. Maja Bobiç është kryetare e Lëvizjes Evropiane në Serbi, e cila promovon vlerat demokratike dhe integrimin në BE.

  "Ndoshta ishte vetëm çështje kohe, pasi ne kishim dëgjuar në shumë raste gjatë gjithë vitit se pas plotësimit të kkushte më të rëndësishe, si bashkpunimi me Gjykatën e Hagës dhe natyrisht vazhdimi i reformave të brendëshme, statusi i kandidatit ishte diçka pothuajse e garantuar. Kjo ishte diçka që ne e kishim dëgjuar edhe nga zyrtarët evropianë. Ishte marrë si i mirëqënë statusi i kandidatit, si diçka që Serbia do ta kishte këtë vit”.

  Presidenti Boris Tadiç tha se Beogradi nuk do t’i suprimojë institucionet e tij në veriun e Kosovës. Ai tha se Serbia është e hapur ndaj misionit të Bashkimit Evropian në gjithë teritorin dhe se ka mjaft vend për kompromis. Por ai pranoi gjithashtu për herë të parë se ekziston mundësia që Serbia të mos e fitojë statusin e kandidatit në Bashkimin Evropian këtë vit. Udhëheqës të tjerë serbë bënë deklarata të ngjashme.

  Ministri për Kosovën, Goran Bogdanoviç, i tha medias serbe se Serbia do t’i mbajë institucionet e saj në veriun e Kosovës, edhe në qoftë se kjo bëhet shkak për “bllokimin e rrugës së saj për në Bashkimin Evropian”.

  Në Kombet e Bashkuara, ministri i Jashtëm i Serbisë, Vuk Jeremiç, i bëri thirrje komunitetit ndërkombëtar të dënonte Kosovën për shkallëzimin e dhunës. Ai iu përmbajt pretendimit nacionalist serb për Kosovën.
  
  "Dua të theksoj edhe një herë qendrimin e qeverisë time ndaj përpjekjes së Prishtinës për shkëputjen e njëanëshme nga Serbia. Ne nuk e njohim dhe nuk do ta njohim atë as hapur dhe as tërthorazi. Ky është mandati i vullnetit demokratik të popullit tonë, i mishëruar në kushtetutën tonë”.

  Udhëheqësit serbë e kanë të qartë se Beogradit nuk i kërkohet të njohë zyrtarisht pavarësinë e Kosovës, por të normalizojë marrëdhëniet me të. Por shumë i shikojnë këto kërkesa si njohje de-facto, diçka që politikanët serbë besojnë se zgjedhërit e tyre nuk do ta pranonin kurrë.

  Bosko Jaksiç, analist i gazetës serbe Politika, thotë se Serbia e ka humbur tashmë Kosovën. Ai thotë se politikanët serbë kanë frikë se po të tradhëtojnë bazën e tyre nacionaliste do t’u kushtojë në zgjedhjet e ardhëshme.
  
  "Shumica e serbëve po e kuptojnë se Kosova nuk është më Serbi dhe për mendimin tim politikanët nuk janë budallenj që të mos e kuptojnë këtë. Unë do t’u thosha atyre t’i drejtohen vendit, duke i thënë se ne kemi mbështetjen tuaj që Serbia të hyjë në Bashkimin Evropian dhe ne do ta bëjmë këtë. Çmimi për këtë është normalizimi i marrëdhënieve me Kosovën”.

  Kancelarja Merkel ishte të martën në Slloveni, ku gazetarët thanë se ajo e kishte zbutur qendrimin e saj, duke thënë se në Kosovë mund të ndiqet një praktikë graduale.

  Por anëtarja e Parlamentit Evropian Doris Pek i tha Zërit të Amerikës këtë javë se Bashkimi Evropian nuk mund të pranojë një vend në konflikt me fqinjin e tij.

  Beogradi duhet patjetër të demostrojë se është serioz rreth avancimit në negociatat me Kosovën. “Ne duam prova që ata janë të predispozuar”, tha ajo.

• 26. 08. 2011
• 08:22

  Shtyhet konfirmimi i aktakuzës ndaj deputetit të Parlamentit të Kosovës Fatmir Limaj

  [Lajmi i Plote] Zeri Amerikes

  Shenja:  Ballkani  

  

  Një Gjykatë në Prishtinë, shtyu për javën që vjen seancën për konfirmimin e aktakuzës ndaj deputetit të Parlamentit të Kosovës Fatmir Limaj dhe nëntë të tjerëve, të akuzuar për krime lufte. Një muaj më parë, një prokuror i Misionit të Bashkimit Evropian për sundimin e ligjit, kishte ngritur një aktakuzë kundër zotit Limaj dhe nëntë ish bashkëluftëtarëve të tij për krime lufte kundër popullatës civile dhe krime lufte kundër të burgosurve të luftës.

  <!--AV-->

• 08:03

  Ministri i Jashtëm i Turqisë bën një vizitë në Kosovë dhe Bosnje-Hercegovinë

  [Lajmi i Plote] Zeri Amerikes

  Shenja:  Ballkani  

  

  Ministri i Jashtëm i Turqisë, Ahmet Davutoglu, i ka siguruar udhëheqësit e Kosovës se vendi i tij do të mbështesë Kosovën në procesin e njohjeve të reja, ndërsa ka nënvizuar edhe mbështetjen për tërësinë tokësore të Kosovës dhe të drejtën e qeverisë së saj për të shtrirë autoritetin e vet në të gjitha pjesët e vendit.

  Ai i ka bërë këto komente në fillim të vizitës së tij në Kosovë, ku arriti sot pasdite.

  Gjatë kësaj vizite, përveç takimeve me udhëheqësit politikë, shefi i diplomacisë turke do të marrë pjesë edhe në përurimin e qendrave kulturore turke në Prishtinë dhe në Prizren.

  Ministri i Jashtëm turk pritet të mbërrijë në Bosnje-Hercegovinë të dielën për bisedime me anëtarë të presidencës dhe udhëheqës politikë. Në Bosnjë ai do të marrë edhe një doktoratë nderi nga Universiteti i Tuzlës.

  Vizita e shefit të diplomacisë turke është në funksion të siç thuhet, diskutimit të çështjeve rajonale por edhe pjesëmarrja në festimet e muajit të Ramazanit.

• 25. 08. 2011
• 08:05

  Presidenti Bamir Topi takohet me Presidenten e Kosovës Atifete Jahjaga

  [Lajmi i Plote] Zeri Amerikes

  Shenja:  Ballkani  

  

  Në Shqipëri, Presidenti Bamir Topi u takua mbrëmë me presidenten e Kosovës Atifete Jahjaga, e cila që prej disa ditësh ndodhet me pushime ne qytetin e Vlorës.

  Gjatë takimit është biseduar për zhvillimet e fundit në Kosovë si dhe forcimin e bashkëpunimit të mëtejshëm mes dy vendeve. Presidenti Topi, siç njoftohet në komunikatën e shpërndarë nga zyra e tij e shtypit, ka vlerësuar arritjet përsa i përket ushtrimit të pushtetit nga ana e qeverisë së Kosovës në të gjithë territorin, funksionimin e rendit kushtetues dhe shtetit ligjor. Ai ka nënvizuar rëndësinë e përfshirjes së Kosovës në forume rajonale e ndërkombëtare, duke vlerësur njëkohësisht procesin e njohjeve të reja të pavarësisë së Kosovës, për të cilin palët janë shprehur që të intensifikojnë përpjekjet e përbashkëta për rritjen e njohjeve ndërkombëtare..

  Nga ana e saj, Presidentja e Kosovës ka vënë në dukje faktin se Kosova gjithnjë e më tepër po shndërrohet në një faktor të rëndësishëm bashkëpunimi, paqeje dhe qëndrueshmërie në kuadër të integrimit të përbashkët rajonal.

  Gjatë qendrimit të saj në Vlorë fundjavën e shkuar, presidentja e Kosovës Atifete Jahjaga pati një takim edhe me Kryeministrin e Shqipërisë Sali Berisha.

• 13. 08. 2011
• 19:33

  Filmi “Rritja e planetit të Majmunëve” tregon mbizotërimin e këtyre kafshëve ndaj njerëzve

  [Lajmi i Plote] Zeri Amerikes

  Shenja:  Ballkani  

  

  “Rritja e Planetit të Majmunëve” është pasuesi i filmit “Planeti i Majmunëve”, një sagë fantastiko shkencore e cila u transmetua në vitin 1968. Në atë film, rrëfehej historia e një ekipi astronautësh të cilët u detyruan të zbarkojnë në një planet në një të ardhme të largët në kohë, ku mbizotëronte inteligjenca e majmunëve ndaj asaj njerëzore. Seritë e këtij filmi u bënë të sukseshme për mesazhin, efektet speciale dhe kostumografinë. Filmi i ri “Rritja e Planetit të Majmunëve” paraqet në rrjedhë kronologjike ngjarjet që çuan në mbizotërimin e majmunëve ndaj rracës njerëzore.     
  
  Will Rodman – interpretuar nga James Franko, është një shkencëtar në një kompani të madhe farmaceutike. Ai drejton kërkimet  për gjetjen e një ilaçi i cili do të riparojë dëmtimet e trurit tek njerëzit. Qëllimi i tij final është të kurojë sëmundjen e Alzheimerit, një sfidë çersoale për të pasi i ati i tij vuan prej saj. Për të parë rezultatet ai eksperimenton tek shimpazetë.
  
  Eksperimenti nis të jap rezultate tek Cezari, një shimpaze të cilit i është injektuar ilaçi që në barkun e nënës së tij.
  Willi e adopton shimpazen që kur lind dhe e rrit atë në shtëpinë e tij.
  Cezari mëson të shkruajë e të lexojë dhe ushqen dashuri për familjen ku po rritet. Por natyra e tij kafshërore përleshet me edukimin njerëzor.
  Në fund të fundit Cezari është një shimpaze.  Ai përdor dhunën ndaj një fqinji që tallet me Çarlsin, të atin e Uillit.
  
  Willi nuk mund t’a mbajë më Cezarin në shtëpi. Ai e çon atë në një vend ku mendon se ai mund të jetë jetë i shoqërueshëm  me qëniet e llojit të tij.
  Por Kryepeshkopata e Shenjtë e Shën Brunos i ngjan një burgu ku kafshët mbahen të mbyllura nëpër kafaze.
  
  Për herë të parë, Cezari përballet me anën e errët të karakterit njerëzor.
  Ai është nismëtari i një revolte. Regjizori Rupert Wyatt ka krijur një film me koncepte filozofike dhe efekte speciale. Historia rrëfehet nga këndvështrimi i Cezarit dhe shpjegon epërsinë e majmunëve nëse do të krijohej për t’a një trajtim eksperimental si ai në film.
  Andy Serkis interpreton Cezarin.

  
  “Ai është si një fëmijë i pafajshëm. Papritur kupton se bota nuk është një vend i kollajtë për të jetuar, dhe se atij i duhet të bëjë disa zgjedhje të vështira për të mbijetuar”.

  
  Për të interpretuar Cezarin, Serkis studioi lëvizjet e vërteta të primatëve.Shprehja e fytyrës së aktorit shndërrua në fytyrën e një majmuni përmes ndërhyrjeve teknologjike të ...... përdorura fillimisht në filmin “King Kong “ të Peter Xheksonit të vitit 2005. Serkis ka interpretuar atëherë King Kongun ndërsa tani nterpreton Cezarin. Ndryshimi është se Cezari është personazh i arrirë nga pikpamja dixhitale, dhe duket shumë pranë primatëve të vërtetë.
  Filmi parqet sinjalet e zhdukjes së njerëzimit që ne njohim dhe fillimin  e një epoke të re qëniesh – e parashikuar në sagën paraardhëse të filmave “Planeti i Majmunëve”.
  
  

• 18:28

  Debate për të ardhmen e veriut të Kosovës

  [Lajmi i Plote] Zeri Amerikes

  Shenja:  Ballkani  

  Zhvillimet e ditëve të fundit në veriun e Kosovës kanë nxitur shumë debate për të ardhmen e asaj, si pjesë të banuar me shumicë serbe ku nuk njihen dhe nuk pranohen institucionet e Prishtinës. Autoritetet vendase e ndërkombëtare në Kosovë e kanë hedhur poshtë çdo mundësi të ndarjes tokësore të Kosovës, një qëndrim që u ritheksua gjatë javës që po lëmë pas edhe nga shefi i diplomacisë gjermane, Guido Westerwele. Por, analistët thonë se kërkimi i rrugëdaljes për gjendjen në veri mund të çojë në zgjidhje që do të mund të dëmtonin funksionalitetin e shtetit të Kosovës. Analisti Nexhmedin Spahiu, në një bisedë për Zërin e Amerikës thotë se ndarja është përjashtuar, por Kosova ndodhet përballet sfidave të tjera.

  “Problemi është që rreziku i cili i është kanosur Kosovës që nga fillimi, ajo akoma ekziston që të jetë një ndarje e brendshme, e cila kishte me filluar së pari me një status special për veriun e Kosovës dhe më pas të zgjerohej me komunat në jug të Kosovës të populluara me shumicë serbe”, tha ai.

  Një mundësi e tillë thotë zoti Spahiu  nënkupton një bosnjëzim të Kosovës.

  “Rreziku që Kosova të ndahet në dy entitete është shumë i madh dhe do të duhej një mobilizim shumë i madh i shoqërisë kosovare, klasës politike në radhë të parë,  që kjo të mos ndodh. Fatkeqësisht ngjarjet e fundit iu dhanë një ndihmë të madhe kësaj çështjeje”, tha zoti Spahiu.

  Më 25 korrik qeveria e Kosovës filloi një operacion për vënien nën kontroll të dy vend kalimeve kufitare në veriun e banuar me shumicë serbe në funksion të zbatimit të vendimit për ndalimin e importeve nga Serbia, i cili nuk po zbatohej në atë pjesë të Kosovës. Operacioni nxiti reagime të ashpra të banorëve serb të cilët ngritën barrikada në rrugët kryesore. Një pjesëtar i policisë u vra gjatë një sulmi mbi policinë në afërsi të Zubin Potokut një komunë me shumicë serbe ne veri. Qetësia u rivendos në veri me një marrëveshje mirëkuptimi të arritur nga KFOR-i me përfaqësuesit e qeverisë së Kosovës dhe ata të Serbisë. Sipas kësaj marrëveshjeje që nuk është nënshkruar nga askush, vendkalimet kufitare me Serbinë në veriun e Kosovës do të mbeten nën kontrollin e KFPOR-it deri në shtator, kur pritet rifillimi i bisedimeve ndërmjet Kosovës dhe Serbisë të ndërmjetësuara nga Bashkimi Evropian. Zoti Spahiu thotë se këto zhvillime e kanë vënë çështjen e veriut në agjendën e bisedimeve ndërmjet Kosovës dhe Serbisë të ndërmjetësuara nga Bashkimi Evropian.

  “Po, sigurisht që e ka futur në agjendë, ndoshta kjo është e vetmja gjë pozitive që mund të thuhet për të. Besoj që me këtë hap, me një aksion të tillë të dështuar, tërësisht të dështuar, qeveria e Kosovës ka rënë në një pozitë më të ulët se sa që ishte më përpara në tryezën e bisedimeve, duke marrë parasysh hapin të cilin e bëri me një marrëveshje me KFOR-in, e cila për mendimin tim ishte tërësisht e panevojshme, ka bërë që ta zbres pazarin e Kosovës, përkatësisht veriun e Kosovës, në bisedimet e ardhshme trepalëshe me Beogradin dhe me Brukselin”, tha zot i Spahiu.

  Bisedimet pritet të rifillojnë më pesë shtator në Bruksel, por edhe më tej nuk ka asnjë njoftim se cilat mund të jenë temat e këtyre bisedimeve që ngecën në kohën kur Beogradi refuzoi të njohë vulat doganore të Kosovës, ndërsa pritet të rifillojnë pas një periudhe tensionesh të larta në veriun e Kosovës.

• 06. 08. 2011
• 05:22

  Kosovë: Presidenca e mirëpret arritjen e marrëveshjes me Serbinë

  [Lajmi i Plote] Zeri Amerikes

  Shenja:  Ballkani  

  

  Presidenca e Kosovës e ka mirëpritur arritjen e marrëveshjes ndërmjet qeverisë së Kosovës dhe asaj të Serbisë, për tejkalimin e situatës në veriun e Kosovës. Marrëveshja e cila u arrit me ndërmjetësimin e trupave paqeruajtëse të udhëhequra nga NATO-ja, parasheh që vendkalimet kufitare me Serbinë në veriun e Kosovës të mbeten nën kontrollin e KFOR-it deri nga mesi i muajit shtator, kur pritet rifillimi i bisedimeve ndërmjet Kosovës dhe Serbisë të ndërmjetësuara nga Bashkimin Evropian.

  Zëdhënësi i Presidencës së Kosovës, Arbër Vllahiu, thotë se arritja e marrëveshjes është një lajm i mirë për qytetarët e Kosovës dhe të Serbisë dhe një veprim i arsyeshëm që e zhbllokon gjendjen e krijuar në komunat veriore të Kosovës dhe në vendkalimet kufitare të saj në veri.

  “Angazhimi i Bashkimit Evropian dhe i Shteteve të Bashkuara të Amerikës, në atë që palët t’i kthehen dialogut dhe që të gjejnë zgjidhje të përshtatshme dhe të dobishme, si dhe konkretisht angazhimi i KFOR-it në kuadër të mandatit të tij për ruajtjen e pacenueshmërisë së kufijve dhe ruajtjen e paqes dhe të stabilitetit në rajon dhe parandalimin e trazirave ndëretnike dhe në kuadër të mandatit të dhënë nga institucionet e Kosovës ishte frytdhënës, që mundësoi arritjen e marrëveshjes, e cila siguron lëvizjen e lirë të njerëzve dhe të mallrave në gjithë territorin e Kosovës. Ky është parim i demokracisë dhe nga kjo përfitojnë të gjithë qytetarët pa dallim përkatësie etnike apo fetare”, thotë ai.

  Zoti Vllahiu, thotë se Presidenca e Kosovës angazhohet që nëpërmjet dialogut dhe marrëveshjeve, të zgjidhen të gjitha çështjet me Serbinë.

  "Agjenda në Bruksel, që palët dialogojnë me ndërmjetësimin e BE-së, është alternativa e vetme deri në normalizimin e plotë të marrëdhënieve ndërmjet Kosovës dhe Serbisë si dy shtete sovrane, që e kanë të ardhmen e përbashkët në rrugën e integrimeve euroatlantike. Këtë rrugë mund ta kalojmë me sukses vetëm duke bashkëpunuar, duke ndihmuar njëri-tjetrin dhe duke i zgjidhur të gjitha çështjet dhe problemet praktike në modelin e standardeve evropiane", thotë ai.

  Marrëveshja e arritur është mbështetur nga të dyja palët. Kryeministri i Kosovës, Hashim Thaçi, tha se  marrëveshja parasheh që të ruhet gjendja e re e krijuar në vendkalimet në veri dhe se më këtë ujdi vendimet e mëhershme të qeverisë për masat e ndërsjella tregtare me Serbinë dhe vënien nën kontroll të vendkalimeve kufitare mbeten në fuqi dhe do të zbatohen plotësisht. Kryeministri Thaçi e cilësoi marrëveshjen dhe hapat e qeverisë së tij si një nga arritjet më të mëdha të institucioneve të Kosovës.

  Ndërkaq, përfaqësuesit e qeverisë së Serbisë, Borisllav Stefanoviç dhe Goran Bogdanoviç, u kanë bërë thirrje përfaqësuesve lokalë serbë dhe protestuesve që po mbajnë të bllokuara rrugët në veri, që të mbështesin marrëveshjen për tejkalimin e gjendjes në atë pjesë.

  Shefi i delegacionit të Serbisë për bisedimet me Kosovën, Borisllav Stefanoviç, u tha atyre se “marrëveshja është mbështetur nga qeveria e Serbisë dhe presidenti i Serbisë Boris Tadiç dhe në rrugë paqësore mund të mbrohen interesat e ligjshme”.

  Përfaqësuesit lokal të serbëve në veri pritet që gjatë ditës së sotme të  vendosin nëse do të largojnë bllokadat e rrugëve apo jo.

  Njësitë e posaçme të policisë së Kosovës, filluan më 25 korrik një operacion për vënien nën kontroll të dy vend kalimeve kufitare në veriun e banuar me shumicë serbe. Operacioni u urdhërua nga qeveria e Kosovës në përpjekje për të zbatuar vendimin për ndalimin e importeve nga Serbia, i cili nuk po zbatohej në atë pjesë të Kosovës ku nuk funksionojnë doganat e vendit.

  Operacioni nxiti reagime të ashpra të banorëve serb të cilët ngritën barrikada në rrugët kryesore. Një pjesëtar i policisë u vra gjatë një sulmi mbi policinë në afërsi të Zubin Potokut një komunë me shumicë serbe ne veri. Përfaqësuesit e Beogradit kërkojnë kthimin në gjendjen e mëparshme një kërkesë kjo që është kundërshtuar nga Prishtina zyrtare.

  Operacioni i policisë nuk u mbështet nga zyrtarët e Bashkimit Evropian të cilët thanë se ai u ndërmor pa këshillime paraprake me ta, ndërsa bënë thirrje për rifillimin e bisedimeve ndërmjet të Kosovës dhe Serbisë, të cilat qenë shtyrë për në muajin shtator.

• 05. 08. 2011
• 04:46

  Kosovë: Vazhdojnë përpjekjet për arritjen e marrëveshjes për zgjidhjen e krizës në veri

  [Lajmi i Plote] Zeri Amerikes

  Shenja:  Ballkani  

  

  Komandanti i trupave paqeruajtëse të NATO-s, gjenerali Erhard Buhler, është takuar me përfaqësuesit e qeverisë së Serbisë, për të rishikuar projektmarrëveshjen e hartuar dy ditë më parë, për tejkalimin e gjendjes aktuale në veri, e cila ishte hedhur poshtë nga qeveria e Kosovës. Takimi i cili ka zgjatur për rreth pesë orë, është mbajtur në kampin e KFOR-it në komunën e Leposaviqit, mirëpo asnjëra palë nuk kanë dashur të flasin për  këtë takim.

  Projektmarrëveshja e arritur ndërmjet KFOR-it dhe përfaqësuesve të Beogradit, parasheh që “në vendkalimet kufitare në Jarinë dhe në Bërnjak, sistemi i tanishëm i kontrollit do të vazhdojë i pandryshuar deri në mesin e muajit shtator 2011”. Sipas kësaj marrëveshjeje “veturat, kamionët me peshë deri në 3.5 tonelata dhe kamionët që transportojnë ndihma humanitare, përfshirë edhe ushqimet, mund të kalojnë pas kontrollimit të identitetit dhe atij për armë. Bllokadat rrugore do të hiqen dhe liria e lëvizjes do të rivendoset”.

  Por, marrëveshja trepikëshe u cilësua e papranueshme nga qeveria e Kosovës. Kryeministri Hashim Thaçi, është takuar me komandantin e KFOR-it për të diskutuar këtë situatë dhe siç thuhet, “është konstatuar se nuk ka kthim prapa, se do të vazhdojë kontrolli i plotë vendkalimeve kufitare, se është e domosdoshme të hiqen bllokadat rrugore dhe të krijohen kushtet e sigurisë për të gjithë qytetarët në veri”.

  Kryeministri Thaçi tha se është sqaruar situata e krijuar pas këtyre zhvillimeve dhe është arritur mirëkuptim për hapat e mëtejshëm. Ai ka thënë se nuk mund të ketë kthim në gjendjen e para 25 korrikut në vendkalimet kufitare, një kërkesë kjo e cila është vënë si kusht për largimin e bllokadave të vendosura nga serbët në rrugët veriore.

  Forcat e KFOR-it u vendosën në vendkalimet kufitare pas trazirave të javës së kaluar duke i shpallur ato zona të kufizuara ushtarake.  Një batalion i këtyre trupave ka filluar vendosjen në Kosovë, që do t’u bashkohen forcave të KFOR-it në veri të vendit.

  NATO-ja ka paralajmëruar se mund të shtojë sërish forcat e saj në Kosovë, për shkak të sic thuhet, tensioneve të vazhdueshme ndërmjet autoriteteve të Kosovës dhe Serbisë.

  Njësitë e posaçme të policisë së Kosovës, filluan më 25 korrik një operacion për vënien nën kontroll të dy vend kalimeve kufitare në veriun e banuar me shumicë serbe. Operacioni nxiti reagime të ashpra të banorëve serb të cilët ngritën barrikada në rrugët kryesore. Një pjesëtar i policisë u vra gjatë një sulmi mbi policinë në afërsi të Zubin Potokut, një komunë me shumicë serbe në veri, ndërsa njëri nga vendkalimet u dogj nga protestues serbë.

  Operacioni i policisë nuk u mbështet nga zyrtarët e Bashkimit Evropian të cilët thanë se ai u ndërmor pa këshillime paraprake me ta, ndërsa bënë thirrje për rifillimin e bisedimeve ndërmjet të Kosovës dhe Serbisë, të cilat qenë shtyrë për në muajin shtator.

• 04. 08. 2011
• 01:20

  Greqia do të rishikojë ligjin për narkotikët

  [Lajmi i Plote] Zeri Amerikes

  Shenja:  Ballkani  

  

  Greqia do të rishikojë ligjin për narkotikët ndërkohë që vazhdon të përballet me sasi të mëdha të hashashit që futen nga Shqipëria. Projektligji i paraqitur nga Ministria greke e Drejtësisë parashikon dënime më të ulta për përdoruesit e lëndëve narkotike.

  Greqia pritet të rishikojë legjislacionin për mbajtësit dhe përdoruesit e lëndëve narkotike  në përpjekje për të ulur numrin e përdoruesve dhe trafikimin e llojeve të lehta të drogës. Ministria greke e Drejtësisë ka paraqitur në Parlamentin grek një Projektligj të ri i cili parashikon dënime më të buta për mbajtësit e lëndëve të lehta narkotike  dhe ndaj përdoruesve.

  Mjetet greke të informimit citojnë burimet zyrtare greke ,sipas të cilave rreth 300 persona vdesin në këtë vend nga përdorimi i drogës. Shifrat e përdoruesve janë veçanërisht të larta në burgjet greke ku rreth 40% e të burgosurve përdorin lëndë narkotike. Projektligji i ri  ka ngjallur debate në opinionin publik grek  pasi parashikon sanksione më të buta edhe ndaj  kultivuesve të llojeve të lehta të narkotikëve. Ndërkohë që vendi po përjeton një krizë të rëndë ekonomike dhe financiare hapa të tilla priten me skepticizëm nga grekët e thjeshtë.

  Ndërkohë Greqia vazhdon të përballet me raste të shumta të trafikimit të lëndëve narkotike dhe veçanërisht hashashit nga Shqipëria. Si në kufirin verior grek me Shqipërinë edhe në hapësirën detare policitë greke dhe shqiptare  kanë bllokuar gjatë këtij viti disa qindra kilogramë bimë narkotike e destinuar kryesisht për tregun turistik grek.  Trafikantët shqiptarë përbëjnë edhe pjesën më të madhe të të burgosurve të dënuar për trafik të lëndëve narkotike në Greqi.

  Gjykatat greke, sidomos në qytetin verior grek të Janinës dhe atë të Korfuzit fqinj me Shqipërinë, kanë aplikuar dënime  tejet të ashpra për  transportuesit shqiptarë  të lëndëve narkotike që bllokohen në Greqi. Shumica e tyre janë korrierë  në moshë të mitur që përdoren nga rrjetet  e fuqishme të trafikut të narkotikëve  që veprojnë në të dy vendet.

• 31. 07. 2011
• 16:39

  Maqedoni,Televizioni privat A1 ndërpreuttransmetimet pas një urdhëri të Gjykatës

  [Lajmi i Plote] Zeri Amerikes

  Shenja:  Ballkani  

  
• 04:24

  Autoritetet në Kosovë, të gatshme për çdo lloj veprimi në veriun e vendit

  [Lajmi i Plote] Zeri Amerikes

  Shenja:  Ballkani  

  

  Ministri i Punëve të Brendshme të Kosovës, Bajram Rexhepi, thotë se autoritetet vendase janë të gatshme për çdo lloj veprimi në veriun e vendit, nëse kjo gjë kërkohet prej tyre. Komentet e tij, pasuan gjendjen në veriun e Kosovës, ku rrugët që çojnë drejt vendkalimeve kufitare më Serbinë, vazhdojnë të mbahen të bllokuara nga grupe serbësh, ndërsa vendkalimet janë nën kontrollin e forcave paqeruajtëse.

  Përfaqësuesit e serbëve thonë se nuk do të largohen nga bllokadat e vendosura që të hënën, kur njësitë e posaçme të policisë së Kosovës vunë nën kontroll vendkalimet kufitare me Serbinë. Grupe serbësh i vunë flakën njërit prej vendkalimeve kufitare ndërsa shtinë me armë zjarri edhe ndaj forcave të KFOR-it, të cilat morrën nën kontroll postat kufitare duke i shpallur ato zona të kufizuara ushtarake. Pjesëtarët e këtyre forcave kanë paralajmëruar përdorimin e forcës në rast të përpjekjeve për të sulmuar vendkalimet.

  Ministri i Punëve të Brendshme, Bajram Rexhepi, thotë se  bllokimi i rrugëve nga ana e serbëve është cështje e forcave paqeruajtëse.

  “Kjo është çështje e KFOR-it dhe KFOR-i ka përmbajtje maksimale. Protestuesit keqpërdorin mirësinë e KFOR-it, ata vendosin gra, fëmijë e klerikë fetarë para barrikadave në mënyrë që t’i shmangin nga veprimet, dhe sa do të zgjatë ky durim i KFOR-it është çështje e tyre”, tha ministri Rexhepi, duke shtuar se barrikadat e serbëve janë pengesë reale për furnizimin e forcave paqeruajtëse.

  Ministri Rexhepi thotë se policia e Kosovës nuk përzihet në këto raste, pasi që sipas tij, përgjegjësinë e kanë KFOR-i dhe EULEX-i.

  “Policia e Kosovës në këto raste nuk përzihet për arsye se e kanë marr përgjegjësinë KFOR-i dhe EULEX-i, dhe pengesa është kryesisht për atë, nëse kërkohet prej policisë ne jemi të gatshëm, por në këtë rast nuk ka pasur kërkesë për policinë, ndërsa ne kur i marrim intervenimet tona i bëjmë vetë ose kërkojmë ndihmën e KFOR-it  ose të EULEX-it”, tha ai.

  Ministri Rexhepi, bëri të ditur se në vendkalimin në Bërnjak funksionon dogana dhe policia kufitare e Kosovës, ndërsa vendkalimi në Jarinjë është bllokuar për automjete të rënda dhe aty bëhet vetëm lëvizja e qytetarëve nën kontroll të rreptë.

  Njësitë e posaçme të policisë së Kosovës, filluan të hënën në mbrëmje një operacion për vënien nën kontroll të dy vend kalimeve kufitare në veriun e banuar me shumicë serbe. Operacioni u urdhërua nga qeveria e Kosovës në përpjekje për të zbatuar vendimin për ndalimin e importeve nga Serbia, i cili nuk po zbatohej në atë pjesë të Kosovës ku nuk funksionojnë doganat e vendit. Një pjesëtar i policisë u vra në një sulm të armatosur ndaj njësive të posaçme në afërsi të Zubin Potokut, një nga komunat veriore me shumicë serbe.

  Operacioni i policisë nuk u mbështet nga zyrtarët e Bashkimit Evropian të cilët thanë se ai u ndërmor pa këshillime paraprake me ta.

• 30. 07. 2011
• 06:24

  Zona veriore e Shqipërisë po mbështetet me programe zhvillimi edhe nga qeveria zvicerane

  [Lajmi i Plote] Zeri Amerikes

  Shenja:  Ballkani  

  

  Zona veriore e Shqipërisë po mbështetet me programe zhvillimi edhe nga qeveria zvicerane. Në 13 njësi vendore të Qarqeve Shkodër dhe Lezhë po zbatohen programe që synojnë rritjen e kapaciteteve vendore, zhvillimin e ekonomive lokale si dhe përmirësimin e jetës së banorëve të këtyre zonave me nivel të ulët zhvillimi në krahasim me pjesën tjetër të Shqipërisë.

• 29. 07. 2011
• 06:51

  Këshilli i Sigurimit i OKB-së zhvillon konsultime për gjendjen në veriun e Kosovës

  [Lajmi i Plote] Zeri Amerikes

  Shenja:  Ballkani  

  

  Këshilli i Sigurimit i Kombeve të Bashkuara zhvilloi dje konsultimeve me dyer të mbylluara për të diskutuar gjendjen e tensionuar mes Kosovës dhe Serbisë që i kushtoi jetën një polici shqiptar në fillim të javës.

  Para bisedimeve, ministri i Jashtëm i Serbisë, Vuk Jeremiç u tha gazetarëve se kishte shkuar në Këshillin e Sigurimit për të shprehur versionin serb për ngjarjet dhe t’i kërkonte Këshillit të Sigurimit të dënonte përdorimin e njëashmën të forcës.

  Ai tha se komuniteti ndërkombëtar duhet të veprojë me shpejtësi për t’i siguruar se nuk do të ketë veprime të mëtejshme dhune.

  Gjendja dje në veriun e Kosovës ishte e qetë, pasi trupat e NATO-s morrën kontrollin e dy pikave doganore në kufirin verior të Kosovës me Serbinë.

  Dhuna shpërtheu pasi qeveria e Kosovës dërgoi forcat speciale të policisë të hënën për të vënë nën kontroll postat kufitare  në veri për të zbatuar embargon e importeve nga Serbia. Ndalimi i importeve serbe ishte në përgjigje të bllokimit nga Serbia të eksporteve të Kosovës.

  Pasi policia e Kosovës u tërhoq të mërkurën në bazë të një marrëveshjeve të negociuar nga NATO-ja, rreth 200 serbë, shumica të maskuar dhe të armatosur me bomba zjarri sulmuan postat.

  Kryeministri i Kosovës, Hashim Thaçi akuzoi Beogradin për nxitjen e dhunës, ndërsa Parlamenti i Kosovës u mblodh në senacë të jashtëzakonëshme për të diskutuar gjendjen.

  Por presidenti i Serbisë, Boris Tadiç, tha të mërkurën se sulmi ishte kryer nga huliganë dhe u bëri thirrje serbëve të Kosovës të qendrojnë të qetë.

  Serbia kërkoi konsultime me Këshillin e Sigurimit dhe dërgoi ministrin e saj të Jashtëm, Vuk Jeremiç, në Nju Jork.

• 06:00

  Komisioni amerikan i Helsinkit bën thirrje për uljen e tensionit në pjesën veriore të Kosovës

  [Lajmi i Plote] Zeri Amerikes

  Shenja:  Ballkani  

  

  Komisioni amerikan i Helsinkit bën thirrje për uljen e tensionit në pjesën veriore të Kosovës pas njoftimeve për një sulm të armatosur të kryer mesa duket nga ekstremistë serbë në një pikë kufitare kalimi mes dy vendeve.

  Komisioni i Helsinkit u bën thirrje të gjitha palëve të përmbahen dhe të mos ushtrojë dhunë apo të bëjë provokime të mëtejshme.  Ky sulm, vëren komisioni, është më i fundit në një seri veprimesh destabilizuese që nga shtyrja javën e kaluar të raundit të radhës të dialogut mes qeverive të Serbisë dhe Kosovës, të ndërmjetësuar nga Bashkimi Evropian.

  Kryetari i Komisionit amerikan të Helsinkit, kongresmeni Kris Smith, tha se “pas vendimit të qeverisë së Kosovës për të vënë në zbatim embargon ndaj mallrave serbe dhe përpjekjeve të paqeruajtësve të KFOR-it për zgjidhjen e mosmarrveshjeve në terren, ekstremistët serbë ndërmorrën një sulm të armatosur gjatë të cilit i vunë edhe zjarrin një poste kufitare, duke kërcënuar mesa duket, zonat jo-serbe të veriut të Kosovës”.

  “Këto akte”, vazhdon më tej kongresmeni Smith, “këcënojnë jetën e të gjitha grupeve etnike dhe nuk kanë vend në përpjekjet për një pajtim të drejtë dhe të qendrueshëm në Kosovë. Veçanërisht në Kosovë, ku pjestarë të të gjitha grupeve etnike kanë vuajtur aq shumë nga dhuna, të gjitha aktet e këtij lloji dhe kërcënimet e dhunshme duhet të ndiqen nga afër nga paqeruajtësit”.

  Komisoni i Helsinkit përshëndeti përgjigjen e shpejtë të KFOR-it për t’i dhënë fund konfrontimit.

  “Muajin e kaluar në Beograd, mesazhi që dëgjova nga zyrtarët serbë rreth dialogut ishte pozitiv, por ngjarjet e fundit tregojnë se sa delikate është në fakt situata atje”, shtoi bashkëkryetari i komisionit, Senatori Ben Kardin.

  Ai thotë më tej se të dy palët duhet të kthehen në tryezën e bisedimeve menjëhetë dhe të zgjidhin divergjencat. Nxitja e një konfrontimi të dhunshëm nuk është mënyrë për të zgjidhur mosmarrëveshjet” thekson Senatori Kardin, “ajo nuk është as mënyrë për të ndërtimin e besimit dhe lehtësimin e vështirësive që kanë përballë banorët në këtë pjesë të Kosovës”.

• 02:04

  NATO: Gjendja në veriun e Kosovës është ende e tensinuar

  [Lajmi i Plote] Zeri Amerikes

  Shenja:  Ballkani  

  

  Forcat paqeruajtëse të udhëhequra nga NATO-ja thonë se gjendja në vendkalimet kufitare në veri të Kosovës është e qetë, por ajo vazhdon të mos jetë e sigurt e as e qëndrueshme. Në një njoftim të këtyre forcave thuhet se vendkalimet mbeten të mbyllura dhe nën kontrollin e KFOR-it, ndërsa nuk kanë ndryshuar as rregullta për lëvizjen në këto vendkalime të vendosura një ditë më parë, kur ato u shpallën zona të kufizuara ushtarake.

  Gjatë pasdites, komandanti i forcave të KFOR-it, gjenerali gjerman Erhard Buhler, ka zhvilluar takime të reja me përfaqësuesit e qeverisë së Serbisë, Borko Stefanovic që është shef i delegacionit serb për bisedimet më Kosovën dhe ministrin serb për Kosovën në qeverinë serbe, Goran Bogdanovic, por nuk ka pasur ndonjë ndryshim të situatës.

  Banorët serbë po mbajnë të bllokuara disa nga rrugët në veri me gjithë thirrjet e KFOR-it për lirimin e tyre. Banorët serbe dhe përfaqësuesit e qeverisë së Serbisë nuk pajtohen që në vendkalimet kufitare të ketë pjesëtarë të policisë dhe doganave të Kosovës.

  Qeveria e Kosovës ndërkaq tha se nuk do të ketë kthim prapa në synimet për vendosjen e rendit në vendkalimet kufitare në veri. Kryeministri i Kosovës Hashim Thaçi, tha sot se ndërhyrja e njësive të posaçme të policisë më 25 korrik shënon një epokë të re për Kosovën. Ai akuzoi Beogradin për sulmet ndaj rendit në Kosovë, ndërsa e cilësoi të paligjshëm qëndrimin e zyrtarëve serbë në veri. Ai tha se qeveria e tij nuk do të bisedojë më me njerëz që po drejtojnë sulmet ndaj vendkalimeve kufitare.

  “Dialog për fqinjësi të mirë, do të ketë, duhet të ketë, jemi të gatshëm, por në Bruksel. Dialog me agjendë të paraparë nga BE, të mbështetur nga SHBA, e në asnjë rrethanë dhe në asnjë kohë me zyrtarët që qëndrojnë në mënyrë ilegale në Kosovë”.

  Kryeministri Thaçi tha se mandatin e negocimit për çështjet e Kosovës e kanë vetëm institucionet e saj. “Nga 25 korriku Kosova është ndryshe, është hapur kapitulli i ri i sovranitetit të plotë në Republikën e Kosovës. Dhe, askush me këta zyrtarë ilegalë të Serbisë, qofshin diplomatë apo zyrtarë tjerë ndërkombëtarë nuk kanë të drejtë të ulen dhe të diskutojnë në emër të Kosovës”.

  Zyrtarë të KFOR-it thanë ndërkaq se nuk janë duke negociuar me përfaqësuesit serbë por po bisedojnë me të dyja palët që nuk kanë vija komunikimi.

  Njësitë e posaçme të policisë së Kosovës, filluan të hënën në mbrëmje një operacion për vënien nën kontroll të dy vend kalimeve kufitare në veriun e banuar me shumicë serbe. Operacioni u urdhërua nga qeveria e Kosovës në përpjekje për të zbatuar vendimin për ndalimin e importeve nga Serbia i cili nuk po zbatohej në atë pjesë të Kosovës ku nuk funksionojnë doganat e vendit.
  Një pjesëtar i policisë u vra në një sulm të armatosur ndaj njësive të posaçme në afërsi të Zubin Potokut, një nga komunat veriore me shumicë serbe.

  Operacioni i policisë nuk u mbështet nga zyrtarët e Bashkimit Evropian të cilët thanë se ai u ndërmor pa këshillime paraprake me ta. Shefja e diplomacisë evropiane, Katherin Ashton, do të dërgojë në fillim të javës së ardhshme diplomatin britanik Robert Cooper në Beograd dhe Prishtinë. Ky vendim i saj u bë i ditur pas mbledhjes së Komisionit të Bashkimit Evropian për politikë dhe siguri, ku është debatuar gjendja aktuale në Kosovë. Zonja Ashton ka theksuar se dialogut mbetet e vetmja mënyrë që Beogradi dhe Prishtina t'i zgjidhin çështjet e hapura. Bashkimi Evropian pret të ndodhë një përparim i shpejtë dhe i domosdoshëm", citohet të ketë thënë ajo duke kërkuar nga të dyja palët që "të shmangin përkeqësimin e mëtejmë të situatës dhe të angazhohen për gjetjen e një zgjidhjeje paqësore nëpërmjet negociatave.

• 28. 07. 2011
• 04:49

  Të përndjekurit politikë në Shkodër paralajmërojnë protestë

  [Lajmi i Plote] Zeri Amerikes

  Shenja:  Ballkani  

  

  Drejtues të Shoqatës së ish të burgosurve dhe të përndjekurve politikë të Shkodrës shprehën shqetësim mbi vonesat në dhënien e dëmshpërblimit, për kohën që kaluan nëpër burgjet dhe kampet e internimit të regjimit komunist. Sipas kryetarit të kësaj shoqate për Shkodrën, Zenel Dragu, vetëm një pjesë e vogël e ish të burgosurve politikë kanë arritur të marrin  pjesën e parë të dëmshpërblimit. Zoti Dragu paralajmëroi protesta paqësore nëse brenda muajit shtator qeveria nuk do të japë këstin e parë të dëmshpërblimit për të gjithë ish të burgosurit politikë.

• 01:56

  Thaci: Sulmi ndaj pikës kufitare është udhëhequr nga Beogradi

  [Lajmi i Plote] Zeri Amerikes

  Shenja:  Ballkani  

  

  Autoritetet në Kosovë, e kanë akuzuar Beogradin zyrtar dhe strukturat paralele në veriun e vendit, për sulmin ndaj vendkalimit kufitaar në Jarinë, në komunën e Leposavicit në veri. Në orët e mbrëmjes, grupe protestuesish serb i kanë vënë flakën vendkalimit kufitar në Jarinë, vetëm pak kohë pasi që njësitë e posaçme të policisë së Kosovës, i dhanë fund operacionit për vënien nën kontroll të vendkalimeve kufitare më Serbinë në veriun e banuar me shumicë serbe. Kjo është hera e dytë që kjo postë kufitare digjet nga protestuesit serbë. Herën e parë ajo u dogj pak ditë pas shpalljes së pavarësisë së Kosovës.

  Kryeministri i Kosovës, Hashim Thaci, e ka akzuzuar Beogradin zyrtar dhe strukturat paralele në veriun e vendit, për sulmin ndaj vendkalimit kufitar në Jarinë, në komunën e Leposavicit në veri. Ai i bëri këto komente, gjatë një konference të jashtëzakonshme për shtyp gjatë orëve të vona të natës, ku tha se sulmi ndaj pikës kufitare është udhëhequr dhe bashkërenduar nga udhëheqësit e lartë të Beogradit, duke nënvizuar se me këto veprime është, sic tha ai, demaskuar edhe publikisht politika e Beogradit ndaj Kosovës.

  “Fatkeqësisht, në orët e pasditës, një grup kriminal i udhëhequr nga liderët e strukturave paralele serbe, të motivuara nga autoritetet e Beogradit, kanë sulmuar pikën 1. Këto veprime të dhunshme janë urdhëruar, koordinuar dhe udhëhequr nga strukturat më të larta politike të qeverisë së Serbisë. Djegia e pikës 1 është bërë nga njerëz me maska, por gjithcka është e qartëë, pas kësaj djegie qëndron Beogradi, politika e Beogradit”, tha ai.

  Kryeministri Thaci, bëri të ditur se forcat paqeruajtëse të NATO-s dhe të policisë së Kosovës, janë duke bërë përpjekje për të mbajtur nën kontroll situatën në vendkalimet kufitare. Ai tha se institucionet e Kosovës nuk do të bëjnë asnjë kompromis.

  “Ju garantojmë se do ta kthejmë rendin dhe ligjin. Keni besim në ne, ruani qetësinë, ne në asnjë rrehtanë nuk do të zbrapsemi, nuk do të kemi asnjë milimetër kthim mbrapa. Për Kosovën do të ketë vetëm ecje përpara, nuk do të ketë rikthim të gjendjes së status kuos, madje as të gjendjes së para dy ditëve. Ky është momenti i së vërtetës për Kosovën, momenti i ecjes përpara, momenti për vënien e rendit dhe ligjit pas 12 vjetësh, ky është momenti i unitetit politik dhe qytetarë, kërkohet solidaritet dhe kërkohet besim te institucionet e vendit”, tha ai.

  Kryeministri Thaci, iu bëri thirrje qytetarëve që të ruajnë qetësinë dhe të kenë besim në institucionet e Kosovës, duke nënvizuar se në atë pjesë të vendit do të kthehet rendi dhe ligji.

  “Dua të ju siguroj, se nuk të ketë kthim mbrapa dhe skenari i Serbisë për ndarjen të veriut të Kosovës nuk do të ndoh kurrë dhe në asnjë rrethanë. Kurrë më të vendosur në këto 12 vjetët e fundit nuk kemi qenë dhe gjithë bota është e mirëkuptueshme në qasjen tonë të vendosur. Ruajtja e qetësisë, sigurisë dhe tërësisë territoriale të Republikës së Kosovës është detyra jona parësore, kushtetuese dhe legjitime”, tha kryeministri Thaci.

  Në orët e mbrëmjes, grupe protestuesish serb i kanë vënë flakën vendkalimit kufitar në Jarinë, në komunën e Leposaviçit në veri, vetëm pak kohë pasi që njësitë e posaçme të policisë së Kosovës, i dhanë fund operacionit për vënien nën kontroll të vendkalimeve kufitare më Serbinë në veriun e banuar me shumicë serbe.

  Grupe protestuesish kanë hedhur shishe me benzinë në postën kufitare ndërsa kanë përdorur edhe buldozerë për shkatërrimin e saj. Burimet serbe në veri thanë se shishe me benzinë janë hedhur edhe ndaj trupave të NATO-s.

  Ndaj kësja situate ka reaguar presidenti i Serbisë Boris Tadiç, i cili ka bërë thirrje për ndërprerjen e menjëhershme të dhunës në Jarinë. Ai citohet të ketë thënë se “huliganët që nxisin dhunë, nuk janë ata që i mbrojnë as qytetarët e as shtetin serb”.

  Edhe Ministri serb në qeverinë e Kosovës Goran Bogdanoviç e ka dënuar djegien e vendkalimit kufitar ndërsa i ka cilësuar si ekstremistë grupet e protestuesve që sulmuan postën kufitare.

  Forcat paqeruajtëse të NATO-s thanë se kanë vendsour trupa shtesë në veri për të rivendosur rendin. Në një komunikatë të KFOR-it thuhet se “pas një dite demonstrimi, situata u përkeqësua në pikën doganore në Jarinë, dhe persona të panjohur i kanë vënë zjarrin kësaj pike kufitare. Gjithashtu janë konfirmuar raportimet për të shtëna ndaj personelit të KFOR-it në afërsi.

  Kjo është hera e dytë që kjo postë kufitare digjet nga protestuesit serbë. Herën e parë ajo u dogj pak ditë pas shpalljes së pavarësisë së Kosovës.

  Njësitë e posaçme të policisë së Kosovës, filluan të hënën në mbrëmje një operacion për vënien nën kontroll të dy vend kalimeve kufitare në veriun e banuar me shumicë serbe. Operacioni u urdhërua nga qeveria e Kosovës në përpjekje për të zbatuar vendimin për ndalimin e importeve nga Serbia i cili nuk po zbatohej në atë pjesë të Kosovës ku nuk funksionojnë doganat e vendit.

  Aksioni i policisë nuk është mbështetur nga EULEX-i dhe Bashkimi Evropian.

• 25. 07. 2011
• 14:21

  Sa dëmtohen Serbia dhe Bosnjë-Hercegovina nga embargoja e Kosovës

  [Lajmi i Plote] Deutsche Welle - shqip

  Shenja:  Ballkani  

  Vendimi i qeverisë së Kosovës për vendosjen e embargos për prodhimet nga Serbia ka shkaktuar pakënaqësi në Beograd. Në disa reagime ai vlerësohet si shkelje e marrëveshjes së CEFTA-s.

• 24. 07. 2011
• 19:59

  Protestë e banorëve të nën-Shkodrës për dëmshpërblimet nga përmbytjet

  [Lajmi i Plote] Zeri Amerikes

  Shenja:  Ballkani  

  Sot paradite, disa dhjetra banorë të Nënshkodrës protestuan duke bllokuar për më shumë se një orë rrugën që lidh Shkodrën me Plazhin e Velipojes. Banorët kërkuan shpejtimin e procedurave për dhënien e kompensimit të premtuar për dëmet që ju shkaktuan gjatë përmbytjeve masive të fundvitit të kaluar. Gjatë muajve të parë të këtij viti, Ministria e Brendshme, përmes grupeve të ekspertëve, ka përfunduar vlerësimin e dëmeve. Por, megjithse kanë kaluar 6 muaj, banorët ende nuk kanë marrë kompensimin  e premtuar.

• 19:16

  Ndalohen ndërtimet gjatë sezonit turistik në Sarandë

  [Lajmi i Plote] Zeri Amerikes

  Shenja:  Ballkani  

  Bashkia e  Sarandës ka vendosur në fuqi një moratorium për ndalimin e të gjitha ndërtimeve përgjatë sezonit turistik.  Kryetari i Bashkisë së Sarandës Stefan Cipa tha se do të verifikohen edhe të gjitha lejet e ndërtimit  që janë dhënë nga administrata bashkiake ne kete qytet.

• 19:11

  Vajza nga Kosova përgatiten për një konferencë në Boston

  [Lajmi i Plote] Zeri Amerikes

  Shenja:  Ballkani  

  Një grup vajzash nga Kosova, javën e ardhshme do të shkojnë në Boston, për të marrë pjesë në një konferencë mbi forcimin e paqes, organizuar nga programi gratë për gratë. Në një ceremoni përcjellëse në Ambasadën amerikane në Prishtinë, u tha se kjo konferencë ku do të marrin pjesë përfaqësuese të 18 vendeve të botës, do t’u ofrojë atyre përvojë të mirë në përballjen më çështjet që përcaktojnë të ardhmen e tyre dhe njëkohësisht do të ndihmojë krijimin e një grupi të ri të udhëheqëseve të grave, që mund të ndihmojnë edhe zhvillimin e Kosovës.

• 14:17

  Puna sezonale e studentëve maqedonas

  [Lajmi i Plote] Deutsche Welle - shqip

  Shenja:  Ballkani  

  Të rinjtë në Maqedoni verën e shfrytëzojnë për punësime të përkohshme sezonale. Angazhimet në kafiteri, restaurante, anije dhe punë të tjera. Paratë e fituara i shfrytëzojnë për studime.

• 23. 07. 2011
• 19:06

  Shqipëri: Mbahet mbledhja e Këshillit Kombëtar të Partisë Demokratike

  [Lajmi i Plote] Zeri Amerikes

  Shenja:  Ballkani  

  Shqipëri: Mbahet mbledhja e Këshillit Kombëtar të Partisë Demokratike
• 17:59

  Kosovë: Analistët diskutojnë bllokimin e mallrave

  [Lajmi i Plote] Zeri Amerikes

  Shenja:  Ballkani  

  Në Kosovë, autoritetet thanë se po mbikëqyrin zbatimin e vendimit për ndalimin e importeve nga Serbia, një vendim ky që nxiti reagime të shumta të Beogradit dhe serbëve të Kosovës. Analistët thonë ndërkaq se ky vendim ishte i pritshëm si kundërveprim ndaj bllokadës së mëhershme të Serbisë. Por, ata nuk besojnë se kjo situatë mund të zgjasë shumë, meqë  Beogradi do të jetë i detyruar të pranojë vulat doganore, që ishin edhe arsye kryesore që çoi në bllokadën e dyanshme tregtare.

• 16:53

  Maqedoni: Shtohen reagimet ndaj ndryshimeve të ligjit për Këshillin e transmetimeve radio-televizive

  [Lajmi i Plote] Zeri Amerikes

  Shenja:  Ballkani  

  Në Maqedoni janë shtuar reagimet ndaj ndryshimeve të ligjit për Këshillin e transmetimeve radio-televizive, të miratuar nga Parlamenti i vendit. Ekspertët shprehen të shqetësuar duke thënë se pushteti po përpiqet të heshtë dhe të mbyllë mjetet e informimit që janë kritike ndaj qeverisë. Ndaj amendamenteve të ligjit ka reaguar edhe OSBE-ja, e cila thotë se ndryshimet mund të çojnë në politizime brenda Këshillit të transmetimeve.

• 16:52

  Në Universitetin e Shkodrës diplomohen 150 studente të Fakultetit Ekonomik

  [Lajmi i Plote] Zeri Amerikes

  Shenja:  Ballkani  

  Në Universitetin e Shkodrës u diplomuan 150 studente të fakultetit ekonomik, fakultet ky që prej 15 vitesh bashkëpunon me disa universitete në Shtetet e Bashkuara të Amerikës. 100 studente të këtij fakulteti janë pjesëmarrës të programit amerikan, "Studentet ne sipermarrjen e lire", që synon gërshetimin e studimeve universitare me komunitetin dhe biznesin vendas.

• 16:04

  Kosovë: Autoritetet të angazhuara për përmbushjen e kritereve integruese në BE

  [Lajmi i Plote] Zeri Amerikes

  Shenja:  Ballkani  

  

  Autoritetet në Kosovë janë zotuar për përmbushjen e kritereve që u takojnë për proceset integruese, në mënyrë që shteti i ri të përfshihet në procesin e liberalizimit të vizave. Këto komente u bënë gjatë një konference, lidhur me riatdhesimin e qytetarëve, që është një nga kriteret kryesore në këtë proces. Ndërkaq, zyrtarë të Komisionit Evropian në Kosovë, kanë bërë të ditur se gjatë muajit shtator pritet ta vizitoj Kosovën një delegacion i këtij misioni, për sic thuhet, vlerësimin e gjendjes lidhur me përmbushjen e kritereve që dalin nga procesi i liberalizimit të vizave.

• 15:26

  Mali i Zi e shikon të favorshëm ndalimin e importeve serbe në Kosovë

  [Lajmi i Plote] Zeri Amerikes

  Shenja:  Ballkani  

  

  Vendimin e Qeverise se Kosoves per ndalimin e mallrave serbe, Mali i Zi e sheh si  nje shans dhe favor per rritjen e shkembimit tregtar me Kosoven. Ndihmes Ministri i Ekonomise malazeze, Goran Shqepanoviq vlereson se biznesi i Malit te Zi mund te fitoje terren ne Kosove dhe t'i favorizoje disa prodhime te saj. Mali I Zi e njohu pavaresine e Kosoves ne tetor te vitit 2008  dhe keto dy shtete u shquan per marredheniet e mira fqinjesore per cka u cilesuan si shembull i mire ne rajon.

• 15:12

  Problemet e pazgjidhura të pronave shqetësojne edhe komunitetet fetare në veri të Shqipërisë

  [Lajmi i Plote] Zeri Amerikes

  Shenja:  Ballkani  

  

  Problemet ende te pazgjidhura te pronave  po shqetesojne jo vetem pronaret e ligjshem, por edhe komunitetet fetare ne Veri te Shqiperise. Gjate nje ceremonie fetare, Myftiu i Shkodres kritikoi strukturat vendore per problemet e pronave, nderkohe qe edhe perfaqesues te shoqates "Pronesi me Drejtesi" reaguan duke kerkuar zbatimin e vendimeve gjyqesore per pronat.

• 22. 07. 2011
• 15:12

  Tadiçi cilëson të "papranueshme dhe armiqësore" embargon tregtare nga Prishtina

  [Lajmi i Plote] Deutsche Welle - shqip

  Shenja:  Ballkani  

  Presidenti serb, Boris Tadiç, ka deklaruar se vendimi i Prishtinës për të bllokuar importet nga Serbia është "një gjest i papranueshëm dhe armiqësor", bën të ditur agjencia e lajmeve AFP.
• 12:53

  Të prishet apo jo piramida në Tiranë?!

  [Lajmi i Plote] Deutsche Welle - shqip

  Shenja:  Ballkani  

  Specialistët dhe opinioni publik në Shqipëri kanë mendime të ndryshme lidhur me ndërtesën në qendër të kryeqytetit, që sipas vendimit të qeverisë, do të prishet dhe do të kthehet në ndërtesën e re të parlamentit.

• 21. 07. 2011
• 20:05

  Kosovë: Ndalohet importi i mallrave nga Serbia

  [Lajmi i Plote] Zeri Amerikes

  Shenja:  Ballkani  

  Në Kosovë, që nga mbrëmë ka filluar zbatimi i vendimit të qeverisë për ndalimin e importeve të mallrave nga Serbia. Vendimi është mbështetur gjerësisht nga forcat politike dhe nga komuniteti i biznesit, i cili shprehet i bindur se nuk do të ketë mungesë mallrash ne tregun e vendit. Ndërkaq, përfaqësuesit politikë të serbëve të Kosovës dhe zyrtarët e Beogradit, e kanë cilësuar vendimin si të dëmshëm për procesin e bisedimeve ndërmjet të dyja palëve, vazhdimi i të cilit pritet në muajin shtator.

• 19:20

  Ekonomia shqiptare ende e ekspozuar ndaj efekteve të krizës greke

  [Lajmi i Plote] Zeri Amerikes

  Shenja:  Ballkani  

  Në Tiranë ekspertë të huaj dhe vendas vlerësuan sot se ekonomia shqiptare gjendet ende e ekspozuar ndaj efekteve të krizës greke, së cilës rrezikon t’i shtohen edhe ato të Italisë. Sipas ekspertit gjerman Jens Bastian Shqipëria mund të gjendet e shtypur mes këtyre dy vendeve. Në një takim të organizuar nga Istituti i Studimeve ndërkombëtare u fol gjatë për pasojat e shumanshme të kësaj situate të provokuar nga kriza e borxheve dhe ekspertët vendas kërkuan që autoritetet të bëjnë kujdes mes parametrat e brishtë të deficitit dhe borxhit publik.

  Për efektet e krizës greke në Shqipëri është folur herë pas here, e duket se ajo do të vazhdojë të objekt i debateve mes ekspertëve, përsa kohë shenjat nga ekonomia e fqinjit jugor të Shqipërisë nuk do të jenë pozitive. Në një leksion të mbajtur sot në Tiranë, eksperti gjerman Jens Bastian u shpreh se janë disa, rreziqet të cilat duhen mbajtur parasysh duke përmendur këtu efektin e papunësisë në rritje në Greqi që prek së pari emigrantët,  uljen e flukse të kapitaleve të huaja, apo dhe rrezikun e tërheqjes së investitorëve si pasojë e perceptimit të krizës  e cila ka prekur edhe vendet e rajonit. Një tjetër rrezik sipas zotit Bastian, një njohës i mirë i realitetit ekonomik grek, lidhet edhe me bankat greke, filialet e të cilave në Shqipëri kanë reduktuar kreditimin e ekonomisë shqiptare.

  Kësaj situate i shtohet edhe rreziku i krizës në Itali gjë e cila do ta vinte Shqipërinë, sipas zotit Sebastian, në një pozicion sanduic. “Një shqetësim të madh që unë kam lidhur me Shqipërinë është se nëse kjo krizë nuk zgjidhet shpejt dhe thellë Shqipëria rrezikon të shtypet mes dy vendeve që kanë probleme me krizën e borxhit, mes Greqisë në Jug dhe Italisë në verilindje”.

  Nga ana e saj dekania e fakultetit të Ekonomisë në Universitetin europian të Tiranës Luljeta Minxhozi u shpreh se Shqipëria duhet të nxjerrë mësime nga kriza greke. Ajo foli për nevojën e një kujdesi me shifrat mbi parametrat makroekonomikë të vendit si dhe për një qëndrim më realist ndaj treguesve fiskal e monetar.

  “Kriza greke filloi si një krizë e borxheve, filloi kur Greqia e kaloi fort kufirin e përcaktuar nga Be për deficitin buxhetor dhe borxhin publik. Praktikisht Shqiperia eshte në ato kufij. Ajo e ka kaluar dy herë kufirin e lejuar të deficitit buxhetor dhe është gati në 60 për qind të nivelit të borxhit ndaj prodhimit të brendshëm kombëtar. Por është shumë i lartë dhe tregon se financat publike nuk janë në gjendje të mirë. Pra duhet të jetë një sinjal i fortë alarmi për një rishikim të gjetjes së burimeve të rifinancimit të  shpenzimeve”.

  Për drejtuesin e Qendrës së Studimeve ekonomike Zef Preci, mund të flitet edhe për pasoja afatgjata të krizës mbi ekonominë vendase. “Ekonomia shqiptare përbën një shembull që ka shënuar rritje edhe në periudhën e krizës. Por nëse shohim parashikimet për 2011-2016, kjo rritje sipas FMN pritet të jetë në kufijtë 3.4-4.5 për qind, cka është larg pritshmërive dhe është tregues i një rimëkëmbje shumë të ngadaltë dhe tërësisht të varur nga zhvillimet në ekonominë greke, për shkak të dërgesave të emigrantëve”.

  Në fakt të ardhurat nga emigrantët shqiptarë pasi arritën nivelin më të lartë në 2007 me afër 952 milion euro nisën menjëherë që në 2008 me shpërthimin e krizës globale një rënie progresive duk arritur në 2010 në 692 euro. Ndërkohë që kjo rënie ka vazhduar edhe në tremujorin e parë të këtij viti.

  Por sipas ekspertit gjerman pasojat mund të mos jenë vetëm në planin ekonomik por edhe atë politik për vendet e Ballkanit. Sipas tij kjo krizë e eurozonës i shtohet lodhjes së Bashkimit europian ndaj Zgjerimit e për pasojë pas anëtarësimit të Kroacisë, vendeve të mbetura ende jashtë mund t’u kërkohen rregullatë reja.

• 14:42

  BE: Shqipëria të zgjidhë çështjen e pronësisë

  [Lajmi i Plote] Deutsche Welle - shqip

  Shenja:  Ballkani  

  BE i sugjeron Shqipërisë të përmirësojë kuadrin ligjor për pronat dhe të vendosë të drejtat e pronësisë. Prezantohet në Tiranë projekti i BE për regjistrimin e pronave në bregdetin e Jonit.
• 07:55

  Arrestimi i Haxhiçit një hap tjetër drejt BE-së, por pa automatizma

  [Lajmi i Plote] Deutsche Welle - shqip

  Shenja:  Ballkani  

  Ratko Mladiçit dhe Radovan Karaxhiçit do i zgjerohet rrethi shoqëror në burgun e Hagës. Aty do të shkojë edhe Goran Haxhiçi, i akuzuari tjetër serb i krimeve të luftës, i cili ka qenë në arrati.
• 20. 07. 2011
• 16:37

  Hap drejt BE-së - Qeveria serbe do të ekstradojë Goran Hadžićin në Hagë

  [Lajmi i Plote] Deutsche Welle - shqip

  Shenja:  Ballkani  

  Goran Hadžić , i dyshuari i fundit për krime lufte në ish-Jugosllavi i akuzuar prej Tribunalit të OKB-së në Hagë, u arrestua të mërkurën në Serbi. Qeveria serbe e konsideron këtë si hap drejt BE-së.
• 15:55

  Kush është fajtor për anulimin e negociatave?

  [Lajmi i Plote] Deutsche Welle - shqip

  Shenja:  Ballkani  

  Raundi i bisedimeve të planifikuara për sot (20.07.) mes Prishtinës dhe Beogradit u anulua me kërkesë të ndërmjetësit të BE-së Kuper. Takimi u shty për në shtator, pasi aktualisht nuk ka kushte për marrëveshjeve të reja.
• 13:26

  Arrestohet i dyshuari si kriminel lufte, Goran Haxhic

  [Lajmi i Plote] Deutsche Welle - shqip

  Shenja:  Ballkani  

  Tribunali i Hagës përshëndet arrestimin e të kërkuarit të fundit si kriminel lufte në Ballkan, Goran Haxhic, i cili është vënë në prangat e policisë.
• 12:59

  Kryeprokurori i Kosovës s'ka pasur kërkesë, që të hiqet imuniteti i ndonjë deputeti, i cili që ka kryer ndonjë vepër penale gjatë ushtrimit të detyrës

  [Lajmi i Plote] Deutsche Welle - shqip

  Shenja:  Ballkani  

  Kabashi: 'Çështjen e imunitetit të deputetëve të kuvendit të Kosovës duhet ta rregullojë Gjykata Kushtetuese, si i vetmi organ kompetent për interpretimin e kushtetutës.'
• 19. 07. 2011
• 17:01

  Pas ekstradimit - Ish kryeministri kroat Sanader deklaron se "do të tregojë gjithçka"

  [Lajmi i Plote] Deutsche Welle - shqip

  Shenja:  Ballkani  

  Ivo Sanader akuzohet për korrupsion. Pas një burgimi prej 7 muajsh në Austri, ai u ekstradua në Zagreb. Tani ai thotë se do të tregojë gjithçka, por kolegët e partisë së tij, nuk pranojnë se kanë pasur dijeni.
• 13:55

  Projektligji për mediet në Shqipëri shqetëson komunitetin e gazetarëve

  [Lajmi i Plote] Deutsche Welle - shqip

  Shenja:  Ballkani  

  Miratimi i ligjit të medieve përbën një nga kërkesat këmbëngulëse të Komisionit Europian për Shqipërinë statusin e vendit kandidat për anëtarësim në BE. Projektligji aktual i qeverisë ka ngjallur shqetësim tek gazetarët.
• 18. 07. 2011
• 12:40

  Këshilli i Evropës: paanshmëria dhe profesionalizmi i komisioneve zgjedhore në Shqipëri shumë të rëndësishme

  [Lajmi i Plote] Deutsche Welle - shqip

  Shenja:  Ballkani  

  Për të monitoruar nga afër zgjedhjet e 8 majit Kongresi i Autoriteteve Lokale dhe Rajonale të Këshillit të Europës dërgoi në Shqipëri një delegacion. Kryetarja e delegacionit Hana Richtermocova foli për Deutsche Welle-n.

• 17. 07. 2011
• 18:20

  Veriu i Kosovës dhe bisedimet me Serbinë

  [Lajmi i Plote] Zeri Amerikes

  Shenja:  Ballkani  

  Kosova dhe Serbia pritet që gjatë javës që vjen, të vazhdojnë me raundin e ri të bisedimeve për zgjidhjen e çështjeve të interesit të përbashkët. Diplomatët presin që gjatë muajve në vazhdim, të shtohen temat e diskutimeve dhe sipas vëzhguesve, veriu i Kosovës i banuar me shumicë serbe do të jetë me siguri pjesë e këtyre bisedimeve. Serbet ne veri kundërshtojne çdo përpjekje për vendosjen e autoritetit të institucioneve të Kosovës.

• 16:02

  Parkimi i automjeteve në qytetet turistike të Shqipërisë

  [Lajmi i Plote] Zeri Amerikes

  Shenja:  Ballkani  

  Në shumë qytete turistike në Shqipëri  një nga problemet  më të mprehta mbetet parkimi  i automjeteve. Në  Sarandë ndërtimet kanë zënë  pothuajse të gjitha sipërfaqet dhe plani urbanistik nuk  eshtë zbatuar për sipërfaqet e parkimeve.  Pushuesit, por edhe vete banoret, kerkojne mjaft kohe per te  parkuar makinat.

• 15:57

  Bashkëpunim mes skulptorëve nga Shqipëria dhe Mali i Zi

  [Lajmi i Plote] Zeri Amerikes

  Shenja:  Ballkani  

  10 skulptorë nga Shqipëria dhe Mali i Zi po punojnë  pranë Kalasë “Rozafa” të Shkodrës, për të realizuar një numër skulpturash, të cilat do të vendosen në sheshet qendrore të qytetit. Skulptorët mbështeten nga një program i Komisionit Europian, që nxit bashkëpunimin ndërkufitar mes dy vendeve fqinjë, Shqipërisë dhe Malit të Zi.

• 13:25

  Gjithnjë e më tërheqëse për studentë nga rajoni - Universitetet publike në Shqipëri

  [Lajmi i Plote] Deutsche Welle - shqip

  Shenja:  Ballkani  

  Universitetet publike të Shqipërisë po tërheqin një numër në rritje studentësh nga vendet e rajonit dhe më gjerë. Përfshirja në procesin e Bolonjës i bën diplomat e këtyre studentëve të vlefshme në vendet e BE.
• 13:12

  „Po kjo s'është për vajza!“ - futboll grash në Evropën Juglindore

  [Lajmi i Plote] Deutsche Welle - shqip

  Shenja:  Ballkani  

  Falë botërorit futbolli për femra duket se ka mbërritur në Gjermani. Por në shumë vende të tjera ai mbetet një temë anësore - kështu për shembull në vendet e Evropës Juglindore.

• 16. 07. 2011
• 20:29

  SHBA: Çdo retorikë për ndarjen e Kosovës nuk i shërben synimit strategjik të Serbisë për integrim evropian

  [Lajmi i Plote] Zeri Amerikes

  Shenja:  Ballkani  

  

  Serbia ka bërë hapa të rëndësishëm drejt integrimit evropian.

  Arrestimi kohët e fundit i Ratko Mlladiçit, tha Nënsekretari amerikan i Shtetit, William Burns, "flet mjaft për angazhimin e Serbisë ndaj drejtësisë." Shtetet e Bashkuara po presin arrestimin e personit të fundit të akuzuar për krime lufte, Goran Haxhiç, i cili ende ndodhet në arrati. Kur ai të përballet me drejtësinë në Hagë, Serbia do të ketë përmbushur edhe detyrimet e saj të mbetura ndaj Gjykatës Ndërkombëtare Penale për ish-Jugosllavinë.

  Bashkëpunimi i vazhdueshëm me Gjykatën e Hagës, i shoqëruar me përparim të mëtejshëm në reformat e brendshme, do ta bëjë Serbinë një kandidate të fortë për Bashkimin Evropian. Por Serbia ndeshet gjithashtu me sfida të veçanta për t'u anëtarësuar në BE. Ajo duhet të gjejë një mënyrë për t’u pajtuar me realitetin në Kosovë.

  Shtetet e Bashkuara mbështesin fuqishëm dialogun e lehtësuar nga Bashkimi Evropian mes Beogradit dhe Prishtinës dhe mirëpret marrëveshjet e para të arritura. Të dyja palët kanë shfaqur gatishmëri për të diskutuar mbi zgjidhje praktike që mund të përmirësojnë jetën e të gjithëve në Kosovë. Shtetet e Bashkuara përshëndesin marrëveshjet e kohëve të fundit të arritura nga negociatorët serbë dhe kosovarë për zgjidhjen e lirisë së lëvizjes dhe çështjet e gjendjes civile.

  Në mënyrë që t’i bashkohet Kroacisë në të ardhmen e saj evropiane, Serbia duhet të vazhdojë t’i bashkohet rajonit në pajtimin e saj me të kaluarën dhe përshtatjen me të tashmen. "Le të jemi të qartë," tha nënsekretari Burns, se "nuk ekziston asnjë mënyrë e mundshme për ripërcaktimin e kufijve në këtë rajon në bazë të linjave të pastra etnike. Në qoftë se një proces i tillë vihet në lëvizje, atëhere ai kurrë nuk do të mund të ndalet në një kufi të vetëm në Ballkan dhe nuk do të përfundojë kurrë në mënyrë paqësore.Çdo retorikë që bën thirrje për ndarjen e Kosovës dhe që vë në pikëpyetje aftësinë e njerëzve të etnive të ndryshme për të jetuar së bashku, është e dëmshme për pajtimin rajonal dhe nuk i shërben synimit strategjik të Serbisë për integrim evropian".

  Është e qartë se bashkëpunimi rajonal dhe integrimi evropian janë themelet e një të ardhmeje më të fortë dhe më të begatë për Serbinë dhe për krejt rajonin e Ballkanit.

• 19:39

  Policia greke bllokon 130 kilogramë bimë narkotike me prejardhje nga Shqipëria

  [Lajmi i Plote] Zeri Amerikes

  Shenja:  Ballkani  

  

  Policia greke e Igumenicës tha se ka bllokuar rreth 130 kilogramë bimë narkotike me prejardhje nga Shqipëria. Policia ka arrestuar dy persona, njëri prej të cilëve shqiptar, për këtë trafik. Ndërkaq në qytetin verior grek të Janinës policia thotë se ka goditur një rrjet të trasportimit të veprave antike.

  Policia greke e Igumenicës tha se ka bllokuar një sasi të madhe lëndësh narkotike me prejardhje nga Shqipëria. Rreth 130 kilogramë bimë narkotike hashashi u bllokua në afërsi të qytetit të Igumenicës, fqinj me Shqipërinë.Poilcia greke tha se  një shtetas grek që po e transprotonte me një autoveturë të marrë me qera lëndën narkotike nga kufiri shqiptar  u arrestua.

  Policia greke arrestoi më pas edhe një shtetas shqiptar në Athinë, i cili nga hetimet e para rezultoi si personi prites i lëndës narkotike.Trafiku i hashashit vazhdon të mbetet problem për njësitë kufitare shqiptare dhe greke. Veprimtaria e trafikantëve rritet ndjeshëm gjatë sezonit turistik për shkak të rritjes së kërkesës për llojet e ndryshme të lëndëve narkotike, sidomos prej turistëve që mbërrijnë si në brigjet shqiptare edhe ato greke.

  Ndërkaq në një njoftim tjetër policia greke e Janinës bllokoi dy shtetas grekë  të cilët po hetoheshin për trafik të monedhave të vjetra. Policia e Janinës  përdori agjentët e saj për t`u hequr si blerës të mundshëm të antikave me një ofertë prej mbi 300 mijë dollarë dhe më pas u kryen edhe arrestimet , thanë burimet zyrtare. Disa dhjetëra monedha prej ari dhe argjendi të bllokuara në shtëpitë e dy shtetasve greke  i përkasin periudhës otomane.

  Autoritetet  policore greke po hetojnë nëse  antikat e gjetura janë zbuluar  në Greqi apo janë pjesë e një trafiku ndërkombëtar me Shqipërinë fqinje. Gjatë viteve të fundit Shqipëria ka pasur mjaft probleme si me humbjen e mjaft prej veprave të artit, sidomos të ikonografisë edhe të objekteve të  siteve arkoelogjike. Tre vjet më parë autoritet mundën të kthenin nga Athina dhe nga Roma tre statuja, por numri i veprave të grabitura është në disa dhjetëra

• 19:02

  Kryeministri i Shqipërisë kundërshton idenë e ndryshimeve kushtetuese

  [Lajmi i Plote] Zeri Amerikes

  Shenja:  Ballkani  

  Në Shqipëri, kryeministri Sali Berisha hodhi sot poshtë mundësinë e rishikimit të kushtetutës për të cilën ishte shprehur pak ditë më parë kryetari socialist Edi Rama. Ndërkohë partia demokratike njoftoi sot se tre ditë më parë kyetari i grupit të saj parlamentar Astrit Patozi i kishte dërguar një ftesë homologut të tij socialist Gramoz Ruci për të nisur menjëherë së bashku punën për reformën zgjedhore.

  Letra e zotit Patozi perkon me ditën kur kyetari socialist Rama kushtëzoi dialogun me kryeministrin Berisha me garanci nga komuniteti ndërkombëtar.

  “Një paketë të plotë reformash e garancish kushtetuese, ligjore e institucionale, të cilat adresojnë thelbësisht, jo për sy e faqe, aspiratën europiane të qytetarëve shqiptarë dhe prioritetet e përcaktuara nga Bashkimi Europian për Shqipërinë. Këtë paketë s’mund ta garantojë Saliu, po vetëm komuniteti ndërkombëtar”

  Një ditë pas kësaj deklarate të së mërkurës, kryetari socialist Edi Rama pranoi gjatë një interviste në emisionin Top Story se në ndryshimet kushtetutese të realizuara me konsensus në 2008 jo gjithshka ishte bërë si duhej.

  Sot kryeministri Sali Berisha gjatë një ceremonie për përurimin e një rruge në zonat rurale të Tiranës duket se nuk la asnjë shteg për idenë e hedhur nga kryetari socialist:        “Atyre që bërtasin të ndryshojmë kushtetutën, sa herë  ju lëviz karrigia, atyre do tu them këtu sot, se ky vend ka nevojë të zbatojë kushtetutën, të zbatojë ligjet”, tha kryeministri Berisha

  Po sot, nga selia e partisë demokratike u njoftua se tre ditë më parë, kryetari i grupit të saj parlamentar Astrit Patozi i ishte drejtuar me një letër kryetarit të grupit socialist Gramoz Ruci duke e ftuar atë që të nisnin menjëherë nga puna për reformën zgjedhore për të zbatuar rekomandimet e Osbe-Odihr-it. Zoti Patozi propozon që brenda këtij sesioni parlamentar të nisë edhe puna e komisionit të Reformës zgjedhore si dhe fton socialistët që së bashku t’i drejtohen Komisionit të Venecias dhe Osbe/Odihr-it që të ofrojnë ekspertizën e tyre.

  Demokratët kanë përsëritur në këtë letër qëndrimin e tyre të njohur se janë të gatshëm të pranojnë të gjitha ndryshimet që ofron opozita me kushtin që ato të kenë marrë më parë edhe vlerësimin pozitiv të institucioneve ndërkombëtare.

  Letra e zotit Patozi është e datës 13 korrik dhe përkon me daljen publike të zotit Rama dhe deklarimin e tij se në kushtet aktuale nuk mund të ketë dialog me shumicën e kryeministrit Berisha. Duket se për socialistët ky qëndrim ka qenë njëherazi edhe përgjigje ndaj ftesës së demokratëve të cilët propozonin që takimi i parë mes kryetarëve të grupeve të mund të realizohej dy ditë më pas, pra gjatë ditës së djeshme.

• 18:53

  Kosovë: Vazhdojnë debatet rreth imunitetit të deputetëve

  [Lajmi i Plote] Zeri Amerikes

  Shenja:  Ballkani  

  Kryetari i Parlamentit të Kosovës, Jakup Krasniqi, nëpërmjet një letre ka refuzuar një kërkesë të EULEX-it që Parlamenti i Kosovës me një rezolutë të posaçme të kërkojë që qeveria të marr një mendim nga Gjykata Kushtetuese mbi imunitetin e deputetëve që janë nën hetime. Zyrtarë të EULEX-it, nuk e komentuan përgjigjen e zotit Krasniqi, sipas të cilit qeveria e Kosovës ka të drejtë të kërkojë opinion nga Gjykata Kushtetuese pa kërkuar mendimin e Parlamentit. Kryeministri Hashim Thaçi, përjashtoi sot çdo mundësi që qeveria e tij të ndërmarrë një veprim të tillë.

• 18:44

  Gruevski dorëzon propozimin për kabinetin e ri qeveritar

  [Lajmi i Plote] Zeri Amerikes

  Shenja:  Ballkani  

  I ngarkuari për formimin e qeverisë së Maqedonisë, Nikolla Gruevski, i dorëzoi mbrëmë Parlamentit listën me emrat e kandidatëve për anëtarë të kabinetit. Dy partitë e koalicionit qeverisës VMRO dhe BDI kanë shumicën e mjaftueshme në parlament për miratimin e qeverisë së re. Partia shqiptare (BDI) do të ketë dy zëvendës-kryeministra dhe pesë ministra në qeverinë e re.

• 17:43

  Kantrimen: Shtetet e Bashkuara nuk shprehin gjykime rreth vendimeve të Kolegjit Elektoral

  [Lajmi i Plote] Zeri Amerikes

  Shenja:  Ballkani  

  Në një intervistë për Zërin e Amerikës, Zv/Ndihmës Sekretari i Shtetit për Evropën dhe Euroazinë Thomas Kantrimen tha se komuniteti ndërkombëtar do ta ndihmojë Shqipërinë që zgjedhjet e ardhshme të jenë të pastra, të besueshme dhe të zhvilluara në bazë të rregullave të përcaktuara para zgjedhjeve. Por një angazhim të tillë, tha ai, duhet ta kenë më parë vetë udhëheqësit shqiptarë. Zyrtari i lartë amerikan tha se Shtetet e Bashkuara ende kanë dyshime lidhur me mënyrën se si u zhvillua procesi i numërimit të votave për Bashkinë e  Tiranës. Me zotin Kantrimen bisedoi kolegu Arben Xhixho.

  Zëri i Amerikës: Zgjedhjet në Shqipëri duket se kanë përfunduar, pas një periudhe dymujore. Cili është vlerësimi juaj për procesin zgjedhor në Shqipëri?

  Tomas Kantrimen: Së pari, përsa i përket vetë ditës së zgjedhjeve, vlerësimi është pozitiv. Shqiptarët dolën për të votuar në numër rekord. Ata treguan se kanë një mendje të pavarur. Ata votuan për socialistët në disa vende ku demokratët kishin shumicën dhe anasjelltas. Dhe, natyrisht, dita e zgjedhjeve ishte paqësore. Të gjitha këto janë të rëndësishme dhe jo diçka që duhet marrë si e natyrshme. Pra, vlerësimi ynë për pjesmarrjen e shqiptarëve ishte shumë pozitiv. Ne kemi dyshime lidhur me mënyrën se si u zhvillua procesi i numërimit për njërën prej bashkive, atë më të madhen, Tiranën. Ne kemi dyshime rreth bazës ligjore për të vendosur mbi numërimin e një kategorie të caktuar votash. I kishim këto dyshime kur u mor ai vendim dhe përsëri i kemi sot. Ne e vlerësojmë faktin që Partia Socialiste e opozitës i ndoqi ankesat e saj përmes kanaleve ligjore, në atë mënyrë që parashikon Kushtetuta. Ne vlerësojmë gjithashtu faktin që Kolegji Elektoral i ka marrë vendimet e tij dhe tani po vijmë në fund të procesit. Nuk është detyra e Shteteve të Bashkuara për të shprehur gjykime rreth secilit prej këtyre vendimeve në këtë proces të zgjatur numërimi. Ne e ndjejmë si detyrim ta ndihmojmë Shqipërinë ta kapërcejë këtë, për të siguruar se zgjedhjet e ardhshme do të jenë të pastra, të besueshme dhe, mbi të gjitha, të zhvilluara në bazë të rregullave të qarta, të përcaktuara qysh përpara zgjedhjeve. Ne jemi të gatshëm ta bëjmë këtë. Jemi të gatshëm të punojmë me Bashkimin Evropian për këtë. Çështja e madhe sot është: a janë udhëheqësit e qeverisë dhe të opozitës të gatshëm ta bëjnë këtë? Midis viteve 2009 dhe 2011 ata nuk qenë të gatshëm ta bënin.

  Zëri i Amerikës: Zgjedhjet e 2011 mendohej se do të ishin një përmirësim në krahasim me 2009-n. Në të vërtetë, tensioni në vend u rrit. A mendoni se këto zgjedhje ishin një rast i humbur për Shqipërinë?

  Tomas Kantrimen: Së pari, mendoj se si një çështje teknike, zgjedhjet e 2011-s ishin më të mira se më 2009. Por pyetja juaj ka të bëjë me politikën, pra, a ndihmuan ato për të zgjidhur tensionin që ekziston mes dy udhëheqësve dhe në një shoqëri që është e ndarë thuajse barabar mes dy partive? Në atë kuptim, po, ishte një rast i humbur për popullin e Shqipërisë. Humbja e këtij rasti nuk ndodhi në maj 2011, por gjatë gjithë periudhës dy-vjeçare, nga viti 2009 deri më 2011, sepse vemendja më e madhe u përqendrua tek dy partitë dhe mes dy udhëheqësve, tek rivaliteti mes tyre dhe shumë pak vëmendje te çështja se si mund të kishte Shqipëria sistemin më të fortë dhe më të besueshëm të votimit. Ka ardhur koha që kjo mendësi të ndryshojë dhe ne presim nga të dyja partitë, që, këtë herë, me ndihmën e Bashkimit Evropian dhe të Shteteve të Bashkuara, të hartojnë rregulla zgjedhore, të cilat të jenë në të mirë të popullit dhe jo në të mirë të njerëzve dhe partive të caktuara. Mjetet për ta bërë këtë ekzistojnë. Është Komisioni i Venecias, është ODIHR-i. Nëse të dyja partitë janë të gatshme të pranojnë një rol aktiv të këtyre dy organizmave, atëherë nuk ka pse të mos jemi në gjendje të realizojmë një kod të qartë elektoral.

  Zëri i Amerikës: Më lejoni t’ju pyes më konkretisht mbi rolin e komunitetit ndërkombëtar. Udhëheqësi i Partisë Socialiste, Edi Rama, tha këto ditë se ai nuk mund të ketë besim tek Partia Demokratike, prandaj kërkon që komuniteti ndërkombëtar t’i ndihmojë si ndërmjetës për reformat në të ardhmen. Në këtë kontekst, çfarë roli mund të luajnë Shtetet e Bashkuara  apo Bashkimi Evropian për Shqipërinë?

  Tomas Kantrimen: Ne do të jepnim shumë ndihmë dhe shumë këshilla. Por që të bëhesh ndërmjetës sepse dy zotërinj në Shqipëri nuk janë në gjendje t’i flasin njëri-tjetrit me mirësjellje, ky nuk është roli i komunitetit ndërkombëtar.

  Zëri i Amerikës: Ai e kishte fjalën në fakt që ju të shërbeni si garantues i reformave…

  Tomas Kantrimen: Shqipëria ka një kushtetutë. Në shoqëritë demokratike kushtetuta dhe institucionet që ajo krijon janë garantuesit e lojës së ndershme në procesin politik. Komuniteti ndërkombëtar nuk mund të zëvendësojë Kushtetutën. Ne mund të ndihmojmë për të krijuar një situatë, në të cilën politikanë të pjekur nga të dyja partitë të flasin me njëri-tjetrin me mirësjellje, të ulen në të njëjtën dhomë dhe të bëjnë kompromise, kompromise të rekomanduara ndoshta nga komuniteti ndërkombëtar dhe, siç thashë, kjo do të përfshinte edhe ligje për zgjedhjet. Unë kam respekt të madh për zotin Rama dhe për mënyrën dinjitoze me të cilën ai e trajtoi situatën e vështirë. Komuniteti ndërkombëtar mund të ndihmojë, por vlerësimi dhe zgjidhja duhet të vijnë nga brenda Shqipërisë. Pra: cilat ishin rastet që ne humbëm në dy vitet e fundit dhe, në ç’mënyrë unë, si udhëheqës i qeverisë ose i opozitës do të sillem ndryshe në dy vitet e ardhshme për të plotësuar kërkesat e popullit.

• 15:00

  Kontrolli i armatimeve - Marrëveshja ndërkombëtare vitin tjetër

  [Lajmi i Plote] Deutsche Welle - shqip

  Shenja:  Ballkani  

  Tregëtia ndërkombëtare me armë ka qenë deri tani e parregulluar pavarësisht nëse flitet për tregtinë me tanke, armë, anije apo municione. Tani është duke u menduar për të arritur një marrëveshje ndërkombëtare
• 15. 07. 2011
• 12:29

  Qitaku: Në liberalizimin e vizave për Kosovën KE s'ka përdorur të njëjtat standarte

  [Lajmi i Plote] Deutsche Welle - shqip

  Shenja:  Ballkani  

  Ministrja për integrime evropiane në qeverinë e Kosovës, Vlora Qitaku flet për dialogun Kosovë-Serbi dhe rrugën e të dy vendeve drejt Bashkimit Evropian.

• 14. 07. 2011
• 20:05

  Ina Rama: Akuzat e ish zëvendës kryeministrit Ilir Meta ndaj institucioit që ajo drejton janë thjesht retorikë politike

  [Lajmi i Plote] Zeri Amerikes

  Shenja:  Ballkani  

  

  Në Shqipëri prokurorja e përgjithshme Ina Rama tha sot se akuzat e pak ditëve më parë të ish zëvendës kryeministrit Ilir Meta ndaj institucioit që ajo drejton janë thejsht retorikë politike. Këto komente zonja Rama i bëri pas një takimi për përfundimin e një programi për krijimin e njësive të përbashkëta hetimore të financuar në kuadrin e Sfidës së Mijëvecarit. Në takim ambasadori amerikan Alexandër Arvizu ngriti edhe një herë shqetësimin për pengsat që sjell në hetimin e rasteve të korrupsionit, imuniteti që gëzojnë zyrtarët e lartë në Shqipëri

  24 orë pasi Gjykata e Lartë, e cila ka nisur procesin ndaj ish zëvendës kryeministrit Ilir Meta, vendosi të konsideronte të pavlefshme aktet e ekspertimit të videos në të cilën ai shfaqej në bisedë me ish ministrin e ekonomisë Dritan Prifti duke folur për licenca në këmbim të ryshfeteve, zoti Meta, lëshoi të martën akuza të forta ndaj prokurorisë. I akuzuar për korrupsion, ish zëvendës kryeministri u shpreh se Prokuroria kishte vepruar si “një celulë politike” me qëllim për të goditur atë dhe forcën politike që ai drejton në prag të zgjedhjeve për pushtetin vendor.

  Por sot erdhi edhe reagimi i parë dhe mjaft i shkurtër nga kryeprokurorja Ina Rama sipas së cilës organi i akuzës nuk kishte shkelur asnjë procedurë. “Eshte një retorikë politike. Gjithshka që kemi për cështjen ne ja kemi lënë sallës së gjyqit”, tha zonja Rama. Komentet e kryeprokurores u bënë pas një takimi të organizuar në përfundim të programit për mbështetjen dhe krijimin e njësive të Përbashkëta hetimore Rajonale i cili u financua në kuadër të Sfidës së Mijëvjecarit. Një program i cili synon të forcojë luftën kundër krimit ekonomiko financiar dhe pastrimit të parave që rrjedhin nga krimi i organizuar dhe korrupsioni.

  Në ndërhyrjen e tij, ambasadori amerikan Alexandër Arvizu ngriti edhe një herë shqetësimin lidhur me cështjen e imunitetit: “Shumë vende europian u japin lloje të caktuara kufizimi imunitetit të zyrtarëve publike. Shqipëria mbetet unike në faktin që kufizon të gjitha veprimet hetimore që mund të kryhen ndaj gjyqtarëve dhe zyrtarëve të lartë publik. E di që shumë nga ju në këtë sallë keni shprehur shqetësim se do të jetë e vështirë që të ndodhë ky ndryshim por gjithashtu jeni shprehur se kjo lloj pamundësie i pengon hetimet në Shqipëri”. Ambasadori amerikan tha se inkurajon ndryshimin e ligjit, që ato të zbatohen në mënyrë të barabartë për të gjithë.

  Cështja e imunitetit diskutohet prej vitesh dhe duket se ka ngelur peng i humoreve politike. Kufizimi i imunitetit kërkon ndryshime kushtetuese e për pasojë një konsensus politik mes palëve të cilat vecmas pranojnë se një ndryshim i tillë duhet të ndodhë.

• 19:49

  Parlamenti shqiptar miraton projektligjin për ndërtimin e godinës së re të parlamentit

  [Lajmi i Plote] Zeri Amerikes

  Shenja:  Ballkani  

  

  Në Shqipëri parlamenti miratoi sot projektligjin i cili përcakton procedurat e ndërtimit të godinës së re të parlamentit në qendër të Tiranës aty ku sot ngrihet godina e Piramidës, ish muzeut të diktatorit Enver Hoxha.

  Projektligji i sotëm i cili kaloi vetëm me votat e shumicës së djathtë, pason fazën e parë të projektit të realizuar nga një studio austriake. Ai ka hasur ne debate të shumta, pasi edhe ekspertët e fushës, arkitektë dhe urbanistë e kanë kundërshtuar prishjen e ndërtesës së Piramidës e cila sipas tyre është pjesë e trashëgimisë kulturore. Një tjetër problem lidhet dhe me faktin se ekziston edhe një kontratë qeraje mes ministrisë së ekonomisë dhe televizionit “Top Channel” i cili ka studiot në këtë godinë.

  Deputetë të shumicës edhe sot thanë se nuk ka pse të qëndrojë në zemër të kryeqytetit një objekt që i ishte kushtuar diktatorit komunist. Me projekligjin e sotëm i hapet rruga plotësisht ndërtimit të parlamentit të ri, për të cilin nuk ka ende një kosto zyrtare, ndonëse autoritetet janë shprehur kohët e fundit se kanë arritur një marrëveshje ne parim me qeverinë e Arabisë saudite e cila do të ofrojë një grant prej afër 110 milion eurosh.

• 17:02

  U përcoll për në banesën e fundit Dom Simon Jubani

  [Lajmi i Plote] Zeri Amerikes

  Shenja:  Ballkani  

  Sot në mesditë u përcoll për në banesën e fundit Dom Simon Jubani, kleriku katolik që u shndërrua në simbol të qendresës antikomuniste dhe përpjekjeve për rifitimin e lirive fetare në Shqipëri. Trupi i tij u vendos në varrezat katolike të Rrmajit, pikërisht atje ku ai, me 4 dhe 11 nëntor të vitit 1990, së bashku me banorët e Shkodrës, sfidoi rregjimin komunist të kohës, duke mbajtur meshën e parë publike, pas disa dekadash persekucioni komunist ndaj klerit dhe fesë.

  Pas dy ditë homazhe, të mbajtura në sallën  “Kardinal Koliqi” të kishës katedrale të Shkodrës, sot në mesditë trupi i pajetë i klerikut të njohur , dom Simon Jubani, u përcoll për në banesën e fundit, në Varrezat e Rrmajit, në qytetin e Shkodrës.

  Në meshën për shpirtin e dom Simon Jubanit, të mbajtur paradite në Katedralen e qytetit, morrën pjesë besimtarë të shumtë, autoritetet vendore, përfaqësues të Presidencës dhe Qeverisë si dhe drejtues të opozitës.

  Mesha u udhëhoq nga meshtarë të shumtë nga Arqipeshkvija e Shkodrës  si dhe kishat shqiptare në Mal të Zi, Kosovë dhe Shtetet e Bashkuara të Amerikës.

  Duke folur në pretkun e meshës, Arqipeshkvi i Shkodër-Pultit, imzot Engjëll Masafra, vlerësoi qendresën antikomuniste të dom Simon Jubanit, përpjekjet e tij për rifitimin e lirive fetare në Shqipëri si dhe qendrimin e fort kritik në mbështje të lirisë së besimit dhe proceseve demokratike.

  "Për të gjithë ne, dom Simoni ishte mjaft radikal. Po ai kërkonte më të mirën për kishën. Donte që kisha të ishte zëri i nevojtarëve dhe të shtypurve, donte që të gjithë klerikët të mos i nënshtroheshin terrorit apo privilegjeve që pushetet e rrejshme të kësaj bote mund t’i japin kishës në këmbim  me zërin e saj shpirtëror e moral. Kishte të drejt".

  Përmes telegrameve të ngushëllimit, figura e dom Simon Jubanit u vlerësua sot edhe nga Ati i Shenjtë, Presidenti i Republikës dhe Kryeministri i Shqipërisë. Dom Simon Jubani vlerësohet edhe nga qytetarë të shumtë, me një pjesë prej të cilëi ai punoi me vendosmëri për t’i hapur rrugën lirive fetare  dhe proceseve demokratike në Shqipëri.

  Shoqëruar nga një kortezh i gjatë, trupi i pajetë i klerikut katolik, dom Simon Jubani, u vendos në mesditë në Varrezat katolike të Rrmajit, në qytetin e Shkodrës, pikërisht në vendin ku 21 vite me parë,  në nëntor të vitit 1990, së bashku me mijra banorë të Shkodrës, ai sfidoi rregjimin komunist të kohës duke mbajtur meshën e parë publike, pas ndalimit të dhunshëm prej disa dekadash, që diktatura komuniste u bëri lirive fetare në Shqipëri, meshe që e shndërroi atë në një symbol të qendresës antikomuniste.

• 16:02

  Prishtinë: Hidhet poshtë kërkesa e opozitës për ndërprerjen e bisedimeve me Serbinë

  [Lajmi i Plote] Deutsche Welle - shqip

  Shenja:  Ballkani  

  Dialogu ndërmjet Kosovës dhe Serbisë do të vazhdojë dhe nuk ka kthim prapa. Kështu konstatuan në një seancë të jashtzakonshme deputetët e Kuvendit të Kosovës të partive në pushtet, duke hedhur poshtë kërkesën e opozitës.

• 13. 07. 2011
• 20:38

  BDI dhe VMRO arrijë marrëveshje për formimin e qeverisë

  [Lajmi i Plote] Zeri Amerikes

  Shenja:  Ballkani  

  Zyrtarë të partive Bashkimi Demokratik për Integrim dhe VMRO-DPMNE kanë pohuar se drejtuesit e dy partive kanë arritur marrëveshje për formimin e qeverisë së re. BDI-ja do të ketë dy zëvendës-kryeministra, pesë ministra, katër zëvendësministra dhe pesë sekretarë shtetërorë në kabinetin e ri që do ta drejtojë Nikolla Gruevski. Dy partitë kanë rënë dakord edhe për zgjidhjen e disa problemeve të vjetra; si rrjedhojë, Parlamenti e filloi sot debatin për ndryshime në ligjet për përdorimin e gjuhës dhe flamurit shqiptar. Shqipja nuk do të jetë gjuhë e dytë zyrtare në vend por do të gjejë përdorim më të gjerë.

  Burime brenda partive Bashkimi Demokratik për Integrim dhe VMRO-DPMNE kanë bërë me dije se kanë arritur marrëveshje për formimin e qeverisë së re, por ky vendim nuk është bërë zyrtar ende në mënyrë publike. Vendet e BDI-së në qeveri janë ato të cilat janë përfolur gjatë javëve të kaluara: Ministria e Mbrojtjes, e Drejtësisë, e Ekonomisë, e Pushtetit vendor dhe Ambientit jetësor si dhe dy poste të zëvendëskryeministrave, njëri për Integrimet Evropiane dhe tjetri për zbatimin e Marrëveshjes së Ohrit.

  Por BDI-ja nuk do të drejtojë asnjërën nga drejtoritë e zbulimit dhe kundërzbulimit, as Drejtorinë e Sigurimit Publik apo atë të Doganës, e as Drejtorinë e të Ardhurave Publike, siç spekulohej gjatë javëve të tëra se i kërkon kjo parti shqiptare. BDI-ja duket se do ta marrë Fondin e Sigurimit Shëndetësor, Agjensinë e Investimeve të huaja dhe Drejtorinë e Rrugëve.

  Dy zëvendëskryeministrat e rinj pritet të jenë Teuta Arifi, për Integrime Evropiane dhe Musa Xhaferi për zbatimin e Marrëveshjes së Ohrit.

  Ministri i deritashëm i Ekonomisë Fatmir Besimi do ta drejtojë ministrinë e Mbrojtjes; për Ministër të Drejtësisë lakohet emri i ish-deputetit Adnan Jashari. Abdilahqim Ademit, aktualisht zëvendëskryeministër për zbatimin e marrëveshjes së Ohrit do ta drejtojë ministrinë e Ambientit jetësor. Ende nuk dihet se kush ta zë vendin e ministrit të ri të Ekonomisë dhe atë të Pushtetit vendor.

  Partnerët e deritashëm të koalicionit gjithashtu thuhet të jenë marrë vesh për katër rastet e njohura si të Hagës që ato të mbyllen në kuadër të ligjit për amnistinë e vitit 2001, si dhe për avancimin e përdorimit të gjuhës shqipe dhe të flamurit shqiptar.

  Pritet që marrëveshja të zyrtarizohet te enjten.

  Rrjedhimisht, sot Parlamenti e hapi debatin mbi plotësimin dhe ndryshimet e ligjeve për përdorimin e shqipes dhe të flamurit shqiptar, me propozim të BDI-së. Pjesë të këtyre ligjeve u shfuqizuan nga Gjykata Kushtetuese e Maqedonisë para pak vitesh, ndërkohë që sipas propozimit të ri të BDI-së shqipja do të gjejë përdorim të zgjeruar në Parlament; kryesuesi i seancave nëse është shqiptar, do të mund t’i drejtojë ato në gjuhën shqipe, poashtu edhe drejtuesit e komisioneve parlamentare nëse janë shqiptarë të mund t’i drejtojnë ato në gjuhën e tyre amtare, që nuk ka qenë rast deri tash. Edhe ministrat shqiptarë, në Parlament do të mund të flasin shqip, sipas propozimligjit të BDI-së.

  “Për ta hequr atë zbrazëtirë, ne dalim me këtë propozim për ndryshimin e Nenit 3, Alineja 2  që do t’u mundësojë deputetëve, të zgjedhurve dhe të emëruarve nga Parlamenti që ta përdorin gjuhën shqipe, natyrisht nëse komunikojnë në këtë gjuhë dhe nëse i përkasin komunitetit shqiptar”, thotë Talat Xhaferi, deputet i BDI-së.

  Por Partia Demokratike Shqiptare e opozitës e quan propozim ligjin jocilësor ndërsa aktin e BDI-së e vlerëson si dorëzim para VMRO-së.

  “Kjo nuk është marrëveshje; ky është nënshtrim; është flamuri i bardhë i BDI-së i para VMRO-DPMNE-së”, tha Zijadin Sela, deputet i PDSH-së

  Deputetët maqedonas të opozitës reagojnë për shkak se ndryshimet e ligjeve do të bëhen me procedurë të shkurtuar dhe të shpejtë.

  Ata thanë se kjo është mënyrë 'kontrabandiste' e ndërhyrjes ndaj kushtetutës.

  Parlamenti e ka shumicën e nevojshme për t’i miratuar ndryshimet në ligjet e lartpërmnedura.

• 20:18

  Shqipëria nis pas disa javësh procesin e regjistrimit të popullsisë

  [Lajmi i Plote] Zeri Amerikes

  Shenja:  Ballkani  

  Shqipëria nis pas disa javësh procesin e regjistrimit të popullsisë dhe të banesave. Ky proces kryhet çdo dhjetë vjet, dhe krijon një bazë të dhënash të reja mbi ekonominë dhe shoqërinë shqiptare. Regjistrimi i të dhënave të reja ekonomike e sociale pritet të mbështesë studimet dhe investimet në sektorë të ndryshëm. Por parapërgatitjet e këtij regjistrimi kanë nxitur kundërshtimet e disa grupimeve të ndryshme, shoqata dhe organizata në Shqipëri. Intervistë në studio me ministrin e Inovacionit të Shqipërisë, Genc Pollo i cili kryeson Komisionin për Regjistrimin e Popullsisë, që me ligjin e ri quhet, cens, ose numërimi i popullsisë.

• 20:12

  Krasniqi: Mendoj se zoti ambasador është ngutur

  [Lajmi i Plote] Zeri Amerikes

  Shenja:  Ballkani  

  Duke reaguar ndaj komenteve të ambasadorit amerikan në Prishtinë Christopher Dell, kryetari i parlamentit të Kosovës tha se është duke përgatitur një përgjigje ligjore kërkesës së paraqitur nga Eulex-i që me një rezolutë të Kuvendit të kërkohet që qeveria të marr një mendim nga Gjykata Kushtetuese për nenin 75 të kushtetutës së Kosovës mbi imunitetin e deputetëve.

  Mendoj se zoti ambasador është ngutur, tha zoti Krasniqi. “Unë jam sot në Bruksel për të biseduar me disa deputetë të parlamentit evropian dhe nga fundi i javës do të ketë gati një përgjigje për Eulex-in”. Zoti Krasniqi tha se në kuvend nuk ka asnjë kërkesë konkrete që kuvendi i Kosovës t’i heq imunitetin ndonjë deputeti.

  Kryetari i parlamentit tha se kërkesa e Eulex-it nuk është e bazuar në ligj, nuk është e bazuar në Kushtetutë dhe nuk është e bazuar në rregulloren e punës së kuvendit. Qeveria ka të drejtë përmes Gjykatës Kushtetuese, tha zoti Krasniqi pa kërkuar mendimin e kuvendit për qartësimin e ligjit të imunitetit. Sipas zotit Krasniqi kuvendi mund të marr në shqyrtim heqjen e imunitetit të një deputeti vetëm pasi një gjë e tillë t’i jetë kërkuar nga Prokurori i Përgjithshëm i Republikës së Kosovës.

  Pyetjes në se qëndimi i deritanishëm ka dëmtuar marrëdhëniet mes Kosovës dhe Shteteve të Bashkuara dhe Bashkimit Evropian, zoti Krasniqi iu përgjigj duke thënë se parlamenti i Kosovës ka mësuar nga Shtetet e Bashkuara për të respektuar kushtetutën, për të respektuar ligjin. Ne nuk po bëjmë asgjë tjetër tha zoti Krasniqi veçse po respektojmë vlerat kushtetuese që askush të mos jetë mbi ligjin. Zoti Krasniqi pranoi se në partinë e tij ka mospajtime të ndryshme lidhur me çështjen duke e konsideruar këtë një vlerë të demokracisë.

• 20:03

  Dell: Jakup Krasniqi po nxitë kundërshti ndërmjet Kosovës dhe Evropës e SHBA-së

  [Lajmi i Plote] Zeri Amerikes

  Shenja:  Ballkani  

  Ambasadori amerikan në Kosovë, Christopher Dell, në një intervistë për Zërin e Amerikës ka reaguar ashpër ndaj refuzimit të krye parlamentarit Jakup Krasniqi për të kërkuar heqjen e imunitetit të deputetëve që janë nën hetime. Në intervistën dhënë korrespondentit tonë në Prishtinë, Besim Abazi, ai thotë se me këtë qëndrim kryetari i Parlamentit po i shkakton dëme të rënda Kosovës dhe po nxitë pikëpyetje nëse duhet të qëndrojë edhe më tej në pozitën që ka aktualisht.

  Zëri i Amerikës: Këto ditë EULEX-i ka kërkuar nga Parlamenti një Rezolutë lidhur me imunitetin e deputetëve. Si mund të zgjidhet kjo çështje?

  Christopher Dell: Ka individë në Parlamentin e Kosovës, për fat të keq duke filluar me kryetarin e Parlamentit që kanë provuar të paraqesin këtë si një formë të sulmit ndaj trashëgimisë së Ushtrisë Çlirimtare të Kosovës, si një sulm ndaj historisë së përpjekjeve për pavarësi, për të cilën njerëzit e këtij vendi me të drejtë janë krenar. Mendoj se kjo është shtrembërim i plotë i kësaj çështjeje. Kjo është çështje që ka të bëjë me individë që janë akuzuar për krime lufte. Ne nuk e dimë nëse ata individë janë fajtorë apo jo, por tashmë ata kanë një re mbi kokë sepse janë shënjuar publikisht. Ata kanë po aq të drejtë në drejtësi aq sa edhe viktimat apo familjet e tyre. Përpjekjet për ta paraqitur këtë si një sulm ndaj Ushtrisë Çlirimtare, është një përpjekje për të devijuar drejtësinë. Jam shumë i zhgënjyer që kryetari i Parlamentit hodhi poshtë letrën e EULEX-it duke u përgjigjur se nuk ka bazë për këtë duke nxjerrë një numër argumentesh ligjore të pakuptimta e qesharake si përpjekje për të shmangur përgjegjësitë e tij. Mendoj se kryetari i Parlamentit i mbështetur nga individë të caktuar, i ka bërë një dëm Kosovës. Shtetet e Bashkuara kanë punuar shumë me EULEX-in, për të siguruar një përfundim që nuk ka të bëjë me individë, me krime të luftës e as me vlerat e Ushtrisë Çlirimtare të Kosovës. Dhe më lejoni të them se kurrë nuk kam menduar se Ushtria Çlirimtare ka luftuar, kurrë nuk kam menduar se Shtetet e Bashkuara apo NATO e mbështetën Ushtrinë Çlirimtare të Kosovës sepse ajo luftoi për të mbrojtur kriminelët e lutës nga drejtësia. Unë kam menduar se Ushtria Çlirimtare, luftoi për të penguar kriminelët e luftës që të përmbushin planet e tyre kundër njerëzve të Kosovës. Pra, po them se qëndrimi i kryetarit të Parlamentit është devijim i trashëgimisë së asaj për të cilën Ushtria Çlirimtare ka luftuar në emër të njerëzve të Kosovës. Veprimet e sotme e vënë Kosovën në kundërshtim më komunitetin ndërkombëtarë. Krimet e luftës, ndjekja e krimeve të luftës, vënia e individëve para drejtësisë për krime lufte, janë çështje e vlerave thelbësore për Shtetet e Bashkuara dhe për Evropën. Kryetari Krasniqi, zgjodhi të sfidojë komunitetin ndërkombëtarë, të sfidojë miqtë më të mirë të Kosovë në emër të mbrojtjes së një apo dy miqve të tij. Kjo më nxitë të shtrojë pyetjen nëse ai vërtetë është i përshtatshëm të mbetet në pozitën që ka aktualisht.

   

  Zëri i Amerikës: Po flisni për zotin Krasniqi dhe disa individë, a do të thotë kjo se ka vullnet të mjaftueshëm tek pjesa tjetër e Parlamentit dhe qeverisë për të mbështetur këtë rezolutë?

   

  Christopher Dell: Të kthehemi tek kërkesa. Kërkesa nga EULEX-i është shumë e arsyeshme për të kërkuar interpretimin e asaj se çfarë imuniteti gëzojnë anëtarët e Parlamentit. Siç e dini, dhe në fakt siç thuhet edhe në analizat e vetë kryetarit të Parlamentit ku ai e ka bazuar refuzimin,  neni 9 i ligjit për deputet e thotë qartazi se deputetët gëzojnë imunitet nga ndjekja vetëm për veprimet e kryera në pozitën zyrtare. Nuk mendoj se ka ndonjë paqartësi, por unë nuk jam Gjykata Kushtetuese. Nëse ka mëdyshje, atëherë çështja duhet të shtrohet para Gjykatës Kushtetuese. Ajo çfarë ka bërë kryetari i Parlamentit, është bllokim i Gjykatës Kushtetuese nga mundësia për të dhënë një mendim legjitim së çfarë është imuniteti, sa ka imunitet dhe si zbatohet tek deputetët në rrethana të caktuara. Duke e bërë këtë, ai ka siguruar se do të ketë kundërshti ndërmjet Kosovës dhe Evropës e Shteteve të Bashkuara, sepse ajo çfarë ka bërë është se ai ka krijuar një situatë kur Parlamenti ose duhet të votojë për dhe kundër imunitetit të ndonjë deputeti, ose të vazhdojë të refuzojë faktin se ka akuza serioze dhe duhet të ketë hetime serioze dhe drejtësia të vihet në vend. Nëse është më e lehtë për kryetarin e Parlamentit dhe ata që e mbështesin atë, të mbrojë një kriminel lufte sesa të përmbushin përgjegjësitë e tyre, e kuptoj vendimin e tyre, Është një vendim legjitim që mund ta marrin, por ai do t’i sjellë dëme të pariparueshme Kosovës dhe reputacionit të saj ndërkombëtarë. Mendoj se është veprim i papërgjegjshëm dhe mendoj se kjo nxitë në mendjen time dhe jam i sigurt edhe në mendjet e njerëzve në Washington nëse ky njeri është i përshtatshëm të mbetet në pozitën aktuale. Sigurisht nuk është i përshtatshëm të shërbejë si president i Kosovës, E di se është synim i tij. Ajo çfarë ka provuar të bëjë këto ditë, është pasqyrim i ambicies së tij frustruese dhe mendoj se është dëshmia më e qartë pse ai nuk është i përshtatshëm për atë pozitë.

   

  Zëri i Amerikës: Derisa flasim për këtë çështje emri i zoti Fatmir Limaj është përreth. A është kjo çështje që ka të bëjë vetëm me zotin Limaj?

   

  Christopher Dell: Nëse Parlamenti dëshiron të votojë nëse duhet t’i hiqet imuniteti Ftamir Limajt, nëse deputetët ndjehen më mirë të qëndrojnë në Parlament dhe të votojnë për ose kundër për këtë çështje, në vend se t’i kërkohet Gjykatës Kushtetuese të përmbushë detyrën e saj dhe të qartësojë këtë çështje, nëse ata preferojnë të votojnë po ose jo për imunitetin e Fatmir Limajt, në rregull. A është kjo më e lehtë për ta? Mund ta imagjinojë se nuk do të jetë, sepse njerëzit duhet të zgjedhin nëse do të qëndrojnë para opinionit dhe të thonë, po, unë po votoj për të mbrojtur një individ nga drejtësia dhe akuzat për krime lufte, ose nuk po votoj dhe kjo ka rrjedhoja politike. Kjo ishte një përpjekje për ta bërë këtë një çështje që nuk ka të bëjë me individët, por me interpretimet ligjore. Ata e refuzuan këtë dhe tash duhet të votojnë për dhe kundër për një individ. Sërish, do të doja të kishte një përfundim tjetër, sepse nuk ka të bëjë me një individ, por është çështje parimi dhe e kuptimit ligjor të kushtetutës. Dhe ka rrugë që kjo të zgjidhet duke mos e shndërruar në çështje të një individi, të vlerave të Ushtrisë Çlirimtare, të trashëgimisë së luftës. Ata e refuzuan një përfundim të tillë dhe e vetmja zgjidhje që ka mbetur është që EULEX-i të kërkojë nga Parlamenti t’i heq imunitetin Fatmir Limajt. Atëherë kryetari Krasniqi dhe të tjerët duhet të votojnë me po ose jo për këtë dhe tashmë e dimë se cili është qëndrimi i tyre dhe më e rëndësishmja, qytetarët e Kosovës e dinë qëndrimin e tyre.

   

  Zëri i Amerikës: Por, ambasador a ka rrezik që ajo Rezolutë do të mund të nxiste ndarje të thella në Parlament, tek partitë politike dhe posaçërisht ndarje të thella në Partinë Demokratike të Kosovës?

   

  Christopher Dell: Nuk e di për ndarjet në Parlament. Ne kemi marr vesh se pjesa më e madhe e grupeve parlamentare janë të gatshëm të mbështesin Rezolutën për të kërkuar qartësi në çështjen e imunitetit. Kjo është një çështje më e rëndësishme se sa një deputet. Tashmë kemi parë avokatin e një deputeti tjetër që doli në publik dhe tha se ai është imun nga ndjekja për krime lufte, sepse është deputet. Një përpjekje tjetër për hetimin një anëtari tjetër të parlamentit është bllokuar për këtë shkak. Njerëzit në Kosovë duhet të dinë nëse Parlamenti do të bëhet strehim për këdo që synon të shmang ndjekjen për krimet që ai apo jo ka kryer. Nëse do të kemi një parlament të keqbërësve që janë atje për t’u fshehur nga ligji, meqë disa individë kanë lejuar një interpretim të tillë sipas të cilit, duke qenë deputet, fitoni imunitet të plotë nga ndjekja për çfarëdo që keni bërë, përfshirë edhe akuzat për veprime të kryera para se të kishte parlament të Kosovës, pavarësi dhe qeveri të saj. Nëse ky është interpretimi që mbështesin qytetarët e Kosovës? Nëse ky është Parlamenti që duan ata? Në rregull. Kjo është zgjedhje legjitime e qytetarëve të Kosovës. Besoj se fjalët e Kushtetutës janë të qarta, por lëreni Gjykatën Kushtetuese ta marrë vendimin. Nëse njerëzit janë të kënaqur që Parlamenti të marrë vendime në vend të Gjykatës Kushtetuese, Mirë. Atëherë do të kemi një përfundim të tillë që i merr fuqinë Gjykatës Kushtetuese për t’ia kaluar Parlamentit, që nuk ishte kurrë një synim. Por, nëse kjo është politikisht e pranueshme për njerëzit këtu, ky është vendim për Kosovën.

   

  Zëri i Amerikës: A e keni diskutuar ju me zotin Krasniqi dhe me përfaqësuesit tjerë të Kosovës rreth kësaj çështjeje?

   

  Christopher Dell: E kemi diskutuar këtë çështje me të gjitha autoritetet.

   

  Zëri i Amerikës: Dhe cili është qëndrimi i tyre?

   

  Christopher Dell: Besoj se qeveria e kupton se nevoja e qartësimit të çështjes së imunitetit është e rëndësishme për çështje më të mëdha sesa e një deputeti.  Besoj se janë të gatshëm ta mbështesin dhe të ndërmarrin hapat nevojshëm pasi që Parlamenti të miratojë Rezolutën, besoj se Gjykata është e gatshme ta shqyrtojë çështjen dhe të ofrojë opinionin e saj ligjor. Mendoj se të gjithë janë të gatshëm të bëjnë punën e tyre. Rezistenca fillon në Parlament.

   

  Zëri i Amerikës: EULEX-i si mekanizëm që ka ngritur këtë çështje, është kritikuar për zbatim të standardeve të dyfishta. Një palë për veriun e Kosovës dhe një palë për pjesën tjetër. Si e shihni ju këtë çështje?

   

  Christopher Dell: Është vërtetë e rëndësishme të mos përzihen këto dy çështje. Ky është një argument I njerëzve që nuk duan të shohin veprime të ligjshme të EULEX-it në jug, Argumenti është që meqë EULEX-i nuk po mund të veprojë në veri, atëherë nuk duhet të provojë të bëjë këtë në jug. EULEX-i ka detyrim të përmbushë pjesë të mandatit të tij dhënë nga qeveria e Kosovës, për të çuar përpara hetimet që kanë të bëjnë me krimet e luftës. Thjeshtë për faktin se EULEX-i po kalon kohë të vështira për të vendosur sundimin e ligjit në veri, nuk është arsyetim për të braktisur mandatin e tij për të hetuar krimet e luftës kudo në territorin e Kosovës. Unë e refuzoj një argument të tillë. E dimë se EULEX-i ka vështirësi, shumë rezistencë në veri për të ushtruar mandatin e tij atje, por kjo nuk është një arsyetim për të lënë të pa hetuara krimet e luftës dhe veprimet tjera të urryera në pjesën tjetër të Kosovës.

   

  Zëri i Amerikës: Zoti ambasador, për fund, a do të thotë kjo se jeta politike e zotit Krasniqi po i ofrohet fundit.

   

  Christopher Dell: Mendoj se përderisa ai nuk tregon një ndjenjë më të lartë të përgjegjësisë për zgjidhjen e problemeve që ka pasur deri tash, do të jetë e pamundur për Shtetet e Bashkuara që të vazhdojnë të punojnë me të si partner.

• 15:26

  Nxitje e tregtisë së lirë dhe konkurrencës - Heqja e barrierave doganore në kuadër të CEFTA-s

  [Lajmi i Plote] Deutsche Welle - shqip

  Shenja:  Ballkani  

  Vendimi për heqjen e tarifave doganore për prodhimet bujqësore, që vijnë në Shqiperi nga vendet e Ballkanit Perëndimor, ka krijuar hapësira të reja për tregtinë e lirë.
• 15:03

  Pjesë e historisë së vendit ku jetojnë - Imigrantët shqiptarë dhe protestat në Greqi

  [Lajmi i Plote] Deutsche Welle - shqip

  Shenja:  Ballkani  

  Si pjesë aktive e realitetit grek imigrantët shqiptarë nuk mungojnë edhe nga sheshet e lëvizjes së të revoltuarve kundër qeverisë edhe troikës. Por cilat janë motivet e angazhimit të tyre?
• 12. 07. 2011
• 16:29

  Klimë e re në rajon: Samiti i 4 presidentëve ballkanikë në Ohër

  [Lajmi i Plote] Deutsche Welle - shqip

  Shenja:  Ballkani  

  Presidentët e 4 vendeve ballkanike u takuan në një samit të përbashkët në Ohër, të organizuar nga presidenti maqedonas Ivanov. Bashkëpunimi rajonal u vlerësua si hap i rëndësishëm drej integrimit të plotë euroatlantik.
• 15:36

  Takim i Grupit Drejtues Ndërkombëtar për Kosovën

  [Lajmi i Plote] Deutsche Welle - shqip

  Shenja:  Ballkani  

  Grupi Drejtues Ndërkombëtar për Kosovën pas takimit të 13-të në Prishtinë rikonfirmoi mbështetjen e plotë për konsolidimin e Kosovës së pavarur, plotësisht sovrane, demokratike e shumetnike brenda kufijve të saj aktualë.
• 11:54

  Me apo ratifikim? Debat politik në Kosovë mbi marrëveshjet e arritura me Serbinë

  [Lajmi i Plote] Deutsche Welle - shqip

  Shenja:  Ballkani  

  Partitë politike në Kosovë ato në pushtet dhe ato në opozitë kanë qëndrime të kundërta lidhur me marrëveshjet që u arritën ndërmjet Kosovës dhe Serbisë në kuadër të dialogut teknik. Opozita kundërshton qeverinë.
• 11. 07. 2011
• 12:43

  Srebrenica dhe Mlladiçi - Po ndryshon vërtet qendrim Serbia?

  [Lajmi i Plote] Deutsche Welle - shqip

  Shenja:  Ballkani  

  Me 11 korrik u mbushën 16 vjet nga masakra e Srebrenicës. Masakra u dënuar për herë të parë në vitin 2010 edhe prej parlamentit të Republikës Srpska, ndërsa në maj në Serbi u arrestua Ratko Mlladiç.

• 10. 07. 2011
• 17:10

  Artizanati në Shkodër mundësi punësimi dhe biznesi familjar

  [Lajmi i Plote] Zeri Amerikes

  Shenja:  Ballkani  

  Shkodra është një nga qytetet e Shqipërisë, ku vazhdon të percillet tradita artizane në punimet artistike. Korrespondenti i Zërit të Amerikës, Pellumb Sulo, ishte në punishten e mjeshtrit artizan të punimeve artistike në dru, Zija Karinit, ku praktikohen edhe mjaft të rinj, të cilët dëshirojnë të mësojnë nga artizanët e shquar të këtij qyteti.

• 17:10

  Në Kosovë vërrehet rënie e investimeve të huaja disa vjet radhazi

  [Lajmi i Plote] Zeri Amerikes

  Shenja:  Ballkani  

  Në Kosovë, për disa vjet me radhë është shënuar një rënie e investimeve të huaja, në një periudhë kur shtimi i tyre vlerësohet thelbësorë për rimëkëmbjen ekonomike të vendit. Ndërsa, zyrtarë të Agjencisë për Nxitjen e Investimeve, fajësojnë krizën ekonomike botërore, ekspertët e ekonomisë thonë se faji është tek mjedisi i papërshtatshëm për investime, moszbatimi i ligjit, shkalla e lartë e korrupsionit dhe ekonomisë joformale në vend.

• 17:09

  Artizanati ne Sarandë si biznes i vogël

  [Lajmi i Plote] Zeri Amerikes

  Shenja:  Ballkani  

  Ksamili është një qytezë e vogël  në Jug të Shqipërisë. Pas problemeve me ndërtimet e paligjshme  banorët  po  kërkojnë të nxisin shërbimet ndaj turistëve. Kohëve të fundit iniciativat e banorëve përfshijnë edhe zhvillimin e artizanatit kryesisht me materiale të detit. Korrespondenti ynë Raimond   Kola bisedoi me njërin prej artizanëve ne dhe na  sjell hollësitë.

• 09. 07. 2011
• 18:56

  Xhejms Berisha: Prisja më tepër ndihmë nga qeveria e Kosovës

  [Lajmi i Plote] Zeri Amerikes

  Shenja:  Ballkani  

  

  Piloti nga Kosova me shtetësi amerikane James Berisha, thotë se shpresonte më tepër ndihmë nga qeveria e Kosovës për misionin e tij të fluturimit në Afrikë që synon të sigurojë më tepër njohje në favor të shtetit të ri. Ai thotë se për fat të keq nuk e ka patur këtë ndihmë dhe ai ia hedh fajin mentalitetit me të cilin zyrtarët i shohin nisma të tilla. Sipas zotit Berisha, misioni i tij në pothuajse të gjitha vendet afrikane i ka siguruar Kosovës miliona dollarë publicitet, pasi ka shërbyer si një reklamë për vendin e tij, me intervistat dhe takimet që ai vetë ka zhvilluar në secilin vend. Zoti Berisha ka ardhur në Shtetet e Bashkuara pas një alsidenti të rëndë në Sudan, ku bëri një ulje të detyruar në një rrugë pranë shkretëtirës. Megjithë këto vështirësi, piloti thotë se do ta vazhdojë misionin e tij në Afrikë.

   

• 17:44

  Maqedoni: Shtohen shqetësimet për goditjen ndaj medias

  [Lajmi i Plote] Zeri Amerikes

  Shenja:  Ballkani  

  Në Maqedoni po shtohen shqetësimet lidhur me mbylljen e tri gazetave dhe trysninë ndaj një televizioni me ndikim në vend. Vëzhguesit vlerësojnë se pushteti po eliminon mjetet opozitare të informimit, ndërkohë që analistët thonë se gjendja e vështirësuar e medias mund të ketë pasoja në procesin e demokratizimit të shoqërisë dhe për synimet integruese të vendit.

  

• 08. 07. 2011
• 14:17

  Në kundërsulm diplomatik- Serbia kërkon hetime për trafikun e organeve

  [Lajmi i Plote] Deutsche Welle - shqip

  Shenja:  Ballkani  

  Serbia ka depozituar një projektrezolutë në OSBE, duke kërkuar një hetim ndërkombëtar, dhe të paanshëm të kryesuar nga OKB-ja, në lidhje me akuzat për trafikun e organeve nga Kosova.
• 12:01

  Debati për ndërtimin e një xhamie në Prishtinë

  [Lajmi i Plote] Deutsche Welle - shqip

  Shenja:  Ballkani  

  Bashkësia Islame e Kosovës, vazhdon të këmbëngulë për ndërtimin e një Xhamie në qendër të Prishtinës. Organizata të tjera joqeveritare islamr, kanë të njejtën kërkesë dhe çdo të premte po zhvillojnë protesta në rrugë.
• 07. 07. 2011
• 15:20

  Reagimet ndaj vizitës së Tadiqit në Sarajevë

  [Lajmi i Plote] Deutsche Welle - shqip

  Shenja:  Ballkani  

  Vizita e presidentit serb Tadiq në Sarajevë shkaktoi reagime të ndryshme. Analistët thonë se sjellja e tij përcaktohet nga rrethanat politike në Serbi. Kritikët thonë se ai ka raporte të ngushta me Republikën Srpska.
• 14:49

  Përdorimi i gjuhës serbe në Kosovë

  [Lajmi i Plote] Deutsche Welle - shqip

  Shenja:  Ballkani  

  Hulumtimet e fundit kanë treguar se gati 50 % e shenjave të trafikut janë shënuar gabimisht në gjuhën serbe, ose nuk janë shënuar fare. Në shumë qytete shenjat e trafikut janë shënuar vetëm në gjuhën shqipe.
• 14:05

  Rama: Në PS nuk ka asnjë luftë të brendshme destruktive

  [Lajmi i Plote] Deutsche Welle - shqip

  Shenja:  Ballkani  

  Dy muaj pas zgjedhjeve lokale në Shqipëri Kolegji Zgjedhor ende nuk e ka thënë fjalën e fundit për ankesat e parashtuara nga PS-ja lidhur me votimet për kryebashkiakun e Tiranës. Intervistë me kryetarin e PS-së Edi Rama.
• 13:14

  Shqiptari me banim në New York, kërkonte të vriste ushtarët amerikanë

  [Lajmi i Plote] Deutsche Welle - shqip

  Shenja:  Ballkani  

  Një shqiptar nga Kosova me banim në New York, ka udhëtuar matanë opeanit, për tu stërvitur me grupime ekstremiste të Al Kaedës dhe për të vrarë trupat ushtarake amerikane. Këtë javë filloi procesi kundër tij.
• 12:03

  Në Maqedoni qytetarët ankohen për shkelje të lirive dhe të drejtave

  [Lajmi i Plote] Deutsche Welle - shqip

  Shenja:  Ballkani  

  Shkeljet bëhen nga institucionet, që duhet të mbrojnë të drejtat dhe liritë e qytetarëve, thotë kryetari i Komitetit të Helsinkit për Maqedoni, Osman Kadriu. Më së shumti cenohen gjatë proceseve të stërzgjatura gjyqësore
• 06. 07. 2011
• 13:54

  Policia shqiptare me mision në Afganistan

  [Lajmi i Plote] Deutsche Welle - shqip

  Shenja:  Ballkani  

  Shqipëria për herë të parë do të angazhohet me një mision policor jashtë kufijve të vendit. Pesë policië të shtetit do të instalohen pranë Qendrës Kombëtare të trajnimit policor në Kabul.
• 12:49

  Deri ku kanë shkuar hetimet për trafikim organesh?

  [Lajmi i Plote] Deutsche Welle - shqip

  Shenja:  Ballkani  

  Në krye të ekipit për hetimin e njoftimeve për trafikim organesh njerëzore gjatë luftës së Kosovës do të jetë një "prokuror i lartë evropian", bëhet e ditur në Bruksel. Dëshmitarët duhet të mbahen jashtë Kosovës.
• 08:43

  Holanda përgjegjëse në rastin e Srebrenicës

  [Lajmi i Plote] Deutsche Welle - shqip

  Shenja:  Ballkani  

  Një gjykatë në Hagë e bëri shtetin holandez përgjegjës për vrasjen e tri myslimanëve në masakrën e Srebrenicës, në vitin 1995 dhe e dënoi me pagesë dëmshpërblimi. Vendimi erdhi papritur për të dyja palët.
• 05. 07. 2011
• 16:32

  Më në fund lëvizje në dialogun shqiptaro- serb

  [Lajmi i Plote] Deutsche Welle - shqip

  Shenja:  Ballkani  

  Pas marrëveshjes së Kosovës dhe të Serbisë në lidhje me letërnjoftimet, regjistrat e lindjeve dhe diplomat ndërmjetësuesit e këtij procesi e vlerësuan atë në mënyra të ndryshme.
• 13:10

  Në formim qeveria "Gruevski 3"

  [Lajmi i Plote] Deutsche Welle - shqip

  Shenja:  Ballkani  

  Maqedonia është në pritje të formimit të qeverisë "Gruevski 3”. Bisedimet për ekzekutivin e ri po zhvillohen larg syve të opinionit por VMRO dhe BDI, thonë se tashmë janë marrë vesh për ndarjen e sektorëve kryesorë.
• 12:58

  Si vlerësohet në Kosovë marrëveshja me Serbinë

  [Lajmi i Plote] Deutsche Welle - shqip

  Shenja:  Ballkani  

  Arritjen e marrëveshjeve të para me Serbinë në dialogun teknik qeveria e Kosovës, e sheh si sukses dhe afrim me BE-në. Analistët thonë se arritja e marrëveshjeve Kosovë- Serbi, është një evropianizim i dialogut teknik.

• 04. 07. 2011
• 20:53

  Ashton thekson angazhimin e BE-së për perspektivën evropiane të Kosovës

  [Lajmi i Plote] Zeri Amerikes

  Shenja:  Ballkani  

  

  Përfaqësuesja e lartë e Bashkimit Evropin, Kathrin Ashton, theksoi pas një takimi në Bruksel me Kryeministrin, Hashim Thaçi, angazhimin e BE-së për perspektivën evropiane të Kosovës.

  Zonja Ashton tha se marrëveshjet e arritura dje mes Kosovës dhe Serbisë janë zgjidhje evropiane për disa çështje shumë të vështira, por shumë të rëndësishme. Zonja Ashton vlerësoi përfaqësuesit e Kosovës në bisedime, Kryeministrin Thaçi dhe ministren e Jashtëme, Edita Tahiri, si dhe homologët e tyre serbë për udhëheqjen, kurajon dhe punën e tyre këmbëngulëse.

• 20:20

  Ish zv/kryeministri Ilir Meta rishikon ankimimin

  [Lajmi i Plote] Zeri Amerikes

  Shenja:  Ballkani  

  Ish zëvendës kryeministri Ilir Meta dorëzoi sot një kërkesë në Gjykatën e Lartë, me anën e të cilës ai hiqte dorë nga disa pretendime të ngritura ndaj hetimit, që prokuroria zhvilloi ndaj tij lidhur me një video të publikuar në fillim të vitit.
  
  Në këtë video, sipas mediave, ai shfaqej në zyrën e ish-ministrit të ekonomisë Dritan Prifti, duke kërkuar favore dhe licensa në këmbim të rryshfetit.

  Avokatët mbrojtës të zotit Meta thanë se ish-zëvendës/kryeministri është tërhequr nga ankimi për shkeljen e afateve të hetimit.Por ata saktësuan se mbetet në fuqi kërkesa për pushimin e çështjes, duke qenë se, sipas tyre, materiali video është i manipuluar, dhe se prokuroria ka kryer shkelje me ekzaminimin e tij dhe me marrjen në pyetje të dëshmitarëve.

  Kërkesa e zotit Meta pritet të gjykohet nga një trupë e Gjykatës së Lartë të hënën e ardhshme.

• 18:15

  Shqipëri: Qeveria premton rritje pagash

  [Lajmi i Plote] Zeri Amerikes

  Shenja:  Ballkani  

  Në Shqipëri qeveria beri sot një perpjekje për të hedhur poshte kritikat mbi ekonomine, borxhet dhe pagat. Kryeministri Sali Berisha tha para deputeteve, se do te rishikohen financat e gjithe institucioneve shteterore per te siguruar fondin e rritjes se pagave. Opozita thote se keto nuk jane rritje pagash, por indeksim i cmimeve, ndersa FMN kerkoi te ulet deficiti buxhetor.

• 18:10

  Kosova shënon ditën e pavarësisë së Shteteve të Bashkuara

  [Lajmi i Plote] Zeri Amerikes

  Shenja:  Ballkani  

  Kosova po e shënon më veprimtari të ndryshme ditën e pavarësisë së Shteteve të Bashkuara. Udhëheqësit politikë të vendit, vlerësojnë mbështetjen amerikane në çdo hap të Kosovës drejt lirisë, pavarësisë dhe zhvillimit si vendimtare dhe të pazëvendësueshme.

• 15:43

  Shtypi gjermanofolës për bisedimet Kosovë- Serbi

  [Lajmi i Plote] Deutsche Welle - shqip

  Shenja:  Ballkani  

  Serbia dhe Kosova arritën në bisedimet e tyre sukseset e para. Të dyja palët ranë dakord të njohin reciprokisht letërnjoftimet dhe targat e makinave. Këto pritet të sjellin lehtësime për jetën praktike të popullsisë.
• 13:36

  Mlladiqi në Hagë

  [Lajmi i Plote] Deutsche Welle - shqip

  Shenja:  Ballkani  

  Mlladiq, i akuzuar për krime lufte dhe gjenocid në Bosnjë - Hercegovinë ka dalë sërish para Tribunalit të Hagës, ku duhet të deklarohet lidhur me akuzat. Ratko Mlladiq u arrestua në Serbi disa muaj më parë.

• 03. 07. 2011
• 19:13

  Mlladiç synon të bojkotojë seancën gjyqësore të 4 korrikut

  [Lajmi i Plote] Zeri Amerikes

  Shenja:  Ballkani  

  

  Ratko Mlladiç, serbi i Bosnjes i dyshuar për krime lufte ka në plan ta bojkotojë paraqitjen e caktuar për nesër në gjykatën e krimeve të luftës në Hagë.
  
  Një avokat i Mlladiçit, tha sot se ish komandanti ushtarak serb i Bosnjes refuzon të paraqitet për shkak se gjykata nuk ka miratuar ende ekipin e tij të mbrojtjes.
  
  Mlladiç, i cili akuzohet për krime lufte në konfliktin tre vjeçar të Bosnjes që përfundoi në vitin 1995, ishte planifikuar të dilte në seancën e nesërme për të deklaruar nëse i pranon ose jo akuzat. Nëse nuk paraqitet, atëhere gjykata do ta konsideronte këtë si një pohim se ai nuk i pranon akuzat. Gjykata nuk ka komentuar zyrtarisht lidhur me njoftimin e avokatit të Mlladiçit.

  
  Ratko Mlladiç është akuzuar për orkestrimin e masakrës së Srebrenicës në vitin 1995, ku u vranë 8,000 burra dhe djem myslimanë – vrasja më e rëndë masive në Europë që prej Luftës së Dytë Botërore – si të rrethimit të Sarajevës për një periudhë 44-mujore, gjatë të cilit vdiqën 10 mijë njerëz.
  
  Nëse shpallet fajtor, Mlladiçi mund të dënohet me burgim të përjetshëm. Ai u arrestua në Serbi në muajin maj, pas 16 vjetësh në arrati.

• 18:17

  Marrëveshjet e para në bisedimet Kosovë - Serbi

  [Lajmi i Plote] Zeri Amerikes

  Shenja:  Ballkani  

  Autoritetet në Kosovë kanë bërë të ditur se që nga 1 nëntori i këtij viti pritet së filluari zbatimi i marrëveshjeve të arritura në bisedimet ndërmjet Prishtinës dhe Beogradit. Palët kanë arritur marrëveshje në tri fusha që kanë të bëjnë me lirinë e lëvizjes, njohjen e ndërsjellë të diplomave shkollore e universitare dhe regjistrat civilë. Këto marrëveshje që nuk janë nënshkruar shënojnë edhe rezultatet e para të bisedimeve ndërmjet të dyja palëve të filluara në muajin mars të këtij viti, që synojnë shtendosjen e marrëdhënieve ndërmjet Kosovës dhe Serbisë.

   

• 16:09

  "Majat e Ballkanit" - Impulse për bashkëpinimin rajonal përmes projekteve për turizimin

  [Lajmi i Plote] Deutsche Welle - shqip

  Shenja:  Ballkani  

  "Majat e Ballkanit" financuar nga GIZ (Shoqata Gjermane për Bashkëpunimin Ndërkombëtar)është njëri prej projekteve, i cili mundëson shfrytëzimin e potencialit turistik në trikëndëshin kufitar Kosovë-Mal i Zi-Shqipëri.  

• 14:33

  Pushteti lokal pas zgjedhjeve te 8 majit

  [Lajmi i Plote] Zeri Amerikes

  Shenja:  Ballkani  

  Vonesa e ndryshimeve në Bashkitë dhe Komunat pas zgjedhjeve vendore po  sjell probleme në Jug të Shqipërisë. Në Sarandë  problemet  më të mëdha  vihen re me ndërtimet e paligjshme, por edhe me mbarëvajtjen e sezonit turistik. Zyrtarët thonë se  javën e ardhshme do të fillojnë  takimet për paraqitjen e drejtuesve të rinj  të njësive vendore.

• 02. 07. 2011
• 20:30

  Ekonomia e Greqisë dhe e ardhmja e eurozonës

  [Lajmi i Plote] Zeri Amerikes

  Shenja:  Ballkani  

  Që nga gadishulli Skandinav e deri në brigjet e Mesdheut, është përhapur shqetësimi për të ardhmen e monedhës euro dhe të vetë Bashkimit Evropian. BE-ja është tronditur nga kriza greke, por udhëheqësit e saj këmbëngulin se Bashkimi dhe monedha e tij do të mbijetojnë. Por, rreziku më i madh për Evropën duket se është jashtë kufijve të Greqisë:

  Në sheshin qendror të Athinës, ka ende disa qindra protestues të revoltuar. Pavarësisht nga protestat, parlamenti miratoi shkurtime në shpenzime në masën 40 miliardë dollarë, siç kërkonte plani i ndihmave nga BE dhe FMN.

  Por grekët vazhdojnë kundërshtimet e tyre. Janis Anagnostaras, me profesion mësues, është ndër protestuesit:

  “Njerëzit, punëtorët do të luftojnë në rrugë dhe do t’i anulojnë këto masa. Këto masa shkatërrojnë të drejtat e punëtorëve, na shkatërrojnë jetën dhe thjesht përmbushin kërkesën e Bashkimit Evropian dhe FMN-së”.

  Në Athinë dhe në të gjithë Evropën ka spekulime se Evropa do të ecte më mirë nëse Greqia do të shkëputej nga zona e euros dhe nga vetë Bashkimi Evropian. Nuk është e vërtetë –

  “Greqia nuk mund të shkëputet nga eurozona pa shkaktuar më parë një tërheqje masive të kapitalit të rrjedhshëm nga bankat. Gjithashtu, një hap i tillë nuk do ta ndihmonte Greqinë në përpjekjet për të përballuar borxhin, por mund t’i heqë këtij vendi linja jetike për mbështetje”.

  Politikanët që e kundështuan planin për ndihmë ndaj Greqisë, dhe që kanë qenë përgjithësisht kundër integrimit evropian, kanë ngritur zërin kohët e fundit. Ata zhvilluan një ceremoni  funebre simbolike për euron, para Këshillit Evropian në Bruksel. Nigel Farage, anëtar i Parlamentit Evropian nga Britania kryesonte kortezhin:

  “Euroja nuk do t’i mbijetojë këtë konfigurimi. Do të shohim tërheqjen e vendeve të ndryshme nga eurozona”.

  Presidenti i Këshillit Evropian Herman van Rompuy thotë se ata që u bien kambanave të alarmit e kanë gabim:

  “Sipas mendimit tim, gjendja e Bashkimit nuk është aq e keqe, megjithëse ekziston një atmosferë negative. Por ka një frymë shumë më pozitive pas votës në Parlamentin grek”.

  Por rreziku do të jetë i madh nëse kriza e borxhit shtrihet përtej Greqisë. Spanja është ekonomia numër katër në euro-zonë, por tani vuan nën peshën e papunësisë në masën 20 për qind, dhe të borxheve masive.

  Megjithëse diskutohet mundësia që disa vende ekzistuese të shkëputen nga organizata, Bashkimi mirëpriti ditët e fundit Kroacinë si anëtaren e tij të ardhshme.

  Analistët thonë se megjithë krizën e euros, mundësitë që hap antarësimi në Bashkimin Evropian janë shumë më të mëdha se rreziqet që ndeshin shumë vende jashtë kufijve të tij.

• 19:39

  PS: Jo bojkot në Parlament, të përsëriten zgjedhjet në Tiranë

  [Lajmi i Plote] Zeri Amerikes

  Shenja:  Ballkani  

  Në Shqipëri, kryetari i Partisë Socialiste tha sot se shpreson që Kolegji Zgjedhor të marrë një vendim bazuar në kushtetutën dhe në ligjin për të shpallur pavlefshmërinë e zgjedhjeve në Tiranë, të cilat, tha ai, u manipuluan nga futja në kuti e fletëve të votimit. Zoti Rama i bëri komentet gjatë mbledhjes së asamblesë së Partisë Socialiste, e cila përcaktoi edhe kalendarin e veprimtarisë politike të socialistëve. Pas zgjedhjeve në strukturat lokale, ata do të mbledhin më 5 nëntor edhe kongresin për të zgjedhur strukturat e reja drejtuese. Si kundërpërgjigje e debateve dhe zërave brenda partisë që kërkojnë rikthimin e shpejtë në parlament, zoti Rama tha se bojkoti e ka kryer funksionin e tij dhe se nevojitet një kurs i ri politik dhe jetë aktive parlamentare.

• 19:37

  Rritet numri i turistëve një ditor që vizitojnë Shqipërinë

  [Lajmi i Plote] Zeri Amerikes

  Shenja:  Ballkani  

  Përfaqësues të agjencive turistike të Shqipërisë dhe Malit të Zi pohojnë se është rritur numri i turistëve një ditor, që po vizitojnë Shqipërinë, por ata thonë se duhen marrë masa më të mira për shpejtimin e procedurave në pikëkalimet kufitare mes dy vendeve si dhe për shoqërimin dhe pritjen e turistëve të huaj në qendrat kulturore.

• 18:56

  Kosovë: Përkujtohet 2 korriku i vitit 1990

  [Lajmi i Plote] Zeri Amerikes

  Shenja:  Ballkani  

  Në ditën e sotme të vitit 1990, Parlamenti i atëhershëm i Kosovës, miratoi në gjendje shtetrrethimi, një deklaratë të posaçme kushtetuese për Kosovën si njësi e pavarur dhe e barabartë në federatën e atëhershme jugosllave, e cila u bë e njohur si deklarata e pavarësisë.

  Tri ditë më pas autoritetet serbe shpërndanë Parlamentin e Kosovës dhe mbyllën mjetet kryesore të informimit në Kosovë. 21 vjet më pas, Kosova ka hyrë në vitin e katërt të pavarësisë së saj të njohur nga 76 vende të botës. Dy korriku edhe sot e kësaj dite cilësohet si një nga ngjarjet me të rëndësishme që shënuan kthesë historike në përpjekjet e Kosovës për pavarësinë e saj. Zëvendëskryeministri i Kosovës, Hajredin Kuqi tha se kjo datë është shembulli më i mirë se si institucionet e një vendi pasqyrojnë vullnetin e qytetarëve...

  “Natyrisht koha e shpërbërjes së ish Jugosllavisë dhe rënia e atij sistemi, ndikoi pozitivisht në ndërgjegjësimin e secilit qytetar të Kosovës, por mbi të gjitha në  kohezionin nacional që ndodhi në atë kohë dhe besoj që data e dy korrikut është shembulli më i mirë se si institucionet e një vendi  reflektojnë vullnetin e qytetarëve të atij vendi”, tha zëvendëskryeministri Kuqi.

  Deputeti i atëhershëm, Muharrem Shabani, kishte lexuar deklaratën kushtetuese e cila ishte mbajtur në oborrin e Parlamentit të cilin e kontrollonte administrata dhe policia serbe. Ai thotë se deklarata ka shpreh vullnetin e popullit të Kosovës.

  “Ai vullnet i akumuluar i popullit ndoshta në shpirtin dhe zemrat e tyre u shpreh me deklaratën e dy korrikut. Minatorët në minierën e Trepçës, studentët në palestra sportive, qytetarët, intelektualët, akademia e shkencave në të gjitha format shprehnin vullnetin, të cilin ne e akumuluam në deklaratën kushtetuese të dy korrikut”, tha zoti Shabani.

  Deputetet e asaj kohe shprehen të bindur se po të mos ishte 2 korriku i vitit 1990, vështirë se do të ishte edhe 17 shkurti i vitit 2008.

• 14:12

  Shkodër, konferencë për dhunën në familje

  [Lajmi i Plote] Zeri Amerikes

  Shenja:  Ballkani  

  

  Perfaqesues te Qendres per Nisma Ligjore paraqiten ne Shkoder rezultatet e monitorimit te fundit te vendimeve te gjykatave te rretheve gjyqesore Shkoder, Vlore dhe Tirane, ku bie ne sy fakti se ne mbi 93 perqind te rasteve, jane grate ato qe i drejtohen gjykates per te nxjere urdher per mbrotjen e tyre nga dhuna qe ushtrojne burrat. Megjithse Parlamenti shqiptar ka miratuar vitet e fundit ligjin kunder dhunes ne familje, ne realitetin e perditshem rastet e dhunes, perfshire edhe dhunen ekstreme, jane te shumta. Nderkohe, situata duket se eshte edhe me e veshtire ne zonat fshatare e, sidomos, ne zonat e thella malore, ku edhe vezhgimi i shoqatave joqeveritare eshte thuajse i pamundur.

  <!--AV-->

• 01. 07. 2011
• 17:04

  Optimizëm në Bruksel para raundit të ri të bisedimeve Kosovë-Serbi

  [Lajmi i Plote] Deutsche Welle - shqip

  Shenja:  Ballkani  

  Hap përpara e mjaft konkret! Kështu konsiderohet raundi i pestë i bisedimeve Kosovë Serbi. Pritet që palët të kenë gati marrëveshjet e para, të cilat nuk do të nënshkruhen, por do t'i dorëzohen përfaqësuesve të BE-së.
• 16:09

  Fati e solli të jetojmë në këtë vend! Ish- të burgosurit e Guantanamos në Shqipëri

  [Lajmi i Plote] Deutsche Welle - shqip

  Shenja:  Ballkani  

  Nga Maji i vitit 2006 në Shqipëri janë strehuar në intervale të ndryshme kohore dhjetë nga ish-të burgosurit e Guantanamos. Njëri prej tyre është larguar për në Suedi, të tjerët po integrohen në realitetin shqiptar.
• 11:38

  Shfrytëzimi i kapaciteteve rajonale - shans për turizmin

  [Lajmi i Plote] Deutsche Welle - shqip

  Shenja:  Ballkani  

  Shoqata të operatorëve turistikë nga Shqipëria, Maqedonia, Mali i Zi e Kosova kanë krijuar organizatën e turizmit rajonal, që nxit dhe menaxhon veprimtarinë në një sektor të rëndësishëm për ekonominë e shteteve fqinje.
• 29. 06. 2011
• 08:12

  Ofensivë sharmante - Presidenti serb Tadiq kërkon në Berlin pranimin në BE

  [Lajmi i Plote] Deutsche Welle - shqip

  Shenja:  Ballkani  

  Në samitin e BE në Selanik në vitin 2003 Serbisë se bashku me vendet e tjera të Ballkanit perëndimor iu ofrua një "perspektivë evropiane". Tani presidenti serb Boris Tadiq kërkoi në Berlin, që ky premtim të mbahet.
• 28. 06. 2011
• 13:01

  Boris Tadiq: Presionet nuk ndikojnë në vendimet e Serbisë

  [Lajmi i Plote] Deutsche Welle - shqip

  Shenja:  Ballkani  

  Presidenti serb mbajti në Berlin ligjëratën "Serbia si aktor pajtimi rajonal dhe faktor stabiliteti në Ballkan". Tadiqi foli për gjetjen e një zgjidhjeje të qëndrueshme për çështjen e Kosovës dhe krimet në rajon.

• 27. 06. 2011
• 21:54

  Raporti vjetor i DASH-it për Trafikimin e Njerëzve

  [Lajmi i Plote] Zeri Amerikes

  Shenja:  Ballkani  

  

  Departamenti amerikan i Shtetit publikoi Raportin Vjetor për Trafikimin e Njerëzve për vitin 2011. Në raport përfshihen 180 vende dhe në të vlerësohet puna që bëjnë qeveritë e këtyre vendeve në përpjekej për të luftuar trafikimin e njerëzve.

  Raporti për Shqipërinë

  Në Kapitullin për Shqipërinë thuhet se Shqipëria është një vend-burim për trafikimin e burrave, grave për  dhe fëmijëve që detyrohen të kërkojnë lëmoshë. Në raport thuhet se viktimat e Shqipërisë së trafikimit ndahen në dy grupe, ato që detyrohen të bëjnë punë të detyruar dhe për shfrytëzim seksual brenda Shqipërisë, por edhe në Greqi, Itali, Maqedoni, Kosovë dhe Evropën Perëndimore.

  Rreth gjysma e viktima të raportuara për vitin 2010 ishin gra dhe vajza, viktima seksi në hotele dhe banesa private në Tiranë, Durrës dhe Vlorë, thuhet në Raport. Ndërsa fëmijët janë shfrytëzuar kryesisht për të kërkuar lëmoshë dhe për forma të tjera të punës së detyruar. Burrat shqiptarë, viktima të trafikut janë detyruar të kryejnë punë të detyruar bujqësore në Greqi, dhe vende të tjera fqinje. Organizatat jo qeveritare vazhdojnë të raportojnë se ritrafikimi i viktimave shqipatre përbën problem.

  Në raport thuhet se qeveria shqiptare nuk i plotëson të gjitha standartet minimale për eliminimin e trafikut, megjithatë po bën përpjekje të rëndësishme. Gjatë vitit qeveria shqiptare, thuhet në raport ka marrë disa hapa konkrete për përmirësimin e strategjisë kundër trafikimin njerëzor në tërësi. Korrupsioni thuhet në raport, sidomos në drejtësi, ka vazhduar të pengojë zbatimin në përgjithësi të ligjeve kundër trafikimit dhe përpjekjet për mbrojtjen e viktimave.

  Mes rekomandimeve për Shqipërinë, në Raportin e Departamentit të Shtetit për Trafikimin e Njerëzve, thuhet se vendi duhet të vazhdojë të përmirësojë zbatimin e Mekanizmit Kombëtar të Referimit, duke bërë të mundur që të ndiqen penalisht punonjësit e zbatimit që ligjit që bashkëpunojnë në trafikimin e njerëzve, të hetojë dhe nxjerrë para drejtësisë autorët e trafikimit dhe të ndihmojë në funksionimin e strukturave kundër trafikut.

  Raporti nënvizon se Shqipëria i ka shtuar përpjekjet për zbatimin e ligjeve kundër trafikut në vitin 2010 dhe ka përmirësuar përpjekjet për identifikimin dhe mbrojtjen e  viktimave, por korrupsioni në të gjitha nivelet dhe sektorët vazhdon të pengojë së tepërmi përpjekjet e qeverisë në luftën kundër trafikimit të njerëzve.

  Raporti për Kosovën

  Raporti i Departamentit Amerikan të Shtetit për Trafikimin e Qënieve Njerëzore thotë se Kosova është burim, destinacion dhe ndoshta edhe vend tranziti për gratë dhe fëmijët që trafikohen për seks dhe fëmijët që trafikohen për t’u bërë lypsarë.

  Pjesa më e madhe e viktimave të huaja që detyrohen të merren me prostitucion janë vajza të reja nga Europa Lindore përfshi Moldavinë, Shqipërinë, Poloninë dhe Serbinë. Femrat nga Kosova janë subjekt shfyrtëzimi për prostitucion brenda Kosovës dhe jashtë saj. Policia vazhdon të njoftojë se trafikimi i brendshëm i serbëve të Kosovës ndodh në veriun e vendit, shton raporti.

  Qeveria e Kosovës nuk zbaton plotësisht standartet minimale për eliminimin e trafikut; megjithatë po bën përpjekje domethënëse për t’i pëmbushur ata. Qeveria e ka përmirësuar seksionin e policisë anti-trafik dhe ka trefishuar hetimet. Këtë vit janë identifikuar më shumë viktima se vitet e mëparshme dhe u janë ofruar më shumë shërbime të financuara nga qeveria, thuhet në raport.

  Megjithatë, çështjet e trafikut kanë marrë kohë për t’u shqyrtuar dhe numri i dënimeve ka qenë më i vogël se vitet e tjera. Ka pasur hetime dhe ndjekje penale kundër zyrtarëve publikë për bashkëpunim në trafikim por nuk ka pasur dënime.

  Raporti i Departamentit të Shtetit thotë se Kosova duhet të ndjekë penalisht dhe të dënojë në mënyrë aktive personat që trafikojnë njerëz për seks dhe punë të detyruar. Efikasiteti për identifikimin e viktimave duhet përmirësuar dhe duhen vazhduar fushatat publike për ndërgjegjësimin e popullatës mbi rreziqet e trafikimit.

• 19:17

  Gjykata e Lartë shtyn marrjen e vendimit për apelimin e avokatëve të ish zv/kryeministriit Ilir Meta

  [Lajmi i Plote] Zeri Amerikes

  Shenja:  Ballkani  

  

  Gjykata e Lartë vendosi sot të shtyjë për më 11 korrik vendimin e saj lidhur më kërkesën e avokatëve të ish zëvendës kryeministrit Ilir Meta për të konsideruar të pavlefshme provat e prokurorisë dhe për të pushuar procedimin penal ndaj tij.

  Prokuroria ka kërkuar nisjen e procesit gjyqësor ndaj zotit Meta duke e akuzuar atë për “Korrupsion aktiv”, pas hetimeve mbi videon në të cilën ai shfaqet në zyrën e ish ministrit të ekonomisë Dritan Prifti duke diskutuar për ryshfet dhe favore në dhënie licencash. Vetë zoti Meta e ka hedhur poshtë zhvillimin e një bisede të tillë.

  Avokatët e tij kanë vlerësuar se gjatë hetimit janë shkelur procedurat dhe afatet. Sipas tyre hetimi duhet të ishte mbyllur më parë dhe prokuroria, pretendojnë ata, “ka shkelur ligjet me përzgjedhjen e ekspertëve të huaj që u morën me vlerësimet teknike audio dhe video të regjistrimit, ka kryer hetime kur zoti Meta ishte ende nën mbrojtjen e imunitetit dhe se regjistrimi nuk mund të konsiderohet si prove”.

  Kërkesat e avokatëve janë hedhur poshtë nga prokurori Bujar Sheshi sipas të cilit akt ekspertimi është i vlefshëm, se zoti Meta nuk ishte pjesë e hetimit në fazën e tij të parë dhe se procedurat e ndjekura janë kryer në respekt të kodit penal dhe atij të procedurës penale. Kryesuesi i trupit gjykues Ardian Dvorani ka vendosur të shtyjë me dy javë dhënien e vendimit për shkak të kompleksitetit të dokumentacionit sic u shpreh ai gjatë seancës së sotme

• 19:09

  Përsëri ankimim i PS-së për zgjedhjet e kryetarit të Bashkisë së Tiranës

  [Lajmi i Plote] Zeri Amerikes

  Shenja:  Ballkani  

  

  Në Shqipëri Partia Socialiste kërkoi sot shpalljen e pavleftshmërisë  së zgjedhjeve në më shumë se gjysmën e qendrave të votimit në Tiranë. Ky është thelbi i ankimimit që ajo ka paraqitur në Komisionin qëndror të zgjedhjeve duke kundërshtuar rezultatin e shpallur të shtunën në mbrëmje

  Komisioni qëndror shpalli fitues dy ditë më parë, me 93 vota në avantazh kandidatin demokrat Lulëzim Basha, por ashtu sic dhe kishin përsëritur, socialistët në akimimin e tyre, vlerësojnë se procesi ka patur sipas tyre shkelje serioze të cilat, sic vërejnë ata, kanë ndikuar qartë në përcaktimin e fituesit. Në të paktën 35 përqind të kutive, sipas tyre, ka patur probleme serioze me integritetin dhe sigurinë e tyre.

  Socialistët kërkojnë të shpallen të pavlefshme zgjedhjet në 284 nga 485 qendra votimit që ka i gjithë kryeqyteti. Ata i referohen diferencave në shifra në tabelën e rezultatit të shpallur nga komisioni qëndror, si ajo mes fletëve të votimit dhe votuesve, ashtu dhe fakti që shuma e fletëve të vlefshme dhe atyre të pavlefshme nuk korrespondojnë me numrin e fletëve të gjetura në kutitë e votimit. Në ankimimin e tyre socialistët i referohen vendimit të fundit të kolegjit zgjedhor i cili duke u shprehur për mosrakordimin e shifrave kishte vlerësuar se ishte cënuar parimi “një zgjedhës një votë”.

  Sipas demokratëve megjithatë kolegji e ka rrëzuar cështjen e mosrakodrimit ndërsa sipas kryetarit të komisionit qëndror  Arben Ristani, mospërputhjja e shifrave është trashëguar nga grupet e numërimit dhe Komsionet zona e nuk është një problem që lindi në Komisionin Qëndror.

• 18:07

  Zjarret në jug të Shqipërisë dhe problemet e mbrojtjes ndaj tyre

  [Lajmi i Plote] Zeri Amerikes

  Shenja:  Ballkani  

  Zjarret e para kanë kthyer në jug të Shqipërisë problemet e mbrojtjes së sipërfaqeve të mëdha pyjore dhe zonave  të tjera të  rrezikuara. Shqipëria dhe Greqia kanë ripërtërirë një marrëveshje për t'u ardhur në ndihmë reparteve zjarrfikëse ndërkohë që autoritetet  kërkojnë një angazhim më të madh edhe nga organet vendore.

• 18:00

  Ishinger: Kosova dhe Serbia kanë ardhmëri evropiane

  [Lajmi i Plote] Zeri Amerikes

  Shenja:  Ballkani  

  

  Diplomati gjerman Volfgang Ishinger, ish negociator për statusin e Kosovës, tha se Kosova dhe Serbia kanë ardhmëri evropiane, por anëtarësimi në Bashkimin Evropian kërkon paqe në mes vendeve. Ai i bëri këto komente sot në Prishtinë ku u nderua me çmimin “Doctor Honoris Causa” nga Universiteti i Prishtinës, për rolin e tij në procesin e zgjidhjes së statusit të Kosovës. Ambasadori Ishinger shfaqi shpresën se procesi aktual i bisedimeve ndërmjet Kosovës dhe Serbisë do të sigurojë rezultate në të mirë të të dyja palëve.

• 16:50

  Kusari-Lila: Tregtia e lirë duhet të jetë e bazuar në axhendën zhvillimore jo atë politike

  [Lajmi i Plote] Deutsche Welle - shqip

  Shenja:  Ballkani  

  Në takimin e radhës Prishtinë-Beograd, Serbia duhet të pranojë vulat e doganave të Kosovës, ndryshe qeveria e Kosovës në muajin korrik do të ndalojë të gjitha mallrat e Serbisë në Kosovë, thotë ministrja Kusari-Lila.
• 15:39

  Operacione të suksesshme kundër grupeve kriminale në Kosovë

  [Lajmi i Plote] Deutsche Welle - shqip

  Shenja:  Ballkani  

  Në Ditën Ndërkombëtare Kundër Drogave, policia e Kosovës dhe EULEX-i raportojnë për qindra arrestime për posedim, kultivim dhe shpërndarje të substancave narkotike.

• 26. 06. 2011
• 20:10

  Një i vdekur dhe pesë të plagosur në autobuzin e linjës Tiranë - Athinë

  [Lajmi i Plote] Zeri Amerikes

  Shenja:  Ballkani  

  Policia greke njoftoi sot se një person humbi jetën dhe pesë të tjerë u plagosën në një aksident të një autobuzi  shqiptar të Linjës Tiranë Athinë.
  
  Sipas burimeve policore greke  autobusi u përplas pak pas mesnatës  me një kamion në rrugën që lidh Janinën me Artën në Greqinë Veriore. Ekipeve greke të shpëtimit iu desh kohë të nxirrnin të plagosurit dhe t`i transportonin më pas drejt spitalit të Janinës, tha në një njoftim policia e Janinës.

  Policia greke tha se ende nuk janë sqaruar rrethanat e aksidentit të rëndë. Ndërkaq, ditët e fundit në Shqipëri  Gjykata e Fierit po shqyrton një proçes gjyqësor ndaj një shoferi grek që u përfshi në një aksident  me një prej autobuzëve të linjës Tiranë Athinë  disa muaj më parë. Në aksident  humbën jetën nëntë persona dhe u plagosën disa të tjerë.

  Aksidenti ndodhi  në segmentin që lidh Tepelenën me Mallakstrën. Transporti i udhëtarëve me Greqinë  shtohet gjatë këtyre muajve për shkak të lëvizjes së madhe të emigrantëve shqiptarë që kthehen për pushime.
  
  

• 19:07

  Reagime ndaj marrëveshjes VMRO-BDI për qeverinë e re

  [Lajmi i Plote] Zeri Amerikes

  Shenja:  Ballkani  

  Në Maqedoni, Partitë VMRO-DPMNE dhe Bashkimi Demokratik për Integrim kanë arritur një marrëveshje për formimin e qeverisë, por asnjëra nga partitë nuk ka folur për hollësitë e saj. BDI siç duket ka hequr dorë nga ministritë të cilat vlerësohen si kyçe e që janë ajo e Rendit, e Jashtme apo e Financave. Siç njofton korrespondenti ynë në Shkup, Isak Ramadani, opozita shqiptare akuzon BDI-në se po keqpërdor vullnetin dhe votën e shqiptarëve.

• 19:01

  Përkujtohen 46 martirët e Shkrelit në Ditën Ndërkombëtare kundër Torturës

  [Lajmi i Plote] Zeri Amerikes

  Shenja:  Ballkani  

  Në Diten Ndërkombëtare Kundër Torturës, në fshatin Shkrel të Malësise së Madhe u përurua një memorial kushtuar 46 banorëve të kesaj zone, të pushkatuar ose të vdekur nëper burgjet dhe kampet e regjimit komunist. Përfaqesues të Shoqatës mbarëkombëtare të ish të përndjekurve politikë bënë thirrje për dënimin e krimeve të diktaturës, dhe shpallën një nismë për vendosjen e pllakave përkujtimore në të gjithë vendin, në  kujtim të të burgosurve dhe te pushkatuarve politikë.

• 16:13

  Kosova dhe politikat e strehimit

  [Lajmi i Plote] Zeri Amerikes

  Shenja:  Ballkani  

  

  Gjatë pjesës së parë të këtij viti, rreth 130 persona nga vende të ndryshme të botës kanë kërkuar strehim në Kosovë. Ata vijnë kryesisht nga vendet e përfshira nga krizat siç janë Pakistani, Afganistani, Bregu i Fildishtë, Somalia etj. Nga ky numër 42 kanë fituar statusin e të strehuarit, ndërsa pjesa tjetër janë duke ju nënshtruar proceseve ligjore. Trajtimi i strehim kërkueseve është pjesë e standardeve që Kosova duhet ti përmbushë për t’u afruar me strukturat euroatlantike, përkatësisht liberalizimin e vizave për qytetarët e saj.

  Autoritetet thonë se strehimkërkuesit e përdorin Kosovën më shumë si vend transit dhe më pak si vendqëndrim. Bashkërenduesi i qendrës së strehimit, Fitim Zariqi thotë po bëhen përpjekje për një trajtim sa më të mirë të strehimkërkuesve.

  “Momentalisht kemi 22 azilkërkues, ata janë të lirë të lëvizin pasi të akomodohen nëse një gjë e tillë nuk u është ndaluar për arsye të caktuara. Ka edhe fëmijë të akomoduar këtu, pasi që kemi edhe familjarë, momentalisht kemi dy familje, ka pasur edhe më shumë. Kapaciteti në qendër është për 22 persona, momentalisht i kemi vetëm 22 nuk kemi më shumë, në të kundërtën kemi edhe një hotel të kontraktuar prej Ministrisë së Punëve të Brendshme, ku mund t’i akomodojmë. Hoteli ka një kapacitet deri në pesëdhjetë persona, kështu që qendra më shumë ka mandat që të akomodoj azilkërkues, kurse për çështjen e statusit të azilkërkuesve merret Divizioni për Azil”, thotë ai.

  Ndonëse i është refuzuar kërkesa për strehim azilkërkuesi nga Iraku thotë se ka dhjetë muaj që qëndron në Kosovë.

  “Njerëzit në Kosovë janë shumë të mirë, së pari sepse ata janë myslimanë. Është  vend i vogël dhe shumë i bukur, veçanërisht sheshi “Nënë Tereza”, edhe vajzat janë shumë të bukura”, thotë ai.

  Qendra për Azil në Prishtinë është hapur në shkurt të vitit 2010, ndërsa këtë muaj pritet të hapet edhe një qendër tjetër në afërsi të Prishtinës.

  Adresimi i çështjeve që kanë të bëjnë me migracionin është një prej kushteve themelore për liberalizimin e vizave për Kosovën që është vendi i vetëm në Evropën Juglindore që ka mbetur jashtë këtij procesi. Në këtë kuadër hyn edhe ri-integrimi i personave të riatdhesuar dhe autoritetet thonë së janë të përkushtuara të përmbushin kriteret në kohën kur kanë mbetur pak muaj deri tek përmbyllja e raportit të progresit të Komisionit Evropian ku pritet të përfshihet edhe vlerësimi zyrtar për Kosovën në fushën e liberalizimit të vizave.

• 15:35

  Qytetarët grekë reagojnë për krizën aktuale të vendit

  [Lajmi i Plote] Zeri Amerikes

  Shenja:  Ballkani  

  

  Parlamenti grek ka afat deri në fund të muajit për të vendosur për një valë të re masash shtrënguese që janë prezantuar si parakusht për kreditë ndërkombëtare. Këto kredi janë premtuar me synimin për të mos lejuar falimentimin financiar të Greqisë. Por qytetarët grekë kanë prej një viti që e kanë ndjerë peshën e taksave të reja dhe shkurtimeve në shpenzimet buxhetore. Të ndjekim këtë reportazh mbi opinionet në rrugët e Athinës mbi krizën aktuale të vendit:

  Greqia është goditur rëndë nga shkurtimi i shpenzimeve dhe rritja e taksave gjatë vitit të kaluar. Kjo duket qartë në kryeqytetin e vendit, Athinë. Nëpër rrugë shihen qartë dyqane të boshatisura, pas falimentimit të bizneseve, edhe në lagjet luksoze të qytetit. Në trotuare flenë njerëz të pastrehë dhe 1 ndër 6 grekë është papunë.

  Një ndër to është 29-vjeçarja Areti. Ajo pati një aksident automobilistik 2 vjet më parë, nga i cili u vra i fejuari dhe ajo vetë ishte në rrezik jete. Që atëherë, Areti nuk ka qenë në gjendje të punojë:

  “Aksidenti, vdekja e të fejuarit, problemet me shëndetin – të gjitha këto. Duhet të gjej një shkak për të dalë nga shtëpia, për t’u takuar me njerëz. Por kur s’ke punë, jeta është shumë e zymtë”.

  Ajo thotë se shumë miq të saj janë pa punë. Kjo gjendje, thotë ajo, është si një ëndërr e keqe që të lë të plogështuar dhe të dëshpëruar.

  Duket se Greqia nuk do të zgjohet kollaj nga kjo ëndërr. Ky vend ka borxhe kolosale dhe tani i ka varur shpresat tek partnerët evropianë dhe Fondi Monetar Ndërkombëtar për të mbijetuar.

  Një paketë ndihmash prej mbi 100 miliardë dollarësh është hartuar për të ndihmuar Greqinë të paguajë kreditorët. Por kjo paketë nuk do të zgjidhë problemet madhore të Greqisë. Megjithë rritjen e taksave dhe shkurtimin e shpenzimeve gjatë vitit të kaluar, borxhi mbetet kolosal.

  Tani BE dhe FMN thonë se para se t’i japin Greqisë fonde të tjera, duan të shohin miratimin e shkurtimeve të reja. Ligjvënësit grekë kanë afat deri në fund të muajit për të miratuar shkurtime prej afro 40 miliardë dollarësh si dhe reforma të reja ekonomike.

  Shumë qytetarë grekë thonë se këto masa të rënda po e dërrmojnë vendin. Stefanos Manos është politikan grek.

  “Askush nuk jep një ide se kur do të përfundojë e gjithë kjo. Qeveria ka thënë disa herë ‘përfundon me kaq’. Por çdo herë ka ndryshuar mendje. ‘Na duhen masa të tjera’. Prandaj edhe njerëzit janë shumë të paqartë për të ardhmen e tyre”.

  Por zoti Manos thotë se pavarësisht nga vështirësitë që shkaktojnë, shkurtimet janë të nevojshme. Ai thotë se sektori publik grek është tepër i madh dhe jo-efiçent dhe në mënyrë që ekonomia e vendit të futet në rrugën e duhur, duhet të shkurtohen shpenzimet e sektorit publik. Përndryshe, thotë ai, Greqia mund të mos arrijë të shlyejë këstet e borxhit dhe mund të humbasë statusin e vendit anëtar në Bashkimin Evropian:

  “Shpresoj se nuk do të ndodhë, pasi do të ishte shkatërrimtare për Greqinë. Prandaj unë do të bëja të pamundurën me shkurtimin e shpenzimeve, për të garantuar që do të përmbushin detyrimet ndaj borxhit dhe që nuk do të humbasim vendin në BE”.

  Zoti Manos nuk është i vetmi që shpreson se ky skenar nuk do të bëhet realitet. Politikanët evropianë po përpiqen të gjejnë mënyra për të mos lejuar shpërbërjen e Bashkimit. Por për momentin, goditja më e rëndë nga gjithë këto masa po ndjehet nga qytetarët grekë.

• 25. 06. 2011
• 20:49

  Maqedoni: Trajko Veljanovski zgjidhet kryetar i parlamentit të ri

  [Lajmi i Plote] Zeri Amerikes

  Shenja:  Ballkani  

  

  Në Maqedoni parlamenti u mblodh në sesionin e tij të parë pas zgjedhjeve të parakohëshme të pesë qershorit. Parlamentit të ri i shtohen edhe tre deputetë nga diaspora duke e ngritur numrin e ligjvënësve në 123.

  Parlamenti zgjodhi si kryetar të tij zotin Trajko Veljanovski të partisë VMRO-DPMNE, i cili mbante të njëjtin post në parlamentin e mëparshëm. Bisedimet kësaj partie dhe asaj shqiptare, Bashkimi Demokratik për Integrim, lidhur me formimin e qeverisë së re janë zhvilluar larg syve të opinionit dhe burime brenda BDI-së thonë se ajo do të ketë dy zëvendëskryeministra, ministrinë e Mbrojtjes, të Ekonomisë, të Integrimeve Evropiane dhe Ambientin jetësor.

  Partia Bashkimi Demokratik për Integrim ka 15 vende në Parlament dhe pa votat e saj vështirë se mund të formohet një koalicion i qëndrueshëm qeveritar. Tetë deputetët e Partisë Demokratike Shqiptare hynë në seancë me vonesë, pas ekzekutimit të himnit shtetëror maqedonas.

• 19:59

  Festivali i letersisë në Kosovë

  [Lajmi i Plote] Zeri Amerikes

  Shenja:  Ballkani  

  Për disa ditë me radhë, në një fshat në veri të Prishtinës është mbajtur festivali i letërsisë, i pari i këtij lloji në Kosovë. I planifikuar si një ngjarje, ku do të kishte një gërshetim të veprimtarisë kulturore, festivali ishte edhe skenë e ekspozimit të librave të botuar qindra vite më parë që për subjekt kishin heroin mesjetar të shqiptarëve, Gjergj Kastrioti Skënderbeun.

• 15:35

  Greqi: Emigrantët e ndjejnë veten të rrezikuar

  [Lajmi i Plote] Zeri Amerikes

  Shenja:  Ballkani  

  

  Ndërkohë që ekonomia greke përpëlitet në prag të falimentimit, një pjesë e zemërimit po drejtohet ndaj dhjetëra mijëra emigrantëve që jetojnë në kryeqytetin, Athinë. Shumë grekë ua hedhin atyre fajin për nivelet e krimit në rritje dhe të papunësisë. Grupet e emigrantëve thonë se autoritetet shpesh lënë në heshtje majde i inkurajojnë sulme raciste kundër tyre. Siç njofton korrespondenti ynë, Henry Ridgwell nga Athina, vrasja e një qytetari grek nga një person i panjohur  ka shkaktuar ​​një valë dhune kundër emigrantëve në të gjithë kryeqytetin.
  
  

  Emigrantët afganë Hafeez, Muhamedi dhe Sahil janë duke mësuar gjuhën angleze në një shkollë mbrëmjeje të Athinës. Ashtu si qindra të huaj të tjerë që jetojnë në Greqi, Hafeez ishte kohët e fundit në shënjestër të turmave anti-emigrante në rrugët e Athinës. Në syrin e tij të djathtë ende duken plagët.

  "Isha duke u kthyer në shtëpi nga puna. Kur po ecja në rrugë, shikoj 6 ose 7 njerëz që vijnë përballë meje. Më panë dhe nuk folën fare pastaj papritur filluan të më rrahin. Nuk flisnin fare por më qëllonin në fytyrë, në anën e pasme të kokës dhe në të gjithë trupin".

  Greqia është shumë pranë falimentimit. Përballë papunësisë në rritje dhe masave të rrepta shtrënguese, në shoqërinë greke po zjen një valë zemërimi. Të huajt janë mes viktimave të këtij zemërimi. Kjo demonstratë kundër emigrantëve në fillim të këtij viti në Athinë ishte njëra prej shumë të tillave që u shndërruan në dhunë.
  
  Megjithatë, fluksi i emigrantëve që hyjnë në Greqi nuk ka të ndalur. Deri në 300 njerëz në ditë të përpiqen të kalojnë lumin Evros që ndan Greqinë dhe Turqinë - për të hyrë në Bashkimin Evropian. Qendrat e paraburgimit janë plot e përplot, prandaj shumica e të ardhurve lirohen pas disa ditësh.
  
  Nasim Lomani, i cili është vetë emigrant afgan, ka ngritur një organizatë në mbështetje të emigrantëve.
  
  "Ata nuk mund të gjejnë punë, nuk mund të aplikojnë për azil, ata janë pa dokumente, kështu që jetojnë në rrugë. Për të gjitha problemet e grekëve, fajin e kanë emigrantëve dhe janë ata që paguajnë. Kjo është gjendja reale në Greqi".

  Greqia thotë se pjesa tjetër e Evropës duhet të bëjë më shumë për ta ndihmuar atë të përballojë fluksin e të ardhurve. Shumë grekë, si Nicholaos Sofos, thonë se vendi nuk mund të pranojë më emigrantë.
  
  "Grekët po kalojnë kohë jo të mira. Ata paguajnë taksa, kanë shumë shpenzime. Cilësia e jetës këtu në Greqi ka rënë. Njerëzit që vijnë nga këto vende, nga Pakistani, Afganistani, Bangladeshi, janë aq shumë saqë askush nuk mund ta kontrollojë më situatën".
  
  Sulmet janë intensifikuar pas vrasjes së një shtetasi grek në Athinë në fillim të majit, nga një person i panjohur. Një ditë më pas, bandat e krahut të djathtë filluan sulmet ndaj emigrantëve - të cilët ata i mbajnë përgjegjës për krimin në rritje dhe papunësinë.

  "Një djalë nga Bangladeshi u vra pak ditë më parë në qendër të Athinës. Më shumë se 50 veta janë plagosur. Nga këta 50 persona, rreth 30 qëndruan në spital disa ditë. Gjatë natës ata sulmuan shtëpitë e emigrantëve, thyen dyert dhe dritaret, hynë brenda dhe rrahën njerëzit, madje hodhën bomba molotov në shtëpitë e emigrantëve".
  
  Zoti Loman akuzon policinë për arrestimin e emigrantëve, ndërsa bën një sy qorr ndaj dhunës që vjen nga bandat e djathta. Hafeez dhe miqtë e tij janë në mesin e 50.000 emigrantët që presin përgjigjen e aplikimeve të tyre për azil. Ai ka 5 vjet që është në pritje.
  
  "Ne nuk jemi të sigurt, jemi në rrezik. U larguam nga Afganistani për të shpëtuar jetën, për të jetuar të sigurt, por tani shohim se këtu nuk jemi aspak të sigurt, përkundrazi jemi në rrezik dhe mund të vdesin".
  
  Ndërkohë që qeveria greke përpiqet të bëjë shkurtime të mëtejshme të shpenzimeve, emigrantët janë të shqetësuar se atmosfera armiqësore mund të bëhet edhe më e rrezikshme në muajt e ardhshëm.

• 11:01

  "Nuk ishte veprim unilateral" - 20 vjet pas pavarësisë së Sllovenisë dhe Kroacisë

  [Lajmi i Plote] Deutsche Welle - shqip

  Shenja:  Ballkani  

  Më 25 qershor 1991, Kroacia dhe Sllovenia shpallën pavarësitë. Ministri i Jashtëm gjerman, Hans-Dietrich Genscher, asokohe ministër i Jashtëm i Gjermanisë, luajti një rol qendror në procesin e njohjes së tyre.
• 10:49

  Udhët u ndanë - 20 vjet pas pavarësimit të Sllovenisë dhe Kroacisë

  [Lajmi i Plote] Deutsche Welle - shqip

  Shenja:  Ballkani  

  Vendimi për shpalljen e pavarësisë nga Kroacia dhe Sllovenia më 25 qershor 1991 nuk erdhi papritur. Muaj më parë patën dështuar të gjitha përpjekjet për ta reformuar Jugosllavinë e atëhershme në një vend demokratik.
• 24. 06. 2011
• 11:47

  Maqedonia para konstituimit të parlamentit të ri

  [Lajmi i Plote] Deutsche Welle - shqip

  Shenja:  Ballkani  

  Seanca konstituive e përbërjes së re të parlamenit maqedonas do të mbahet të shtunën më 25 qershor. Opinionistët vlerësojnë se opozita në parlamentin e ri do të ketë një rol më të rëndësishëm.
• 23. 06. 2011
• 15:58

  Shqipëria më larg Brukselit pas zgjedhjeve të 8 majit? Pack: Besoj se rreziku është i madh...

  [Lajmi i Plote] Deutsche Welle - shqip

  Shenja:  Ballkani  

  Në intervistë për Deutsche Welle-n, eurodeputetja gjermane Doris Pack prononcohet lidhur me ngërçin e krijuar në politikën e brendëshme në Shqipëri pas përfundimit të zgjedhjeve lokale të 8 majit.
• 22. 06. 2011
• 17:08

  Miratohet plani kohor për anëtarësimin e Kroacisë

  [Lajmi i Plote] Deutsche Welle - shqip

  Shenja:  Ballkani  

  Sipas të gjitha gjasave Kroacia do të bëhet anëtarja e 28-të e BE-së në 1 korrik 2013. Ministrat e jashtëm të BE-së i rekomanduan kryetarëve të shteteve dhe qeverive të BE-së, të deklarojnë mbylljen e negociatave.
• 21. 06. 2011
• 08:40

  Brukseli kerkon hapa konkret në dialogun Prishtinë - Beograd

  [Lajmi i Plote] Deutsche Welle - shqip

  Shenja:  Ballkani  

  Ministrat e jashtëm të vendeve anëtare të BE-së janë takuar në Luksemburg me homologët e tyre nga Ballkani. Për shkak të pjesëmarrjes së ministrit të Jashtëm kosovar, takimi është mbajtur sipas formulës Gimnih.

• 20. 06. 2011
• 20:31

  Në Tetovë hapet konferenca për 10 vjetorin e Marrëveshjes së Ohrit

  [Lajmi i Plote] Zeri Amerikes

  Shenja:  Ballkani  

  

  Në Tetovë sot filloi konferenca ndërkombëtare për të shënuar dhjetë vjetorin e  Marrëveshjes së Ohrit, ku po marrin pjesë aktorë të përfshirë drejtpërsëdrejti në këtë Marrëveshje, si dhe diplomatë, politikanë, studiues a analistë. Ambasadori James Pardew, ish-ndërmjetësues, tha se pa këtë marrëveshje Maqedonia do të kishte një të ardhme tragjike. Marreveshja e arritur me 13 gusht te vitit 2001 konsiderohet si kornize ligjore ne vend.

• 20:07

  Kosova shënoin ditën ndërkombëtare të refugjatëve

  [Lajmi i Plote] Zeri Amerikes

  Shenja:  Ballkani  

  

  Kosova shënoi sot ditën ndërkombëtare të refugjatëve me një numër të madh personash të zhvendosur brenda dhe jashtë saj. Përfaqësues të institucioneve vendase e ndërkombëtare, thanë se që nga përfundimi i luftës, në Kosovë janë kthyer mbi 20 mijë refugjatë, ndërsa kthimi i qëndrueshëm i tyre përballet me sfida për shkak të mungesës së mjeteve të mjaftueshme financiare.

• 19:54

  Kosovë: Ndërroi jetë deputetja Nekibe Kelmendi

  [Lajmi i Plote] Zeri Amerikes

  Enclosure: [download]

  Shenja:  Ballkani  

  Në Prishtinë sot u varros, deputetja e Parlamentit të Kosovës, Nekibe Kelmendi e cila mbrëmë ndërroi jetë pas një sëmundjeje të gjatë dhe të rëndë. Gjatë ditës në Prishtinë janë bërë homazhe dhe mbledhje përkujtimore në nderim të së ndjerës e cila për një kohë të gjatë ishte funksionare e lartë politike dhe veprimtare për të drejtat dhe liritë e njeriut. Udhëheqës të lartë politikë të Kosovës e vlerësuan Nekibe Kelmendin si pjesë të historisë së Kosovës. Në mbledhjet përkujtimore të Parlamentit të Kosovës dhe Lidhjes Demokratike të Kosovës u tha mes tjerash se e ndjera Kelmendi dhembjes së madhe familjare i është përgjigjur me punë për të mirën e Kosovës.

  Presidentja e Kosovës, Atifete Jahjaga, tha se Nekibe Kelmendi i shumë Kosovës, dhe popullit të saj. “Vizioni i saj mbeti - Republika e Kosovës shtet demokratik i të gjithë qytetarëve pa dallim, e integruar në strukturat evropiane dhe në miqësi të përhershme me Shtetet e Bashkuara të Amerikës. Liri, pavarësi, demokraci ishin parimet themelore të zonjës Nekibe Kelmendi dhe të të gjithë lëvizjes gjithëpopullore, për idealet e së cilës zonja Kelmendi u angazhua me gjithë potencialin e saj, duke u shkrirë dalëngadalë për këtë ideal”, tha presidentja Jahjaga.

  Kryetari i Parlamentit të Kosovës, Jakup Krasniqi, e vlerësoi të ndjerën si shembull të punës e angazhimit në të gjitha përbërjet e deritashme të Parlamentit të Kosovës.”Nekibe Kelmendi do të kujtohet për kontributin që ka lënë në shumë fusha të angazhimit të saj jetësor. Kontribuoi shumë në fushën e drejtësisë, ku një angazhim të veçantë pati në fushën e të drejtave të njeriut. Do të mbahet mend si njeri, si nënë, si bashkëshorte që dhimbjen e madhe njerëzore kërkoi ta mund me angazhim të përditshëm për vendin dhe familjen e saj”, tha zoti Krasniqi.

  Kryetari i Lidhjes Demokratike të Kosovës Isa Mustafa, tha se vdekja e Nekibe Kelmendit ishte humbje e madhe për këtë parti, por edhe gjithë Kosovën. “Ne po e nderojmë sot gruan e fortë të Kosovës, Nekibe Kelmendin, gruan që këtij vendi ia dhuroi fëmijët e dashur  të saj, në lulen e rinisë, bashkëshortin e saj, që këtij vendi ia dhuroi dijen dhe përkushtimin e saj, ia fali forcën e saj mbinjerëzore, gruan që tërë jetën u shqua për dinjitet dhe stoicizëm”, tha zoti Mustafa.

  E lindur 67 vjet më parë në Pejë, Nekibe Kelmendi, për një kohë të gjatë ushtroi detyrën e gjykatëses dhe avokates. Në fund të viteve të 80-ta ishte një nga bashkëthemelueset e Këshillit për Mbrojtjen e të Drejtave dhe Lirive të Njeriut në Prishtinë dhe një nga funksionaret e larta të Lidhjes Demokratike të Kosovës.

  Në mars të vitit 1999 bashkëshorti i saj Bajram Kelmendi veprimtar i njohur për të drejtat e njeriut dhe avokat si dhe dy djemtë e saj u ekzekutuan nga forcat serbe.

  Pas luftës, nga janari i vitit 2000 deri në nëntor vitit 200, ishte bashkëdrejtuese e Departamentit të Drejtësisë së UNMIK-ut. Kurse përveç postit të deputetes, ajo ka qenë edhe ministre e Drejtësisë në qeverinë e Kosovës. Ishte pjesëmarrëse edhe në grupin e ekspertëve në kuadër të Ekipit të Unitetit në negociatat për statusin e Kosovës si dhe në grupin e ekspertëve për hartimin e Kushtetutës së Kosovës. Vdekja e gjeti në detyrën e deputetes së Parlamentit të Kosovës.

• 19:31

  Zgjedhjet e 8 majit pjesë e diskutimeve edhe në takimin e ministrave të jashtëm të 27 vendeve të BE-së

  [Lajmi i Plote] Zeri Amerikes

  Shenja:  Ballkani  

  

  Pas diskutimeve të javës së shkuar në takimin ndërparlamentar Bashkim Europian - Shqipëri, situata e tensionuar në vend pas zgjedhjeve të 8 majit ishte sot pjesë e diskutimeve edhe në takimin e ministrave të jashtë të 27 vendeve europiane. Një takim i cili doli me disa përfundime për zhvillimet në Shqipëri. Ndërsa vëren se zgjedhjet e 8 majit “u zhvilluan përgjithësisht në një mënyrë transparente dhe konkurruese, ndonëse me vështirësi proceduriale,  situata në Tiranë – shtopjnë ministrat europian - përbën një cështje shqetësuese. BE-ja shpreh keqardhjen për përkeqësimin e situatës politike dhe rritjen e tensioneve të cilat pasuan zgjedhjet dhe zhvillimin e procesit”, shkruhet në përfundimet e tyre.

  Në deklaratën për Shqipërinë, nënvizohet se “është thelbësore që procesi zgjedhor, përfshirë procedurat e ankimimit dhe të deklarimit të rezultatit përfundimtar nga ana e Komisionit zgjedhor, duhet të përmbyllet në mënyrë transparente, të pavarur dhe në përputhje të plotë me kuadrin ligjor ekzistues. Eshtë gjithashtu thelbësore për të gjitha palët të njohin supremacinë e shtetit ligjore mbi cdo interes tjetër”, shprehen ministrat e jashtëm sipas të cilëve në qendër të vëmendjes duhet të jetë e ardhmja europiane e vendit

  Sipas Bashkimit Europian “është thelbësore që qeveria dhe opozita të arrijnë një marrëveshje për një reformë të thellë zgjedhore para zgjedhjeve të ardhshme e cila duhet të mbajë parasysh rekomandimet e Osbe/Odihr-it që nga viti 2007”.

  Por palët gjithashtu, duhet të “rivendosin me urgjencë dialogun politik dhe të tejkalojnë ngërcin e gjatë politik. Ky dialog – nënvizohet në deklaratën për Shqipërinë - është i dmosdoshëm për funksionimin normal të cdo shoqërie demokratike dhe institucioneve të saj, përfshirë funksionimin efektiv të parlamentit, ashtu dhe për përparimin e integrimit europian të vendit. Be – thuhet më tej, nxit autoritetet shqiptare të ripërtërisin dhe të forcojnë përpjekjet për axhendën e reformave dhe zbatimin e tyre. Këto – vlerësojnë ministrat e jashtëm europian -  janë thelbësore për të arritur përshtatjen e nevojshme me kriteret e Kopenhagenit, përfshirë 12 prioritetet kyce të identifikuara nga Komisioni europian. Vetëm në përmbushjen e sa më sipër Shqipëria do të jetë në gjendje të ecë drejt BE”, vënë në dukje të 27 ministrat e jashtëm.

  Deklarata u përshëndet sot nga kryeministri Sali Berisha i cili ftoi opozitën të bashkëpunojë për reformën zgjedhore duke përsërituir ftesën që ajo të hartojë amendamentet e nevojshme. Gjithashtju ai tha se emërimet në institucionet që kërkojnë tre të pestat do t’i lihen opozitës e po ashtu premtyoi se rekomandimet e saj në të gjitha ligjet që kërkojnë shumicë të cilësuar do të merren parasysh. “Takimi i sotëm i Luksemburgut është një thirrje në interesin më të mirë të çdo qytetari të këtij vendi, të çdo force politike të këtij vendi. Është një ofertë jashtëzakonisht e rëndësishme, në mënyrë që procesi i integrimit të vendit në Bashkimin Europian të ecë me ritmet e merituara. Uroj që të lexohet njëlloj nga të gjitha forcat politike të vendit. Garantoj partnerët tanë se qeveria do të bëj gjithçka për funksionimin e shtetit ligjor dhe respektin e tij, funksionimin e institucioneve kushtetuese, dialogun dhe bashkëpunimin kushtetues me opozitën dhe forcat politike të vendit”, deklaroi kryeministri.

• 18:05

  KQZ numëroi përsëri vota nga kutitë e njësisë bashkiake katër

  [Lajmi i Plote] Zeri Amerikes

  Shenja:  Ballkani  

  

  Komisioni Qendror i Zgjedhjeve vazhdoi sot numërimin e votave të kontestuara sipas vendimit të Kolegjit Zgjedhor nga njësia bashkiake numër katër për zgjedhjet vendore të kryeqytetit. Vëzhgues të dy partive, nëpunës të administratës dhe komisionerë të KQZ kaluan nëpër duar kutitë e njësisë katër, herë pas here mes tensionesh që sollën edhe përjashtimin nga numërimi të një vëzhgueseje socialiste që iu tërhoq vëmendja për grindje me kolegët gjatë punës dhe për dëmtim të një kutie. Madje përjashtimi i saj nga procesi u bë me vendim të KQZ me votim 4 me 2.

  Përfaqësuesit e Partisë Socialiste protestuan edhe sot për mospërputhje të kodeve mbyllëse nëpër kutitë e votimit, për mospërputhje të numrave nëpër procesverbale. Po ashtu ata thanë se në ndonjë rast mungojnë zarfet me fletët e pavlefshme madje edhe vetë procesverbalet nëpër kutitë e votimit. Të gjitha këto, sipas tyre, e bëjnë të paligjshëm këtë numërim. Por zyrtarë të KQZ deklaruan se nuk bëhet fjalë për ndryshim kodesh, sepse sistemi numerik i sigurisë së kutive është mjaft i sigurtë dhe se procesi i rishikimit të materialeve zgjedhore po bëhet sipas vendimit të Kolegjit Zgjedhor, që ka karakter urdhërues për komisionerët.

  Parashikimet nga KQZ janë që mund të rishikohen materialet zgjedhore nga 2 njësi bashkiake në ditë, gjë që do të thotë se procesi do të vazhdojë të paktën edhe këtë javë, sepse janë 11 njësi bashkiake. Nga të dhënat e deritanishme, të dy kandidatët për kryetar bashkie në Tiranë po marrin vota shtesë nga fletët e hedhura në kutinë me ngjyrën e gabuar, por kandidati Lulëzim Basha kryeson deri tani me 78 vota ndaj kandidatit Edi Rama.

  Numërimi i këtyre kutive u kërkua me vendim nga Kolegji Zgjedhor për t’i trajtuar të gjitha kutitë e votimit në mënyrë të barabartë. Partia Socialiste e opozitës e kundërshtoi këtë numërim shtesë, ashtu si kundërshtoi edhe numërimet e mëparshmet, edhe pse Kolegji Zgjedhor i shpalli ligjërisht të sakta veprimet e KQZ për të vlerësuar votat e kontestuara. Zgjedhjet vendore u mbajtën në 8 maj, por edhe pse kanë kaluar një muaj e gjysëm ende nuk ka një fitues zyrtar për bashkinë e Tiranës. Partitë politike dhe KQZ po replikojnë gjatë për ligjshmërinë e procedurave të numërimit, dhe disa herë janë ankuar Kolegjin Zgjedhor.

  Zgjedhjet vendore u vlerësuan nga opozita socialiste si një test i rëndësishëm politik për përkrahjen që ajo gëzon në popull. Si pozita edhe opozita i lexon ndryshe rezultatet e zgjedhjeve vendore në shkallë kombëtare; të dyja thonë se kanë fituar herë me numra e herë me territore administrative, por forumet e tyre drejtuese ende nuk e kanë thënë as ato fjalën e fundit, derisa presin mbylljen e procesit numërues për kryeqytetin.

• 17:51

  Lajçak: shpejtësia dhe suksesi i procesit të integrimit në duart e politikanëve shqiptarë

  [Lajmi i Plote] Zeri Amerikes

  Shenja:  Ballkani  

  

  Diplomati i lartë Evropian Miroslav Lajcak, tha se Shqipëria ka humbur shumë kohë me mosmarrëveshjet e brendshme pas dy zgjedhjeve të fundit dhe vendi duhet të fillojë dialogun për të kapëcyer situatën e krijuar dhe  afrimin e vendit me strukturat evropiane.  Zoti Lajçak i bëri këto komente në Uashingtion i ftuar në një diskutim mbi prespektivën evropiane të vendeve të Ballkanit.

  Ndërkohë që Shqipëria po përpiqet të kapëcejë tensionin e brendshëm politik që u shfaq pas zgjedhjeve të përgjithshme të 2009 dhe u acarua më tej pas zgjedhjeve lokale të 8 majit,  Miroslav Lajçak, drejtori i menaxhimit për Evropën dhe Azinë Qëndrore në zyrën për marrëdhëniet me jashtë të Bashkimit Evropian,  thotë se pa dialog mes palëve nuk do të ketë zgjidhje të problemeve.

  Ne ofrojmë ndihmën tonë por duam të shohim përpjekje. Pa dialog politik ne do të vazhdojmë të shohim probleme si ato që kemi ndeshur pas zgjedhjeve të fundit të përgjithshme dhe pas zgjedhjeve të fundit lokale. Kur të nisë dialogu politik do të ketë progres dhe kjo sigurisht do të vlerësohet nga Bashkimi Evropian”.

  Miroslav Lajcak, i dërguari disa herë i përfaqësueses së lartë të Bashkimit Evropian për politikën e Jashtme dhe Sigurinë Cathrine Ashton,  për të zgjidhur krizën politike në Shqipëri, thotë se Shqipëria ka humbur shumë kohë dhe duhet t’i zgjidhë me shpejtësi mosmarrëveshjet për të rikuperuar kohën e humbur.

  "Në se udhëheqësit politikë dhe partiakë nuk arrijnë të bien dakort mes tyre, ajo që bëjmë ne në Evropë është të kërkojmë opinionin e institucioneve evropiane, OSBE-ODIHR-it, Komisionit të Venecias, Këshillit të Evropës ku Shqipëria është vend anëtar, për të marrë një platformë që do të jetë pikë-nisje për të gjithë shoqërinë. Shqipëria ka humbur shumë kohë dhe kjo është periudha e duhur për të rikuperuar këtë humbje, në mënyrë që raporti i komisionit për këtë vit të jetë pozitiv".

  Megjithëse konstaton se e ardhmja evropiane e Shqipërisë është e padiskutueshme, zyrtari i lartë i BE-së thotë se shpejtësia dhe suksesi i këtij procesi është tërësisht në duart e politikanëve shqiptarë dhe të popullit shqiptar.

  Zyrtari i lartë i Bashkimit Evropian ishte i ftuar në një diskutim të zhvilluar nga Qendra për Marrëdhënie Transatlantike në Universitetin Johns Hopkins për prespektivën evropiane të Ballkanit. Ai tha se megjithëse zgjerimi nuk është pika kryesore në rendin e ditës të Bashkimit Evropian, të përballur tani me mundësinë e paqëndrueshmërisë financiare të disa vendeve të eurozonës, Brukseli do të vazhdojë të nxisë reformat dhe kërkon të shoh përparim nga të gjitha vendet që synojnë të anëtarësohen në BE. Përveç Kroacisë që duket se është e para, në listën më të afërt janë edhe Serbia dhe Mali i Zi.

• 17:43

  Ministrat e Financave të BE-së shtyjnë vendimin për Greqinë

  [Lajmi i Plote] Zeri Amerikes

  Shenja:  Ballkani  

  

  Ministrat e Financave të Eurozonës thanë se Greqia duhet të miratojë reforma të rrepta ekonomike para se të marrë pagesën tjetër të huasë prej 12 miliard dollarësh nga Bashkimi Europian dhe Fondi Monetar Ndërkombëtar. Krerët europianë të financave nuk arritën të binin dakort për t’i dhënë pagesën e radhës Athinës pas disa orë bisedimesh sot në Luksemburg.                                                   

  Ministrat e Financave të Eurozonës u mblodhën sot për të dytën ditë në Luksemburg për të diskutuar krizën e borxhit grek. Ata nuk arritën të merrnin një vendim përfundimtar mbi pjesën e huasë nga paketa e ndihmave që i nevojitet Greqisë për të paguar borxhin në kohë.

  Zyrtarët thanë se presin që Athina ta marrë shumën prej 12 miliard eurosh të huasë në mesin e korrikut për të shmangur një krizë financiare në Greqi dhe Europë.

  Megjithatë, ministrat europianë këmbëngulën për vazhdimin e trysnisë ndaj Athinës për masat e shkurtimeve dhe thanë se dhënia e parave do të varet tek miratimi i ligjeve dhe reformave financiare nga parlamenti grek dhe shitja e pronave shtetërore.

  “Greqia duhet të marrë vendimin e duhur, sepse alternativa do të ishte shumë më e rëndë për të.”

  Greqia mori një paketë ndihmash prej 110 miliard dollarësh vitin e kaluar, por vazhdon të ketë probleme ekonomike.

  Ministri i Jashtëm gjerman tha se gjetja e një zgjidhjeje për krizën financiare të Greqisë është proces i dhimbshëm, por që mund të bëhej përmes konsolidimit të buxhetit.

  “Procesi nuk do të jetë i lehtë, siç e kemi parë edhe në vende të tjera të Europës. Kjo është çështje e konsolimit të buxhetit. Ilaçi mund të jetë i hidhur por jep rezultat.”

  Ministrat njoftuan se do të punonin për një paketë të dytë ndihmash për Greqinë, e cila nuk arriti të paguajë borxhet përmes planit të parë të paketës së ndihmave. Plani pritet të bëhet i njohur nga fillimi i muajit korrik dhe do të përfshijë hua zyrtare dhe, për herë të parë, edhe kontribute nga investitorë privatë.

  Ndërkohë sot, mijëra demonstrues u mblodhën përsësi në sheshin qendror Sintagma të Athinës, para parlamentit, për të protestuar kundër masave të qeverisë për shkurtimin e shpenzimeve.

  Edhe tregjet greke patën rënie sot pas dështimit të ministrave europianë për arritjen e një marrëveshjeje për t’i dhënë Greqisë pjesën e huasë që duhet të shlyej para se të kalojë afati dhe për të shmangur një kaos financiar.

• 13:33

  Kërkojnë mësimin e gjuhës amtare dhe kthimin e emrave

  [Lajmi i Plote] Deutsche Welle - shqip

  Shenja:  Ballkani  

  Minoriteti malazez me rreth 30 mijë banorë në Shkodër e Malësinë e Madhe, megjithëse integruar natyrshëm në shoqërinë shqiptare, ka pretendimet e veta modeste për trashëgiminë e të parëve të tyre.

• 19. 06. 2011
• 20:16

  KQZ gjen edhe 33 vota të vlefshme në kutitë e njësisë bashkiake Nr. 2 të Tiranës

  [Lajmi i Plote] Zeri Amerikes

  Shenja:  Ballkani  

  

  Komisioni Qendror i Zgjedhjeve numëroi sot 201 kuti të tjera nga njësia bashkiake numër dy për zgjedhjet vendore të kryeqytetit.     
  
  Të ndarë në 8 grupe, komisionerët kaluan gjatë paradites kutitë e njësisë 2, ndërsa pritet që në mbrëmje të numërojnë njësinë bashkiake numër 3. Sipas të dhënave të deritanishme, kandidati Edi Rama ka marrë 12 vota të hedhura në kutinë e gabuar, ndërsa kandidati Lulëzim Basha ka marrë 21 të tjera.

  Deri tani, kandidati Basha është 92 vota para. KQZ numëroi dje në mbrëmje kutitë e njësisë bashkiake numër një. Numërimi i këtyre kutive u kërkua me vendim nga Kolegji Zgjedhor për t’i trajtuar të gjitha kutitë e votimit në mënyrë të barabartë, pasi KQZ hapi një javë më parë 110 kuti ku dolën mbi 400 vota të rregullta të hedhura në kuti me ngjyra të gabuar.

  Partia Socialiste e opozitës e kundërshtoi këtë numërim shtesë, ashtu si kundërshtoi edhe numërimet e mëparshmet, edhe pse Kolegji Zgjedhor i shpalli ligjërisht të sakta veprimet e KQZ për të vlerësuar votat e kontestuara.

  Zgjedhjet vendore u mbajtën në 8 maj, por edhe pse ka kaluar një muaj e gjysëm ende nuk ka një fitues zyrtar për bashkinë e Tiranës. Partitë politike dhe KQZ po replikojnë gjatë për ligjshmërinë e procedurave të numërimit, dhe disa herë janë ankuar Kolegjin Zgjedhor.
  
  

• 16:41

  Parlamenti grek debaton në prak të votëbesimit

  [Lajmi i Plote] Zeri Amerikes

  Shenja:  Ballkani  

  

  Mijëra përkrahës të partisë komuniste greke marshuan në kryeqytetin e vendit, Athinë në protesta kundër planeve qeveritare për shkurtime të shpenzimeve, me synimin për të mos lejuar falimentimin financiar të Greqisë.

  Rreth 5 000 protestues zhvilluan protesta dje para parlamentit grek, të udhëhequr nga kreu i partisë komuniste Aleks Papariga, i cili e akuzoi qeverinë se kishte hyrë në ujdi me kreditorët për “t’i rrjepur të gjallë njerëzit”. Protestat përfunduan pa incidente.

  Greqia është pushtuar nga protesta prej disa javësh kundër planeve të Kryeministrit socialist Jorgo Papandreu, për rritje taksash dhe shkurtimesh të shpenzimeve qeveritare, të cilat kërkohen nga udhëheqësit ndërkombëtarë në shkëmbim për kredi emenergjente.

  Kryeministri grek Jorgos Papandreu, mbrojti programin e masave shtrënguese të zbatuara nga qeveria e tij në marrëveshje me Bashkimin Evropian dhe Fondin Monetar Ndërkombëtar në këmbim të një pakete shpëtimi financiar.  Ai i bëri komentet sot gjatë një debati në parlament, në prag të një votë besimi për kabinetin e tij të ri të krizës.

  Kryeministri grek Jorgo Papandreu bëri thirrje për një referendum mbi ndryshime në sistemin politik të vendit, sistem që siç tha ai, ka çuar në borxhe masive dhe e ka detyruar vendin të luftojë për të shmangur falimentimin. Zoti Papandreu tha gjithashtu se mospagimi i borxhit ose dalja nga euroja do të ishte katastrofike për popullin grek.

  "Pasojat e një falimentimi të dhunshëm ose një daljeje nga euroja do të ishin të menjëhershme dhe katastrofike për familjet greke, për bankat, dhe kredibilitetin e vendit tonë, dhe do të na vinin përsëri aty ku kemi filluar, me fjalë të tjera në një kujdestari me të njëjtin mekanizëm, por shoqëria do të paguante një çmim të madh," tha zoti Papandreu në parlament.

  Sot ishte dita e parë e një debati tre ditor rreth politikave të administratës në prag të një votë besimi të martën. Kryeministri Papandreu ia hodhi fajin Bashkimit Evropian që sipas tij nuk parashikoi dot se si do të ndikohej kriza nga tregjet dhe nga vështirësitë ekonomike në vendet e tjera të BE-së.

  "Partnerët tanë parashikuqan se me zbatimin e këtij programi ne do të ishim në gjendje për të filluar rregullisht huamarrjen nga tregjet në vitin 2012, por siç duket kjo nuk është e mundur. Ky ishte një parashikim i gabuar. Një parashikim i bërë para se kriza të përhapej në Evropë, para se dy vende të tjera të detyroheshin të futeshin në të njëjtin mekanizëm mbështetjeje. Por, ky parashikim i gabuar nuk ishte i yni. Ishin partnerët tanë, si Bashkimi Europian, Banka Qendrore Evropiane dhe Fondi Monetar Ndërkombëtar ... Faji nuk i duhet hedhur Greqisë."

  Papandreu dha garanci se reformat do të japin fryte. Kreu i opozitës konservatore Andonis Samaras, udhëheqës i partisë Demokracia e Re, i cili ka refuzuar vazhdimisht thirrjen për konsensus nga Papandreu, tha se ai nuk mund të mbështesë politikat e qeverisë.

  "Ne nuk do t’jua japin votën juve, zoti Papandreu, për një arsye të thjeshtë, sepse qeveria juaj këmbëngul për një politikë që jo vetëm nuk e zgjidh problemin, jo vetëm e rëndon problemin, por krijon më shumë probleme", tha zoti Samaras.

  Papandreu e riorganizoi kabinetin e tij javën e kaluar, pas largimit të tre deputetëve të tij.

  Analistët thonë se qeveria e re do të arrijë ta fitojë votëbesimin dhe të miratojë reformat, por çështja është se sa shpejt mund të zbatohen ato.

• 16:16

  Gjendja e sigurisë ushqimore gjatë sezonit turistik në Shqipëri

  [Lajmi i Plote] Zeri Amerikes

  Enclosure: [download]

  Shenja:  Ballkani  

  Fillimi i sezonit veror të pushimeve dhe temperaturat në rritje kanë rritur shqetësimin mbi gjendjen e sigurisë ushqimore në Shqipëri. Kjo ka shtyrë specialistët e sigurisë ushqimore, që të nisin në Shkodër një proces monitorimi në punishtat e përpunimit të qumështit si dhe në treg, për të parandaluar daljen në treg të produkteve ushqimore të pasigurta. Ndërkohë, specialistët po apelojnë tek konsumatorët që t'u drejtohen njësive tregtare të sigurta, duke u larguar nga tregu i rrugës.

• 10:22

  Gudjons: Një turist i kënaqur bën shumë më tepër për Shqipërinë sesa një broshurë

  [Lajmi i Plote] Deutsche Welle - shqip

  Shenja:  Ballkani  

  Turizmi në Shqipëri edhe pse konsiderohet një ndër sektorët kyç të ekonomisë mbahet kryesisht nga emigrantët që kthehen për pushime thotë Bodo Gudjons, drejtor i agjencisë turistike "Skanderberg Reisen".

• 18. 06. 2011
• 19:10

  Ministri Rexhepi, kufijtë e Kosovës me Serbinë nuk do të jenë temë bisedimesh

  [Lajmi i Plote] Zeri Amerikes

  Shenja:  Ballkani  

  

  Në Kosovë ministri i Punëve të Brendshme, Bajram Rexhepi, hodhi poshtë mundësinë që çështja e kufirit ndërmjet Kosovës dhe Serbisë të jetë pjesë e bisedimeve që aktualisht po zhvillohen ndërmjet dy vendeve me ndërmjetësimin e Bashkimit Evropian. Ai i bëri këto komente gjatë ceremonisë së kalimit të përgjegjësive nga KFOR-i tek Policia Kufitare e Kosovës, për kontrollimin e kufirit me Maqedoninë. Forcat paqeruajtëse vazhdojnë të kontrollojnë kufirin me Malin e Zi dhe Serbinë.

• 18:56

  PS diskuton rezultatet zgjedhore

  [Lajmi i Plote] Zeri Amerikes

  Shenja:  Ballkani  

  

  Ne Tirane Komisioni Qendror i Zgjedhjeve vendosi te nise sot pasdite numerimin e fleteve te kontestuara nga kutite e votimit te kryeqytetit. Po sot, Partia Socialiste mblodhi asamblene kombetare per te diskutuar rezultatet e saj zgjedhore. Kryetari i kesaj partie, Edi Rama, tha se opozita do të vazhdojë tubimet e protestës, nderkohe qe do te pergatitet per zgjedhjet e ardhshme.

• 17. 06. 2011
• 08:50

  Pengesa në dialogun Prishtinë-Beograd

  [Lajmi i Plote] Deutsche Welle - shqip

  Shenja:  Ballkani  

  Me kërkesë të Serbisë është shtyrë takimi i delegacioneve të Beogradit dhe Prishtinës, i cili është dashur të mbahet këto ditë. Pala serbe ka kërkuar më shumë kohë për konsultime. Shtyrja ka hapur dilema të shumta.
• 16. 06. 2011
• 17:28

  FAZ: „Kantjeret shqiptare të ndërtimit“

  [Lajmi i Plote] Deutsche Welle - shqip

  Shenja:  Ballkani  

  Shanset që Shqipëria të marrë statusin e vendit kandidat për anëtarësim në BE brenda një periudhe të parashikueshme, nuk janë përmirësuar pas zgjedhjeve lokale, shkruan gazeta „Frankfurter Allgemeine Zeitung“.
• 17:23

  Maqedonia duhet të tregojë si është përdorur kredia e marrë nga FMN

  [Lajmi i Plote] Deutsche Welle - shqip

  Shenja:  Ballkani  

  Autoritetet e Maqedonisë duhet t'i raportojnë delegacionit të FMN-së se ku janë shpenzuar mjetet e kredisë në vlerë prej 220 milion eurosh.
• 16:33

  Projekte për reduktimin e pasojave të ndryshimit të klimës në vendet e Ballkanit

  [Lajmi i Plote] Deutsche Welle - shqip

  Shenja:  Ballkani  

  Ballkani Perëndimor konsiderohet një nga rajonet e Europës, ku ndryshimet klimatike do të prekin ndjeshëm sektorët e bujqësisë dhe të energjitikës. Për të reduktuar pasojat Banka Botërore planifikon disa projekte.
• 11:38

  Dështon konsensusi politik në Greqi - Vendi në krizë financiare dhe politike

  [Lajmi i Plote] Deutsche Welle - shqip

  Shenja:  Ballkani  

  Partitë politike në Greqi nuk munden të krijojnë një qeveri të “shpëtimit kombëtar”. Iniciatiava u ndëmor nga vetë kryeministri Papandreu, përballë revoltës sociale për masat e kursimeve. Por opozita refuzoi.
• 15. 06. 2011
• 16:15

  Kosova ofron produkte në tregun gjerman

  [Lajmi i Plote] Deutsche Welle - shqip

  Shenja:  Ballkani  

  Programi për Ndërmarrje Private në Kosovë i sjell prodhimet kosovare më afër konsumatorit evropian.

• 13. 06. 2011
• 19:59

  EULEX ngre aktakuzën e dytë në çështjen ”Medicus”

  [Lajmi i Plote] Zeri Amerikes

  Shenja:  Ballkani  

  

  Zyrtarë të EULEX-it në Kosovë thanë sot se një gjykatës i këtij misioni ka konfirmuar aktakuzën kundër dy personave, Yusuf Ercin Sonmez shtetas turk dhe Moshe Harel shtetas izraelit, për trafikim me njerëz, krim të organizuar dhe ushtrim të paligjshëm të veprimtarive mjekësore.

  Zyrtarë të Eulex-it bënë të ditur se Gjykata e Qarkut në Prishtinë ka lëshura një urdhër arresti për këta dy të dyshuar, ndërsa edhe Interpoli ka lëshuar një urdhër arresti ndërkombëtarë.

  Vitin e kaluar prokuroria e Kosovës ngriti një akuzë kundër shtatë personave për trafikim të organeve njerëzore, krim të organizuar, ushtrim të paligjshëm të veprimtarive mjekësore dhe keqpërdorim të detyrës zyrtare. Në mesin e të akuzuarve kishte mjekë dhe një person, që më parë ka punuar në nivel të lartë në Ministrinë e Shëndetësisë.

  Sipas akuzës fillestare, të gjithë këta kanë qenë të përfshirë në rekrutimin e 20 shtetasve të huaj nga Moldavia, Kazakistani, Rusia dhe Turqia, të cilëve pretendohet se u ishin premtuar nga 20 mijë dollarë për dhurimin e veshkave, ndërsa marrësve të organeve u ishte kërkuar që të paguanin nga 80 mijë deri në 100 mijë dollarë.

  Akuza për trafikimin e organeve, ka të bëjë me zhvillimet në klinikën private “Medicus” në Prishtinë në vitin 2008. Një transplantim i paligjshëm i një veshke që ishte kryer në një klinikë private në Prishtinë atë vit kishte çuar në arrestimin e tre udhëheqësve të asaj klinike si dhe në pezullimin nga puna të një zyrtari të Ministrisë së Shëndetësisë.

• 16:02

  Koalicioni i vjetër dhe i ri në Shkup - Vendosen kontaktet e para për krijimin e qeverisë mes VMRO-DPMNE dhe BDI

  [Lajmi i Plote] Deutsche Welle - shqip

  Shenja:  Ballkani  

  Analistët: BDI-ja është në pozicion më të favorshëm për formulimin e kërkesave, sepse pa të vështirë të krijohet qeveria e re. Ndërkombëtarët partive fituese: Të zgjidhet çështja e emrit dhe të vazhdojnë reformat.

• 15:56

  Të mbijetuarit kujtojnë masakrën e Srebrenicës, të komanduar nga Mlladiçi

  [Lajmi i Plote] Zeri Amerikes

  Shenja:  Ballkani  

  

  Pas një muaji, Ratko Mlladiç do të kthehet në Hagë. Ai akuzohet për krimet e kryera gjatë luftës së viteve 90-të në Bosnje.  Një nga krimet më të rënda për të cilat ai akuzohet është vrasja e 8 mijë djemve dhe burrave myslimanë në Srebrenicë në ditët e fundit të luftës. Ata që i shpëtuan masakrës kujtojnë ditën kur forcat serbe hynë në enklavën që mbrohej nga Kombet e Bashkuara.

  Pamjet filmike tmerruan botën, Ratko Mlladiçi i ngrysur i përkëdhel kokën një djali të ri mysliman, duke i thënë se ai dhe fëmijët e tjerë do të ishin të sigurt, dhe kjo pikërisht disa orë para vrasjes së 8 mijë burrave dhe djemve në Srebrenicën fqinje.

  Ky djalë është Izudin Aliç tani në moshën 24 vjeçare. Ai kujton fare qartë atë ditë me diell kur takoi ish komandantin e serbëve të Bosnjes, i cili i dha një çokollatë dhe tani është para Gjykatës së Hagës, i akuzuar për genocid.  

  "Më kujtohet kur më dha çokollatën.  Unë shkova atje sëbashku me fëmijë të tjerë dhe e mora atë çokollotë nga Ratko Mlladiçi”.

  Nëna e tij, Fatima Aliç kujton gjithashtu atë ditë të frikëshme të vitit 1995.  

  "Ne po rrinim atje në asfalt, në Potoçari.  Ata erdhën dhe filluan t’u jepnin diçka fëmijëve. Më kujtohet që ai po shpërndante bukë. Vjehri im shkoi atje dhe u përplas me një tjetër burrë për një copë bukë që t’ua sillte fëmijëve. Ai e rrëmbeu që fëmijët të kishin diçka për të ngrënë. Më pas ai u shpërndau çokollata fëmijëve. Nuk di shumë për çfarë ndodhi, pasi po kujdesesha për fëmijët. Ishim shumë njerëz dhe kisha frikë se ndonjë nga fëmijët mund të humbiste”.

  Aliç punon tani në ndërtim dhe përgatit sanduiçe në një stendë të hapur. 

  "Jam i kënaqur që ai është arrestuar, ai duhej të ishte arrestuar prej kohësh. Nuk duhet të ishte lejuar të fshihej, duhet të ishte dorëzuar kohë më parë”.

  Babai i Aliçit, Sahzeti, kishte ikur sëbashku me 15 mijë burra të tjerë nga Srebrenica, nëpër shtigjet malore dhe fushat e minuara, një natë para vizitës së Mlladiçit. Trupat serbe u vunë në ndjekje të tyre dhe i kapën.

  Trupi i Sahzedit u gjet disa vjet më parë në një varr masiv. Familja e varrosi atë në qendrën përkujtimore të qytetit, ku janë varrosur mijëra viktima të Mlladiçit.

  Aliç shkon shpesh tek varri i të atit dhe kujton njëkohësisht miqtë e tij që u shuan gjatë masakrës së Srebrenicës  në ditët e fundit të luftës së viteve 1992-95.

  Mevludin Oriç është kthyer për herë të parë në fushën ku u fsheh mes trupave të 8 mijë burrave dhe djemve të vrarë. Ai është një nga të paktët burra myslimanë që i shpëtuan ekzekutimit në masë.

  Për disa orë ai qendroi i shtrirë mes trupave të njerëzve të familjes dhe miqve, në pritje të plumbit që do t’i merrte jetën.

  I shoqëruar nga e bija, Merima, ai ka ardhur për të parë fushën e ekzekutimit që është kthyer në një livadh të bukur, të rrethuar nga pylli.

  "Këtu kamionët sollën të burgosurit. Këtu na dhanë urdhër të zbrisnim dhe të viheshim në rresht për t’u ekzekutuar”.

  Oriç ishte 25 vjeç kur forcat serbe nën komandën e Mlladiçit hynë në enklavën e Srebrenicës të mbrojtur nga Kombet e Bashkuara në korrik të vitit 1995.

  Ai dhe një kushëri i tij u kapën kur po përpiqeshin të largoheshin nëpër pyjet e kontrolluara nga serbët. Ata ishin zënë për dore kur ushtarët serbë hapën zjarr. Oriç kujton se si kushëriri i tij u qëllua dhe trupi i tij e rrëzoi edhe atë përtokë e ra mbi të.

  Në një moment, Oriçi pa një ushtar serb që po i afrohej.  Ushtari u ndal dhe qëlloi një burrë në kokë, pastaj iu drejtua Oriçit që priste i ngrirë, por plumbi nuk erdhi kurrë. Ai qendroi atje i shtrirë mes trupave të mijëra burrave dhe djemve të masakruar myslimanë.

  Mevludin Oriç do që gjithëkush të mësojë se çfarë ndodhi atë ditë dhe është zotuar se do të dëshmojë kundër Mlladiçit në Gjykatën e Hagës.

  "Mezi pres fillimin e gjyqit për të parë në sy Mlladiçin, për të parë se çfarë lloj burri është ai. Çfarë lloj kafshe do të kishte vrarë kaq shumë njerëz të pafajshëm? Kjo tokë është e mbytur me gjak për shkak të urdhërave të tij.  Dua t’i dal përballë në Hagë për t’i thënë të vërtetën. Vetëm ai dhe Hitleri kanë kryer krime të tilla, askush tjetër”.

  Sead Bekriç është një tjetër i mbijetuar. Ai ishte 14 vjeç, kur u verbua nga zjarri i artilerisë serbe në oborrin e shkollës në Srebrenicë.  

  Bekriç është tani 32 vjeç dhe jeton në Florida. Fytyra e gjakosur dhe e gjymtuar e Bekriç-it u vu në kopertinën e revistës Newsweek dhe u shfaq në programet televizive si imazh ikonik i luftës.  

  "Kur dëgjova për arrestimin e Ratko Mlladiçit, në fakt u habita. Kisha menduar se ai nuk do të dilte kurrë para gjykatës ndërkombëtare.  U habita edhe me faktin që ai nuk kishte atë rrjet mbështetës që ne kishim menduar se kishte”.

  I verbuar për jetë, Bekriç e shikion veten si një nga ata pak fatlumë që shpëtuan, madje që ka fatin të kurohet në Shtetet e Bashkuara. Ai është po ashtu i kënaqur që më në fund Mlladiçi është kapur, por ende lufton me kujtimet e asaj që ndodhi me të dhe gratë e burrat nga vendi i tij.

  Mlladiçi doli për herë para Gjykatës Ndërkombëtare më 3 qershor.  Seanca tjetër e gjyqit është caktuar në 4 korrik.

• 15:09

  Ballkani "biznes i papërfunduar" për NATO-n përderisa rajoni nuk ka mbaruar proceset integruese euro- atlantike

  [Lajmi i Plote] Deutsche Welle - shqip

  Shenja:  Ballkani  

  Stefanie Babst, zv. Asistente e Sekretarit të Përgjithshëm të NATO-s në Divizionin e Diplomacisë Publike, thotë për DW: Nuk ka rënie të interesit të aleancës për Ballkanin.

• 12. 06. 2011
• 20:46

  12 vjet nga hyrja e NATO-s në Kosovë

  [Lajmi i Plote] Zeri Amerikes

  Shenja:  Ballkani  

  

  Kosova shënon sot dymbëdhjetë vjetorin e hyrjes së trupave të NATO-s që i dhanë fund luftës së viteve 1998 - 1999. Udhëheqësit politikë të vendit përgëzuan qytetarët e Kosovës dhe trupat e NATO-s duke e vlerësuar 12 qershorin si një nga datat më të rëndësishme në historinë e vendit. Në përvjetorin e dymbëdhjetë të hyrjes së NATO-s në Kosovë, Aleanca ka në terren një numër shumë të reduktuar trupash, rreth 5 mijë e 500, shenjë kjo e përmirësimit të gjendjes së sigurisë në vend.

• 20:24

  Shkodër, dëshmi të objekteve të etnografisë

  [Lajmi i Plote] Zeri Amerikes

  Shenja:  Ballkani  

  

  Shkodra ka një traditë të pasur në fushën zejeve dhe kostumeve kombëtare. Në fondet e Muzeut të këtij qyteti  ruhen  objekte të traditës, por, sipas specialistëve të muzeut, për shkak të mjediseve të kufizuara, vetëm një pjesë e vogël prej tyre ka qenë e mundur të ekspozohen.

• 20:07

  Gjirokastër, autoritetet nxisin agrobiznesin në funksion të turizmit

  [Lajmi i Plote] Zeri Amerikes

  Shenja:  Ballkani  

  

  Në Gjirokastër po bëhen përpjekje për të nxitur agrobiznesin në funksion të turizmit. Qendra historike e qytetit thith shumë vizitorë të cilët kanë nevojë për shërbime. Organizata Botërore e Monumenteve UNESCO u ka kërkuar autoriteteve të bëjnë më shumë për zhvillimin e qëndrueshëm të turizmit në këtë qytet.

• 11. 06. 2011
• 19:04

  Afera korruptive 4 milionë euro në Shqipëri gjobiten 2 mijë dollarë

  [Lajmi i Plote] Zeri Amerikes

  Shenja:  Ballkani  

  

  Në Shqipëri, Inspektoriati i Larte i Deklarimit dhe Kontrollit te Pasurive i kerkoi misionit policor te Bashkimit Europian PAMECA qe te mbeshtese hetimin e pasurive te zyrtareve shqiptare jashte vendit. Kryeinspektori Adriatik Llalla tha se ky eshte nje bashkepunim i nevojshem per te luftuar korrupsionin ne Shqiperi. Zoti Llalla tha se prokuroria ka hedhur poshte pa aresye disa hetime te zyrtareve nga Inspektoriati i Pasurive. Nga ana tjeter, ne Kodin penal mungojne nenet qe ndeshkojne personat e trete qe fshehin pasurite e paligjshme te politikaneve.

  Zoti Llalla! Ju sapo i keni kërkuar misionit policor të Bashkimit Europian PAMECA që t’ju mbështesin në punën tuaj, sepse keni hasur vështirësi në hetimin e pasurive të zyrtarëve dhe politikanëve shqiptarë jashtë Shqipërisë. Çfarë të dhënash konkrete keni, për cilat shtete bëhet fjalë dhe çfarë ndihme konkrete do të donit nga vendet anëtare të BE-së?

  Zyrtarë të ndryshëm që kanë detyrimin ligjor për të deklaruar pasuritë, deklarojnë pranë institucionit tonë se disponojnë pasuri të tjera jashtë territorit të Republikës së Shqipërisë, asete në forma të ndryshme. Po ashtu, pranë institucionit tonë vijnë informacione të ndryshme nga media, nga shoqëria civile dhe qytetarë në bazë të të cilave krijohen dyshime se zyrtarë të niveleve të ndryshme disponojnë pasuri jashtë territorit të Republikës së Shqipërisë të deklaruara ose të padeklaruara prej tyre. Për verifikimin e këtyre deklarimeve dhe të njoftime që na vijnë nga këto burime informacioni është e nevojshme kryerja e verifikimeve jashtë territorit të Republikës së Shqipërisë. Këto veprime paraqesin vështirësi për t’u kryer nga ana praktike për arësye sepse shtrihen në territorin e disa shteteve dhe ILDKP nuk mund ta kryejë dot i vetëm këtë detyrë. Për këtë arësye iu kërkua mbështetje misionit policor të Bashkimit Europian PAMECA, i cili vepron prej disa vitesh në Shqipëri. Kjo kërkesë e jona u mirëprit nga misioni dhe gjeti mbështetjen e krerëve të delegacionit të Bashkimit Europian në Shqipëri.

  Cilat janë ato shtete ku do të donit të ishit më shumë i pranishëm?

  Shtrirja e pasurive është pothuajse në të gjithë territorin e Europës, por edhe më gjerë. Megjithatë më të shpeshta janë në vendet e Bashkimit Europian. Më së tepërmi dyshime dhe të dhëna ka për në Greqi, Itali, Austri, Spanjë etj.

  Cili është problemi më i madh që ndeshni në punën tuaj, krahas presioneve dhe politizimit të akuzave për korrupsion që partitë shkëmbejnë me njëra tjetrën? Cila është vështirësia më e madhe teknike që ju ndeshni në punën tuaj?

  Në punën time dhe në veprimtarinë e gjithë institucionit, nuk kemi konstatuar asnjë rast të ndërhyrjes nga struktura të ndryshme politike në vendim-marrjet tona. Mendoj se institucione të tjera të drejtësisë e përdorin “ndërhyrjen apo presionin politik” më tepër si justikim tw mungesws sw rezultateve se sa ai ekziston në të vërtetë.

  Cili është bashkëpunimi juaj me prokurorinë? A përfundojnë me sukses dosje që ju nisni atje?

  Në lidhje me prokurorinë vijon të kemi të njëjtin shqetësim që kemi patur edhe më parë; pothuajse të gjitha rastet ose një pjesë e madhe e rasteve që ne dërgojmë pranë këtij institucioni nuk ndiqen me seriozitetin e duhur. Çështjet ose zvarriten me qëllim që ato të humbasin aktualitetin e tyre, ose pushohen në mënyrë të pajustifikueshme. Ne kemi ndjekur më pas rrugën ligjore duke ankimuar këto raste si pranë prokurorit të përgjithshëm dhe nëpër gjykata, por sërish prej tyre nuk ka patur angazhim për ndjekjen e këtyre rasteve dhe çuarjen e këtyre zyrtarëve që janë konstatuar me shkelje ligjore përpara përgjegjësisë ligjore, pra ndëshkimin e tyre në përputhje me krimin që kanë kryer.

  Çfarë argumentash nxjerr prokuroria që hedh poshtë punën tuaj hetimore? Puna juaj nuk ka qenë e saktë?

  Justifikimi që prokuroria ka nxjerrë në rastet që ka pushuar cështjet, sidomos tani para fushatës elektorale kryesisht ka qenë se zyrtari nuk ka dashur të shkelë ligjin por nuk e ka ditur se duhet ta deklaronte pasurinë por pa thelluar hetimet për mënyrën se si e ka krijuar këtë pasuri. Pra, prokuroria justifikon zyrtarin në anën subjektive, duke u mbështetur vetëm në thënien e tij, pa kryer as edhe një lloj hetimi tjetër verifikues. Vetëm vitin e kaluar ne kemi konstatuar në shkelje të ligjit 16 zyrtarë të cilët janë dërguar për ndjekje penale të mëtejshme në organin e prokurorisë. Një pjesë janë dërguar për gjykim, por pjesa tjetër organi i ndjekjes penale nuk ka vepruar, sipas vlerësimit tonë, duke mos e përmbushur detyrën në mënyrë të rregullt të detyrës, sepse ka pushuar në mënyrë të pabazuar akuzat ndaj këtyre zyrtarëve.

  Lidhur me ligjin, a keni nevojë nevojë për ndonjë amendament që të forcohet veprimi juaj dhe ndëshkimi i krimeve korruptive?

  Ky është një problem që e kemi ngritur në mënyrë të vazhdueshme. ILDKP, me mbështetjen e ekspertëve të ministrisë së drejtësisë dhe të programit EURALIUS që vepron pranë këtij institucioni, ka kërkuar amendimin e ligjit tonë. Po kështu edhe të nenit përkatës që bën fjalë për refuzimin e deklarimit të pasurive dhe për deklarimin e rremë në Kodin Penal. Këto ndryshime ligjor ende nuk janë përmbushur për shkak të mosfunksionimit të parlamentit.

  Më konkretisht?

  Ne dyshojmë se zyrtarë të ndryshëm pasurinë e tyre e fshehin në emër të personave të tretë; pra lidhje shoqërore familjare etj. Kodi Penal parashikon detyrim për deklarim pasurie të zyrtarit, por në rast se personat e lidhur me këtë zyrtar nuk deklarojnë pasurinë, ligji nuk parashikon sanksione ndaj tyre. Vitin e kaluar ishin disa raste të tilla që u bënë mediatike; raste deputetësh, ministrash, kur persona të lidhur me ta nuk deklaruan interesat private, ashtu siç neve u patëm kërkuar. Mospasja e një sanksioni ligjor në Kodin Penal ndaj këtyre zyrtarëve bëri që ata t’i shpëtojnë përgjegjësisë penale. Kjo është një ndër pikat ku çalon më tepër kjo dispozitë ligjore dhe për këtë arësye kemi kërkuar amendimin e ligjit. Propozimi ynë ka shkuar deri në komisionin parlamentar të ligjeve, është miratuar aty, por nuk është miratuar në parlamentin shqiptar sepse ndryshimet në Kodin Penal kërkojnë shumicë të cilësuar votash të deputetëve.

  A mund ta saktësojmë çfarë ashpërsimi, të cilit nen kërkoni në Kodin Penal?

  Ligji aktual nuk parashikon sanksion fare për personat e lidhur. Duhen shtuar nene edhe për pesonat e lidhur. Ne kemi me dhjetëra informacione që na vijnë nga qytetarë të ndryshëm ose, nga verifikimet që kryejmë vetë si ILDKP del se persona të lidhur me zyrtarët, edhe pse ligji kërkon që ata duhet të deklarojnë pasuritë, nuk parashikon sanksione kur ata nuk deklarojnë. Ligji ynë parashikon që në të tilla raste ne mund të aplikojmë ndaj tyre shuma gjobash deri në 2 mijë dollarë, siç bëmë vitin e kaluar. Rastet e vitit të kaluar bënin fjalë edhe për një ish-ministër, personi i lidhur me të cilin deklaronte se arriti brenda një periudhe gjashtëmujore fitime deri 4 milionë euro. Ky person sipas ligjit mund të gjobitet vetëm 2 mijë dollarë. Po kështu kanë qenë edhe raste të tjera persona të lidhur me deputetë që janë bërë publike vitin e kaluar.

  Zotit Llalla! Ju falemnderit për intervistën!

• 18:53

  Kosovë: Taksa doganore për prodhimet serbe dhe boshnjake

  [Lajmi i Plote] Zeri Amerikes

  Shenja:  Ballkani  

  

  Në Kosovë, autoritetet kanë njoftuar se do të rrisin 10 për qind taksën doganore për mallrat që vijnë nga Serbia dhe Bosnje-Hercegovina, për shkak të bllokadës që këto dy vende i bëjnë prodhimeve nga Kosova. Zyrtarë të qeverisë thonë se taksat doganore për këto dy vende janë të domosdoshme, pasi kjo i kushton Kosovës disa qindra miliona euro në vit.

• 18:42

  Shkodër: Të rinjtë trajtojnë probleme sociale përmes një fotoekspozite

  [Lajmi i Plote] Zeri Amerikes

  Shenja:  Ballkani  

  

  Në Shkodër, një grup të rinjsh hapën sot në një nga rrugët e qytetit fotoekspozitën “Shkodra përmes objektivit”, për të tërhequr vemendjen te problemet sociale. Në fotoekspozitë marrin pjesë me punime 20 të rinj nga Shkodra, të cilët kanë në plan që të ardhurat e nxjerra nga shitja e objekteve të ekspozuara t'ua dhurojnë shtëpisë së fëmijëve dhe shoqatës "Dimension human".

• 12:00

  Kufij të rinj në Evropë? - Ende tendenca për shtete të reja

  [Lajmi i Plote] Deutsche Welle - shqip

  Shenja:  Ballkani  

  Ka mbaruar epoka e ndryshimit të kufijve në Ballkan apo do të ketë sërish lëvizje? Disa pohime kanë ndezur debat në opinion. Por a prek kjo çështje vetëm ish-territorin jugosllav, apo edhe hapësira të tjera?

• 10. 06. 2011
• 18:51

  Merren masa për të lehtësuar kthimin nga Greqia të mijëra emigrantëve

  [Lajmi i Plote] Zeri Amerikes

  Shenja:  Ballkani  

  

  Drejtoria e Kufirit dhe Emigracionit  në Gjirokastër pohoi sot masat për të lehtësuar kthimin nga Greqia të mijëra emigrantëve shqiptare për sezonin turistik. Kapaciteti i pikës së Kakavijës do të arrijë deri në 15 pika shërbimi, ndërsa edhe pala greke po shton në kufi personelin e saj për të përballuar ritmin e kthimit te  emigrantëve.

• 17:58

  Hoxhaj: Çështja e kufijve në Ballkan është një çështje e mbyllur. Kufijtë janë stabil dhe të pandryshueshëm

  [Lajmi i Plote] Deutsche Welle - shqip

  Shenja:  Ballkani  

  Ministri i Jashtëm i Kosovës Enver Hoxhaj: Fokusi i bisedimeve në Berlin ishte forcimi i marrëdhënieve bilaterale në fushën politike, ekonomike, tregti, arsim e shkencë...

• 17:46

  BE: Kroacia përfundon me sukses negociatat për t’u bërë vendi i 28-të i Bashkimit

  [Lajmi i Plote] Zeri Amerikes

  Shenja:  Ballkani  

  

  Bashkimi Evropian thotë se Kroacia i përfundoi me sukses negociatat për t’u bërë vendi i 28 anëtar i BE. Presidenti i Kroacisë Ivo Josipoviç u takua këtë javë me zyrtarët e Bashkimit Evropian në Bruksel për të përfunduar marrëveshjen. Komisioneri i Bashkimit Evropian për zgjerimin Shtefan Fyle tha sot se BE-ja është e përgatitur për të mirëpritur Kroacinë në radhët e tij pas përfundimit të susksesshëm të bisedimeve mbi reforimin e sistemit të drejtësisë.

  “Unë jam i kënaqur të njoftoj sot se Komisioni ka përfunduar negociatat me Kroacinë. Kjo do të thotë që sa i takon Komisionit, puna ka përfunduar. Tani u takon vendeve anëtare të bëjnë vlerësimin përfundimtar dhe të vendosin në se negociatat do të përfundojnë zyrtarisht dhe të nënshkruhet marrëveshja e anëtarësimit. Ne kemi besim se kjo do të ndodhë pasi negociatat kanë qënë të thella dhe përmbajtësore”.

  Presidenti i Komisionit Evropian Zhoze Manuel Barozo tha sot se ai pret që Kroacia të anëtarësohet në mes të vitit 2013.

• 17:02

  EULEX-i krijon departament të posaçëm për hetimin e pretendimeve të Dik Martit

  [Lajmi i Plote] Zeri Amerikes

  Shenja:  Ballkani  

  

  Misioni i Bashkimit Evropian për Polici e Drejtësi ka bërë të ditur se është krijuar një departament i posaçëm për hetimin e pretendimeve të ngritura në raportin e të dërguarit të Këshillit të Evropës Dick Marty, për përfshirjen e disa prej ish-drejtuesve të Ushtrisë Çlirimtare të Kosovës në trafikimin e organeve njerëzore. Zyrtarë të EULEX-it thanë se vendimi për themelimin e këtij departamenti është marrë në Bruksel dhe ai do të përbëhet nga prokurorë dhe hetues, që do të punojnë në vazhdimin e hetimeve paraprake që u filluan nga ky mision që më 27 janar të këtij viti.

  Shefi i zyrës për informim në këtë mision Nicholas Hawton thotë se kjo dëshmon rëndësinë që Bashkimi Evropian i kushton kësaj çështje.

  “EULEX-i, me mbështetjen e plotë të 27 vendeve anëtare të Bashkimit Evropian, ka vendosur të themelojë një departament të posaçëm që do të çojë përpara hetimin mbi pohimet e bëra nga Raportuesi i Këshillit të Evropës, Dick Marty, në raportin e tij në dhjetor të vitit 2010. Ky departament, përbëhet nga prokurorë dhe hetues, që do të punojë në hetimet paraprake që  filluan nga EULEX-i në fillim të këtij viti. Pasi që hetimi përfshin një dimension ndërkombëtar, ky departament do të jetë pjesërisht me seli në Bruksel. Kjo dëshmon rëndësinë që Bashkimi Evropian i kushton kësaj çështje”, tha ai.

  Më 25 janar të këtij viti, Asambleja e Këshillit të Evropës miratoi me vetëm tetë vota kundër, raportin e senatorit Dick Marty, në të cilin ngrihen pretendime ndaj disa prej ish-drejtuesve të Ushtrisë Çlirimtare të Kosovës, përfshirë edhe kryeministrin Hashim Thaçi për përfshirje në trafikimin e organeve të personave që, siç thuhet ishin rrëmbyer nga forcat e Ushtrisë Çlirimtare të Kosovës.

  Pretendimet e ngritura në raport, nxitën reagime të zemëruara në Prishtinë ku autoritetet hodhën poshtë pohimet e tilla ndërsa u shprehën të gatshëm të bashkëpunojnë me drejtësinë ndërkombëtare për hetimin e të gjitha pretendimeve.

• 16:13

  Vendet e Ballkanit jo automatikisht në BE pas dritës së gjelbër për Kroacinë

  [Lajmi i Plote] Deutsche Welle - shqip

  Shenja:  Ballkani  

  Kroacia në rrugën drejt BE-së ka bërë një hap të rëndësishëm përpara - Komisioni i BE-së i dha dritën e gjelbër anëtarësimit. Mos vallë tani edhe vendet fqinjë të Kroacisë janë afruar më shumë me BE-në?

• 15:00

  BE i kërkon Shqipërisë të luftojë më me forcë kriminalitetin

  [Lajmi i Plote] Zeri Amerikes

  Shenja:  Ballkani  

  

  Bashkimi Europian i kërkoi sot Shqipërisë që të shtojë luftën kundër krimit dhe korrupsionit, dhe ta shohë këtë si një përpjekje të pandalshme në rrugën e zhvillimit. Ambasadori i Delegacionit të Komisionit Europian në Shqipëri, Etore Sequi, deklaroi se goditja e kriminalitetit është pjesë e detyrave që Tirana zyrtare duhet të kryejë deri në muajin nëntor për të marrë statusin e kandidatit. Ambasadori Sequi i bëri këto komente në një takim me drejtues të ministrisë së brendshme, ku u njoftua se misioni europian i asistencës policore PAMECA zgjati për herë të tretë mandatin e qëndrimit në Shqipëri për të ndihmuar forcimin dhe reformimin e forcave shqiptare të rendit.

  “Së pari”, tha ambasadori Sequi, “ne duam të përmirësohet parandalimi dhe zbulimi në të gjitha nivelet e kriminalitetit. Patrullat policore dhe drejtuesit e tyre në të gjitha nivelet duhen forcuar; po ashtu duhet përmirësuar imazhi publik i tyre. Fitimi i besimit të publikut është po aq i rëndësishëm sa edhe ndëshkimi kriminelëve. Është e rëndësishme që qytetarët të kënë besim dhe të mbështesin policinë”.

  “Së dyti”, tha ambasadori Sequi, “ne duam të përmirësohen kapacitetet e punës hetimore së Inspektoriatit të Lartë për Deklarimin dhe Kontrollin e Pasurive. Kjo detyrë kërkon një bashkëpunim të fuqishëm dhe shkëmbim të shpeshtë informacioni midis agjencive të ndryshme shtetërore, duke përfshirë edhe ato ekonomike si doganat, tatimet dhe hipotekat”.

  “Së treti”, tha ambasadori Sequi, “ne kërkojmë që pikat kufitare të zbatojnë më mirë standartet europiane. Në këtë fushë sfidat janë të qarta; nevojiten inspektime të përbashkëta, studime mbi rreziqet nga zyrtarët e emigracionit”.

  “Së katërti”, tha ambasadori Sequi, “ne duam që të forcohen më tej aftësitë hetimore të departamentit kundër krimeve të organizuara dhe të rënda, një menaxhim më të mirë të fuqive inteligjente dhe një bashkëpunim më të ngushtë me organet e prokurorisë”.

  Ambasadori i Bashkimit Europian në Shqipëri, Sequi, tha se kapaciteti i policisë për të ruajtur rendin dhe zbatimin e ligjit është treguesi kryesor në mirëfunksionimin e shtetit demokratik që u shërben qytetarëve. Projekti PAMECA zgjati edhe një vit misionin e vet në Shqipëri. Në 10 vjetët e fundit fondet në ndihmë të policisë shqiptare kanë shkuar 25 milionë euro, dhe kjo sipas ambasadorit Sequi, është një ndihmë direkte që vendet e Bashkimit Europian i japin Shqipërisë për të arritur standartet dhe cilësinë e punës policore që gëzojnë edhe qytetarët europianë. “Ne kemi besim se Shqipëria do t’i plotësojë këto detyra”, tha ambasadori Sequi, “ ndonëse sfidat janë shumë komplekse, pasi lidhen me policinë dhe drejtësinë, po ashtu edhe me shumë institucione”.

• 10:43

  Perspektiva evropiane e Kosovës - Ministri i Jashtëm, Enver Hoxhaj në Berlin

  [Lajmi i Plote] Deutsche Welle - shqip

  Shenja:  Ballkani  

  Parlamenti gjerman miratoi të enjten në mbrëmje (09.06.2011) në Berlin zgjatjen e mandatit të trupave gjermane në Kosovë edhe me një vit tjetër. Debatin e ndoqi edhe ministri kosovar i Punëve të Jashtme Enver Hoxhaj.
• 09. 06. 2011
• 13:29

  Krerët e partive të pasuksesshme në Maqedoni japin dorëheqjen

  [Lajmi i Plote] Deutsche Welle - shqip

  Shenja:  Ballkani  

  Rezultatet e dobëta nga zgjedhjet e parakohshme parlamentare në Maqedoni kanë detyruar deponimin e tre dorëheqjeve të kryetarëve të partive opozitare nga postet e tyre udhëheqëse në parti.
• 12:34

  Shqipëria angazhohet të kontribuojë në perudhën post–konflikt në Libi, pas largimit të Gadafit

  [Lajmi i Plote] Deutsche Welle - shqip

  Shenja:  Ballkani  

  Ministri Shqiptar i Mbrojtjes, Arben Imami, që po merr pjesë në Ministerialin e NATO-s, në Bruksel, tha për DW se kontributi i Shqipërisë do të jetë në përputhje më kërkesat, që do të shfaqen në terren.
• 08. 06. 2011
• 15:27

  Haxhinasto: Një shoqëri nuk mund të trajtohet me obsesionin e territorit

  [Lajmi i Plote] Deutsche Welle - shqip

  Shenja:  Ballkani  

  Ministri i Jashtëm i Shqipërisë, Edmond Haxhinasto në intervistë për Deutsche Welle-n shpreh qëndrimet lidhur me tezën e Presidentit serb Boris Tadiç, mbi "projektet e shqiptarëve për krijimin e Shqipërisë së madhe" .

• 07. 06. 2011
• 20:58

  FMN: Vendet evropiane t'i japin zgjidhje krizës së borxheve të Greqisë

  [Lajmi i Plote] Zeri Amerikes

  Shenja:  Ballkani  

  

  Një i dërguar i Fondit Monetar Ndërkombëtar thotë se vendet europiane duhet të vendosin se si të plotësojnë boshëllëqet buxhetore të Greqisë vitin e ardhshëm, përpara se FMN-ja të lëvrojë pjesën e dytë të huasë.

  Udhëheqësit europianë duhet të marrin një vendim të vështirë për këtë çështje në një takim të nivelit të lartë në fund të këtij muaji.

  Pjesa tjetër e huasë është një pagesë prej 18 miliardë dollarësh, nga paketa prej 160 miliardë dollarësh e ndihmës që iu dha Greqisë nga Fondi Monetar dhe Bashkimi Europian. Athina ka nevojë për para që të paguajë faturat e muajit të ardhshëm.

  Borxhi grek ka arritur në 500 miliardë dollarë.  Shumë analistë pohojnë se një program masash shtrënguese ekonomike duhet të zbatohet sa më shpejtë që vendi të jetë në gjendje të përballojë shpenzimet.

  Udhëheqësit europianë do të takohen në fund të muajit për të diskutuar vështirësitë ekonomike të Greqisë. Në këtë takim pritet që të diskutohet për një paketë shtesë disa-milionëshe ndihmash.

• 20:18

  Kantrimen: Statusi i Kosovës i pakthyeshëm, kufijtë e saj të vendosur

  [Lajmi i Plote] Zeri Amerikes

  Shenja:  Ballkani  

  

  Lidhur me dialogun Kosovë-Serbi, Zëvendës Ndihmës Sekretari i Shtetit për Euroazinë, Tomas Kantrimen u shpreh optimist se palët do të arrijë disa marrëveshje, megjithëse deri tani nuk është arritur asgjë specifike. Ai përsëriti edhe një herë se statusi i Kosovës është i pakthyeshëm dhe se është në mirën e Serbisë ta pranojë këtë realitet të ri.

  Është me rëndësi për qytetarët e të dy vendeve që duan të bëjnë një jetë më normale, tha zoti Kantrimen, që të mos ketë pengesa në lirinë e lëvizjes, në shkëmbimet tregtare, në shërbime të tilla si transporti, energjia, telekomunikacioni që popujt kudo në Evropë, madje edhe në pjesën tjetër të Ballkanit i kanë të garantuara. Marrëveshjet në këto fusha tha ai janë në avantazhin e qytetarëve në çdo pjesë të Kosovë, pavarësisht nga përkatësia e tyre etnike.

  Shtetet e Bashkuara, tha  Zëvendës Ndihmës Sekretari i Shtetit për Euroazinë, Tomas Kantrimen, do të ndihmojnë në të gjitha aspektet e mundëshme, por ai shprehu besim të plotë për ndërmjetësimin e Bashkimit Evropian në këtë dialog, në të cilin Amerika kontribuon si palë e ftuar mbështetëse.

  Për sa i përket statusit të Kosovës, zoti Kantrimen tha se ai është i pakthyeshëm dhe u shpreh fare prerë kundër idesë së politikanit serb Daçiç për ndarjen e territorit të saj.

  “ Kjo ide është një çështje që mund të jetë politike në Serbi, por ajo nuk mund të jetë një çështje serioze për komunitetin ndërkombëtar që ta marrë në shqyrtim, dhe nuk është një çështje dialogu për Prishtinën. Qendrimi ynë është i njejtë me atë të qeverisë së Kosovës dhe të shumicës së Bashkimit Evropian, se statusi i Kosovës është vendosur, kufijtë e saj janë vendosur. Të rihapet kjo çështje nuk është realiste sot, në fakt është një proces i rrezikshëm, sepse kufijtë e të gjitha shteteve në rajon nuk ndjekin linja të pastra etnike dhe është e pamundur të krijohen kufij që të ndjekin linja të pastra etnike.  Një gjë e tillë është e thjeshtë të thuhet, por nuk është një proces që mund të përfundojë në mënyrë paqësore.  Prandaj, as ne, as Prishtina dhe as Brukseli nuk jemi të iteresuar për të”.

  Zëvendës Ndihmës Sekretari i Shtetit, Tomas Kantrimen, tha se e shqetëson fakti që në Evropën e shekullit të 21-të ekziston një qasje që u përngjan diskutimeve të mbretërive të shekullit të 19-të.

  E ardhmja e Serbisë, tha diplomati amerikan, është në Bashkimin Evropian, por ajo duhet të pranojë ralitetin e ri në terren, sepse BE nuk do në radhët e saj një shtet me probleme të pazgjidhura etnike. Kam besim tha, zoti Kantrimen, se Serbia mund të funksionojë me sukes si një shtet shumetnik, anëtar i Bashkimit Evropian, por ashtu, një ditë edhe Kosova e Maqedonia mund të funksionojnë si të tillë.

• 13:32

  Beogradi pret të fitojë statusin e kandidatit për antarësim në BE

  [Lajmi i Plote] Deutsche Welle - shqip

  Shenja:  Ballkani  

  Presidenti i Serbisë Boris Tadiq dhe presidenti i Këshillit të BE Herman van Rompuy, deklaruan se me arrestimin e Mlladiqit, është mbyllur një kapitull i rëndësishëm. Në takimin e tyre në Bruksel u fol edhe për Kosovën.
• 06. 06. 2011
• 15:01

  VMRO-DPMNE dhe BDI fituese të zgjedhjeve parlamentare në Maqedoni

  [Lajmi i Plote] Deutsche Welle - shqip

  Shenja:  Ballkani  

  Sipas të dhënave të Komisionit Shtetëror Zgjedhor, fitues në zgjedhjet parlamentare të 5 qershorit në Maqedoni është VMRO-DPMNE në bllokun maqedonas dhe BDI te blloku politik shqiptar. Opozita ka pranuar rezultatet.

• 05. 06. 2011
• 20:59

  Fluturimet nga ajri nxisin turizmin në jug të Shqipërisë

  [Lajmi i Plote] Zeri Amerikes

  Shenja:  Ballkani  

  

  Sporti i fluturimeve nga ajri është pak i përhapur në Shqipëri për shkak të terrenit të vështirë dhe mungesës së traditës. Së fundi në Jug të Shqipërisë një grup prej 30 pilotësh vendas dhe të huaj kanë nisur një aktivitet që synon të nxisë edhe turizmin. Pilotët e rinj thonë se aktiviteti do të bëjë që autoritetet të ndërgjegjësohen që në qytet turistike të krijojnë kushte për këto fluturime.

• 20:51

  Apel për më shumë vemendje ndaj problemeve mjedisore në Shqipëri

  [Lajmi i Plote] Zeri Amerikes

  Shenja:  Ballkani  

  

  Sot në Ditën Botërore të Mjedisit, përfaqësuesit e Qendrës së informimit per problemet mjedisore “Aarhus”  në Shkodër bënë thirrje për një informim më të mirë të publikut për problemet mjedisore. Ata bënë gjithashtu thirrje për më shumë vemendje ndaj problemeve që lidhem me hedhjen  e mbeturinave.

• 20:46

  Kosova shënon Ditën Ndërkombëtare të Mjedisit

  [Lajmi i Plote] Zeri Amerikes

  Shenja:  Ballkani  

  

  Dita ndërkombëtare e mjedisit u shënua edhe në Kosovë. Gjendja e mjedisit në Kosovë shihet si jo e mirë me gjithë infrastrukturën ligjore shumë të avancuar. Ndonëse nuk ka një industri funksionale, Kosova vazhdon të vuajë pasojat e së kaluarës.

• 17:07

  Zgjedhjet parlamentare në Maqedoni - OSBE-ODHIR: Procesi i votimit deri tani pa probleme

  [Lajmi i Plote] Deutsche Welle - shqip

  Shenja:  Ballkani  

  Procesi i votimeve në Maqedoni vlerësohet pozitivisht, sipas Komisionit Shtetëror të Zgjedhjeve deri në mbylljen e qendrave të votimit parashikohet një pjesëmarrje deri në rreth 50%.
• 09:53

  Papa mbështet Kroacinë

  [Lajmi i Plote] Deutsche Welle - shqip

  Shenja:  Ballkani  

  Papa Benedikti XVI ka shkuar të shtunën për vizitë dyditore në Kroaci. Është kjo vizita e parë e tij në këtë vend. Vizita realizohet në një moment të rëndësishëm politik për Kroacinë.

• 04. 06. 2011
• 21:16

  Kryetari i PS-së Edi Rama reagon kundër vendimit të Kolegjit Zgjedhor

  [Lajmi i Plote] Zeri Amerikes

  Shenja:  Ballkani  

  

  Në Shqipëri, kryetari i partisë socialiste Edi Rama tha sot se vendimi i mbrëmshëm i kolegjit zgjedhor është tërësisht i papranueshëm dhe një këmbanë alarmi për humnerën ku sipas tij mund të rrëshqasë vendi. Ai tha se partia socialiste do të vazhdojë deri në fund betejën ligjore dhe kërkoi ndërhyrjen e partnerëve te huaj për një ekspertizë ndërkombëtare. Kolegji zgjedhor rrëzoi kërkesën e partisë socialiste për të shpallur si të paligjshëm vendimin me të cilin komisioni qëndror i zgjedhjeve bëri rinumërimin e fletëve të hedhura në kutitë e gabuara, pas të cilit kandidati demokrat Lulzim Basha rezulton fitues në garën për Tiranën. Zoti Basha u shpreh mbrëmë i kënaqur për vendimin e kolegjit por shtoi se do të presë mbylljen e të gjithë procesit.

• 21:10

  Zgjedhjet e parakohëshme presidenciale në Maqedoni

  [Lajmi i Plote] Zeri Amerikes

  Shenja:  Ballkani  

  

  Në Maqedoni sot është heshtje parazgjedhore në pritje të zgjedhjeve të parakohëshme parlamentare që mbahen nesër. Parlamentit të ri prej njëqind e njëzet vendesh do t’i shtohen edhe tre deputetë të cilët do të zgjidhen nga shtetas të Maqedonisë që jetojnë jashtë vendit. Nënkryetari i Komisionit Shtetëror të Zgjedhjeve, Subhi Jakupi i tha Zërit të Amerikës se gjithçka është gati për votimet e nesërme.

• 08:40

  Ligji i zgjedhjeve në Shqipëri

  [Lajmi i Plote] Deutsche Welle - shqip

  Shenja:  Ballkani  

  Që pas mbarimit të votimeve për pushtetin lokal më 8 maj, në rastin e nxjerrjes së rezultatit për Bashkinë e Tiranës ende është i ndezur debati se si do të trajtohen ato vota që janë hedhur në kuti të gabuara.
• 03. 06. 2011
• 18:22

  Tadiq: „Nuk kemi asgjë për të fshehur"

  [Lajmi i Plote] Deutsche Welle - shqip

  Shenja:  Ballkani  

  „Frankfurter Allgemeine Zeitung“ (FAZ) boton një intervistë me presidentin e Serbisë, Boris Tadiq. Tadiq flet për kriminelët e luftës dhe të ardhmen evropiane të Serbisë.
• 16:19

  Analistët: Fushatë zgjedhore pa ide të reja

  [Lajmi i Plote] Deutsche Welle - shqip

  Shenja:  Ballkani  

  Fushata parazgjedhore për zgjedhjet e parakohshme parlamentare në Maqedoni në përgjithësi vlerësohet si e qetë dhe korrekte. Por sipas analistëve mediat kanë qenë të pozicionuara.
• 15:21

  Petriç: Mladici në Hagë, fitore e rëndësishme për drejtësinë evropiane

  [Lajmi i Plote] Deutsche Welle - shqip

  Shenja:  Ballkani  

  Wolfgang Petriç, diplomat austriak, ekspert për EJL, e quan fitore të drejtësisë së Evropës arrestimin e Mladiçit, kërkon nga Serbia dialog të vërtetë me fqinjët dhe këmbëngul në kompromisin e Prishtinës e Beogradit
• 15:01

  Çështje të pazgjidhura me policinë në veri të Kosovës

  [Lajmi i Plote] Deutsche Welle - shqip

  Shenja:  Ballkani  

  Komandantët serbë të policisë së Kosovës në veri nuk zbatojnë urdhërat e komandës qëndore të policisë në Kosovës. Drejtori i përgjithshëm i policisë së Kosovës mban të suspenduar gjashtë komandantë serbë të policisë
• 12:02

  Fushata zgjedhore në Maqedoni zhvillohet në një klimë të ashpër politike

  [Lajmi i Plote] Deutsche Welle - shqip

  Shenja:  Ballkani  

  Më 5 qershor zhvillohen zgjedhjet e parakohshme parlamentare. Të drejtën për të votuar e kanë rreth 1 milion e 835 mijë qytetarë. Në këto zgjedhje për herë të parë votojnë edhe shtetasit e Maqedonisë në diasporë.
• 02. 06. 2011
• 14:10

  Mungesë transparence? - Partitë në Maqedoni dhe fondet e tyre të fushatës elektorale

  [Lajmi i Plote] Deutsche Welle - shqip

  Shenja:  Ballkani  

  Partitë politike pjesëmarëse në zgjedhjet parlamentare në Maqedoni, kanë shpenzuar më shumë para se sa kanë siguruar mjete financiare nga donatorët. Partitë kanë obligim të tregojnë burimin e fondeve, ndryshe gjobiten.
• 11:31

  Mali i Zi pesë vjet pas pavarësisë - Jo vetëm histori suksesi

  [Lajmi i Plote] Deutsche Welle - shqip

  Shenja:  Ballkani  

  Në 3 Qershor 2006 Mali i Zi shpalli pavarësinë. Që nga ajo kohë shteti i ri i Ballkanit ka ecur përpara, si në drejtim të perspektivës së anëtarësimit në BE ashtu edhe të zhvillimit ekonomik. Por ka edhe probleme.
• 01. 06. 2011
• 13:51

  Jugu i Serbisë: përse mungon integrimi?

  [Lajmi i Plote] Deutsche Welle - shqip

  Shenja:  Ballkani  

  Kanë kaluar dhjetë vjet nga përfundimi i konfliktit të armatosur serbo-shqiptare në Luginën e Preshevës. Armët kanë pushuar, por nuk ka as promovim të multi-enticitetit, përparimit ekonomik e integrimit të shqiptarëve.
• 08:21

  Gjithçka gati për Ratko Mladićin - Tribunali për ish Jugosllavinë në Hagë

  [Lajmi i Plote] Deutsche Welle - shqip

  Shenja:  Ballkani  

  Ratko Mladić u transferua në tribunalin për krime lufte në Hagë. Drejtësia serbe hodhi poshtë të martën (31.5.) ankesën e avokatëve të Mladićit kundër ekstradimit të tij.
• 31. 05. 2011
• 17:21

  Ambasadorja gjermane: BE i gatshëm të asistojë, por zgjidhja duhet gjetur brenda kuadrit ligjor shqiptar

  [Lajmi i Plote] Deutsche Welle - shqip

  Shenja:  Ballkani  

  Në një intervistë ekskluzive për Deutsche Welle-n, ambasadorja e Gjermanisë në Shqipëri Carola Müller-Holtkemper, thotë se BE-ja është i gatshëm të asistojë, nëse pala shqiptare kërkon asistencë dhe konsulencë.
• 16:31

  Reagimet ndaj idesë për ndarjen e Kosovës

  [Lajmi i Plote] Deutsche Welle - shqip

  Shenja:  Ballkani  

  Prishtina zyrtare hedh poshtë çdo mundësi të ndarjes së Kosovës. Autoritetet më të larta në Serbi, tashmë flasin hapur për mundësinë e ndarjes së veriut të Kosovës. Por idenë nuk mbështesin as një pjesë e serbëve.
• 14:48

  Rifillon gjyqi i Karaxhiçit – Çfarë domethënie kanë gjyqet kundër krimeve të luftës?

  [Lajmi i Plote] Deutsche Welle - shqip

  Shenja:  Ballkani  

  Ratko Mladiçi, ish-udhëheqësi ushtarak i serbëve të Bosnjës, u arrestua. Kundër shokut të tij të idealit, Karaxhiçit, gjyqi në Hagë ka kohë që po zhvillohet. Cilat janë pasojat e proceseve të tilla?

• 30. 05. 2011
• 18:34

  KQZ shqyrton ankesat e partive për rezultatet e zgjedhjeve vendore të Tiranës

  [Lajmi i Plote] Zeri Amerikes

  Shenja:  Ballkani  

  

  Komisioni Qendror i Zgjedhjeve nisi sot shqyrtimin e katër ankesave të partive politike të shumicës dhe të opozitës për kundërshtimin e rezultatit të zgjedhjeve vendore për bashkinë e Tiranës dhe dhe tabelës përmbledhëse. Disa anëtarë të KQZ-së dhe përfaqësues të Partisë Socialiste kërkuan që të pezullohej shqyrtimi i ankesave, për shkak se tashmë këto çështje po gjykohet në Kolegjin Zgjedhor.

  Nënkryetarja e KQZ-së, Dëshira Subashi, tha se nuk ka kuptim që një problem të shqyrtohet njëkohësisht në dy institucione njëkohësisht. Rezultatet e Tiranës po gjykohen edhe nga Kolegji Zgjedhor - tha ajo - ndaj nuk ka ndonjë vlerë që të diskutohen edhe nga KQZ”. Por kryetari i KQZ-së, Arben Ristani, tha se ankesat e partive PS dhe PD në KQZ janë bërë me vullnet të lirë sipas Kodit Zgjedhor. Ai tha se “propozimi i opozitarëve për të pezulluar shqyrtimin e ankesave është vazhdim i përpjekjeve të tyre për të penguar KQZ që të kryejë detyrat e veta ligjore”.

  KQZ vijoi më pas me shqyrtimin e kërkesave nga një anë të PS-së që kundërshton rezultatet e votimit në njësinë bashkiake numër 5 bashkë me tabeën ërfundimtare të të Bashkisë Tiranë. Ndërsa nga ana tjetër PD kërkon rivlerësim të votave të kontestuara në katër njësi bashkiake të kryeqytetit dhe përfshirjen e tyre në tabelën përfundimtare. PD tha se krahas votave të vlefshme në kutitë e gabuara duhet të rivlerësohen dhe një pjesë votash të kontestuara gjatë numërimit për kryetar bashkie.

  Ankesat e fundit te partive politike në KQZ dhe në Kolegjin Zgjedhor shihen më tepër si manovra të partive politike për t’i futur zgjedhjet vendore te 8 majit në një labirinth interpretimesh ligjore nëpër të cilin pakkush nga qytetarët mund të kuptojë përfundimin. Megjithatë çështje kryesore në shqyrtim mbetet ajo e datës 3 qershor në Kolegjin Zgjedhor ku do të diskutohet mbi vlefshmërinë e vendimeve të KQZ-së në numërimin e votave të hedhura gabimisht me ngjyra të tjera.

  Kolegji Zgjedhor ka hedhur poshtë tashme edhe kërkesa të PD edhe të atyre të PS për çështje më të vogla, por interpretimi dhe vendimi qe pritet të jepet për aktin normativ të KQZ mbetet thelbësore për procesin zgjedhor. PS tha sot se do të ishte dakord që një interpretim për këtë çështje ta bënte Komisioni i Venecias, ndonëse sipas Kodit Zgjedhor, thonë demokratët, kjo çështje mund të bëhet thjesht nga institucionet shqiptare.

• 18:26

  Kosovë: Debatohet reforma e sistemit zgjedhor

  [Lajmi i Plote] Zeri Amerikes

  Shenja:  Ballkani  

  

  Përfaqësues vendas e ndërkombëtarë thanë sot se reforma e sistemit zgjedhor në Kosovës është e vetmja rrugë për shmangien e gabimeve që kanë ndodhur në zgjedhjet e deritashme. Këto komente u bënë gjatë një debati lidhur me zgjedhjet dhe mësimet që duhet nxjerrë nga zgjedhjet e fundit parlamentare që u përshkuan me shumë parregullsi. Ish kandidati për postin e presidentit të Shteteve të Bashkuara Howard Dean, aktualisht pjesë e këshillit të drejtorëve të Institutit Kombëtar Demokratik tha se dallimi ndërmjet demokracisë që funksionon dhe demokracisë që dështon, është aftësia e atyre që janë në udhëheqje, për t’i vendosur interesat e shtetit para atyre politikë. Ai tha se kjo organizatë është e gatshme të ndihmojë ndryshimet në sistemin zgjedhor, por jo edhe për të zgjedhur sistemin e duhur.

  “Unë nuk jam këtu për t’u treguar njerëzve si të reformojnë sistemin zgjedhor. NDI është këtu për të ndihmuar në sistemin që ju mendoni se është më i mirë. Është e vërtetë që kemi një eksperiencë në tërë botën. Kemi parë disa gjëra në disa shtete që kanë qenë të mira dhe disa gjëra tjera që kane qenë gabim, kështu që ne mund t’ju ndihmojmë në këtë mënyrë, por nuk jemi këtu për të zgjedhur sistemin e duhur”, tha zoti Dean.

  Kryetari i Parlamentit të Kosovës, Jakup Krasniqi, tha se Kosova aktualisht ka filluar një proces ndryshmesh në sistemin zgjedhor në përpjekje për të shmangur gabimet që kanë ndodhur në zgjedhjet e fundit parlamentare.

  “Natyrisht ne kemi gaditshmërinë për të bërë amandemantimet e nevojshme në Kushtetutë për të bërë ndryshime në ligjin zgjedhor, në mënyrë që të kemi një reformë zgjedhore që është sa më efikase, më transparente dhe sa më e thjeshtë, në mënyrë që dobësitë që i kemi pasur në zgjedhjet e kaluara mos të përsëriten në të ardhmen. Ky është vullneti politik edhe i Kuvendit si institucion por besoj që ky është vullnet politik edhe i partive politike që do të marrin pjesë në zgjedhjet e ardhshme”, tha zoti Krasniqi.

  Rrjedha e zgjedhjeve të fundit parlamentare ka nxitur shumë reagime. Rrjeti Evropian për Vëzhgimin e Zgjedhjeve, ENEMO, ka vlerësuar se parregullsitë gjatë tyre e kanë dëmtuar rëndë besimin në proceset demokratike. Kjo organizatë ka vëzhguar zgjedhjet e dhjetorit të vitit 2010, të cilat u stërzgjatën për shkak të parregullsive të shfaqura dhe ka hartuar një raport në të cilin thuhet se shkelja e privatësisë së votës dhe votimi në grup, ishin dukuri dhe jo rast i veçantë, ndërsa konstaton shkelje serioze të procedurave, të cilat nuk janë penguar nga personeli në nëpër qendrat e votimit. Në raport thuhet se këto parregullsi dhe dyshimet për mashtrime, japin një pasqyrë të zymtë të procesit të zgjedhjeve në Kosovë, ndërsa vihet theksi edhe tek rastet e trysnisë dhe frikësimit të vëzhguesve vendas. Zgjedhjet e fundit parlamentare ishin të parat pas shpalljes së pavarësisë së Kosovës dhe të parat të organizuara në tërësi nga autoritetet vendase.

• 18:02

  Maqedoni: Fushata parazgjedhore hyn në javën e fundit

  [Lajmi i Plote] Zeri Amerikes

  Shenja:  Ballkani  

  

  Në Maqedoni, fushata parazgjedhore ka hyrë në javën e fundit, të dielën më pesë qershor atje mbahen zgjedhjet e parakohëshme parlamentare. Partitë shqiptare kryesisht premtojnë se do të bëjnë që buxheti i shtetit të ndahet në mënyrë proporcionale dhe të investohet e ndërtohet në rajonet e banuara me shqiptarë.

• 16:51

  Erler: Partitë politike në Shqipëri e paraqesin si katastrofë të pariparueshme fitoren e palës tjetër

  [Lajmi i Plote] Deutsche Welle - shqip

  Shenja:  Ballkani  

  Nënkryetari i fraksionit socialdemokrat gjerman në Bundestag e president i Shoqatës së Evropës Juglindore në Gjermani, Gernot Erler mbi situatën politike në Shqipëri. Duhet së paku një besim e konsensus minimal.
• 10:30

  Avokatët do të apelojnë kundër dorëzimit të Mlladiçit në Hagë

  [Lajmi i Plote] Deutsche Welle - shqip

  Shenja:  Ballkani  

  Gjykata e Hagës ka kohë që e pret: ish-komandanti i ushtrisë serbo-boshnjake Ratko Mlladiç, duhet të përgjigjet para gjykatës për krime lufte. Beogradi dha dritën e gjelbër, avokatët e Mlladiçit duan të apelojnë.

• 29. 05. 2011
• 19:39

  Shqipëri: Përpjekje të fëmijëve jetimë për t'u integruar

  [Lajmi i Plote] Zeri Amerikes

  Shenja:  Ballkani  

  

  Në Shkodër, më shumë se 65 fëmijë jetimë janë jashtë institucioneve shtetërore, duke u përballur çdo ditë  me vështirësitë e strehimit dhe të punësimit. Kjo situatë ka shtyrë shoqatën e jetimëve që të apelojë për një mbështetje më të madhe, nga ana e strukturave shtetërore, ndaj kësaj shtrese në nevojë. Prej vitesh, në qytetin e Shkodrës janë ngritur disa qendra, ku fëmijët jetimë trajtohen  deri në përfundim të  shkollës, por pas kësaj moshe, pjesa më e madhe prej tyre detyrohen të strehohen nëpër konviktet e shkollave profesionale të qytetit, ose në qendrat e ngritura nga shoqatat joqeveritare.

• 19:31

  Jahjaga: Organizimi i brendshëm i Kosovës, i padiskutueshëm

  [Lajmi i Plote] Zeri Amerikes

  Shenja:  Ballkani  

  

  Presidentja e Kosovës, Atifete Jahjaga, hodhi poshtë idetë për ndarjen e Kosovës, duke nënvizuar se rregullimi i brendshëm dhe statusi i Kosovës janë çështje të panegociueshme. Presidentja Jahjaga tha se këtë qëndrim e ka paraqitur edhe gjatë pjesëmarrjes së saj në takimin e presidentëve të Evropës Qendrore në Poloni, ku mori pjesë edhe presidenti amerikan Barak Obama.

• 15:55

  Dështon samiti për kursimet në Athinë

  [Lajmi i Plote] Deutsche Welle - shqip

  Shenja:  Ballkani  

  Samiti i krizës në Athinë duhej të ishte një kthesë për arritjen e një qendrimi të përbashkët të të gjitha partive greke, ndaj masave të reja të kursimeve. Shpresat nuk u përmbushën.
• 15:08

  Avdo Rapa: Afaritët boshnjakë kërkojnë zgjidhjen e problemit me Kosovën

  [Lajmi i Plote] Deutsche Welle - shqip

  Shenja:  Ballkani  

  Në intervistë për Deutsche Welle-n nënkryetari i Odës Ekonomike të Bosnjë-Hercegovinës, Avdo Rapa, thotë se: Si ekonomist mendoj që patjetër duhet gjetur një zgjidhje dhe duhet njohur pavarësia e Kosovës.

• 28. 05. 2011
• 20:47

  Lufta kundër korrupsionit në Shqipëri, përparësi e organeve të rendit

  [Lajmi i Plote] Zeri Amerikes

  Shenja:  Ballkani  

  

  Një grup prej 20 zyrtarësh të prokurorisë, policisë gjyqësore, doganave dhe shërbimit informativ nga Shqipëria ndodhen në Shtetet e Bashkuara për një vizitë studimore. Vizita lidhet me programin Sfida e Mijëvjeçarit, Faza e Dytë për Shqipërinë. Kolegia Bardha Shpuza Azari bisedoi me dy pjesëtarë të këtij grupi, mbi hetimin e çështjeve të korrupsionit në Shqipëri. Ata janë Arben Kraja, kreu i Task-Forcës Antikorrupsion në Prokurorinë e Përgjithshme, dhe Dritan Rreshka, drejtues i Njësisë së përbashkët të hetimit për Tiranën.

• 20:08

  Kosovë: Vazhdon greva e ish luftëtarëve të UÇK-së

  [Lajmi i Plote] Zeri Amerikes

  Shenja:  Ballkani  

  

  Në Kosovë, Këshilli për Mbrojtjen e të drejtave të luftëtarëve të ish Ushtrisë Çlirimtare, ka hyrë në ditën e gjashtë të grevës përballë qeverisë së Kosovës me kërkesën për përmirësimin e gjendjes së veteranëve të luftës. Por, më shumë se sa kërkesat ekonomike, greva ka për qëllim të tërheqë vëmendjen në atë që ata e quajnë trajtim jo të favorshëm të ish UÇK-së nga ana e institucioneve vendase dhe ndërkombëtare. Ata kanë paralajmëruar ndërprerjen e të gjitha kontakteve me autoritetet dhe me mjetet e informimit, në qoftë se nuk plotësohen kërkesat e tyre.

• 19:49

  Zgjedhjet në Maqedoni: Opozita kritikon qeverinë

  [Lajmi i Plote] Zeri Amerikes

  Shenja:  Ballkani  

  

  Në Maqedoni, opozita, si ajo maqedonase edhe shqiptare, akuzojnë partitë në pushtet se po ushtrojnë trysni ndaj punonjësve të administratës që në zgjedhjet parlamentare të pesë qershorit të votojnë për to. Autoritetet qeveritare i kanë hedhur poshtë akuzat si të pabaza. Ndërkohë, sipas anketave publike, partitë VMRO dhe Bashkimi Demokratik për Integrim përsëri pritet të dalin fituese të këtyre zgjedhjeve.

• 19:33

  Shqipëri: Kërkohet transparencë në hartimin e ligjeve

  [Lajmi i Plote] Zeri Amerikes

  Shenja:  Ballkani  

  

  Në Shkodër u bë sot paraqitja e një forumi civil në Internet, për të nxitur qytetarët të japin mendimin e tyre në procesin e hartimit të ligjeve. Nisma u paraqit nga Fondacioni për Liri Ekonomike dhe Organizata Imazh Rinor. Organizatorët thonë se deri tani janë publikuar në rreth 100 projektligje. Sipas tyre, kjo nuk ka qenë e lehtë sepse transparenca i bën disa zyrtarë të ngurrojnë.

• 18:29

  Shqipëri: PS akuzon KQZ-në si pjesë të manipulimit të rezultateve

  [Lajmi i Plote] Zeri Amerikes

  Shenja:  Ballkani  

  

  Në Shqipëri partia socialiste akuzoi sot Komisionin Qëndror të Zgjedhjeve se është bërë pjesë e manipulimit të rezultatit për kryetarin e Bashkisë së Tiranës.
  
  Kryetari i grupit parlamentar socialist, Gramoz Ruçi, tha sot se pas shqyrtimit të tabelave të 117 qendrave të votimit kutitë e të cilave u bënë objekt i shqyrtimit për fletët e votimit të hedhura në kutitë e gabura, rezulton se, sipas tij, janë 357 fletë votimi më tepër se sa numri i votuesve.

  Zoti Ruçi tregoi edhe tabelat e këtyre qëndrave të votimit, ndërsa akuzoi edhe për falsifikim të dokumenteve zgjedhore, duke deklaruar se së paku në një rast, në librin e konstatimeve të njësisë 8 në Tiranë, kontestimet janë shtuar me një kaligrafi tjetër, të ndryshme nga ajo me të cilën ishte bërë më parë përshkrimi i procesit. Zoti Ruçi tha se Partia Socialiste, do t'u drejtohet organeve kompetente me dokumentet që ajo ka në dispozicion.

  I menjehërshëm ka qenë reagimi i Partisë Demokratike, e cila i ka quajtuar të pabaza akuzat e zotit Ruçi. Partia Socialiste ka patur të gjithë kohën e nevojshme për t’u ankuar, por ajo s’e ka bërë një gjë të tillë për këto që pretendon tani, deklaroi zëdhënësja Albana Mustafaraj.

  Komisioni Qëndror i Zgjedhjeve vendosi që të marrë në shqyrtim ankesat e Partisë Socialiste dhe asaj Demokratike për Tiranën, ditën e hënë. Socialistët kanë kërkuar pavlefshmërinë e tabelës së rezultatit për njësinë 5 dhe tabelën e rezultatit përfundimtar. Demokratët nga ana e tyre kanë kërkuar shqyrtimin e mbi 400 fletëve të kontestuara në 26 kuti në Tiranë.

• 14:34

  Raportet shqiptaro-serbe në Kosovë dhe perspektiva e tyre

  [Lajmi i Plote] Deutsche Welle - shqip

  Shenja:  Ballkani  

  Raportet shqiptaro-serbe janë një temë e trajtuar shpesh nga studiuesit në Beograd dhe Prishtinë. Dr. Sabri Rexha nga Universiteti i Prishtinës ka nxjerrë kohëve të fundit një libër mbi këtë problematikë.
• 27. 05. 2011
• 17:10

  Rendi dhe ligji elemente thelbësore për integrimin e Kosovës në strukturat e BE

  [Lajmi i Plote] Deutsche Welle - shqip

  Shenja:  Ballkani  

  Shefja e diplomacisë evropiane, Kathrin Ashton, po qëndron sot për një vizitë në Kosovë. Ajo siguroi autoritetet e Prishtinës se Kosova ka perspektivë evropiane.
• 12:18

  Kukan: Politikanët drejtues të Tiranës të sillen me përgjegjësi e në përputhje me interesat e vendit

  [Lajmi i Plote] Deutsche Welle - shqip

  Shenja:  Ballkani  

  Eduard Kukan, kryetar i delegacionit të Parlamentit Europian për Europën Jug-Lindore, sugjeron asistencën e Komisionit të Venecias ndaj Kolegjit Zgjedhor në marrjen e vendimeve profesionale e të pandikuara nga politika
• 08:42

  Kapitull i ri për Ballkanin - arrestimi i Mladiçit ditë e mirë për drejtësinë

  [Lajmi i Plote] Deutsche Welle - shqip

  Shenja:  Ballkani  

  Satisfaksion për të afërmit e viktimave dhe shanse për të ardhmen për Serbinë: arrestimi i Ratko Mladiçit do të mundësojë rivlerësimin e një kapitulli mizor të luftës së Bosnjës. Verica Spasovska komenton.
• 26. 05. 2011
• 21:59

  Brey: Publiku ndërkombëtar flet me shumë zëra. Në vende si Shqipëria kjo është krejtësisht kundraproduktive

  [Lajmi i Plote] Deutsche Welle - shqip

  Shenja:  Ballkani  

  Gazetari Thomas Brey duke komentuar zgjedhjet lokale në Shqipëri, vëren: "Në thelb duhet të vijë situata kur për një shqiptar të mos luajë rol se kush është në pushtet në qytetin e tij ose në vendin e tij."
• 16:21

  Freizer: Kolegji Zgjedhor të ushtrojë përgjegjësinë e vet për të marrë vendim të plotë për apelimet

  [Lajmi i Plote] Deutsche Welle - shqip

  Shenja:  Ballkani  

  Është shumë e rëndësishme që apelimet të mund të kalojnë nëpërmjet Kolegjit Zgjedhor në Tiranë, thotë për DW-në Sabine Freizer, drejtore seksioni për Evropën me qendër në Stamboll në Grupin Ndërkombëtar të Krizave.
• 13:40

  Fundi i një arratie - Arrestohet i shumëkërkuari Ratko Mlladiq

  [Lajmi i Plote] Deutsche Welle - shqip

  Shenja:  Ballkani  

  Lajmin e konfirmoi vetë presidenti serb, Boris Tadiq. Arrestimi i Mlladiqit bën pjesë në kushtet kryesore të afrimit të Serbisë me Bashkimin Evropian.
• 13:00

  Carola Müller- Holtkemper: Të gjejë vend racionaliteti dhe fryma konstruktive

  [Lajmi i Plote] Deutsche Welle - shqip

  Shenja:  Ballkani  

  Ambasadorja gjermane në Tiranë Carola Müller Holtkemper thekson se angazhimet e Shqipërisë në rrugën e saj të integrimit në BE janë shumë të mëdha dhe të rëndësishme për të lejuar vazhdimin e bllokimin aktual politik.
• 10:30

  Gati për zgjedhje të lira! Autoritetet maqedonase me angazhim maksimal para 5 Qershorit

  [Lajmi i Plote] Deutsche Welle - shqip

  Shenja:  Ballkani  

  Autoritetet maqedonase marrin të gjitha masat për të ndaluar incidentet në zgjedhjet e parakohshme parlamentare të 5 qershorit. Për realizimin e një votimi të rregullt, policia e Maqedonisë është trajnuar nga OSBE.
• 25. 05. 2011
• 15:04

  Schmidt-Necke: Duhet arritur në një rezultat të pakontestueshëm, edhe nëse duhen përsëritur zgjedhjet

  [Lajmi i Plote] Deutsche Welle - shqip

  Shenja:  Ballkani  

  Eksperti gjerman për Shqipërinë, Michael Schmidt-Necke mbi zgjedhjet për bashkinë e Tiranës, votat e hedhura gabim, dhe rrugët për daljen nga kriza e re politike.
• 15:00

  Parlamenti Evropian diskuton situatën në Shqipëri pas zgjedhjeve lokale

  [Lajmi i Plote] Deutsche Welle - shqip

  Shenja:  Ballkani  

  Parlamenti Europian e përcakton situatën politike në Shqipëri, të karakterizuar nga ”mosbesimi dhe polarizimi politik”.
• 13:02

  Shtypi gjerman për situatën në Shqipëri

  [Lajmi i Plote] Deutsche Welle - shqip

  Shenja:  Ballkani  

  Një vend i bllokuar - Politika e Shqipërisë zhytet në kaos: Qeveria me sa duket fallsifikon zgjedhjet, opozita kërcënon me një revoltë - Kështu e titullon artikullin për Shqipërinë gazeta „Süddeutsche Zeitung“.
• 12:57

  Fantazma të frikshme apo suvenire nostalgjie? - Si kujtohen sot ish-diktatorët komunistë

  [Lajmi i Plote] Deutsche Welle - shqip

  Shenja:  Ballkani  

  Më shumë se 20 vjet pas rënies së Murit të Berlinit dhe kolapsit të socializmit në Evropë, kujtimi i kohëve të atëhershme është ende i gjallë. Por motivimi nuk është gjithmonë politik.
• 08:39

  „Po të jetë edhe ajo aty, ne nuk vijmë" - Serbia bojkoton takimin e presidentëve të Evropës në Varshavë

  [Lajmi i Plote] Deutsche Welle - shqip

  Shenja:  Ballkani  

  Serbia e anuloi pjesëmarrjen në takimin e 17-të të presidentëve të shteteve të Evropës qendrore e juglindore, sepse në takim është ftuar presidentja e Kosovës. Edhe presidentët e Rumanisë dhe të Sllovakisë po mendohen.
• 24. 05. 2011
• 17:02

  Roli i faktorit të huaj në zhvillimet e brendshme në Shqipëri

  [Lajmi i Plote] Deutsche Welle - shqip

  Shenja:  Ballkani  

  Megjithëse procesi zgjedhor në Shqipëri nuk është mbyllur ende, ngaqë priten shqyrtimet e ankesave, që kanë palët, sërish një nga veçoritë, që është konstatuar tani, është prezenca e shtuar e ndërkombëtarëve.
• 15:39

  Kosova për masa reciprociteti me vendet, që nuk respektojnë marrëveshjen e tregtisë së lirë

  [Lajmi i Plote] Deutsche Welle - shqip

  Shenja:  Ballkani  

  Serbia dhe Bosnja e Hercegovina prej tri vjetësh bllokojnë produktet kosovare në territoret e tyre. Nisma e qeverisë që të ndërmarrë masa reciprociteti për Serbinë dhe Bosnjen është mbështetur nga bizneset kosovare.
• 15:36

  Si shpenzohen paratë e Serbisë në Kosovë?

  [Lajmi i Plote] Deutsche Welle - shqip

  Shenja:  Ballkani  

  Në Kosovë gati askush nuk e di, sa para nga Serbia derdhen për serbët e për çfarë qëllimesh shpenzohen. Ajo që dihet, është se këto para shkojnë për rrogat e të punësuarve në institucione, që qeveria i konsideron ilegale

• 23. 05. 2011
• 20:08

  Kryeministri i Shqipërisë vlerëson pjesëmarrjen e lartë të qytetareve në zgjedhjet e 8 majit

  [Lajmi i Plote] Zeri Amerikes

  Shenja:  Ballkani  

  

  Kryeministri Sali Berisha vleresoi sot si nje ngjarje te vecante per demokracine shqiptare pjesemarrjen e larte te qytetareve ne zgjedhjet vendore te 8 majit. Zoti Berisha tha se socialistet do te duhej te mbeshtesin numerimin e cdo vote, sepse kjo eshte nje kerkese demokratike e Kushtetutes shqiptare, OSBE-se dhe Keshillit i Europes. Ai i beri keto komente para grupit parlamentar te Partise Demokratike.

• 19:56

  Pjesëtarë të ish UÇK-së në grevë urie

  [Lajmi i Plote] Zeri Amerikes

  Shenja:  Ballkani  

  

  Në Kosovë, Këshilli për Mbrojtjen e të drejtave të luftëtarëve të ish Ushtrisë Çlirimtare, filloi sot një grevë përballë qeverisë së Kosovës me kërkesën për përmirësimin e pozitës së veteranëve të luftës. Por, më shumë sesa kërkesat ekonomike, greva ka për qëllim të tërheq vërejtjen në siç thuhet, trajtimin jo të mirë të ish kryengritësve nga ana e institucioneve vendase e ndërkombëtare.

• 18:07

  20-vjetori i Gazetës shqiptaro-amerikane Iliria

  [Lajmi i Plote] Zeri Amerikes

  Shenja:  Ballkani  

  

  Gazeta shqiptaro-amerikane, Iliria, festoi mbrëmë në Nju Jork 20-vjetorin me një mbrëmje ku morën pjesë qindra vetë. Botuesi i gazetës, Vehbi Bajrami, i tha Zërit të Amerikës se me krijimin e saj në vitin 1991, Iliria plotësoi një zbrazëti informacioni në një kohë kur në Shqipëri dhe Kosovë po ndodhnin ngjarje dramatike. Gazeta botohet në dy gjuhë, shqip dhe anglisht dhe shpërndahet gjerësisht në komunitetin shqiptar të Amerikës.

  Me një mbrëmje të madhe, Iliria festoi dy dekada të jetës së saj, një periudhë që përfshin disa nga ngjarjet më historike për shqiptarët në Ballkan.

  Themeluesi i Ilirisë është Hajdar Bajraktari nga Kosova, i cili arriti që, me shpenzime të mëdha personale të ngrejë një gazetë që të plotësonte etjen e madhe të shqiptaro-amerikanëve për të mësuar se ç’ndodhte në trojet e tyre në Ballkan. Zoti Bajraktari kujton gjithashtu se si gazeta e themeluar prej tij, u përpoq në atë kohë të afrojë disa nga figurat kryesore të politikës amerikane për të ndihmuar që Kosova të bëhej e pavarur.

  "Iliria e ka përkrahur Bill Klintonin në vitin 1992. Zonja Klinton e ka vizituar Ilirinë në vitin 1992. Iliria është përpjekur të bëjë ndryshimin duke tërhequr njerëz të tillë si senatori Bob Doull, kongresmeni Eliot Engel dhe shumë miqë të tjerë, të cilët na ndihmuan kur erdhi koha që Kosova të bëhej shtet i pavarur".

  Gazeta u bë një magnet për të afruar këta politikanë.

  Xhejms Rubin, ish zëdhënës dhe ndihmës sekretar i shtetit tregoi kujtimet e tij si ndihmës i Sekretares Madlin Ollbrajt, kur nën drejtimin e Shteteve të Bashkuara, NATO-ja ndërmori fushatën historike për të ndalur krimet në Kosovë.

  "Eshtë një histori domethënëse, për Shtetet e Bashkuara dhe për popullin e Kosovës. Ajo ka të bëjë me përdorimin e fuqisë ushtarake me objektiva politike kur mjetet diplomatike kanë shterrur. Nuk ishte e lehtë, por populli i Kosovës sot gëzon lirinë e tij dhe prandaj jam edhe unë sonte këtu me ju".

  Biznesmeni Ekrem Bardha, ka qenë pronar i gazetës Iliria nga viti 1998 deri më 2006.

  "Gazeta Iliria ka dhënë një kontribut të jashtëzakonshëm për problemin e Kosovës, për faktin që sot ne kemi një shtet. Ajo ka bindur diplomacinë amerikane, në Kongresin amerikan dhe në departamentin e Shtetit. Eshtë për ta admiruar këtë gazetë dhe dëshiroj që shqiptarët të jenë të bashkuar si sonte në Shqipëri, në Kosovë, në Mal të Zi dhe në Maqedoni".

  Astronauti me prejardhje shqiptare, Uilliam Gregori, i cili në vitin 1995 qëndroi 16 ditë në hapësirë, tregoi për lidhjet e tij me gazetën Iliria.

  "Jam intervistuar nga kjo gazetë rreth 20 vjet më parë, kur ajo sapo kishte filluar të dilte. Më vonë, kur isha me mision në hapësirë, në anije kishim një flamur shqiptar dhe gazetës Iliria i dhamë një kopje. Pra, kur isha në hapësirë mendova edhe për prejardhjen time shqiptare. Jam i gëzuar që ndodhem këtu mes shqiptaro-amerikanëve për të festuar këtë ngjarje të madhe".

  Uilliam Rajerson, ish ambasador i Shteteve të Bashkuara në Shqipëri, ka qenë dhe është një lexues i rregullt i gazetës Iliria:

  "Iliria ka qenë një zë i arsyes, ka raportuar në mënyrë objektive dhe kjo flet shumë për një gazetë. Eshtë shumë e lehtë për një gazetë komuniteti që të mbajë anën e këtij apo të atij. Mendoj se Iliria ka qenë shumë e matur duke mbajtur një ekuilibër të vështirë dhe duke na dhënë të gjitha aspektet e një ngjarjeje. Kjo është një gjë vërtet e mirë dhe unë i përgëzoj".

  Pronari dhe botuesi i tanishëm, Vehbi Bajrami, e filloi punën si gazetar në Iliria, pak muaj pasi ajo ishte themeluar.

  "Shqiptarët në Amerikë atë kohë nuk kishin ndonjë gazetë, nuk kishin televizion, nuk kishin mjete të tjera informimi kështuqë Iliria u themelua në kohën e duhur dhe në vendin e duhur".

  Sot, shqiptarët në Ballkan nuk kanë të njëjtat probleme si 20 vjet më parë, por zoti Bajrami thotë se sfidat për gazetën Iliria ende janë të mëdha.

  "Ka akoma shumë punë për të bërë, Kosova vërtet është e pavarur por i duhet të ecë përpara me zhvillimin e ekonomisë. Shqipëria ka ecur mjaft mirë ekonomikisht dhe ka patur zhvillime në të gjitha fushat por vazhdon të ketë probleme poltike. Ajo që na shqetëson janë ngatërresat poltike që kanë rezultuar edhe me dhunë dhe me me vrasjen e njerëzve".

  Sot, 20 vjet nga krijimi i saj, Iliria përballet me një konkurrencë shumë më të madhe, në kushtet kur informimi për shqiptarët e Amerikës vjen nga burime të shumta, sidomos nga mediat e shkruara dhe televizive në internet.

  Pjesa argëtuese e mbrëmjes u realizua me ndihmën e disa këngëtarëve të njohur shqiptarë, mes tyre Aurela Gaçe, Genta Ismaili dhe Kristina Ivezaj.

• 17:27

  Riatdhesimi i qytetarëve të Kosovës, kusht për liberalizimin e vizave

  [Lajmi i Plote] Deutsche Welle - shqip

  Shenja:  Ballkani  

  Kosova ka nënshkruar 12 marrëveshje riatdhesimi, që parashikojnë ripranimin e personave me qëndrim të pautorizuar në këtë shtet. Kosova mbetet vendi i vetëm i Ballkanit Perëndimor, me regjim vizash.

• 22. 05. 2011
• 19:17

  Marrëdhëniet Kosovë - Serbi, rihapen idetë e vjetra

  [Lajmi i Plote] Zeri Amerikes

  Shenja:  Ballkani  

  

  Në Kosovë, autoritetet po theksojnë se vendosja e marrëdhënieve me Serbinë mund të ndodhë vetëm me njohjen e pavarësisë së Kosovës nga Beogradi. Komentet pasojnë hedhjen përsëri të ideve për ndarjen tokësore të Kosovës apo për vendosjen e marrëdhënieve ndërmjet Kosovës dhe Serbisë në bazë të modelit të dy shteteve Gjermane pas Luftës së Dytë Botërore. Këto ide rihapen në një periudhë kur të dyja vendet janë duke zhvilluar një seri takimesh në kuadër të bisedimeve për çështje të interesit të përbashkët, të ndërmjetësuara nga Bashkimi Evropian.

• 18:59

  Banorët e Himarës optimistë për sezonin turistik

  [Lajmi i Plote] Zeri Amerikes

  Shenja:  Ballkani  

  

  Në bregdetin jugor të Shqipërisë po bëhen përgatitjet për të pritur sezonin turistik. Banorët e Himarës janë optimistë se ky vit do të jetë më i mirë për arsye të infrastrukturës më të mirë dhe investimeve në shërbime. Banorët vlerësojnë se kriza greke është pozitive për turizmin shqiptar pasi ndikon që shumë emigrantë të udhëtojnë gjatë verës drejt brigjeve shqiptare.

• 21. 05. 2011
• 20:25

  Presidenti Topi bën thirrje për qetësi dhe ligj

  [Lajmi i Plote] Zeri Amerikes

  Shenja:  Ballkani  

  

  Presidenti i Shqipërisë, Bamir Topi, u bëri sot thirrje gjitha palëve politike të interesuara për zgjedhjet që të ruajnë qetësinë dhe të largohen nga tensionimet, për të treguar kulturën demokratike europiane. Presidenti Topi i bëri këto komente pas një takimi në mesditë me ambasadorët e SHBA, OSBE dhe BE.

  Presidenti Topi tha se vërtet komisionet zgjedhore janë ndërtuar nga PD dhe PS me pjesëmarrje dypartiake, ndwrsa detyrimi i tyre për të zbatuar ligjin nuk është partiak, por është kushtetues. Zoti Topi tha se ai dhe diplomatët perëndimorë janë të shqetësuar për rritjen e emocioneve politike që shkaktuan episode force të padenja.

  “Klasa politike, udhëheqësit politikë duhet t’i kthehen ndërgjegjes civile, t’i trajtojnë gjërat ashtu sikurse e thotë Kushtetuta dhe ligji, të bien në një terren qytetar, të mos krijojnë asnjë lloj situate tensioni! Dhe pastaj gjithçka do të vendoset sikurse e parashikon ligji dhe vetëm ligji. Ne nuk jemi në epokën para ligjit. Ne jemi në epokën kur ka ligj dhe ligji është i detyrueshëm të respektohet nga cilido, pa paragjykuar askënd”, tha presidenti Topi. Ai theksoi se veçanërisht në këto çaste është shumë e rëndësishme që njerëzit t’i drejtohen ligjit dhe vetëm ligjit, sepse kjo është thelbësore për demokracinë shqiptare.

  Kryeministri Sali Berisha kërkoi po ashtu që institucionet shtetërore të bëjnë me kujdes e përkushtim detyrat e tyre ligjore. Zoti Berisha deklaroi se rezultatet e votimeve jane shumë të ngushta dhe pikërisht kjo është një provë për institucionet demokrattike.

  “Kjo është një garë e ngushtë, e ndarë në variantin e parë me 10 vota, në variantin e numërimit të votave të panumëruara në mbi 70 vota. Kjo nuk është një provë e thjeshtë, për çdo vend është një provë e rëndësishme një provë e vërtetë, ndaj dhe le të dëshmojmë ne se demokracia, se ligji, se shteti ligjor, mund dhe do të zgjidhë edhe këtë problem delikat, në interesin e të vërtetës, në interesin e vendit. Ky rezultat i ngushtë i pa precedent në 20 vitet e fundit, është edhe një provë e paprecedentë për institucionet e vendit. Le të shprehim ne besimin e plotë, se këtë provë po e kapërcejmë me sukses të vërtetë, jashtë çdo lloj presioni, jashtë çdo lloj ndikimi, le të ndjekim ne punën e këtyre institucioneve si rrugën e vetme dhe të sigurtë për t’i dhënë zgjidhjen më të mirë ligjore problemit kësaj gare kaq të ngushtë”, tha zoti Berisha.

  Deputetë dhe përkrahës të opozitës organizuan edhe sot një tubim para KQZ për të kundërshtuar vazhdimin e numërimit të votave të hedhura gabim nëpër kutitë e votimit. Edhe pse nën diell të nxehtë, folësit deputetë mbajtën fjalime të gjata para disa qindra përkrahësve të tyre, duke kundërshtuar procedurat e numërimit në KQZ, dhe tani po bëhet e zakonshme që ata grumbullohen aty disa orë paradite dhe disa orë në mbrëmje.

• 20:06

  Kosovë: Shkalla e dhunës ndaj gruas, shqetësuese

  [Lajmi i Plote] Zeri Amerikes

  Shenja:  Ballkani  

  

  Në Kosovë, veprimtarët humanitarë, thonë se dhuna ndaj gruas po shënon rritje dhe ajo po manifestohet edhe me format më të rënda. Reagimet e tyre pasuan rastin e vrasjes së një gruaje 27 vjeçare në Prishtinë, si rrjedhojë e problemeve familjare. Ndonëse, të dhënat e policisë flasin për rënie të rasteve të raportuara, veprimtarët për të drejtat e grave thonë se në fakt po bie besimi i grave për të raportuar rastet e dhunës

• 19:54

  Zgjedhjet e 8 majit, intervistë me kreun e vëzhguesve te OSBE-ODIHRit

  [Lajmi i Plote] Zeri Amerikes

  Shenja:  Ballkani  

  

  Në Shqipëri, kreu i misionit të vëzhguesve të OSBE/ODIHR, Jonathan Stonestrit thotë se për vëzhguesit është e vështirë të kuptohet baza ligjore mbi të cilën Komisioni Qendror i Zgjedhjeve nisi numërimin e fletëve të votimit të hedhura në kutitë e gabura dhe nëse ajo është e justifikuar. Në një intervistë për Zërin e Amerikës zoti Stonestrit thotë se do të ishte i dobishëm një shpjegim rreth asaj që po bën Komisioni Qendror i Zgjedhjeve. Në një garë të ngushtë si ajo e Tiranës, nënvizon ai, është institucioni që duhet të jetë i kujdesshëm për të mos dëmtuar besimin e palëve. Ai thekson idesë se polarizimi i theksuar preku administrimin e procesit zgjedhor.

  Kreu i misionit të vëzhguesve të Odihr që ndoqën nga afër zgjedhjet e 8 majit, Jonathan Stonestreet, mendon se është ende herët të jepet një vlerësim i përgjithshëm për procesin zgjedhor. Ai preferon të citojë raportin paraprak të 10 majit ku vihet theksi mes të tjerash edhe te ambienti i ngarkuar politik, te mospërmbushja nga ana e partive politike të detyrave që ato vetë kishin, gjë e cila sic thotë ai ndikoi në një administrim zgjedhor negativ: “Mendoj se ky vlerësim u reflektua në atë që ndodhi më pas. Pamë që gjatë ditës së votimit procesi shkoi relativisht mirë, pati disa vështirësi proceduriale, dhe të njejtën gjë e pamë edhe në procesin e numërimit i cili ishte relativisht transparent. Por, në të nejtën kohë pati edhe vonesa e bllokime të ndryshme për arsye politike. Polarizimi,  që pamë në fillim të këtij procesi, preku administrimin zgjedhor, vazhdoi edhe gjatë ditës së zgjedhjeve, gjatë procesit të numërimit dhe deri së fundmi me njoftimin e rezultatit.

  Për kreun e misionit të vëzhguesve ndërhyrjet politike, nga të dy krahët, bënë që procesi i numërimit të zgjatje më shumë sec duhej. “Por kjo nuk do të thotë se pati nderhyrje në procesin e numërimit dhe në kohën e tij. Duhet pasur parasysh se jo vetëm Tirana pati zgjedhje por ishin 384 njesi të tjera të qeverisjes vendore që mbajtën zgjedhje dhe ne pamë procesin si një të tërë ndaj është e rëndesishme të dihet se në disa zona procesi vajti shumë mirë dhe në disa të tjera më pak. Mendoj se ajo që ndikoi në proces ishte gara shume e ngushtë në Tiranë dhe të pasurit një diference kaq të vogël në qendrat e numërimit të votave. Kjo patjetër do të ketë pasojat e saj dhe në cdo rast pritej të kishte ankesa në lidhje me procesin. të cilat do të ndiqeshin më pas nga KQZ-ja dhe Kolegji Zgjdhor, pavarësisht nga cfarë do të ndodhte”.

  Në raportin tuaj të publikuar dje, një pjesë e madhe i kushtohet procesit në Tiranë. Ju flisni se ka një bazë të paqartë ligjore për mënyrën se si veproi KQZ për hapjen e fletëve të kontestuara. Jeni ju të paqartë për këtë bazë ligjore, apo ishte shpjegimi i KQZ i paqartë?

  “Ajo cfare kemi parë është se ka pasur një vendimmarrje në parim por me sa di unë nuk ka pasur një vendim përfundimtar të publikuar, akoma, prandaj është e vështirë për ne të kuptojmë se cila është baza ligjore, për të bërë një vleresim, dhe nëse ajo është e justifikuar. Procesi i administrimit zgjedhor gjatë fazës para-zgjedhore, zgjedhore dhe procesit të numërimit në qendrat përkatëse në përgjithësi ishte mjaft transparent dhe mendoj se do të ishte e dobishme ptë kishim një shpjegim të qartë rreth asaj që po bën KQZ-ja, duke përfshire këtu edhe bazat ligjore për një veprim të tillë, i cili, me sa di unë,  merret në rrugë institucionale, në bazë të vendimeve që janë publikisht të disponueshme”.

  Megjithatë zoti Stonstreet  nënvizon se ligji parashikon një proces apelimi dhe se shpresonte që cdo parti apo kandidat të ndjekë këtë proces pasi ligjet dhe institucionet janë pikërisht për të bërë që këto kundërshtime të zgjidhen në një mënyrë ligjore, shprehet ai

  A mendoni se situata e krijuar e ka tronditur besimin e palëve në KQZ, një institucion që duhet të jetë arbitri i këtij procesi?

  “Përsëri, mendoj se në një garë të ngushtë elektorale është institucioni që duhet të jetë shumë I kujdesshëm për të mos dëmtuar besimin. Gjatë këtij procesi si qeveria ashtu edhe opozita nuk janë sjellë në një mënyrë të përgjegjshme, gjë e cila ndikoi në punën e administrimit zgjedhor, duke kritikuar nga njëra anë KQZ-në dhe nga ana tjetër punën e komisioneve të nivelit të ulët. Shpesh herë këto beteja politike janë kryer në dëm të votuesve. P.SH. rasti i pavlefshmërisë së votave. Kjo temë është trajtuar edhe në zgjedhjet e mëparshme ku fletët përfundonin në kutitë e gabuara apo numri I lartë I fletëve të pavlefshme. Kjo gjë është përmendur edhe në raportet tona të  mëparshme por nuk është përmendur as në KQZ dhe as nga partitë politike të cilat, përpara fillimit të cdo mbledhjeje në KQZ kanë të drejtën të ngrinin shqetësimet e tyre, por kjo gjë nuk ndodhi. Prandaj, mendoj se partitë duhet të reflektojnë në këtë gjë dhe në përgjegjësitë e tyre në këtë proces”.

  Kreu i misionit të Odihr-it shpjegon se pavarësisht se si do të mbyllet ky proces e rëndësishme është se cfarë do të ndodhë më pas. Në Shqipëri thotë ai “do të ketë edhe zgjedhje të tjera dhe qëllimi duhet të jetë që këto zgjedhje të mbahen në përputhje dhe sipas angazhimeve e standarteve të OSBE-së”.

  Pas dy muajsh qëndrimi ai do të lerë Shqipërinë javën e ardhshme. Këtu do të qëndrojnë megjithatë disa vëzhgues që do të ndjekin procesin deri në mbylljen e tij. Për të personalisht ka qenë një mison sfidues me gjithë varitetin që ka ofruar thotë zoti Stonestreet. “Ka qenë një eksperiencë tërheqëse dhe u uroj shqiptarëve shumë fat në vazhdim”.

• 10:01

  Mbas 5 vjetësh pavarësi e Malit të Zi

  [Lajmi i Plote] Deutsche Welle - shqip

  Shenja:  Ballkani  

  Me 21 maj mbushen pesë vjet nga pavarësia e Malit të Zi. Ish-kryeministri i Malit të Zi, Milo Gjukanoviq pohon se edhe sot, pesë vjet më vonë, se Mali i Zi është në shënjestër të "projektit serbomadh".
• 09:31

  Jugu i Serbisë dhe ideja e ndarjes së Kosovës

  [Lajmi i Plote] Deutsche Welle - shqip

  Shenja:  Ballkani  

  Të premten u mbushën 10 vjet nga Marrëveshja e Konçulit, e cila i dha fund luftimeve mes forcave serbe dhe shqiptare në Preshevë, Medvegjë dhe Bujanoc. Kryengritësit kërkonin bashkimin e Luginës së Preshevës me Kosovën.

• 20. 05. 2011
• 21:16

  OSBE - ODIHR: E paqartë baza ligjore për hapjen e 60 kutive në Tiranë

  [Lajmi i Plote] Zeri Amerikes

  Shenja:  Ballkani  

  

  OSBE/ODIHR-i ka publikuar një raport të përkohshëm për zgjedhjet lokale në Shqipëri. Në raport thuhet se pas vendimit të KQZ-së për numërimin e votave të hedhura në kuti të gabuara, tensioni është shtuar. Baza ligjore për hapjen e 60 kutive për të numëruar votat e hedhura gabimisht, thuhet në raport, është i paqartë për OSBE/ODIHR-in.

  Në shumicën e vendit numërimi i votave në të 66 qendrat e numërimit përfundoi përgjithësisht me transparencë, ndonëse me ngadalësi. Në disa raste kandidatët humbës uruan fituesit. Megjithatë procesi i numërimit u ndikua nga niveli i lartë i mosbesimit të partive politike ndaj njera tjetrës, gjë që çoi në mosmarrëveshje, vonesa dhe bllokime në disa qendra numërimi. Partitë politike ndërhynë shpesh në procesin e numërimit duke drejtuar punën e anëtarëve të tyre në komisionet zgjedhore. Në momentin që u bë e qartë se gara në Tiranë do të vendosej nga një diferencë e vogël, vëmendja e vendit u kthye nga 11 qendrat e numërimit të Tiranës.

  Numërimi në to u vonua për shkak të ndërprerjeve të paplanifikuara, mungesa e ekipeve të numërimit ose edhe arësye të tjera, shpesh politike. Vonesat shtuan tensionet në Tiranë, veçanërisht duke patur parasysh afërsinë e rezultatave paraprake. Pas përfundimit të numërimit në të 11 qendrat e Tiranës, më 14 maj, rezultatet paraprake jo-zyrtare, siç iu dorëzuan OSBE/ODIHR-it nga Komisioni Qendror i Zgjedhjeve, i jepnin zotit Rama 10 vota më shumë se zotit Basha. Zoti Rama shpalli fitoren pak pas kësaj, ndërsa zoti Basha tha se do të priste për rezultatet zyrtare.

  Zyrtarë të Partisë Demokratike, përfshirë kryeministrin Sali Berisha, i bënë thirrje KQZ-së, të shqyrtonte si të vlefshme fletë-votimet për kryetar bashkie që u gjetën në kutitë ku hidhej fletë-votimi për organet e tjera të pushtetit lokal. Partia Socialiste kërkoi që KQZ-ja të jepte rezultatin e përcaktuar nga qendrat e numërimit të Tiranës. Deri në momentin e hartimit të raportit të OSBE/ODIHR-it, KQZ-ja nuk i kishte shpallur rezultatet zyrtare për Bashkinë e Tiranës. Më 18 maj, KQZ-ja filloi të hapte kutitë e disa KZAZ-ve,  ku ishin votat për këshilltarët bashkiakë për të numëruar votat për kryetar bashkie të hedhura aty gabimisht. Që nga ky moment tensionet u shtuan.

  Sipas kodit zgjedhor, KZAZ-të duhet të nxjerrin rezultatin e numërimit në orën 17 të ditës pas zgjedhjeve. Ky afat është konsideruar si jo-realist nga të gjithë dhe asnjë qendër nuk e përfundoi numërimin brenda tij. Numërimi në të gjitha qendrat, me përjashtim të Tiranës, përfunoi më 13 maj.

  Gjatë numërimit gjithë fletë-votomit paraqiteshin para kamerave dhe shiheshin në ekran. Megjithatë ato jo gjithonë mund të shiheshin për shkak të pozicionit si ishin vendosur në kamera. Po ashtu vëzhguesit nuk lejoheshin t’u afroheshin tavolinave të numërimit dhe ishte e vështirë për ta për të parë në se fletë-votimet viheshin në blloqet korresponduese të kandidatëve përkatës. Po ashtu shqyrtimi i fletë-votimeve të kontenstuara nga ekipet numëruese apo nga anëtarët e KZAZ-ve nuk mund të shihej nga vëzhguesit.

  KQZ-ja i shpallte rezultatet në faqen e saj të internetit në kohën që të dhënat hidheshin në sistem. Por deri në kohën që është shkruar raporti i OSBE/ODIHR-it, KQZ-ja ende nuk e ka përfshirë në faqen e saj të internetit rezultatin nga kutia e fundit e numëruar në Tiranë për kryetar bashkie dhe në faqen e saj shihet zoti Basha në krye.

  Pas dorëzimit të rezultateve nga të 11 KZAZ-ët e Tiranës, KQZ-ja ka 48 orë afat për të verifikuar dokumentet dhe shpallur rezultatet për Tiranën. Të gjitha tabelat ishin dorëzuar më 16 maj, megjithëse tabela e KZAZ numër 49 nuk ishte miratuar nga shumica e anëtarëve të saj që i përkasin koalicionit qeveritar. Kryetari i kësaj qendre tha se kishte patur parregullsi në tabela. OSBE/ODIHR-it nuk i janë dhënë hollësi për to. Deri në këtë moment KQZ-ja nuk ka vendosur për tabelat e kësaj qendre.

  Ndërsa vazhdonte puna për numërimin e fletëvotimeve për këshillat bashkiakë, zyrtarët e Partisë Demokratike bënë thirrje që votat për kryetar bashkie të gjetura në këto kuti të numëroheshin si të vlefshme për garën për kryetar bashkie, duke argumentuar se vullneti i votuesve ishte shprehur qartë në to. Partia Socialiste kundërshtoi me force, duke thënë se votat e hedhura në kutitë e gabuara ishin konsideruar vazhdimisht të pavlefshme deri në atë moment.

  Kodi Zgjedhor nuk parashikon udhëzime për vlefshmërinë e votave të gjetura në kutinë e gabuar. Po ashtu kodi nuk ofron as procedura se si duhen trajtuar votat e gjetura në kuti të tjera. Nuk ka patur vendim të KQZ-së ose udhëzime mbi këtë çështje para ditës së zgjedhjes, po ashtu as manuali shpjegues i miratuar nga KQZ-ja për numërimin nuk jep këshilla për këtë rast, ndonëse vota në kuti të gabuar ka qënë një fenomen që ka ndodhur edhe në zgjedhjet e mëparshme lokale. Anëtarët e ekipeve numëruese duket se ishin trejnuar që t’i konsideronin këto vota si të pavlefshme dhe votat në kutitë e gabuara u konsideruan si të pavlefshme në Tiranë deri në fund të procesit të numërimit të votave për kryetar bashkie më 14 maj.

  Më 17 maj, 3 ditë pas përfundimit të numërimit të votive për kryetar bashkie në qendrën e fundit, kryetari i KQZ-së, propozozi një projekt-vendim sipas të cilit votat e hedhura në kutitë e gabuara duhet të konsideroheshin të vlefshme dhe do të numëroheshin nga vetë KQZ-ja. Ky numërim do të bëhej vetëm për votat e gjetura në kutitë e gabuara që ishin kontenstuar në nivel KZAZ-je. Sipas kryetarit të KQZ-së, projekt-vendimi u propozua pas kërkesës së paraqitur nga anëtarët e emëruar nga PD dhe LSI-ja në 7 KZAZ të Tiranës dhe përfshinin 60 kuti.

  Anëtarët e opozitës në komisione e kundërshtuan këtë, duke thënë se KQZ-ja nuk kishte të drejtë të numëronte votat dhe mund të hapte kutitë vetëm pas një procesi apelimi.  Më 18 maj, pas një votimi në parim 4 me 3, ndonëse asnjë vendim përfundimtar nuk u mor, KQZ-ja filloi të hapë 60 kutitë. Baza ligjore për hapjen e këtyre kutive është e paqartë për OSBE/ODIHR-in.

• 17:54

  Freizer: Fituesi i Tiranës të përcaktohet bazuar në rregullat e miratuara para zgjedhjeve

  [Lajmi i Plote] Zeri Amerikes

  Shenja:  Ballkani  

  

  Sabine Freiser, drejtuese programi për Evropën me Grupin Ndërkombëtar të Krizave, shprehet sot përmes një artikulli në faqen e grupit në Internet se çdo zbatim në praktikë i ndryshimit të procedurave të numërimit të votave, sado i drejtë që të duket në pamje të parë, do të ndryshonte në fakt rregullat e lojës dhe do ta zhyste Shqipërinë në kaos.

  Në një garë të tillë, kaq të ngushtë, që praktikisht ka përfunduar në barazim, thotë ekspertja e Grupit të Krizave,  fituesi duhet të përcaktohet nga zbatimi me rigorozitetin maksimal të rregullave të miratuara që më parë. KQZ, thotë ekspertja, vendosi më 18 maj, me një votim 4 me 3, që në vet-vete duket në kundërshtim me kodin zgjedhor, të përfshijë në rezultat edhe votat e parregullta të hedhura në kuti të gabuara, që jo vetëm vonoi procesin e numërimit, por që mund të çojë edhe në ndryshim rezultati.

  Kodi zgjedhur nuk e jep të qartë se si duhen trajtuar këto fletë-votime, thotë zonja Freiser. Por gjatë zgjedhjeve të vitit 2007 dhe 2009, ata janë trajtuar si të pavlefshme. Ekspertët i kishin kërkuar KQZ që të sqaronte që përpara zgjedhjeve statusin e fletëve të hedhura në kuti të gabuara, por KQZ-ja nuk e bëri dot këtë. Gjatë pjesës më të madhe të seancave të trejnimit, thotë ajo, komisionerëve iu tha që t’i konsideronin këto vota si të pavlefshme dhe shumica e komisionerëve e përfunduan në këtë mënyrë procesin e numërimit në Tiranë dhe në qytetet e tjera. Mosmarrëveshja pritet t’i kalojë Kolegjit Elektoral.

  Komuniteti ndërkombëtar, thotë analistja e Grupit të Krizave, Sabine Freiser, duhet të kërkojë haptazi nga kandidatët Basha dhe Rama të angazhohen qartazi për të respektuar vendimin e Kolegjit Elektoral. Komisioni Evropian, shton ajo, duhet të tërheqë rekomandimin që Shqipërisë t’i jepet statusi i vendit kandidat, nëse ka dhunë të shoqëruar me viktima gjatë protestave pas zgjedhjeve.

• 14:29

  Maqedonia merr masa për të ndaluar keqpërdorimin e heqjes së vizave

  [Lajmi i Plote] Deutsche Welle - shqip

  Shenja:  Ballkani  

  Maqedonia do të bëjë çmos për të ndaluar qytetarët e saj të kërkojnë azil politik në vendet e BE-së duke keqpërdorur liberalizimin e regjimit të vizave.
• 11:39

  Barroso: Serbia duhet të gjejë zgjidhje pragmatike për Kosovën

  [Lajmi i Plote] Deutsche Welle - shqip

  Shenja:  Ballkani  

  Presidenti i Komisionit Evropian Jose Manuel Barroso, qëndroi para vizitës me bashkëpuntorë të tij në Kosovë, edhe në Beograd ku u takua me autoritetet më të larta serbe.
• 10:45

  Vota duhet të shkojë atje ku votuesi e ka nisur

  [Lajmi i Plote] Deutsche Welle - shqip

  Shenja:  Ballkani  

  Intervistë me kryetarin e KQZ Arben Ristani dhe nënkryetaren e KQZ Dëshira Subashi mbi punën e KQZ me numërimin e fletëve të votimit, të cilat janë gjetur në kutitë e gabuara.
• 19. 05. 2011
• 15:21

  Ende nuk gjendet gjuha e komunikimit - Tirana në tension

  [Lajmi i Plote] Deutsche Welle - shqip

  Shenja:  Ballkani  

  Opozita në Tiranë i trembet manipulimit të rezultatit zgjedhor në tavolinë. Deputetë të opozitës e qindra simpatizantë paraditen e së enjtes qëndruan në afërsi të mjediseve të Komisionit Qëndror të Zgjedhjeve në Tiranë.
• 11:19

  Fitojnë të gjithë - Regjistrimi i popullsisë me rëndësi jetike për Greqinë

  [Lajmi i Plote] Deutsche Welle - shqip

  Shenja:  Ballkani  

  Regjistrimi i banesave dhe i popullsisë në Greqi kryhet sipas modelit evropian. Ai pritet të fiksojë edhe numrin e saktë të emigracionit, që përllogaritet në rreth 1 milionë vetë, shumica dërrmuese shqiptarë.
• 17. 05. 2011
• 18:04

  Raundi i katërt i bisedimeve Kosovë -Serbi pritet të sjellë rezultate

  [Lajmi i Plote] Deutsche Welle - shqip

  Shenja:  Ballkani  

  Në ndërtesën e Këshillit të BE-së në Bruksel filloi të martën (17.05.) raundi i katërt i bisedimeve në mes të Kosovës dhe Serbisë. Në këtë raund të bisedimeve mund të priten rezultate në të paktën tri fusha.
• 11:15

  Maqedoni: Fillon fushata e zgjedhjeve parlamentare

  [Lajmi i Plote] Deutsche Welle - shqip

  Shenja:  Ballkani  

  Në Maqedoni ka filluar fushata për zgjedhjet e parakohshme parlamentare të 5 qershorit. Vendet e reja të punës, prosperiteti ekonomik dhe integrimi në NATO dhe BE janë premtime të përgjithshme të partive politike.

• 16. 05. 2011
• 20:15

  Në Maqedoni fillon fushata për zgjedhjet e parakohëshme parlamentare

  [Lajmi i Plote] Zeri Amerikes

  Shenja:  Ballkani  

  

  Prej mbrëmë në mesnatë, në Maqedoni zyrtarisht filloi fushata për zgjedhjet e parakohëshme parlamentare të pesë qershorit. Komuniteti ndërkombëtar dhe vetë elektorati në Maqedoni shpresojnë që në radhë të parë procesi të kalojë i qetë dhe pa incidente. Kështu janë zotuar dhe partitë politike, pjesëmarrëse në zgjedhje. Shumcia e partive hapin sonte me mitingje fushatën.

• 20:14

  Shqipëri: Berisha dhe Rama të kënaqur me rezultatet e zgjedhjeve të 8 majit

  [Lajmi i Plote] Zeri Amerikes

  Shenja:  Ballkani  

  

  Në Shqipëri drejtuesit e të dy kampeve kryesore politike u shprehën sot entuziastë me rezultatet e arritura në zgjedhjet e 8 majit. Duke ju referuar votave të shumta në favor që ka marrë koalicioni i djathtë, i drejtuar prej tij, Kryeministri Sali Berisha u shpreh se ishte një votë plebishitare në përkrahje të reformave, ndërkohë që edhe në Tiranë, ku e djathta ka marrë 7 nga 11 njësitë bashkiake, qytetarët sipas tij zgjodhën blunë e Partisë Demokratike. Nga ana e tij kryetari i opozitës, Edi Rama, foli për një fitore historike, ndërsa deklaroi se rezultati i Tiranës nuk mund të përmbyset, sipas tij, në tavolinë.

• 17:44

  Kosovë: Autoritetet kundërshtojnë çdo synim për ndarjen tokësore të vendit

  [Lajmi i Plote] Zeri Amerikes

  Shenja:  Ballkani  

  

  Në Kosovë, autoritetet kanë shprehur sot kundërshtimin e tyre ndaj çdo synimi për ndarjen tokësore të Kosovës. Këto komente pasuan deklaratat e Ministrit serb të Punëve të Brendshme Ivica Daçiç, i cili ka theksuar se ndarja është zgjidhje për problemin e Kosovës.  Zyrtarë të Qeverisë së Kosovës thonë se për të ardhmen e vendit vendosin qytetarët e saj dhe partnerët ndërkombëtarë.

  Autoritetet në Prishtinë hodhën sërish sot poshte çdo mundësi për ndarjen tokësore të Kosovës. Këto komente pasuan deklaratat e Ministrit të Punëve të Brendshme të Serbisë Ivica Daçiç, sipas të cilit serbët e Kosovës duhet ti bashkohen Serbisë, ndërsa pjesa tjetër të ndahet nga Serbia, edhe pse sipas tij, kjo nuk i pëlqen, as Beogradit e as Prishtinës. Ai i ka quajtur “sterile” bisedimet e  nisura në Bruksel ndërmjet Beogradit e Prishtinës, pasi që sipas tij, do të kalojnë vite e dekada dhe nuk do të arrihet asgjë nëpërmjet tyre. Zëvendëskryeministri i Kosovës Hajredin Kuqi, thotë se për të ardhmen e Kosovës vendosin qytetarët e saj dhe partnerët ndërkombëtarë.

  “Asnjëherë Serbia nuk ka mundur të vendos për Kosovën, por për Kosovën vendosin qytetarët e saj dhe partnerët tanë ndërkombëtarë Brukseli dhe Washingtoni. Vullnetet e Serbisë kanë sjellë luftëra, gjenocide dhe shenja të pakënaqësisë në rajon. Unë duhet të besoj se ata do të ndryshojnë kapitullin nga koha e konfrontimeve në kohën e bashkëpunimeve.”, tha zëvendëskryeministri Kuqi.

  Kosova shpalli pavarësinë ne shkurt të vitit 2008 dhe është njohur nga 75 vende të botës në mesin e të cilave Shtetet e Bashkuara dhe vendet më të rëndësishme të Bashkimit Evropian. Por, pavarësia e Kosovës vazhdon të kundërshtohet ashpër nga Serbia, me të cilën Kosova, ka filluar një raund bisedimesh për zgjidhjen e çështjeve praktike të interesit të përbashkët.

  Delegacionet e Kosovës dhe Serbisë do të takohen sërish gjatë dy ditëve të ardhshme në Bruksel në raundin e katërt të bisedimeve, të cilat siç thuhet, do të përfshijnë çështjen e personave të zhdukur, të trashëgimisë kulturore dhe njohjes së diplomave shkollore dhe universitare. Në takimin e radhës, ndërmjetësuesi i Bashkimit Evropian Robert Kuper pritet t’u paraqes delegacioneve të Prishtinës dhe Beogradit një kuadër të një marrëveshjeje që ka të bëjë me telekomunikacionin, energjinë dhe lëvizjen e lirë, tema këto që janë shtruar tashmë në bisedime ndërmjet të dyja palëve.

  Në Prishtinë, opozita thotë se bisedimet janë në favor të Serbisë dhe Kosova nuk do të ketë asnjë përfitim prej tyre në këtë periudhë kur Beogradi refuzon të njoh pavarësinë e Kosovës dhe kontrollon një pjesë të territorit të saj me strukturat paralele. Por, udhëheqësit e qeverisë besojnë se fundi i bisedimeve do të shënojë edhe një hap drejt forcimit të paqes në rajon.

• 15. 05. 2011
• 20:04

  Arrestohet për drogë një zyrtar i Ministrisë së Brendëshme shqiptare

  [Lajmi i Plote] Zeri Amerikes

  Shenja:  Ballkani  

  

  Policia e Gjirokastrës tha sot se një punonjës i Ministrisë së Brendshme u arrestua ndërsa transportonte disa dhjetra kilogramë bimë narkotike. Policia arriti të bllokojë mjetin në dalje të qytetit të Gjirokastrës në orët e para të mëngjesit. Sipas policisë, sasia e lëndës narkotike ishte marrë në fshatin Lazarat të Gjirokastrës. Policia shqiptare dhe greke kanë bllokuar gjatë javëve të fundit  disa dhjetëra kilogramë hashash në zonën ndërkufitare të të dy vendeve.

• 19:00

  Shqipëri: Vazhdojnë debatet për rezultatin e Tiranës

  [Lajmi i Plote] Zeri Amerikes

  Shenja:  Ballkani  

  

  Në Shqipëri Komisioni Qendror i Zgjedhjeve përsëriti sot se do të bëjë verifikimin e të gjitha tabelave të rezultateve për Tiranë përpara se të nxjerrë rezultatin përfundimtar të garës për Tiranën. Kryetari aktual Edi Rama shpalli dje fitore ndaj rivalit të tij demokrat Lulzim Basha. Por sërish kryeministri Sali Berisha u shpreh sot se sipas të dhënave të partisë së tij zoti Basha ka në të vërtetë më shumë vota. Partia Demokratike njoftoi se ajo do të kërkojë shqyrtimin e të gjitha fletëve të konsideruara si të kontestuara gjatë procesit.

  Duket se fituesi për Tiranën do të mbetet peng i një procesi të gjatë që nuk do të mbyllet vetëm me shpalljen e rezultatit nga Komisioni qendror i zgjedhjeve. Ky i fundit u shpreh sot përmes kryetarit Arben Ristani se do të bëjë verifikimin e të gjithë tabelave të komisioneve përpara se të nxjerrë rezultatin:

  "KQZ merr tabelat e rezultateve nga te gjitha Komisionet Zonale te Tiranës, do t’i bëjë nje verifikim atyre per mënyrën se si është pasqyruar rezultati dhe brenda 48 orëve nga momenti që do të mbledhë të gjIthë tabelat do të ketë një tabelë përmbledhëse për rezultatin e Tiranës".

  Deri më tani në komision janë dorëzuar pak më shumë se gjysma e dokumentacionit dhe 48 orëshi nis pasi komisioni ka në dorë edhe procesverbalin e fundit. Por shpallja e rezultatit nga Komisioni Qendror i Zgjedhjeve nuk është hallka e fundit. Sot sërish Kryeministri Sali Berisha tha se nga të dhënat në dispozicion kandidati demokrat Lulzim Basha ka marrë më shumë  vota:

  "Ky rezultat është absolutisht sipas të gjitha të dhënave që kemi ne, dhe, ne disponojmë të dhëna të pakundërshtueshme se janë disa herë më shumë se 10-ta e Rames, vota të hedhura nga qytetarët e Tiranës për zotin Basha. Dhe me gjithë këtë, ajo çka unë garantoj, është se ne do pranojmë cdo rezultat të paraqitur nga institucionet demokratike të këtij vendi".

  Kryeministri paralajmëroi qartë se do të kërkohet vlerësimi i të gjithë votave të konsideruara të kontestuara. Dhe ndërkaq, në të vërtetë ka nisur një debat lidhur me disa fletë votimi për kryetarin e Bashkisë së Tiranës që janë gjetur në kutitë e tjera të votimit. Por socialistët nga ana e tyre përmes deputetit Pandeli Majko kërkuan sot nga komisioni qëndror i zgjedhjeve të mos vonojë me nxjerrjen e rezultatit:

  "PS sot zotëron një dokumentacion të plotë të firmosur jo vetëm nga socialistët por edhe nga demokratët në respekt të ligjit. Këto dokumenta flasin qartë, unë këtu kam në dorën e  majtë, të gjithë statistikat që flasin qartazi, të gjitha tabelat përmbledhëse, të cilat shpresojmë se KQZ, në respekt të ligjit do të marrë një vendim sa më të shpejtë. Koha nuk pret, besoj se si të majtët ashtu dhe të djathtët jemi të lodhur për disa arsye të cilat  nuk janë të reja, por mendoj se ka ardhur koha ti jepet fund lodrave të fjalëve".

  Sytë për momentin janë drejtuar në komisionin qendror të zgjedhjeve. Gjatë paradites ambasadori i delegacionit të Bashkimit Europian, Etore Sekui, zhvilloi një takim me kryetarin Arben Ristani. Ambasadori Sekui vuri edhe një herë theksin te rëndësia që ka procesi zgjedhor në të ardhmen e procesit të integrimit europian, duke shprehur besimin të profesionalizimi i institucioneve shqiptare.

• 08:34

  Priten rezultatet e zgjedhjeve

  [Lajmi i Plote] Deutsche Welle - shqip

  Shenja:  Ballkani  

  Pritet që KQZ të shpallë rezultatin përfundimtar të votimeve të zgjedhjeve lokale të 8 majit, për kryetarin e bashkisë së Tiranës. Sipas rezultateve paraprake, të paçertifikuara, Edi Rama ka marrë dhjetë vota më shumë.

• 14. 05. 2011
• 20:08

  Gratë nga Kosova, përpjekje për më shumë njohje

  [Lajmi i Plote] Zeri Amerikes

  Shenja:  Ballkani  

  

  Një ekip grash nga Kosova, kryesisht nga shoqëria civile, vizitoi këto ditë në Uashington disa ambasada të vendeve që nuk e kanë njohur Kosovën. Qëllimi ishte të njiheshin ato ambasada me përpjekjet e shtetit të ri për forcimin e institucioneve dhe rimëkëmbjen e ekonomisë. Të mërkurën, ato ishin në selinë e Kongresit amerikan, në një pritje ku morën pjesë disa anëtarë të Dhomës së Përfaqësuesve.

  Njëmbëdhjetë gra nga Kosova ndodhen në Uashington për një program të quajtur Hope Fellowship, i cili organizohet nga Këshilli Kombëtar Shqiptaro-Amerikan. Ato kanë patur rast të takohen me anëtarë të Kongresit amerikan dhe t’i shoqërojnë nga afër gjatë një dite pune. Annemarie Repiç është zëvendësdrejtoreshë e RadioTelevizionit të Kosovës.

  “Unë shoqërova anëtaren e Kongresit nga Nju Jorku, Carolajn Melloni. Vura re se ajo ishte një grua shumë aktive dhe dinamike. Gjatë ditës ajo mori pjesë në shumë mbledhje, madje dha edhe dy konferenca për shtyp, çka do të thotë se ajo duhej edhe të përgatitej për to. Unë kuptova se cilat janë përgjegjësitë e anëtarëve dhe anëtareve të Kongresit. Ata janë të zënë me aktivitete gjatë gjithë ditës”.

  Në Uashington kanë ardhur shumë grupe të tillë nga Kosova por kësaj here, gratë kanë një mision mjaft të veçantë. Arjeta Emra, drejtoreshë e Këshillit Britanik për Kosovën, thotë se ato kanë vizituar 17 ambasada të vendeve që nuk e kanë njohur shtetin e ri dhe u kanë bërë thirrje të vendosin marrëdhënie diplomatike me Prishtinën.

  “Diçka shumë interesante gjatë këtyre takimeve ka qenë se sa pak këto shtete janë të informuara për zhvillimet në Kosovë. Pra, në një mënyrë, ne kemi parë se informimi i këtyre shteteve është shumë i rëndësishëm sepse pa informim shtetet nuk do të marrin dot asnjë vendim për pavarësinë e Kosovës.”

  Shtete si Mozambiku, Nepali ose Meksika janë mjaft larg Kosovës dhe shumë pak ose aspak kanë të bëjnë me të.

  "Në të gjitha takimet na është thënë se ato nuk kanë asgjë kundër pavarësisë mirëpo Kosova nuk është në axhendën e tyre dhe përderisa udhëheqësit tanë dhe shoqëria kosovare nuk i informon për zhvillimet në Kosovë, njohjet nuk do të vijnë".

  "Të gjithë nga pak e kemi fajin. Jo vetëm qeveria por mendoj se edhe shoqëria civile, edhe mediat dhe të gjithë ata që duhet të përfshihen në lobimin për Kosovën".

  Gratë nga Kosova kanë edhe mbështetjen e ligjvënësve amerikanë në këto përpjekje, si Eliot Engel.

  “E kam parë Kosovën të rritet, u kam bërë thirrje vendeve të ndryshme ta mbështesin Kosovën dhe përparimi ka qenë i madh”.

  Në Uashington ka 29 ambasadore gra dhe mes tyre janë 19 shtete që nuk e kanë njohur pavarësinë e Kosovës. Gratë nga Kosova kanë planifikuar për javën e ardhshme një koktej me këto ambasadore.

  “Ne kemi ardhur këtu me një qasje krejt tjetër. Nuk u themi asnjërës prej ambasadave që çdo gjë është në rregull në Kosovë, sepse nuk është çdo gjë në rregull në Kosovë. Por kemi rastin të shkëmbejmë informacione dhe të tregojmë se ku qëndron Kosova tre vjet pas pavarësisë”.

  Anëtari i Kongresit, Xhim MacDermot e përshëndet nismën e grave për të vizituar ambasadat në Uashington.

  “Zakonisht, ambasadorët rrinë në rezidencën e tyre dhe presin që të tjerët të shkojnë e t’i takojnë sepse ata e quajnë veten shumë të rëndësishëm. Kur ti shkon në rezidencën e tjetrit për ta vizituar, përshtypja që bën është shumë e madhe. Prandaj ju uroj për këto vizita që po bëni. Ne jetojmë në një botë që po ndryshon dhe Kosova është pjesë e saj”.

  Ambasadori i Shqipërisë në Uashington, Gilbert Galanxhi, tha se gratë nga Kosova po bëjnë përshtypje të mirë me vizitën e tyre.

  “Ndihem vërtet krenar sepse këto gra një ditë do të përfaqësojnë Kosovën dhe do të jenë koleget e mija. Pak javë më parë isha në një konferencë në Baltimore dhe e pashë vetë se sa mirë u përfaqësua Kosova nga zëvendëskryeministrja e saj, e cila shkëlqeu në atë konferencë“.

• 19:24

  Projekt shkëmbimi gazetarësh Kosovë - Serbi

  [Lajmi i Plote] Zeri Amerikes

  Shenja:  Ballkani  

  

  Shoqatat e gazetarëve të Kosovës dhe të Serbisë, kanë filluar një program të shkëmbimit të gazetarëve në përpjekje për të tejkaluar pengesat politike ndërmjet dy vendeve. Ky projekt që mbështetet nga ambasadat amerikane në Prishtinë dhe në Beograd, po zbatohet në një periudhë kur të dyja palët kanë filluar një seri bisedimesh për zgjidhjen e çështjeve teknike të interesit të ndërsjellë.

• 19:13

  Maqedoni: Autoritetet mbi problemet me lehtësimin e vizave për BE

  [Lajmi i Plote] Zeri Amerikes

  Shenja:  Ballkani  

  

  Autoritetet maqedonase paralajmëruan masa ndëshkuese për ata që keqpërdorin regjimin e lehtësuar të vizave nga Bashkimi Evropian. Maqedonia vazhdon të jetë një ndër vendet prej nga shumë qytetarë kërkojnë strehim në vendet e BE-së dhe autoritetet evropiane kanë kërcënuar me mundësinë e rivendosjes së vizave. Komisioni Evropian i hoqi vizat për Maqedoninë në dhjetor të vitit 2009.

• 13:46

  Hapet në Tiranë një universitet teologjik islami

  [Lajmi i Plote] Deutsche Welle - shqip

  Shenja:  Ballkani  

  Një universitet teologjik islam në Tiranë, synon shmangien e importimit të modeleve radikale. Kuadrot shqiptare të klerit mysliman janë përgatitur deri tani në Universitetet teologjike islamike të Lindjes së Mesme.
• 10:17

  Në parlamentin e ardhshëm në Maqedoni do të përfaqësohet edhe diaspora

  [Lajmi i Plote] Deutsche Welle - shqip

  Shenja:  Ballkani  

  Për herë të parë në Maqedoni në përbërjen e ardhshme parlamentare do të ketë edhe tre deputetë nga diaspora. Sipas të dhënave të agjencionit për migrim numri i disaporës arrin rreth 600.000 vetë.
• 13. 05. 2011
• 13:10

  Brammertz në Serbi: Bashkëpunimi me Hagën nuk është i kënaqshëm

  [Lajmi i Plote] Deutsche Welle - shqip

  Shenja:  Ballkani  

  Kryeprokurori i Tribunalit të Hagës Serge Brammertz, edhe kësaj radhe u largua duarbosh nga Beogradi - bashkëpunimi me Hagën nuk është i kënaqshëm. Ratko Mladiqi fshihet më mirë se Bin Ladeni, thonë zyrtarët serbë.
• 12. 05. 2011
• 18:23

  Borko Stefanoviq viziton Prishtinën

  [Lajmi i Plote] Deutsche Welle - shqip

  Shenja:  Ballkani  

  Shefi i delegacionit të Serbisë në bisedimet me Kosovën Borko Stefanoviq, arriti në Prishtinë i përcjellë nga policia e Kosovës. Gjatë bisedimeve me zëvëndëskryeministrin Kuçi, pati protesta para ndërtesës së qeverisë.
• 11. 05. 2011
• 22:06

  Mappes Niediek: Votuesi shqiptar po bëhet më pragmatik

  [Lajmi i Plote] Deutsche Welle - shqip

  Shenja:  Ballkani  

  Një analizë e zgjedhjeve lokale në Shqipëri dhe tendencat e reja, që tregoi votuesi shqiptar në zgjedhjet e 8. Majit, me analistin gjerman Norbert Mappes Niediek
• 20:37

  Petroviç: Afërsia me praktikën dhe të përditshmen duhet të kenë peshë në bisedime

  [Lajmi i Plote] Deutsche Welle - shqip

  Shenja:  Ballkani  

  Zëvendëskryeministri i Kosovës, Sllobodan Petroviç, lidhur me takimet, që përfaqësues të qeverisë së Kosovës do të kenë të enjten në Prishtinë me shefin e grupit negociator serb, Borislav Stefanoviç.
• 17:37

  Kosova po mbledh faktet për krimet e kryera nga Serbia

  [Lajmi i Plote] Deutsche Welle - shqip

  Shenja:  Ballkani  

  Qeveria e Kosovës po përgatitet që të padisë Serbinë për krimet e kryera në Kosovë nga viti 1990 deri në vitin 1999. Padia, sipas përfaqësuesve të qeverisë do të ndodhë pasi të mblidhen faktet për krimet e kryera.
• 14:18

  Eschenbächer: Verdikti i votuesit në zgjedhje duhet respektuar nga palët

  [Lajmi i Plote] Deutsche Welle - shqip

  Shenja:  Ballkani  

  Jens Hagen Eschenbaecher, zëdhënës në selinë e OSBE-së në Varshavë, thotë në intervistë me Deutsche Wellen se verdikti i votuesit në zgjedhjet lokale të 8 majit, duhet respektuar nga palët.
• 13:01

  Intervistë me ekspertin gjerman të zgjedhjeve Volkram Gebel

  [Lajmi i Plote] Deutsche Welle - shqip

  Shenja:  Ballkani  

  Intervistë me z. Volkram Gebel, ekspert zgjedhjesh nga Gjermania, pjestar i ekipit të vëzhguesve të Kongresit të Autoriteteve Vendore dhe Rajonale të Këshillit të Evropës.
• 12:28

  Maqedonia para zgjedhjeve - Platformat politike mbushen me premtime boshe

  [Lajmi i Plote] Deutsche Welle - shqip

  Shenja:  Ballkani  

  Mungesa e ofertave reale dhe mospromovimi i kuadrove të reja politike është karakteristikë e përgjithshme e zgjedhjeve të parakohshme parlamentare në Maqedoni. Platformat politike mbushen me premtime boshe
• 10. 05. 2011
• 15:09

  OSBE/ODIHR - Raport paraprak për zgjedhjet lokale në Shqipëri

  [Lajmi i Plote] Deutsche Welle - shqip

  Shenja:  Ballkani  

  Pozitive: Karakteri konkurrues dhe transparenca dhe mjedisi i qetë në të cilin u krye votimi. Raporti kritikon rolin e mediave.

• 09. 05. 2011
• 20:03

  Koalicioni i majtë “Aleanca per te Ardhmen“ drejt fitores në bashkitë kryesore në Jug

  [Lajmi i Plote] Zeri Amerikes

  Shenja:  Ballkani  

  

  Koalicioni i majtë  “Aleanca per te Ardhmen“ po shkon drejt  një fitoreje  te thelle  në bashkitë kryesore në Jug të Shqipërisë. Sipas të dhënave paraprake kantidatët socialistë  kanë  dominim të ndjeshëm në rezultate  në Bashkitë e Fierit, Gjirokastrës dhe Sarandës. Socialistët kanë shpallur gjithashtu fitoren edhe në Bashkitë e Tepelenës, Përmetit dhe Himarës.

• 20:01

  Në Shkodër ka nisur me shumë vonesë procesi i numrimit të votave

  [Lajmi i Plote] Zeri Amerikes

  Shenja:  Ballkani  

  

  Në Shkodër ka nisur me shumë vonesë procesi i numrimit të votave, kjo për shkak të largësisë së qendrave të votimit, parregullsisë së dokumentacionit të disa prej numruesve si dhe terheqjes së disa të tjerëve nga Aleanca për të Ardhmen. Numërimi i votave po bëhet brenda në qytet, ku janë ngritur tre vendnumërime. Fillimi me shumë vonesë i procesit të numërimit pritet të shoqërohet edhe me vonesa në daljen e rezultatit.

• 19:59

  Në Kosovë shënohet Dita e Evropës

  [Lajmi i Plote] Zeri Amerikes

  Shenja:  Ballkani  

  

  Në Kosovë është shënuar dita e Evropës, e cila shënohet tradicionalisht si ditë e cila shënoi fundin e Luftës së Dytë Botërore. Përveç manifestimeve të organizuara nga mekanizmat evropian në Prishtinë, atje sot edhe është protestuar për shkak të mospërfshirjes së shtetit të ri në proceset integruese. Kosova aktualisht është vendi i vetëm, qytetarët e së cilës nuk mund të udhëtojnë lirshëm në vendet e Bashkimit Evropian.

• 19:56

  Vëzhguesit shqiptarë publikojnë raportet paraprake për zgjedhjet e pushtetit vendor të 8 majit

  [Lajmi i Plote] Zeri Amerikes

  Shenja:  Ballkani  

  

  Vëzhguesit shqiptarë publikuan sot raportet e tyre paraprake për zgjedhjet e pushtetit vendor të 8 majit. Vonesa në numërime është shqetësimi kryesor i tyre për pjesën e mbetur të procesit, në mënyrë që rezultatet të dalin sa më parë.

• 17:41

  Vazhdon procesi i numërimit të votave

  [Lajmi i Plote] Deutsche Welle - shqip

  Shenja:  Ballkani  

  Analistë të medias shikojnë elementë pozitivë nga ky proces zgjedhor, pjesëmarrjen e lartë të qytetarëve në votime, uljen e toneve në krahasim me fushatën e ndezur elektorale, konsolidimin e procesit të të numërimit.
• 16:59

  Dita e Europës 2011 - Shqipëria rruga e mundimshme drejt integrimit

  [Lajmi i Plote] Deutsche Welle - shqip

  Shenja:  Ballkani  

  Ambasadori i delegacionit të BE në Tiranë Ettore Sequi konfirmon në programin shqip të DW gatishmërinë e BE për të ndihmuar Shqipërinë në integrimin europian dhe thekson se përgjegjësia në këtë proces është e shqiptarëve
• 12:37

  Testi kryesor: pranimi i rezultatit nga pala humbëse

  [Lajmi i Plote] Deutsche Welle - shqip

  Shenja:  Ballkani  

  Në Shqipëri ka filluar në orët para të ditës së sotme faza e numërimit të votave, që zgjedhësit u dhanë dje, në zgjedhjet vendore të rradhës, kandidatëve për kryetarë bashkie dhe drejtues të tjerë të qeverisjes vendore.
• 08. 05. 2011
• 17:32

  KQZ: Zgjedhje normale megjithë disa incidente kryesisht me natyrë teknike

  [Lajmi i Plote] Deutsche Welle - shqip

  Shenja:  Ballkani  

  KQZ konfirmoi se deri në orën 16.30 në zgjedhjet lokale në Shqipëri kanë votuar rreth 35% e rreth 3.1 milionë zgjedhësve. Disa incidente kryesisht me natyrë teknike nuk e kanë prishur normalitetin e procesit.
• 14:04

  Shqipëri: Megjithë disa probleme procesi zgjedhor po ecën normalisht

  [Lajmi i Plote] Deutsche Welle - shqip

  Shenja:  Ballkani  

  Prej orës 7 të mëngjesit në Shqipëri janë hapur kutitë e votimeve për zgjedhjet për pushtetin lokal. Në votime janë thirrur për të marrë pjesë afër 3.1 milionë banorë.

• 07. 05. 2011
• 18:28

  Kosova dhe debatet për sundimin e ligjit

  [Lajmi i Plote] Zeri Amerikes

  Shenja:  Ballkani  

  

  Në Kosovë, ekspertët e sigurisë thonë se Misioni i Bashkimit Evropian për sundimin e ligjit, duhet të mbështesë institucionet vendase për ta shndërruar Kosovën nga konsumuese, në prodhuese të sigurisë. Komentet pasojnë debatet e ditëve të fundit ndërmjet institucioneve të Kosovës dhe EULEX-it, lidhur me çështjen e veriut të vendit të banuar nga shumicë serbe, ku nuk veprojnë institucionet e Kosovës. Ekspertët thonë se debatet nuk rrezikojnë marrëdhëniet ndërmjet Kosovës dhe EULEX-it, por shtrojnë nevojën e një bashkërendimi më të mirë të veprimeve të tyre.

• 18:16

  Në Bashkinë e Shkodrës vonesa me materialet zgjedhore

  [Lajmi i Plote] Zeri Amerikes

  Shenja:  Ballkani  

  

  Në Bashkinë e Shkodrës, procesi i shpërndarjes së materialeve të votimit, për zgjedhjet e 8 majit ndeshi në probleme. Procesi u bllokua për më shumë se 6 orë për shkak të mosparaqitjes së komisionerëve të majtë. Ndërkohë, tërheqja e materialeve të votimit për komunat malore është zhvilluar pa probleme.

• 18:03

  Shqipëri: 4000 vëzhgues gati për të ndjekur zgjedhjet e 8 majit

  [Lajmi i Plote] Zeri Amerikes

  Shenja:  Ballkani  

  

  Nje rol te rendesishem ne zgjedhjet vendore neser ne Shqiperi e kane edhe vezhguesit vendas. Ne Komisionin Qendror te Zgjedhjeve jane regjistruar mbi 4 mije vezhgues, qe jane ndare ne grupe te levizshme dhe të stacionuara. Nje vecanti sivjet, organizatat e grave jane bere vezhguese per te studiuar pjesemarrjen e grave ne zgjedhje.

  Vëzhguesit vendas kanë bërë gjithçka gati për të ndjekur nga afër të dielën zgjedhjet e pushtetit vendor. Në Komisionin Qendror të Zgjedhjeve janë akredituar më shumë se 4 mijë vëzhgues vendorë, pjesëtarë të disa organizatave. Edhe këtë vit shoqëria civile ka grumbulluar energji të mjaftueshme për të vëzhguar procesin zgjedhor. Krahas koalicionit të vëzhguesve me 900 vëzhgues me grupe të lëvizshme, risia këtë vit janë vëzhguesit e palëvizshëm të unionit shqiptar të cilësisë së jetës si dhe forumi i organizatave të grave, që do të ndjekin pjesëmarrjen e grave në zgjedhje.

  “Në kërkesat e para ndaj vëzhguesve është rrjedhshmëria e procesit zgjedhor” - thotë Kristaq Kume, drejtues i Institutit për zhvillimin e demokracisë dhe sistemeve zgjedhore. - Vëzhguesit do të studjojnë se cili është shkaku kryesor që mund të pengojë normalitetin e zgjedhjeve, mungesat e njerëzve në listat zgjedhore, apo ndërhyrje nga persona të paautorizuar”. Zoti Kume thotë se vëzhguesit vendorë do të garantojë një vëzhgim të pavarur për zbatimin e ligjit, dhe nga ana tjetër ata do të jenë bashkëpunues të vëzhguesve të huaj.

  Zgjedhjet vendore të 8 majit po priten me interesim nga qytetarët që votojnë për drejtuesit e komunitetit të tyre. Mbi 150 mijë të rij votojnë për herë të parë, krahas disa miliona të tjerë. Tashmë po mbërrjnë edhe vëzhguesit afatshkurtër nga OSBE dhe Këshilli i Europës dhe shumë vende të tjera.

• 06. 05. 2011
• 16:49

  Test i rëndësishëm për vlerësimin e ecurisë demokratike të Shqipërisë

  [Lajmi i Plote] Deutsche Welle - shqip

  Shenja:  Ballkani  

  Qytetarët shpresojnë se vota është kontribut i secilit për një pushtet lokal më të mirë dhe votimi përcaktues për pranimin ose jo të aplikimit të Shqipërisë për statusin e vendit kandidat për anëtarësim në BE.
• 15:17

  Rama apo Basha? Gara për Tiranën

  [Lajmi i Plote] Deutsche Welle - shqip

  Shenja:  Ballkani  

  Dy kadidatët kryesorë për postin e kryetarit të bashkisë së Tiranës, Lulzim Basha (PD) dhe Edi Rama (PS) shprehen për DW-në me këndështrime të kundërta për gjendjen aktuale të kryeqytetit dhe perspektivën e tij.
• 05. 05. 2011
• 12:11

  Kosova nuk do të bisedojë me Serbinë për sistemin juridik në veri, apo ndoshta edhe po?!

  [Lajmi i Plote] Deutsche Welle - shqip

  Shenja:  Ballkani  

  Qeveria e Kosovës hedhë poshtë dialogun me Serbinë për gjykatat në veri të Kosovës. Ndërsa zyrtarë të BE-së thonë se për një zgjidhje afatgjate nevojitet marrëveshja Prishtinë-Beogradi.
• 12:06

  Partitë shqiptare të përçara në prag të zgjedhjeve në Maqedoni

  [Lajmi i Plote] Deutsche Welle - shqip

  Shenja:  Ballkani  

  Intensifikohet në Maqedoni aktiviteti i partive politike pjesëmarrëse në zgjedhjet e parakohshme parlamentare të 5 qershorit. Formimi i koalicioneve parazgjedhore në kampin shqiptar ka dështuar edhe në këto zgjedhje.
• 04. 05. 2011
• 12:27

  Sfidat e mjedisit në Kosovë

  [Lajmi i Plote] Deutsche Welle - shqip

  Shenja:  Ballkani  

  Ministria e Mjedisit dhe e Planifikimit Hapësinor në Kosovë është ministria me nivelin më të ulët të shpenzimeve. Por sektori po mbështetet nga Komisioni Evropian, që bashkë me qeverinë po implementon projekte milionëshe
• 11:36

  Policia në gatishmëri për zgjedhjet

  [Lajmi i Plote] Deutsche Welle - shqip

  Shenja:  Ballkani  

  Asistenca ndërkombëtare nëpërmjet misioneve të BE-së, SHBA dhe zyrës së OSBE-së në Tiranë është duke asistuar policinë e shtetit ne Shqipëri, për të përmbushur standartet në procesin zgjedhor të dielën, që vjen.

• 03. 05. 2011
• 18:09

  Presidenti Topi u bën thirrje partive politike të njohin rezultatin e zgjedhjeve të 8 majit

  [Lajmi i Plote] Zeri Amerikes

  Shenja:  Ballkani  

  

  Presidenti i Shqiperise, Bamir Topi, u beri sot thirrje partive politike qe te njohin rezultatin e zgjedhjeve te 8 majit, ne shenje respekti ndaj vendimit demokratik te qytetareve. Presidenti Topi u kerkoi partive qe te distancohen nga dhuna dhe te mos u japin mbeshtetje politike autoreve të dhunes gjate fushates.

• 17:48

  Kosovë: Parlamenti fton në interpelancë Kryeministrin Thaçi

  [Lajmi i Plote] Zeri Amerikes

  Shenja:  Ballkani  

  

  Në Kosovë, parlamenti e ka ftuar në interpelancë kryeministrin e vendit Hashim Thaçi rreth bisedimeve ndërmjet Kosovës dhe Serbisë. Debati që pritet të mbahet pasnesër, ndodh në prag të raundit të ri të bisedimeve për çështje praktike ndërmjet të dy palëve që filluan në mars të këtij viti, e të cilat kanë nxitur kundërshtime në Kosovë. Raundi i ri pritet të shqyrtojë propozimet e ndërmjetësuesve të Bashkimit Evropian për zgjidhjen e disa çështjeve që kanë të bëjnë me telekomunikacionin, energjinë dhe lëvizjen e lirë.

• 02. 05. 2011
• 19:29

  Analistët: Media në Shqipëri abuzon vetë me lirinë e saj

  [Lajmi i Plote] Zeri Amerikes

  Shenja:  Ballkani  

  

  Analistët e shtypit në Shqipëri mendojnë se problemi kryesor i mediave shqiptare janë vetë pronarët e tyre. Andi Tela, drejtues i gazetës “Panorama”, thotë se pronarët e mediave po investojnë shumë në blerje pajisjesh të reja televizive, por nuk investojnë në shkollimin e gazetarëve me koncepte të reja profesionale; madje kjo quhet një punë e dorës së dytë, mjafton që të kenë pajisje moderne. Sipas zotit Tela, kasetat e gatshme me filmime që shpërndajnë partitë për fushatë duhet të ishin refuzuar nga të gjitha televizionet njëzëri si një shkelje etike, sepse ato janë reklama për kandidatët dhe jo lajme për qytetarët.

  “Mediat duhet t’i refuzonin kasetat e partive, por kjo gjë duhej bërë përpara fushatës dhe madje me një nen në Kodin Zgjedhor. Mediat nuk duhet të detyrohen që të marrin kasetat e gatshme nga partitë. Rregullat nuk mund të ndryshohen në mes të lojës. Bordi i monitorimit dhe KQZ absolutisht nuk duhet të detyrojnë mediat në javën e fundit të fushatës që të pranojnë kasetat e gatshme; ato nuk bëjnë gjë tjetër veçse ulin cilësinë e raportimit të mediave”, tha zoti Tela.

  Ndërsa gazetari i njohur Sami Neza thotë se komuniteti i mediave ishte i përçarë edhe në çështjen e kasetave dhe vendimi për t’i refuzuar ato nuk ishte unanim. Disa televizione i pranuan kasetat e gatshme partiake, thotë ai, dhe kjo e shtyu KQZ në vendimin tjetër të gabuar që t’u kërkojë mediave të pranojë kasetat e partive. Sipas tij, të dyja palët vepruan gabim, sepse asnjë palë - as mediat dhe as KQZ, nuk ka asnjë dobi nga kasetat e gatshme të partive.

  “Kjo duhet të shmanget dhe mund të shmanget vetëm nga mediat. Askush tjetër vec mediave nuk është i interesuar për ta shmangur këtë problem. Politikës nuk i intereson nëse media raporton me profesionalizëm apo jo, i zbaton apo jo kodet e veta të etikës dhe të profesionit; aq më pak në një fushatë. Media mund ta bëjë këtë vetëm nëse zbaton rregulloret e saj, kodet e saj profesionale në transmetim, shkrim dhe raportim gazetaresk”, tha zoti Neza.

  Lidhur me lirinë e shtypit në Shqipëri, të dy analistët e njohur, Neza dhe Tela, thonë se kjo tashmë është e siguruar me Kushtetutë dhe me numrin e madh të mediave. Zoti Neza thotë se liria e mediave cënohet kryesisht nga pronarët jogazetarë të medias, që e shohin shtypin si një biznes.

  “Me futjen e bizneseve me investime në media raporti i gazetarëve me qytetarët dhe me lirinë e informimit ndryshoi. Biznesmenët që investojnë në media kanë mendësinë që media e tyre është një tjetër biznes i tyre. Ata nuk e kanë median një biznes që nxjerr fitime direkte, por si një biznes që, edhe pse del me humbje, mund të nxjerrë fitime për bizneset e tjera të tyre. Këtë e arrin përmes influencave që ushtrohen tek politika dhe institucionet vendimmarrëse, si edhe përmes konfliktit të interesit”, thotë zoti Neza.

  Ndërsa drejtuesi i gazetës “Panorama” Andi Tela, thotë se politika ushtron presion në media ashtu si ushtron mbi gjithë institucionet e pavarura; media ka pushtet mbi qytetarët, dhe politika përpiqet që të kontrollojë qytetarin përmes medias. Sipas tij, Shqipëria ka një numër të madh mediash dhe kushdo mund të botojë shkrime në njërën media në mos në tjetrën, por kjo sasi e madhe mediash është në dëm të cilësisë dhe bëhet pre e politikës.

  “Rregullat e punës duhen bërë nga gazetarët dhe duhen zbatuar prej tyre. Liria e medias në Shqipëri në kornizën kushtetuese është e qartë; media shqiptare është e lirë, nuk ka nene që të kufizojnë lirinë e saj ashtu si mund të ketë në vende të tjera të botës. Por në këtë çast lindin dyshimet për një abuzim të medias vetë me lirinë e saj”,  tha zoti Tela.

  Liria e shtypit ka qenë një temë e vazhdueshme debati në Shqipëri, ndonëse komuniteti i medias është i përçarë dhe pa asnjë nismë për vetorganizim. Shkeljet e vazhdueshme etike nxiten shpesh nga vështirësitë financiare të mediave dhe për paradoks, mediat nuk mbrojnë veten dhe njëra tjetrën nga sulmet politike, por tani janë partitë politike ato që shkëmbejnë akuza se po shkelin lirinë e medias.

• 17:29

  Shqipëri: Autoritetet më të larta të vendit përshëndesin vrasjen e Osama Bin Ladenit

  [Lajmi i Plote] Zeri Amerikes

  Shenja:  Ballkani  

  

  Në Shqipëri, autoritetet më të lartë shtetërore dhe politike të vendit përshëndetën sot vrasjen e Osama Bin Ladenit, kreut të organizatës terroriste Al Qaeda, duke e cilësuar këtë si një nga ngjarjet dhe fitoren më të rëndësishme në luftën kundër terrorizmit. Presidenti Bamir Topi i dërgoi një mesazh presidentit amerikan barack Obama, ndërsa kryeministri Sali Berisha e cilësoi si një fitore të madhe të paqes. Kryetari socialist Edi Rama nga ana e tij u shpreh se presidenti amerikan mbajti një premtim të madh

  Njoftimi i vrasjes së Osma Bin Ladenit, njeriut të konsideruar si figura kyce e terrorizmit, që në orët e para të ditës ishte lajmi kryesor në mediat shqiptare, ndërsa autoritetet më të larta shtetërore e politike të vendit iu bashkuan mesazheve përshëndetëse të udhëheqësve botëror për operacionin ushtarak të realizuar nga forcat amerikane.

  Presidenti Bamir Topi i dërgoi një mesazh presidentit amerikan Barak Obama duke e konsideruar eleminimin e Bin Ladenit si "një prej fitoreve më të rëndësishme në luftën kundër terrorizmit ndërkombëtar". Duke kujtuar edhe angazhimin e forcave shqiptare Presidenti Topi shkruan se ndihet "krenar që Shqipëria është rreshtuar përkrah aleatit dhe mikut të saj më të madh". Në mesazhin e tij presidenti Topi rikonfirmon "angazhimin se Shqipëria do të vazhdojë të përmbushë me devotshmëri angazhimet e saj në kuadër të Natos duke dhënë kontributin e vetnë sfidat e ardhshme për liri e demokraci".

  Për kryeministrin Sali Berisha, "Osama Bin Ladeni ishte një ndër figurat më të zeza të historisë së njerëzimit" i cili, sic theksoi zoti Berisha vrau me mijëra të pafjashëm për  të realizuar qëllimet e tij mesjetare e cnjerëzore: "Në strofkullën e tij ai mori atë përgjigje që meritonte prej  vitesh. Kjo është një fitore e madhe e Shteteve të Bashkuara të Amerikës , presidentit Barak Obama,  është një fitore e madhe e paqes dhe të gjithë atyre që e konsiderojnë  terrorizmin si armik numër një të paqes dhe lirisë së tyre".

  Nga ana e saj kryetarja e parlamentit Jozefina Topalli u shpreh se "sot bota është më e sigurt dhe se vrasja e Bin Ladenit dëshmon se terrorrizmi ndëshkohet rëndë dhe është i pashpresë". Ndërsa për ministrin e jashtëm Edmond Haxhinasto “Shqipëria si një nga vendet e para që iu bashkua aleancës kundër terrorizmit ndërkombëtare, shpreh bindjen se qëndimi i palëkundur në luftën kundër akteve terroriste dhe frtymëzuesve të tyre, përbën kkycin e suksesit të luftës sonë të përbashkët për të siguruar paqen dhe lirinë në botë".

  Kryetari socialist Edi Rama i telefonoi ambasadorit amerikan në Tiranë Aleksandër Arvizu duke e vlerësuar eleminimin e Bin Ladenit "një fitore të madhe kundër terrorizmit" e duke theksuar se "Presidenti Obama mbajti një premtim të madh".

• 17:16

  Freedom House: Kosova e fundit në rajon me lirinë e shtypit

  [Lajmi i Plote] Zeri Amerikes

  Shenja:  Ballkani  

  

  Organizata “Freedom House e ka radhitur Kosovën në mesin e vendeve pjesërisht të lira sa i përket lirisë së shtypit. Në raportin e kësaj organizate, që i u publikua sot në prag të 3 majit, ditës ndërkombëtare të lirisë së shtypit, vlerësohet se situata në Kosovë është më e rëndë se ajo në vendet e rajonit dhe ajo radhitet në vendin e 104-të, bashkë me Argjentinën.

  Përfaqësues të organizatave të gazetarëve në Kosovë, thonë se raporti është real dhe pasqyron situatën të cilën edhe ata e kanë konstatuar në punën e përditshme. Muhamet Jahiri, nga Unioni i Gazetarëve të Kosovës dhe Arben Ahmeti, nga Asociacioni i Gazetarëve Profesionist të Kosovës, i thanë Zëri të Amerikës se raporti paraqet një situatë shqetësuese.

  “E kemi parë këtë raport dhe me të vërtetë është shqetësuese se si Kosova po zhytet drejt një humnere të lirisë së shprehjes. Mund të themi se është shumë real dhe nga ajo që kemi parë ne dhe punës që kemi bërë në këtë drejtim, e kemi parë edhe ne përmes monitorimit tonë, se ka më të vërtetë një përkeqësim të lirisë së shprehjes në vendin tonë. Nuk mund të themi me statistika, por e kemi vërejtur se ka qenë më shqetësuese se sa vitet e kaluara”, tha zoti Jahiri

  “Është plotësisht real dhe ajo që është më brengosëses është konstatimi dhe vlerësimi se ne jemi të fundit sa i përket rajonit. Duket se kemi pasur një shkarje shumë të madhe dhe një degradim të pozitës së Kosovës, meqë vitin e kaluar kemi qenë në vendin e 92 dhe tash vendi i 104-të, duket se është shumë, shumë serioz”, tha zoti Ahmeti.

  Organizatat e gazetarëve konstatojnë se janë disa burime kërcënimesh për lirinë e fjalës në Kosovë. Asociacioni i Gazetarëve Profesionist, ka përgatitur edhe një raport të veçantë për shkallën e kësaj lirie në Kosovë.

  “Në një raport që ne do ta publikojmë nesër, konstatohet se gjendja e lirisë së shtypit është e keqe. Është vlerësim nga vet gazetarët, do të thotë kemi bërë një anketë me kolegë gazetarë nga mbarë Kosova dhe vlerësimi është se gjendja është e keqe. Në këtë raport ne jemi munduar të identifikojmë edhe institucionin që më së shumti e cenon lirinë e shprehjes, pasi që lirinë e shtypit, ne mendojmë se nuk mund ta marrim di të mirëqenë faktin se institucionet e cenojnë lirinë e shtypit. Mirëpo sa i përket lirisë së shprehjes, kolegët gazetarë vlerësojnë se qeveria e Kosovës është institucioni që më së shumti po e cenon”, tha zoti Ahmeti

  “Përderisa tek njerëzit krijohet ai perceptimi se gazetarët cenohen vetëm nga politika, ne mund të themi se nuk është vetëm kjo. Por, gazetarët kërcënohen edhe në forma tjera, qoftë prej biznese ku kemi pasur mjaft kërcënime të gazetarëve dhe mjaft shqetësime të tyre ku ata kanë shprehë pakënaqësitë e tyre ndaj biznesmenëve dhe ngatë cilët janë penguar në realizimin e punës së tyre”, thotë zoti Jahiri.

  Por, cili është roli i vet gazetarëve dhe organizatave të tyre për mbrojtjen e lirisë së fjalës.

  “Ne ende kemi gazetarë të mirë, ende kemi media profesionale dhe kjo është ajo pjesa optimiste që mund ta nxjerrim nga kjo gjendje. Ende kemi gazetarë që e mbrojnë profesionalizimin dhe nuk u nënshtrohen presioneve, shantazheve dhe kërcënimeve të ndryshme dhe vështirësive të tjera, të këndeve të tjera që i kanë në punën e tyre të përditshme. Ajo që e determinon është ajo se kush e bën agjendën në një shoqëri dhe fatkeqësisht, ndonëse në Kosovë kemi media profesionale, agjenda vendoset nga institucionet”, tha zoti Ahmeti

  “Mendoj se gazetarët nuk bëjnë aq sa duhet për mbrojtjen e të drejtave të tyre. Ka një vakuum që nuk duhet të jetë, qoftë përmes formave të organizimit apo përmes formave të veprimit të tyre. Prandaj shpresoj se në të ardhmen do të bëhet më shumë dhe gazetarët do të jenë më të lidhur dhe të koordinojnë punë për të krijuar hapësirën që u takon atyre”, tha zoti Jahiri.

  Shqetësimin me gjendjen e lirisë së shtypit sot e ka shprehur edhe Organizata për Siguri dhe Bashkëpunim në Evropë, e cila nëpërmjet një komunikate shpreh brengën e saj për siç thuhet, format e ndryshme të trysnisë ndaj gazetarëve gjatë kryerjes së detyrave të tyre dhe me përpjekjet e supozuara për të ndikuar pa nevojë në politikat redaktuese të medieve në përgjithësi dhe të transmetuesit publik në veçanti. Vëzhguesit ndërkombëtarë, thuhet në komunikatë, kanë vërejtur që gjendja e lirisë së medieve në Kosovë është duke u përkeqësuar, gjë që thekson nevojën për adresim të shpejtë të situatës.

  Autoritetet kanë përsëritur në vazhdimësi se në Kosovë ka liri të padiskutueshme të shtypit dhe se pasqyrimi i saj në raportet e organizatave të ndryshme jo gjithmonë paraqet gjendjen reale.

  Organizata vendase dhe ato ndërkombëtare tërheqin vërejtjen ndërkaq se  liria e shprehjes është njëri nga kushtet për integrimin e Kosovës në strukturat euroatlantike dhe se shkalla e lirisë së fjalës është pasqyrë e shkallës së demokracisë, ndërsa mbrojtja e kësaj lirie nënkupton mbrojtje edhe të Kushtetutës së vendit e cila e garanton atë.

• 16:55

  Identiteti në Ballkan

  [Lajmi i Plote] Deutsche Welle - shqip

  Shenja:  Ballkani  

  Aspirata e përbashkët e Ballkanit Perëndimor për t'u integruar në BE po sjell edhe një konceptim të ri të identitetit kombëtar dhe shtetësisë. Identitetet nga burim konfliktesh etnike po vlerësohen si pasuri dhe vlera.

• 01. 05. 2011
• 15:47

  Zgjedhjet vendore në Lushnje

  [Lajmi i Plote] Zeri Amerikes

  Shenja:  Ballkani  

  

  Në Bashkinë e Lushnjës, Lëvizja Socialiste për Integrim dhe Partia Demokratike mbështesin kantidatin e tyre Albert Sanxhaku,ndërsa Partia Socialiste dhe aleatët e majtë, Fatos Tushen. Të dy kandidatët synojnë në programin e tyre  kthimin e qytetit të Lushnjës në një qendër për agrobiznesin shqiptar. Ata premtojnë më shumë investime dhe ngritjen e  disa qendrave për rininë dhe shtresat në nevojë. Korespondenti ynë Raimond Kola  bisedoi me të dy kandidatët.

• 15:38

  Zgjedhjet vendore ne Lezhë

  [Lajmi i Plote] Zeri Amerikes

  Shenja:  Ballkani  

  

  Lezha është një nga qytetet e njohura në Shqipëri për shkak të Memorialit të vendvarrimit të Skënderbeut, dhe portit të Shëngjinit. Në këtë qytet me rreth 35 mijë banorë kandidojnë për Kryetar të Bashkisë dy figura të njohura; Viktor Tusha i Lëvizjes Socialiste për Integrim dhe Aleancës për Qytetarin dhe Gjoke Jaku i Partisë Socialiste dhe Aleancës për të Ardhmen. Korrespondenti i Zërit të Amerikës, Pëllumb Sulo, ishte në Lezhë ku bisedoi me të dy kandidatët për Kryetar të Bashkis.

• 15:30

  Dita e punëtorëve në Kosovë pa ndonjë veprimtari sindikaliste

  [Lajmi i Plote] Zeri Amerikes

  Shenja:  Ballkani  

  

  Një maji, dita e punëtorëve, shënohet edhe në Kosovë, por pa ndonjë veprimtari sindikale. Kjo festë e gjen Kosovën me një shkallë të lartë papunësie, që sipas të dhënave zyrtare arrin në 45 për qind, ndërsa jo zyrtarisht është shumë më e lartë. Kjo papunësi shoqërohet edhe me një shkallë të lartë varfërie që përfshin gjysmën e popullsisë.

• 30. 04. 2011
• 19:04

  Kume: KQZ nuk arriti të shmangte trysninë politike

  [Lajmi i Plote] Zeri Amerikes

  Shenja:  Ballkani  

  

  Në Shqipëri situata e ndezur politike që i parapriu fushatës zgjedhore por dhe që e ka shoqëruar atë si dhe mosrealizimi i ndërhyrjeve në kodin zgjedhor rrezikojnë  që të jenë element me ndikim negativ në mundësinë e arritjes së standarteve të kërkuara në zgjedhjet e 8 Majit. I këtij mendimi është Kristaq Kume, ish kryetar i komisionit qëndror te zgjedhjeve dhe ekspert i cështjeve zgjedhore. Duke folur me Zërin e Amerikës, zoti Kume vlerëson se Komisioni qëndror i Zgjedhjeve nuk arriti të shmangte trysninë politike dhe e quan të sforcuar vendimin e marrë për mbulimin mediatik të fushatës

  Zoti Kristaq Kume është një ndër njohësit më të mirë të proceseve zgjedhore. Me një eksperiencë të drejtpërdrejtë në të kaluarën si kryetar i Komisionit qëndror të Zgjedhjeve, më pas angazhimi në vëzhgimin e proceseve elektorale të zhvilluara në vend e tani edhe pjesë e koalicionit të vëzhguesve vendor zoti Kume jep vlerësimin e tij për procesin e 8 majit: “Po ti referehomi situatës parazgjedhore, gjithshka që ka paraprirë atë që po ndodh, do të thoja se jemi në kushtet kur shanset që ky produkt, të jetë një produkt i vlerësuar me terma pozitive, një produkt më i arrirë se sa të tjerët, janë të vogla”.

  Ai rendit edhe arsyet e një përfundimi të tillë duke nisur së pari nga situata politike që shoqëroi procesin: “Eshtë një proces zgjedhor filloi e vazhdon të jetë në kushtet e një situate politike me ngarkesa të mëdha, një diskurs politik me terma të nxheta që ka nisur që prej qershorit të 2009”.

  Mbizotërimi i kësaj ngarkese politike ka bërë sipas zotit Kume që të shmanget edhe një nga rekomandimet e Osbe-Odihr: “Jemi pothuajse në të njejtat situata, ndoshta akoma dhe të më keq, të sjelljes së forcave politike, në kuptimin edhe të plotësimit të rekomandimit të vëzhguesve të Osbe/Odihr që gjate procesit, në interesat e forcave politike të prevalojë interesi e votuesve dhe jo interesi partiak. Ndoshta do të duhej më shumë se sa kaq përpjekje, dhe në këto përpjekje, përvec se c’bën politika të përfshihet edhe elektorati e votuesi shqiptar, për të realizuar një proces që do të vlerësohet pozitivisht pastaj”.

  Pamundësia e realizimit të reformës zgjedhore është një tjetër mangësi e këtij procesi shpjegon zoti Kume. Pavarësisht se Kodi zgjedhor është një produkt i arrirë sipas tij, ai ka boshllëqe në pjesën për zgjedhjet vendore: “Eshtë hera e parë që ne zhvillojmënjë proces zgjedhor pa realizuar atë që quhet detyrim i klasës politike apo prlamentit për të bërë rregullimet e nevojshme në kodin zgjedhor. Zbatimi i për herë të parë i këtij produkti legjslativ tregoi se ka vend për tu rregulluar aspekte të ndryshme të tij e ndërkohë asgjë prej tyre nuk u bë, reforma e radhës nuk u realizuar. Natyrisht kjo është parathënie për një standart të munguar, të parealizuar”.

  Përvec incidenteve të ndryshme fushata është shoqëruar edhe me akuza të ngritura nga opozita për ndërhyrje të paregullata në lista, transferime votuesish apo përfshirje të tyre jashtë afatave ligjore. Madje opozita e cila ka bërë edhe denoncim në Prokurori është shprehur se nuk do të lejojë që kjo kategori personash të mund të votojë. “Nëse zgjedhësi është në listën e zgjedhësve duhet të lihet të votojë. Nuk është komisioni i qendres se votimit i cili mund të veprojë në funksion të faktit nëse është cilësisht në rregull kjo listë votuesish që i është vënë në dispozicion, sikundër komisioni i qendres se votimit është i detyruar të lejojë të votojë cdo zgjedhës që nuk ka emrin në listë por paraqitet me një vendim të gjykatës që i jep të drejtë të votojë në këtë qëndër votimi”.

  Komisioni qëndror i zgjedhjeve, institucioni kryesor që mban peshën më të madhe të procesit, është akuzuar gjithashtu ashpër nga opozita, përfaqësuesit e së cilës për disa muaj e bojkotuan atë. Sipas zotit Kume komisioni nuk ka arritur të shmangë trysninë politike: “Një institucion që ka pësuar goxha shumë si rezultat i presionit të madh politik që bëjën partitë ndaj tij dhe ajo cka nuk ka arritur që ky komision të realizoje është që nuk ka shmangur në maksimumet e nevojshme këtë presion politik”.

  Zoti Kume e vlerëson të sforcuar edhe vendimin për mbulimin mediatik të fushatës. Sipas tij Komisioni përmes bordit të monitorimit, ka për detyrë vetëm të llogarisë kohën për cdo subjekt dhe respektimin e saj: “Nuk është KQZ i cili të ketë detyrimin rrjedhur nga nenet e kodit për të ndarë kohën televizive dhe kjo është një përpjekje e sforcuar e KQZ për të zgjidhur problemet e lindura nga marëdhëniet mes subjekteve garuese nga njera ane dhe operatorëve televiziv nga krahu tjetër”

  Vendimi për mbulimin mediatik u cilësua si një vendim që shkon përtej Kodit edhe nga raporti i dytë i vëzhguesve të Osbe-Odihr i publikuar dje.

• 18:30

  Marrëveshje Kosovë - Shqipëri për kontrollet kufitare

  [Lajmi i Plote] Zeri Amerikes

  Shenja:  Ballkani  

  Shqipëria dhe Kosova nënshkruan sot një marrëveshje për kontrolle të përbashkëta në kufi me qëllim krijimin e lehtësirave më të mëdha të lëvizjes në të dy anët e kufirit

  Marrëveshja u nënshkrua në Tiranë nga ministrat e Brendshëm të të dy vendeve. Sipas ministrit shqiptar Bujar Nishani marrëveshja e sotme “është një hap i parë për të arritur shumë shpejt në një praktikë akoma më të lehtë, tha ai, atë të hyrje daljeve pa kontrolle në pikat e kalimit të kufirit, të ngjashme me atë që aplikohet vendet e zonës Shengen”.

  Nga ana e tij Ministri i Brendshëm i Kosovës Bajram Rexhepi tha se “marrëveshja lehtëson lëvizjen e qytetarëve duke ndihmuar në vecanti gjatë muajve të sezonit turistik që pothuajse ka nisur gjatë fundjavave”, theksoi ai.

  Të dy ministrat vlerësuan gjithashtu bashkëpunimi në fushat e luftës kundër krimit të organizuar, trafiqeve të paligjshme dhe kontrollit të kufijve.

• 17:02

  Në Sarandës hapet sezoni turistik veror

  [Lajmi i Plote] Zeri Amerikes

  Shenja:  Ballkani  

  

  Në qytetin e Sarandës u  hap sot sezoni turistik veror. Megjithëse vendi ndohet në një klimë elektorale zyrtarët vendorë shpresojnë të nxisin investimet. Kryemisntri Sali Berisha premtoi më shumë mbështetje për turizmin  në këtë qytet duke e vleresuar atë si destinacionin kryesor turistik të Shqipërisë.

• 16:45

  Kosovë: Ndryshimet kushtetuese

  [Lajmi i Plote] Zeri Amerikes

  Shenja:  Ballkani  

  

  Në Kosovë ka filluar puna për ndryshimin e Kushtetutës, e cila fillimisht kishte të bënte me zgjedhjen e presidentit. Por, autoritetet po kërkojnë rrugë për ndryshime që do të përfshijnë edhe dhënien fund të mbikëqyrjes ndërkombëtare ndaj pavarësisë së shtetit të ri.  Rolin e mbikëqyrësit është duke e kryer diplomati Pieter Faith, i cili deri sot, mbante edhe postin e përfaqësuesit të posaçëm të Bashkimit Evropian. Por, duke filluar që sonte, ky post mbetet bosh, meqë Bashkimi Evropian nuk ia ka zgjatur mandatin zotit Faith e as ka caktuar pasardhësin e tij.

• 16:23

  Maqedoni: Thirrje për fushatë të qetë

  [Lajmi i Plote] Zeri Amerikes

  Enclosure: [download]

  Shenja:  Ballkani  

  Opozita në Maqedoni po shprehet e shqetësuar nga mundësia e manipulimit me votat e diasporës për zgjedhjet e parakohëshme parlamentare të pesë qershorit. Fushata është shoqëruar me incidente në shtabet zgjedhore të partive maqedonase, ndërkohë që komuniteti ndërkombëtar ka bërë thirrje për një fushatë dhe proces të qetë e të drejtë zgjedhor.

• 10:29

  Romët serbë midis stereotipeve dhe realitetit

  [Lajmi i Plote] Deutsche Welle - shqip

  Shenja:  Ballkani  

  Një nga problemet me të cilin ballafaqohet pakica rome është edhe jeta pa dokumentat personale bazë. Kurse një nga problemet më të mëdha të rinisë rome në Serbi është ndërprerja e hershme e shkollimit.
• 29. 04. 2011
• 12:03

  Weichert: Zbatimi i ligjit vendimtar për zgjedhje të ndershme

  [Lajmi i Plote] Deutsche Welle - shqip

  Shenja:  Ballkani  

  Intervistë me Drejtorin e Fondacionit ”Friedrich Ebert” në Tiranë, Michael Weichert, në prag të zgjedhjeve lokale të 8 Majit
• 28. 04. 2011
• 12:06

  Dialogu Kosovë Serbi: Pritshmëri e pengesa në takimin e Majit

  [Lajmi i Plote] Deutsche Welle - shqip

  Shenja:  Ballkani  

  Takimi i radhës në dialogun Kosovë-Serbi pritet të sjellë dhe rezultatet e para. Pala kosovare thotë se me palën serbe do të arrihet marrëveshja kornizë për çështjen e energjetikës, telekomunikacionit e lëvizjes së lirë.
• 26. 04. 2011
• 14:13

  Lufta elektorale në Shqipëri dhe gjuha e komunikimit

  [Lajmi i Plote] Deutsche Welle - shqip

  Shenja:  Ballkani  

  Analistët: Komunikimi mes kandidatëve e qytetarëve në këtë fushatë është më praktik dhe më i moderuar. Por media inkriminohet duke u imponuar të transmetojë materiale të përgatitura nga vetë subjektet politike konkuruese
• 25. 04. 2011
• 13:36

  Të Gjelbërit ballkanas: Të mbyllen centralet bërthamore

  [Lajmi i Plote] Deutsche Welle - shqip

  Shenja:  Ballkani  

  Në sfondin e tragjedisë së Fukushimës, të Gjelbërit ballkanas formuan Aleancën Antinukleare Ballkanike dhe në një front të përbashkët u kërkojnë qeverive të vendeve të tyre të heqin dorë nga energjia bërthamore
• 11:57

  EULEX - Program të posaçëm për mbrojtjen e dëshmitarëve

  [Lajmi i Plote] Deutsche Welle - shqip

  Shenja:  Ballkani  

  Zyrtarë të EULEX-it kanë besim në progamin e tyre për mbrojtjen e dëshmitarëve dhe në kuadër të këtij programi kanë një njësi të posaçme. Edhe policia e Kosovës shumë shpejt do ta ketë njësinë e saj me rreth 100 pjestarë

• 24. 04. 2011
• 20:42

  Shqipëri: Mijëra besimtarë të krishterë kremtojnë sot festën e pashkëve

  [Lajmi i Plote] Zeri Amerikes

  Shenja:  Ballkani  

  

  Në Shqipëri mijëra besimtarë të krishterë kremtojnë sot festën e pashkëve një nga ngjarjet më të rëndësishme të këtij besimi. Këtë herë Pashkët u kremtuan në të njejtën ditë si për besimtarët katolikë ashtu dhe për ata ortodoksë
  
  Në Tiranë para pak mesnatës në katedralen “Gjon Pali” dhe në kishën ortodokse u mblodhën besimtarë të shumtë për të pritur ringjalljen e krishtit  e për të ndjekur meshat e shenjta të drejtuara nga imzot Rrok Mirëdita për katolikët, ndërsa besimtarët ortodoksë morën më pas zjarrin e ringjalljes nga kryepeshkopi i Tiranës, Durrësit dhe gjithë Shqipërisë Anastas Janullatos.

  Ritet fetare kane vijuar edhe gjatë ditës së sotme. Autoritetet më të larta të shtetit dhe politikës kanë bërë urimet e tyre për besimtarët e krishterë shqiptarë. Presidenti Bamir Topi dhe kryetarja e kuvendit Jozefina Topalli kanë vizituar dhe uruar krerët e kishës katolike dhe asaj ortodokse.

  Pashkët koinciduan me mesin e fushatës elektorale në Shqipëri. Drejtuesit e dy forcave kryesore politike, kreu i shumicës së djathtë dhe kryeministri Sali Berisha i ka uruar besimtarët nga qyteti i Korçës ndërsa kryetari socialist nga qyteti i Sarandës, ku mbrëmë mori pjesë në meshen e kishës ortodokse të qytetit.

• 20:39

  Elbasan: Program në radio i dy vajzave të verbëra

  [Lajmi i Plote] Zeri Amerikes

  Shenja:  Ballkani  

  

  Dy vajza të verbëra në qytetin e Elbasanit po  përgatisin një emision radifonik për t`u shërbyer personave me aftësi të kufizuar. Të nxitura nga familjet e tyre dhe një radio lokale në qytet, Bukurie Maloku dhe Edlira Çela thonë se po punojnë me pasion duke sfiduar vështirësitë.

• 20:32

  Ende problem rrugët e financimit të fushatave zgjedhore në Shqipëri

  [Lajmi i Plote] Zeri Amerikes

  Enclosure: [download]

  Shenja:  Ballkani  

  Në Shqipëri një nga problemet që lidhet me fushatat zgjedhore e që është ngritur vazhdimisht është ai që lidhet me fondet jo publike dhe kontributet financiare që marrin forcat politike. Kodi zgjedhor përcakton rregullat që duhet të respektojnë partitë dhe kandidatët në garë. Drejtori i Transparency International Albania Lutfi Dervishi, thotë se forcat politike duhet t’i përmbahen angazhimeve ligjore dhe të bëjnë transparencën, duke vënë në dukje faktin se deri tani është vënë re një diferencë mes asaj që duket e perceptohet dhe raporteve financiare që deklarojnë partitë pas fushatës.

• 20:06

  Pashkët në Kosovë me manifestimin kryesor në Katedralen Nënë Tereza

  [Lajmi i Plote] Zeri Amerikes

  Shenja:  Ballkani  

  Me thirrjet për paqe e tolerancë ndërmjet të gjitha komuniteteve edhe në Kosovë po kremtohen Pashkët, që simbolizojnë ringjalljen e Krishtit.

  Udhëheqës politikë e fetarë kanë përgëzuar qytetarët e krishterë duke vënë theksin në thelbin e kësaj kremteje që qëndron në vepra të mira, në paqe, harmoni, dashuri e në bashkëpunim ndërmjet njerëzve. Në manifestimin qendror me rastin e kësaj festeje me Meshën e Ringjalljes në Katedralen Nënë Tereza në Prishtinë, Ipeshkvi i Kosovës, Dodë Gjergji, tha se mesazhi i Pashkëve ka në thelb thirrjet për paqe, dashuri, pajtim, jetë të drejtë, të ndershme dhe të mirë. Ai porositi se përgjegjës për paqen dhe dashurinë në Kosovë duhet të jenë vetë qytetarët, por edhe udhëheqësit e Kosovës.  Ai ju drejtua zotit me lutje Zotit që ta bekojë, ta ruajë dhe ta mbushë me paqe e dashuri popullin e Kosovës.

  “Nëse i kthejmë sytë në të kaluarën, atëherë, e shohim qartë se populli ynë shqiptar, është populli më i vuajturi në ndër shekuj, i cili ka përjetuar padrejtësi të shumta dhe të shpeshta, ka përjetuar përbuzje e poshtërime, ka pirë gotën më të ithtë të mizorisë njerëzore në histori. Prandaj, me të drejtë sot, gjithë ato vuajtje, padrejtësi dhe mjerime ia paraqes Krishtit të kryqëzuar dhe i lutem atij që ta bekoj këtë popull dhe ta ruaj duke e mbushur me paqe dhe dashuri”, tha Ipeshkvi Dodë Gjergji.

  Pashkët paraqesin kremten më të madhe të kalendarit liturgjik të të krishterëve që shënojnë ringjalljen Krishtit sipas Besëlidhjes së Re, kishte ndodhur tri ditë pas kryqëzimit të tij.

  Liturgji janë mbajtur edhe në kishën ortodokse të Kosovës. Peshkopi serb Teodosije tha pas liturgjisë në kishën e Shën Gjergjit në Prizren se është i lumtur që ishte në gjendje të bënte një gjë të tillë për herë të parë pas vitit 1999. Sipas tij, kremtimet në Prizren shtojnë shpresën për kthimin e personave të zhvendosur nga Kosova.

  Kësaj radhe, si rrallëherë, Pashkët kremtohen në të njëjtën ditë, edhe nga besimtarët katolikë, edhe ata ortodoksë.

• 20:01

  Edhe ne Shkoder besimtaret katolike festuan diten e Pashkeve

  [Lajmi i Plote] Zeri Amerikes

  Shenja:  Ballkani  

  

  Edhe ne Shkoder, besimtaret katolike festuan sot diten e Pashkeve. Ne meshen e shenjte te mbajtur paradite ne Katedralen katolike te qytetit, Arqipeshkvi i Shkoder - Pultit, imzot Engjell Masafra, se bashku me urimin drejtuar besimtareve, u beri thirrje qe te mbeshtesin njerezit ne nevoje dhe te largohen  nga rruga e hakmarrjes dhe gjakmarrjes.

• 23. 04. 2011
• 20:37

  Elbasan: Mediat lokale po pasqyrojnë gjerësisht fushatën e zgjedhjeve vendore

  [Lajmi i Plote] Zeri Amerikes

  Shenja:  Ballkani  

  

  Në fushatën për zgjedhjet vendore në Shqipëri një rol të veçantë po luajnë mjetet lokale të informimit. Në Elbasan  televizionet  lokale po pasqyrojnë gjerësisht fushatën e kantidatëve duke bërë përpjekje për të qenë të ekuilibruar. Fushata deri tani nuk ka njohur debate mediatike lokale të kantidatëve,  megjithë pëpjekjet e gazetarëve.

• 18:13

  Krasniqi: Diversiteti kulturor në Kosovë në funksion të tolerancës dhe bashkimit

  [Lajmi i Plote] Zeri Amerikes

  Shenja:  Ballkani  

  

  Ministri i Kulturës në qeverinë e Kosovës, Memli Krasniqi, tha në një intervistë për Zërin e Amerikës se çështja e trashëgimisë kulturore do të jetë pjesë e bisedimeve teknike që po zhvillohen ndërmjet Kosovës dhe Serbisë. Ai beson se këto bisedime do të mundësojnë kthimin e mbi një mijë artefakteve arkeologjike e etnologjike që ishin marrë nga forcat serbe gjatë luftës së Kosovës. Në intervistën dhënë korrespondentit tonë në Prishtinë Besim Abazi, ministri Krasniqi tha se Kosova ka një trashëgimi të pasur dhe të llojllojshme që duhet të jetë në funksion të tolerancës dhe bashkimit të qytetarëve të shtetit të ri.

  Zëri i Amerikës: Zoti Ministër, ju drejtoni një ministri e cila është bërë e njohur edhe për buxhetin e vogël kundruall gamës së gjerë të çështjeve me të cilat merret ajo. A është njësoj situata në këtë resor?

  Memli Krasniqi: Realisht, është e vërtetë që dikasteret që mbulojnë kulturën, jo vetëm në Kosovës, por edhe në gjithë rajonin, nuk kanë ndonjë buxhet për t’u respektuar. Ne vazhdojmë të kemi një buxhet që përkon, përafërsisht me një për qind të buxhetit të përgjithshëm të Republikës së Kosovës. Këtë vit kemi një ngritje, që është për t’u përshëndetur, por ende është larg prej mbulimit të të gjitha nevojave dhe kërkesave legjitime. Ne kemi një buxhet prej 13 milion e 100 mijë eurosh, por një buxhet i tillë, nuk mjafton për të mbuluar të gjitha kërkesat në fushën e kulturës, sportit, trashëgimisë kulturore e kështu me radhë. Sepse, ne kemi një portofol mjaft të gjerë si ministri, që mbulojmë disa fusha dhe në të gjitha këto ka mjaft kërkesa dhe ka mjaft sfida.

  Zëri i Amerikës: Ndër çështjet më të diskutueshme është ajo e trashëgimisë kulturore. Çfarë është gjendja e kësaj trashëgimie aktualisht në Kosovë?

  Memli Krasniqi: Realisht, çështja e trashëgimisë kulturore është një çështje jashtëzakonisht e rëndësishme. Ne si ministri e kemi prioritizuar mjaft. Tashmë ekziston edhe një departament për trashëgiminë kulturore brenda ministrisë, i cili i koordinon të gjitha aktivitetet dhe angazhimet tona në këtë fushë. Trashëgimia kulturore e Kosovës është padyshim shumë e pasur. Është ndër begatitë më të mëdha që i kemi si vend. Por, po ashtu është ndër fushat ku ne kemi nevojë të jashtëzakonshme për investime, sepse për t’u kujdesur në mënyrë adekuate dhe më të denjë për këtë trashëgimi jashtëzakonisht të pasur, padyshim se duhet të ketë investime dhe fonde më të mëdha të cilat do të ndihmonin në konservimin e kësaj trashëgimie, në restaurimin e saj, në gërmime të reja arkeologjike, meqenëse ne e dimë se në territorin e Kosovës ka shtresa të civilizimeve për mijëra vite. Dëshmitë e saj ekzistojnë, por padyshim edhe trashëgimia materiale e cila gjendet në Kosovë, është në një gjendje jo fort të mirë në disa raste dhe ekziston një nevojë imediate për të përmirësuar qasjen ndaj saj.

  Zëri i Amerikës: Thatë se duhen shumë investime që nuk mund të mbulohen me 13 milionët e ministrisë suaj. A keni mbështetje nga mekanizma ndërkombëtarë përfshirë edhe UNESCO-n e cila për arsye politike nuk duket shumë e përfshirë në Kosovë?

  Memli Krasniqi: Në vitet e pasluftës ka pasur një angazhim edhe nga komuniteti i donatorëve dhe nga partnerët tanë ndërkombëtarë në fushën e trashëgimisë kulturore dhe janë bërë investime të ndjeshme. Ajo që ka munguar, ka qenë një bashkërendim adekuat i punëve, ku institucionet e Kosovës do të ishin në udhëheqje, do të kishin timonin në këtë proces. Ajo që unë jam duke punuar që të arrihet, është që ta bëjmë pikërisht këtë dhe kemi bërë hapa pozitiv, veçanërisht për çështje të caktuara. Ta zëmë, në këta dy muajt e fundit kemi arritur që të krijojmë një grup punues që do të merret konkretisht me çështjen e zonës historike të Novo Bërdës, që është nja pasuri jashtëzakonisht e madhe në trashëgiminë tonë kulturore dhe që ka nevojë që të bëhet një udhëzues se si t’i qasemi deri në restaurimin e plotë të kësaj zone. Po ashtu, kemi pasur një aktivitet të rëndësishëm që ndërlidhet me aktivitetet që do të ndërmerren sa u përket zonave historike urbane, siç është rasti i zonës historike të Prizrenit dhe zonave të tjera. Po ashtu, jemi në përfundim e sipër të një dokumenti jashtëzakonisht të rëndësishëm që ka të bëjë me një qasje moderne sa i përket trashëgimisë, e që është konservimi i integruar. Është e vërtetë që ka donacione të ndjeshme që duhet vlerësuar e të cilat është e udhës që t’i koordinojmë. Edhe UNESCO-ja, që ju e përmendët,  ka pasur një involvim në Kosovë. Për arsye politike, meqë ne nuk jemi ende anëtar i OKB-së si shtet, ata kanë pasur disa pamundësi të një bashkërendimi më të mirë. Por, unë jam takuar me zyrtarë të UNESCO-së, besoj që ka qenë takimi i parë i qeverisë së Kosovës dhe udhëheqësve të UNESCO-s për rajonin, dhe i kam shtruar këto shqetësime dhe kam kërkuar një koordinim më të mirë, duke i marrë parasysh edhe ndjeshmëritë politike.

  Zëri i Amërikës: Kur jemi tek ndjeshmëria politike, edhe më tej ka shumë diskutime për trashëgiminë kulturore e fetare, ne veçanti për tempujt e ritit ortodoks, një pjesë e të cilëve dolën të dëmtuar pas trazirave të marsit të vitit 2004. A është përmbyllur ende rindërtimi  i tyre?

  Memli Krasniqi: Realisht, po. Pas trazirave fatkeqe të marsit 2004, ju e dini që ka qenë një proces i rindërtimit dhe është krijuar një komision për implementimin e rindërtimit, siç quhej, në të cilin kanë marrë pjesë institucionet e Kosovës, përfaqësuesit e kishës ortodokse serbe dhe është udhëhequr nga përfaqësuesit e Këshillit të Evropës. Tanimë mund të thuhet se puna e tyre ka përfunduar dhe fondet e alokuara janë harxhuar në këtë drejtim. Janë bërë restaurimet e nevojshme, janë bërë pranim-dorëzimet dhe tani jemi në një moment para përfundimit formal të punës së këtij komisioni.

  Zëri i Amerikës: Zoti Ministër, Kosova aktualisht ndodhet në një proces bisedimesh me Serbinë për çështjet praktike të interesit të ndërsjellë. A është trashëgimia kulturore pjesë e këtyre bisedimeve?

  Memli Krasniqi: Absolutisht po, është një nga çështjet që, ne besojmë, do të trajtohet në një nga raundet e ardhshme. Çështja e trashëgimisë kulturore ka qenë realisht edhe një temë e cila është diskutuar gjatë në kohën e procesit të Vjenës kur bisedohej për statusin e Kosovës dhe ka një aneks në pakon e (Martti) Ahtisaarit, që është aneksi pesë, i cili e trajton në mënyrë shumë sistematike çështjen e trashëgimisë, konkretisht të trashëgimisë serbe apo ortodokse, siç jemi mësuar ta quajmë, meqë, në fakt, nuk është nja qasje e duhur, meqenëse trashëgimia si e tillë, është trashëgimi e Kosovës dhe gjithë qytetarëve të Kosovës, pa dallime. Tani ne besojmë se duhet të iniciohet si çështje trashëgimia, meqë, po e zëmë vetëm një shembull, në janar të vitit 1999, në mënyrë krejt të padrejtë, autoritetet e Serbisë kanë marrë nga Muzeu i Kosovës, 1 mijë e 248 artefakte arkeologjike dhe etnologjike, të cilat ende janë në Serbi dhe vetëm një prej tyre, e famshmja “Hyjnesha në fron” është kthyer, ndërsa 1mijë 247 ende mbesin padrejtësisht në duart e autoriteteve në Serbi. Ne kemi kërkuar me ngulm kthimin e tyre por deri tash ka munguar vullneti nga pala serbe e cila i ka në posedim.

  Zëri i Amerikës: A ka pasur përgjigje ndonjëherë prej tyre?

  Memli Krasniqi: Absolutisht, kurrë s’ka pasur një përgjigje të plotë.  Ka pasur para disa vitesh momente shprese, ose momente kur është thënë “do të shohim”, apo “do të bëhet”, por që realisht nuk ka pasur asnjëherë vullnet dhe duke pasur parasysh faktin se ata i kanë pasur në posedim dhe i kanë ende edhe pse në mënyrë të padrejtë, realisht mungesa e vullnetit ka qenë edhe determinuese që ky proces të mos ndodhë. Ne kemi besim se kjo do të mund të ndryshojë tani me procesin e dialogut teknik. Jemi absolutisht të interesuar që sa më parë t’i kthejmë këto artefakte që i takojnë Kosovës dhe qytetarëve të saj dhe që janë një dëshmi për historinë tonë të pasur.

  Zëri i Amerikës: Po i kthehemi sërish çështjes së identifikimit të trashëgimisë kulturore e fetare me një komunitet të caktuar. Si mendoni ta tejkaloni këtë?

  Memli Krasniqi: Çështjet që ndërlidhen me pjesën kushtimisht politike dhe që përfshihen në pakon e Ahtisaarit, janë çështje të cilat janë edhe pjesë e Kushtetutës së Republikës së Kosovës. Janë çështje që janë pranuar nga të gjitha forcat politike, por edhe nga qytetarët e Kosovës dhe realisht janë çështje që nuk cenojnë në asnjë mënyrë aspektin politik – kushtetuese të vendit tonë, por që janë bërë në një moment të caktuar më shumë ndoshta edhe si garanci për ruajtjen e trashëgimisë së komunitetit të caktuar etnik apo religjioz në Kosovë, në këtë rast të komunitetit serb dhe atij ortodoks. Çështja është se në kuptimin, po e quaj, konceptual dhe si qasje, trashëgimia kulturore, pa marrë parasysh se a lidhet me një civilizim të caktuar, me një religjion, me një komunitet etnik apo tjetër, në kuptimin e përgjithshëm është një trashëgimi që i takon kësaj hapësire, këtij territori, këtij komuniteti, në kuptimin e përgjithshëm, si Republikë e Kosovës. Pastaj, normalisht se komunitetet e caktuar e kanë krejt të drejtë legjitime për t’u thirrur, të themi në afërsinë e tyre me një pjesë të trashëgimisë së caktuar siç mund të jetë ose përkatësia fetare, apo përkatësia etnike. Por, ajo që ne duam ta theksojmë, është se ne duhet ta shohim këtë diversitet si diçka që do të shërbejë për tolerancë e për bashkim e jo për ndarjen. Fatkeqësisht në të kaluarën, diversiteti kulturor i Kosovës ka shërbyer për thellimin e ndasive ndërmjet njerëzve që kanë shkaktuar probleme edhe më të mëdha që i dimë të gjithë. Ideja dhe koncepti ynë është që këtë diversitet ta kultivojmë, ta ndihmojmë dhe ta ruajmë, por gjithmonë në funksion të ngritjes së tolerancës, të njohjes dhe të bashkimit përbrenda një identiteti të përgjithshëm shtetëror që është Republika e Kosovës.

• 18:06

  Zgjedhjet e parakohëshme në Maqedoni, partitë politike në prag të fushatës

  [Lajmi i Plote] Zeri Amerikes

  Shenja:  Ballkani  

  

  Partitë politike në Maqedoni po hynë në fushatën e zgjedhjeve të parakohëshme të pesë qershorit, megjithëse ajo hapet zyrtarisht pas tri javësh. Tre nga drejtuesit e partive shqiptare pritet të dalin në krye të listave në njësinë zgjedhore numër gjashtë. Ndërkohë, midis partive shqiptare ekziston shqetësimi se me heqjen e një komune nga njësia e gjashtë dhe bashkimin e saj me njësinë zgjedhore numër pesë, shqiptarët mund të humbasin një deputet.

• 15:14

  Për Bashkinë e Koplikut garojnë Nazmi Hasani i PS dhe Ramadan Lika i PD

  [Lajmi i Plote] Zeri Amerikes

  Shenja:  Ballkani  

  

  Bashkia e Koplikut është qendra e rrethit të Malësisë së Madhe. Në këtë Bashki, për zgjedhjet vendore të 8 Majit, konkurojnë Nazmi Hasani i Partisë Socialiste dhe Aleancës për të Ardhmen dhe Ramadan Lika i Partisë Demokratike dhe Aleancës për Qytetarin, i cili është edhe kryetari i gjertanishëm i kësaj bashkie. Të dy kandidatët i kanë mbështetur platformat e tyre elektorale kryesisht në përmirësimin e infrastrukturës urbane si dhe në nxitjen e punësimit.

• 14:20

  Ujdi jo e mirë për drejtësinë serbe: Dënohet ylli serb i muzikës "Ceca"

  [Lajmi i Plote] Deutsche Welle - shqip

  Shenja:  Ballkani  

  Svetlana "Ceca" Razhnjatoviq ka arritur një ujdi me Prokurorinë e Serbisë. Ajo do të paguajë një milionë euro dhe do të kalojë tetë muajt e ardhshëm në burg shtëpiak. Ujdia është e butë, sipas analistëve.
• 12:11

  Përfundon trajnimi i posaçëm i policisë shqiptare për zgjedhjet lokale

  [Lajmi i Plote] Deutsche Welle - shqip

  Shenja:  Ballkani  

  Misioni i asistencës ndërkombëtare për policinë e shtetit dhe përfaqësia e OSBE-së në Tiranë do të monitorojnë angazhimin e policisë për procesin zgjedhor të 8 Majit.
• 11:29

  Serbia publikon emrat e të rënëve në luftëra

  [Lajmi i Plote] Deutsche Welle - shqip

  Shenja:  Ballkani  

  Në Beograd, u prezantua një listë me emrat e qytetarëve të Serbisë dhe Malit të Zi, të cilët janë zhdukur ose janë vrarë në konfliktet e armatosura në Bosnje-Hercegovinë, Slloveni dhe Kroaci.
• 10:46

  Pirateria lulëzon - Si mund të mbrohet në Shqipëri e drejta e autorit

  [Lajmi i Plote] Deutsche Welle - shqip

  Shenja:  Ballkani  

  23 Prilli është Dita Ndërkombëtare e së Drejtës së Autorit. Në Shqipëri mbrojtja e të drejtës së autorit ende mbetet një çështje e pazgjidhur. Një ligj i ri pritet të ndryshojë situatën.
• 22. 04. 2011
• 13:35

  Hapet rruga për ndryshime kushtetuese në Kosovë

  [Lajmi i Plote] Deutsche Welle - shqip

  Shenja:  Ballkani  

  Parlamenti i Kosovës i dha dritën jeshile dy komisioneve parlamentare për nisjen e punës për amandamentimin e Kushtetutës së Kosovës dhe ndryshimit të ligjit të zgjedhjeve.
• 21. 04. 2011
• 14:56

  Punë nën tensionin politik - Përgatitja e infrastrukturës së zgjedhjeve në Shqipëri nga KQZ

  [Lajmi i Plote] Deutsche Welle - shqip

  Shenja:  Ballkani  

  Gati dy javë kanë mbetur nga zhvillimi i zgjedhjeve lokale në Shqipëri, po bëhen përgatitjet e fundit për ngritjen e të gjithë infrastrukturës së duhur. Cilat janë detyrat e fundit për Komisionin Qendror të Zgjedhjeve?
• 13:38

  "Pa rroga një vit!" - Keqpërdorimi i gazetarëve në Ballkan

  [Lajmi i Plote] Deutsche Welle - shqip

  Shenja:  Ballkani  

  Me përkrahje të fondacionit Friedrich Ebert, Lidhja e Sindikatave të Gazetarëve në Maqedoni ka organizuar një tryezë të rrumbullakët në Shkup, ku është diskutuar për një organizim më cilësor të sindikatave të gazetarëve.
• 20. 04. 2011
• 13:10

  Lavrov: Rusia do të mbetet kryesuese në investimet në Mal të Zi

  [Lajmi i Plote] Deutsche Welle - shqip

  Shenja:  Ballkani  

  Shefi i diplomacisë ruse, Sergej Lavrov, në kuadër të turit ballkanik vizitoi Podgoricën, ku u takua me zyrtarët më të lartë shtetërorë. Në takim u vlerësuan lart marrëdhëniet tradicionale midis dy vendeve.
• 11:16

  Në zgjedhjet e 8 majit: Përfaqësim i minoritetit në dy forca politike

  [Lajmi i Plote] Deutsche Welle - shqip

  Shenja:  Ballkani  

  PBDNj është rreshtuar me opozitën në “Aleancën për qytetarin”, ndërkohë që partia e re Mega është rreshtuar në “Koalicionin për të ardhmen” të maxhorancës qeverisëse.
• 19. 04. 2011
• 17:49

  Serbia: Mirënjohje afrikanëve për mosnjohjen e Kosovës

  [Lajmi i Plote] Deutsche Welle - shqip

  Shenja:  Ballkani  

  Një shkarje në fjalorin politik nga një politikan në parlamentin e Serbisë sjell tensione me disa shtete afrikane. Kërkimi i faljes u bë me vështirësi. Piramida e Tiranës, përmendore e totalitarizmit. Vështrim nga shtypi
• 16:12

  Serbia: Mirënjohje afrikanëve për mosnjohjen e Kosovës

  [Lajmi i Plote] Deutsche Welle - shqip

  Shenja:  Ballkani  

  Një shkarje në fjalorin politik nga një politikan në parlamentin e Serbisë sjell tensione me disa shtete afrikane. Kërkimi i faljes u bë me vështirësi. Piramida e Tiranës, përmendore e totalitarizmit. Vështrim nga shtypi
• 13:59

  Rusia: mbështetje Serbisë në hetimet për trafikimin e organeve në Kosovë

  [Lajmi i Plote] Deutsche Welle - shqip

  Shenja:  Ballkani  

  Shefi i diplomacisë ruse Lavrov po qëndron në Beograd. Ai do të vizitojë disa vende të Ballkanit.
• 11:59

  Kosovë: Ndërkombëtarëve u vështirësohet komunikimi me veriun

  [Lajmi i Plote] Deutsche Welle - shqip

  Shenja:  Ballkani  

  Përfaqësuesit e serbëve thonë se prania ndërkombëtare po tenton që në veri të fuqizojë institucionet e Kosovës. Ndërkombëtaret thonë se do të vazhdojnë integrimin e serbëve në shoqërinë dhe institucionet kosovare.
• 18. 04. 2011
• 13:23

  Stonestreet: "Çelësi për ndryshimin e situatës qëndron në zbatimin e ligjit.."

  [Lajmi i Plote] Deutsche Welle - shqip

  Shenja:  Ballkani  

  Misioni i vëzhguesve ndërkombëtarë të OSBE/ODIHR-it në raportin e tij të parë paraprak për procesin zgjedhor konstaton tensione politike dhe sulme të ashpra personale gjatë fushatës së deritanishme elektorale.
• 12:47

  Opozita kërkon monitorim të përforcuar ndërkombëtar të zgjedhjeve

  [Lajmi i Plote] Deutsche Welle - shqip

  Shenja:  Ballkani  

  Shkuarja në zgjedhje të parakohshme pa arritjen e një konsensusi për ndryshimin e kodit zgjedhor lë hapësirë për manipulime të shumta, vlerëson opozita.

• 17. 04. 2011
• 20:36

  Kisha e Shën Gjergjit fiton çmimin “Europa Nostra” për restaurimin më të mirë të 2011s

  [Lajmi i Plote] Zeri Amerikes

  Shenja:  Ballkani  

  

  Fondacioni Pan Europian i ka dhënë çmimin e restaurimit më të mirë Kishes shqiptare të Shën Gjergjit, në afërsi të Korçës. Kjo është hera e parë që Shqipëria merr pjesë dhe fiton çmim në një konkurs europian të përmasave të mëdha. Korrespondenti i Zërit të Amerikës, Ilirian Agolli, bisedoi me autorin e këtij restaurimi, arkitektin Kliti Kallamata, dhe përgatiti materialin.

• 19:36

  Kisha e Shën Gjergjit fiton çmimin Europa Nostra për restaurimin më të mirë të 2011s

  [Lajmi i Plote] Zeri Amerikes

  Shenja:  Ballkani  

  

  Fondacioni Pan Europian i ka dhene cmimin e restaurimit me te mire kishes shqiptare te Shen Gjergjit, ne afersi te Korces. Kjo eshte hera e pare qe Shqiperia merr pjese dhe fiton cmim ne nje konkurs europian te permasave te medha. Korrespondenti i Zërit të Amerikës, Ilirian Agolli, bisedoi me autorin e ketij restaurimi, arkitektin Kliti Kallamata.

• 19:23

  Dy politikanë të njohur konkurojnë për postin e Kryetarit të Bashkisë së Sarandës

  [Lajmi i Plote] Zeri Amerikes

  Shenja:  Ballkani  

  

  Dy politikanë të njohur konkurojnë për postin e Kryetarit të Bashkisë së Sarandës. Edmond Gjoka përfaqëson koalicionin e djathtë ndërsa Stefan Cipa koalicionin e majtë. Fushata po përqendrohet veçanërisht tek e ardhmja turistike e qytetit.

• 10:09

  Dhjetëra mijëra vetë kërkojnë zgjedhje të reja në Serbi

  [Lajmi i Plote] Deutsche Welle - shqip

  Shenja:  Ballkani  

  Pakënaqësia e serbëve me qeverinë e tyre po shtohet. Dhjetëra mijëra vetë dolën për këtë arsye sërish në rrugë. Ata e akuzojnë qeverinë për korrupsion. Ekonomia është e dobët, papunësia në rritje.

• 16. 04. 2011
• 19:44

  Kosovë: Bisedimet Kosovë - Serbi ende pa rezultate

  [Lajmi i Plote] Zeri Amerikes

  Shenja:  Ballkani  

  

  Përfaqësuesit e Prishtinës dhe të Beogradit dhe ndërmjetësuesit e bisedimeve nga Bashkimi Evropian, janë marrë vesh vetëm për një gjë në raundin e tretë të tyre: që takimi i radhës të mbahet në mesin e muajit maj.

  Mbrëmë në Bruksel ka përfunduar edhe takimi i tretë i radhës në kuadër të bisedimeve ndërmjet Kosovës dhe Serbisë, por ndonëse ishte paralajmëruar mundësia e arritjes së ndonjë marrëveshje konkrete, posaçërisht për regjistrat civil. Asnjë rezultat nuk është shënuar në këtë fushë, pavarësisht se zyrtarë të Bashkimit Evropian kanë konstatuar përparim në debatet rreth kësaj çështjeje.

  Në një njoftim të zyrës së ndërmjetësuesit Robert Cooper, zyrtar në zyrën e përfaqësueses së lartë të Bashkimit Evropian Catherine Ashton, thuhet se tema kryesore të takimit të mbrëmshëm, kishin të bënin me lirinë e lëvizjes, energjetikën dhe telekomunikacionin. Në bisedime janë hedhur edhe çështje që kanë të bëjnë me diplomat universitare, targave të makinave dhe patentë-shoferëve.

  Të dyja palët thonë se do të vazhdojnë debatet duke zgjeruar edhe gamën e çështjeve që do të diskutohen, ndonëse pritjet i kanë të ndryshme. Beogradi synon që nëpërmjet bisedimeve të sigurojë statusin e vendit kandidat për integrim në Bashkimin Evropian, pa e njohur pavarësinë e Kosovës.

  Autoritetet në Prishtinë besojnë se në fund të këtyre bisedimeve mund të ndodhë edhe njohja e ndërsjellë e Kosovës me Serbinë dhe afrimi i të dyja palëve me strukturat euroatlantike. Opozita në Prishtinë e cila kundërshton bisedimet shfaq drojën se ato nuk do t’i sjellin rezultate Kosovës., madje mund të pengojnë procesin e shtimit të njohjeve për pavarësinë e cila deri tash është pranuar nga 75 vende të botës.

  Vëzhguesit e pavarur ndërkaq thonë se mungesa e rezultateve pasqyron mungesën e një strategjie të qartë për këto bisedime. Sipas tyre vazhdimi i bisedimeve pa rezultate do të duhej të çonte në rishqyrtimin e pozicioneve të të dyja palëve.

  E ndërkaq, diplomatë të Bashkimit Evropian në Kosovë u kanë bërë thirrje të dyja palëve që të angazhohen më shumë për zgjidhjen e problemeve praktike në interes të të dyja palëve, por kanë nënvizuar se bisedimet nuk kanë të bëjnë me integrimet evropiane, të cilat parashohin përmbushjen e shumë kritereve që nuk janë pjesë e bisedimeve dypalëshe.

• 19:42

  Shkodër: Ekspozitë që synon të nxisë riciklimin e mbeturinave

  [Lajmi i Plote] Zeri Amerikes

  Shenja:  Ballkani  

  

  Në qytetin e Shkodrës është hapur këto ditë një ekspozitë e veçantë e titulluar  "Art nga riciklimi", një përpjekje kjo e Qendrës së gruas "Hapat e lehtë" për të nxitur qytetarët dhe vetë pushtetin vendor mbi rendësinë e  mbledhjes së diferencuar të mbeturinave dhe riciklimin e tyre. Prej afër një viti, Bashkia e Shkodrës po zbaton një program të ri për grumbullimin e diferencuar të mbeturinave por, megjithë përpjekjet, ende nuk është mundësuar riciklimi i tyre.

• 19:40

  Libri "Faik Konica: Jeta në Uashington" promovohet në Tiranë

  [Lajmi i Plote] Zeri Amerikes

  Shenja:  Ballkani  

  

  Shtëpia botuese “Onufri” publikoi mbrëmë botimin më të ri “Faik Konica – Jeta në Uashington”. Studimi i autorit Ilir Ikonomi përfshin dekadat e jetës në SHBA si ambasador i Shqipërisë të diplomatit dhe filozofit të njohur Faik Konica.

  Dhjetëra studiues, historianë, studentë e botues morën pjesë në ceremoninë e shtëpisë botuese “Onufri” për librin që hedh dritë mbi jetën diplomatike dhe veprimtarinë patriotike të njërit prej figurave më të njohura dhe më pak të njohura të historisë të Shqipërisë.

  Autori Ilir Ikonomi, gazetar në VOA punoi  për shumë vjet në arkivat e Uashingtonit, Londrës, Vienës, Tiranës dhe bëri mjaft kërkime në terren për të zbuluar personalitetin e vërtetë të Faik Konicës, ndihmesën e tij në shtetformimin dhe diplomacinë Shqipëtare.

  Studimi përmban një sasi të madhe informacioni për Faik Konicën, që nga shtëpia e tij në Konicë e deri në një mori volumesh dokumentare nga shtypi amerikan dhe nga materialet diplomatike arkivore.

  Disa pjesëmarrës në ceremoni pohuan se e shohin këtë libër si një përpjekje për te rikthyer në atdhe personalitetin që sakrifikoi për Shqipërinë dhe një sfidë ndaj historianëve të regjimit komunist.

  Autori publikon në detaje punën e diplomatit të shquar shqiptar në Uashington, në një nga kryeqytetet më të rëndësishme të kohës për të shpëtuar nga zjarri I luftrave botërore e rajonale, vende të pambrojtura dhe paqësore si Shqiperia.

  Libri ka pastruar nga harresa dhe tabutë e komunizmit figura të tjera bashkëkohës të Konicës si Fan Noli dhe përfaqësues të njohur të emigracionit shqiptar, si dhe të mbretit të Shqipërisë Ahmet Zogut.

  Censura e diktaturës komuniste ndaloi me dhunë botimet e Faik Konicës dhe për gjysëm shekulli I shtyu historiografët e regjimit të shpifnin e të shtrembëronin të dhënat për të dhe për monarkinë e Shqipërisë.

• 14:50

  Tronditje në Kroaci - Pas dënimit të gjeneralit Ante Gotovina

  [Lajmi i Plote] Deutsche Welle - shqip

  Shenja:  Ballkani  

  Gjykata e OKB-së për ish-Jugosllavinë e dënoi me 24 vjet burg ish-gjeneralin kroat Ante Gotovina. Shqiptimi i dënimeve u transmetua live në Kroaci dhe shkaktoi tronditje dhe indinjatë.
• 15. 04. 2011
• 14:20

  Regjistrimi i popullsisë në Kosovë - serbët refuzojnë

  [Lajmi i Plote] Deutsche Welle - shqip

  Shenja:  Ballkani  

  Në Kosovë do të vazhdojë regjistrimi i popullsisë edhe disa ditë. Serbët e veriut të Kosovës nuk janë regjistruar. Përfaqësuesit e tyre thonë se ata do të regjistrohen vetëm nga institucionet e Serbisë.
• 13:21

  Interesim i madh - Opinioni kroat mbi procesin kundër gjeneralëve

  [Lajmi i Plote] Deutsche Welle - shqip

  Shenja:  Ballkani  

  Tribunali i Hagës dënoi të premten (15.04) gjeneralin kroat Ante Gotovina për krime kundër serbëve me 24 vjet heqje lirie. Në procesin për aksionin Oluja" (Shtrëngata) u dënua edhe Mladen Markaç me 18 vjet burg.
• 13:02

  Statistika dhe politikë - merr fund regjistrimi i popullsisë në Mal të Zi

  [Lajmi i Plote] Deutsche Welle - shqip

  Shenja:  Ballkani  

  Në Mal të Zi përfundoi regjistrimi i popullsisë. Të dhënat rreth përkatësisë kombëtare, fesë e gjuhës do të publikohen më 15 korrik. Regjistrimi i parë në shtetin e pavarur u politizua nga subjekte të ndryshme politike.
• 11:47

  Hapet rruga e zgjedhjeve të parakohshme - Shpërbëhet parlamenti i Maqedonisë

  [Lajmi i Plote] Deutsche Welle - shqip

  Shenja:  Ballkani  

  Sipas marrëveshjes së arritur paraprakisht midis liderëve të katër partive më të mëdha parlamentare, zgjedhjet e parakohshme parlamentare në Maqedoni do të mbahen më 5 qershor të këtij viti.
• 14. 04. 2011
• 18:31

  Ndryshime në qeveri?

  [Lajmi i Plote] Deutsche Welle - shqip

  Shenja:  Ballkani  

  Përfaqësues të partive politike, pjesë e koalicionit qeverisës në Kosovë, thonë se deri në fund të javës do të përmbyllet procesi i ndryshimeve brenda qeverisë së Kosovës.
• 15:31

  Cilat janë arsyet që në Shqipëri ka një nivel kaq të ulët të aksesit të gruas në politikë?

  [Lajmi i Plote] Deutsche Welle - shqip

  Shenja:  Ballkani  

  Kodi elektoral i Shqipërisë parashikon që një ndër tre kandidatë për t’u zgjedhur në parlament, apo në organet e pushtetit vendor duhet të jetë grua. Por ky ligj ka mbetur në letër.
• 13. 04. 2011
• 14:11

  Listat zgjedhore në Shqipëri garanci për ushtrimin e të drejtës së votës

  [Lajmi i Plote] Deutsche Welle - shqip

  Shenja:  Ballkani  

  Asistenca ndaj Shqipërisë e BE dhe OSBE-së konsiderohet nga autoritet e Tiranës garanci për cilësi të lartë të listave përfundimtare të zgjedhësve për zgjedhjet lokale të 8 majit.
• 12. 04. 2011
• 14:31

  "Mungon vullneti për mirëkuptim reciprok"- Shqipëria para zgjedhjeve

  [Lajmi i Plote] Deutsche Welle - shqip

  Shenja:  Ballkani  

  Intervista eskluzive me Ambasadoren gjermane në Shqipëri, Carola Müller-Holtkemper
• 12:32

  Zgjedhjet dhe rinia në Shqipëri

  [Lajmi i Plote] Deutsche Welle - shqip

  Shenja:  Ballkani  

  Në këto ditë të para të fushatës elektorale që po zhvillohet në Shqipëri pjesa më e madhe e angazhimeve të kandidatëve për kryetarë bashkie dhe komune ka të bëjë me të rinjtë.

• 11. 04. 2011
• 19:32

  Shqipëri: Zyrtarë të lartë të rendit akuzojnë njeri tjetrin

  [Lajmi i Plote] Zeri Amerikes

  Shenja:  Ballkani  

  

  Në Shqipëri incidentet e së dielës në afërsi të Tiranës mes mbështetësve demokratë dhe atyre socialistë kanë provokuar përplasje mes policisë dhe drejtuesve të ministrisë së Brendshme. Komandanti i forcave speciale Shemsi Premci ka denoncuar sot në Prokurori zëvendës ministrin e brendshëm Avenir Peka se i ka kërkuar të ndërhyjë në kundërshtim me ligjin duke e kërcënuar dhe ofenduar.

  Ndërkohë Ministria e Brendshme njoftoi sot se zv.ministri Avenir Peka akuzoi në prokurori për shpifje komandantin e forcave speciale Shemsi Premçi. Në një njoftim për shtypin Ministria e Brendshme thekson se ajo nuk do të lejojë keqpërdorimin e Policisë së Shtetit dhe u bën thirrje forcave politike të qëndrojnë larg përpjekjes për të instrumentalizuar politikisht struktura apo efektivë të Policisë së Shtetit.

  Menjëherë ka reaguar Partia Socialiste e cila ka kërkuar dorëheqjen ose shkarkimin e zëvendësministrit Peka.

  Simbolet partiake vazhdojnë të mbeten një shkas për nxitjen e përplasjeve mes mbështetësve të kampeve politike edhe ne kete fushate elektorale. Dy incidente u shënuan sërish dje. Në Kashar dy vëllezër u goditën, pasi sipas policisë, u ishte kërkuar që të hiqnin flamujt e Partisë Demokratike nga lokali i tyre. Në zonën e Bathores, në Kamëz, dy makina që mbanin flamujt e Partisë Socialiste u qëlluan me gurë dhe shkopinj duke provokuar ndezjen e gjakrave mes mbështetësve të të dy palëve. Policia u detyrua të ndërhyjë për të evituar një përplasje të mëtejshme.

  Por ky incident i fundit ka shkaktuar edhe një përplasje mes policisë dhe drejtuesve të ministrisë së Brendshme. Drejtori i forcave speciale Shemsi Premci ka akuzuar zëvendësministrin Avenir Peka, ministër në detyrë pas dorëheqjes së zotit Lulëzim Basha, se i ka kërkuar në mënyrë të paligjshme të ndërhyjë në Bathore me trupat e tij. Zoti Premci dorëzoi sot një denoncim në Prokurori ndaj zëvendësministrit Peka:

  "Ka kërkuar që unë të shkel ligjin dhe të vej në lëvizje forcat e Ndërhyrjes së shpejtë, për të operiar në atë zonë. Pastaj  më ka kërcënuar dhe më ka fyer rëndë në dinjitetin tim personal. Argumenti ka qenë për gjoja për të shtypur disa rrugacë që mbështesnin kandidatin e PS. Unë nuk e di dhe nuk kam shkuar atje në Kamëz dhe nuk do të shkoj për probleme të kësaj natyre. Forcat e ndërhyrjes së shpejtë kanë detyra specifike me ligj. Urdhërin për vënien në veprim të forcave speciale unë e marr vetëm nga Drejtori i Policisë. Ministri dhe zëvendësministri i Brendshëm, aktualisht në detyrën e ministrit, nuk ka tagër dhe nuk ka të drejtë të urdhërojë veprime operacionale të policisë. Ai është udhëheqës politik i policisë".

  Menjëherë pas kësaj ka reguar Partia Socialiste e cila ka kërkuar dorëheqjen ose shkarkimin e zëvendës ministrit Peka.

  “Ky zv/ministër që guxon të dalë mbi ligjin urgjentisht duher të japë dorëheqjen apo të shkarkohet nga detyra. Paralajmërojmë Sali Berishën të mbajë larg nga vota e lirë e popullit pekat dhe purtekat e tij, bashat dhe mashat, ponet dhe alkaponet.Askush nuk do të mundet më të shtypë militantët e PS as në Bathore dhe asgjëkundi tjetër. Askush nuk do të mundet më të prekë dhe të vjedhë votat e shqiparëve. Askush nuk do të mundet më të manipulojë zgjedhjet e lira”, tha përfaqësuesi i PS, Namik Dokle.

  Policia njoftoi sot se ka arrestuar personin që provokoi incidentin në Bathore, ndërkohë që janë proceduar penalisht për bllokim rruge edhe 10 shtetas të tjerë. Po ashtu janë ndaluar tre personat që qëlluan vëllezërit në Kashar dhe janë shpallur në kërkim edhe 4 të tjerë.

• 18:49

  Shpërthim në një vendkalim kufitar Kosovë-Serbi në veri

  [Lajmi i Plote] Zeri Amerikes

  Shenja:  Ballkani  

  

  Zyrtarë të policisë së Kosovës thanë se në një vendkalim kufitar ndërmjet Kosovës dhe Serbisë në veri, ka ndodhur një shpërthim, por pa pasoja në njerëz. Sipas policisë, nga pasojat e këtij shpërthimi, është djegur zyra e një kompanie të sigurimeve kufitare në atë vendkalim, që ndodhet në komunën e Zubin Potokut, një nga komunat veriore më shumicë serbe.

  Objekti i djegur ishte pronë  e një kompanie sigurimesh të licencuar nga institucionet e Kosovës, të cilat nuk pranohen nga serbët në veri.

  Ajo ishte e vendosur në njërën nga vendkalimet kufitare që ishin djegur në mars të vitit 2008 nga protestues serbë të zemëruar me shpalljen e pavarësisë së Kosovës.

  Policia thotë se ende nuk dihet asgjë për autorët e mundshëm të këtij shpërthimi, i cili është cilësuar si vepër penale “shkaktim i rrezikut të përgjithshëm”.

  Po sipas policisë, mbrëmë në një incident tjetër në Mitrovicë, janë lënduar tre qytetarë, dy serbë e një shqiptar, gjatë një përleshjeje ndërmjet tifozëve të dy ekipeve të basketbollit. Policia ka marrë në pyetje 11 persona, kurse ndaj tre personave të përfshirë në rrahje është ngritur kallëzim penal.

  Incidenti kishte shpërthyer gjatë një loje ndërmjet ekipit shqiptar Trepça dhe atij serb Bambi, që është i vetmi ekip sportiv nga radhët e komunitetit serb i cili merr pjesë në veprimtaritë sportive të Kosovës.

• 13:14

  Zgjedhje të parakohshme në Maqedoni

  [Lajmi i Plote] Deutsche Welle - shqip

  Shenja:  Ballkani  

  Deputetët e Parlamentit të Maqedonisë do të votojnë këtë javë shpërbërjen e parlamentit. Vendi shkon në zgjedhje të parakohshme parlamentare. A janë përgatitur kushtet për zgjedhje të ndershme dhe demokratike?
• 09. 04. 2011
• 12:37

  Medalje për ushtarët serbë të luftrave në ish Jugosllavi

  [Lajmi i Plote] Deutsche Welle - shqip

  Shenja:  Ballkani  

  Ministria e Mbrojtjes në Beograd ka vendosur që t'u ndajë medalje përkujtimore ushtarëve nga Serbia, të cilët kanë marrë pjesë në luftërat e zhvilluara në hapsirat e ish-Jugosllavisë gjatë viteve 90-të.
• 12:07

  Tendencat e reja në politikën shqiptare

  [Lajmi i Plote] Deutsche Welle - shqip

  Shenja:  Ballkani  

  Kandidatët dhe subjektet politike që garojnë për zgjedhjet lokale të 8 majit në Shqipëri po mundohen që komunikimin me elektoratin ta bëjnë nëpërmjet rrjeteve sociale në internet.
• 11:58

  Prioritetet e politikës së jashtme të Serbisë

  [Lajmi i Plote] Deutsche Welle - shqip

  Shenja:  Ballkani  

  Ministri i Jashtëm serb Vuk Jeremiq, njoftoi se prioritetet e Serbisë janë integrimet evropiane, ruajtja e sovranitetit dhe integritetit territorial me mjete paqësore, bashkëpunimi rajonal dhe diplomacia ekonomike.
• 11:44

  Kothenschulte: Krizat politike janë katastrofale për zhvillimin e Kosovës

  [Lajmi i Plote] Deutsche Welle - shqip

  Shenja:  Ballkani  

  Ka gjermanë që në rastet kur mungojnë informacionet në gjuhën gjermane, ndjekin agjencitë e lajmeve në gjuhën shqipe për tu informuar për ngjarjet në Kosovë. Një prej tyre është edhe gazetari Markus Kothenschulte.
• 08. 04. 2011
• 12:49

  "Ambasadori Dell kumtoi lajmin e gëzuar" - shtypi gjerman për presidenten e Kosovës

  [Lajmi i Plote] Deutsche Welle - shqip

  Shenja:  Ballkani  

  Me ndihmën amerikane qeveria dhe opozita të enjten gjetën rrugëdalje nga kriza e parë kushtetuese e shtetit të ri.Jahjaga është pothuajse e panjohur për opinionin kosovar.Por shumë më mirë atë e njohin amerikanët.

• 08:54

  Ambasadori Arvizu u bën thirrje partive të shfaqin bashkarisht vullnetin e mirë për zgjedhjet

  [Lajmi i Plote] Zeri Amerikes

  Shenja:  Ballkani  

  

  Ambasadori i Shteteve te Bashkuara te Amerikes ne Shqiperi, Aleksander Arvizu, u beri thirrje forcave politike ne Tirane qe te shfaqin bashkarist vullnetin e mire per zgjedhjet vendore. Ai deklaroi se asnje garanci dhe asnje rekomandim nuk kane me shume rendesi se sa ky vullnet i mire i paleve. Ambasadori Arvizu tha nga ana tjeter se SHBA do te japin cdo ndihme qe kerkohet per te zbardhur ngjarjen e 21 janarit.

  Ambasadori i SHBA në Tiranë, Aleksandër Arvizu, tha mbrëmë se demokracia shqiptare po ecën, dhe mund të funksionojë akoma më mirë nëse forcat politike veprojnë me vullnetin e mirë. Ambasadori amerikan i bëri këto komente i ftuar në programin Top Story të televizionit Top Channel, ku dha mendimet e tij mbi zhvillimet politike në Shqipëri në prag të zgjedhjeve vendore. Ambasadori Arvizu tha se “partitë politike shqiptare vërtet nuk përmbushën rekomandimet e ODIHR/OSBE, por këshillën për vullnet të mirë mund ta përmbushin brenda ditës”.

  Ambasadori amerikan tha se “do të ishte shumë mirë nëse partitë do të publikonin një deklaratë të përbashkët ku të shprehnin dëshirën e mirë” dhe ndihmesën e tyre për mbarëvajtjen e procesit zgjedhor. “Por ata kërkojnë garanci nga njëri-tjetri, ndërkohë që të gjitha këto garanci varen nga vullneti i mirë i tyre”,  tha ai.

  Ambasadori i SHBA tha se qeveria amerikane ka dhënë 360 mijë dollarë në mbështetje të koalicionit të vëzhguesve vendorë dhe po studion vendosjen e një këshilltari amerikan krahas një europiani pranë Komisionit Qendror të zgjedhjeve.

  Ai hodhi poshtë si të pavërteta komentet se ndaj vëzhguesve të ODIHR-it po bëhet presion. “Ata janë profesionistë që bëjnë punën e tyre në ndjekjen e procesit zgjedhor, dhe ato që thuhen për presione janë të pabazuara” - theksoi amabasadori Arvizu.

  Po ashtu ai shfaqi vendosmërinë amerikane për të mbështetur prokurorinë në zbardhjen e ngjarjeve të dhunshme të 21 janarit në kryeqytet, me ekspertë, hetues dhe pajisje. Ambasadori Arvizu tha se “do të bënte të gjitha përpjekjet që dosja e 21 janarit të mos zvarritet si ajo e Gërdecit”.

• 08:36

  Faktor bashkues - Kosova zgjedh presidenten e re, Atifete Jahjagën

  [Lajmi i Plote] Deutsche Welle - shqip

  Shenja:  Ballkani  

  Zëvëndësdrejtoresha e përgjithshme e policisë së Kosovës, Atifete Jahjaga, u zgjodh presidente e Kosovës të enjten. Zonja Jahjaga, mori numrin e mjaftueshëm të votave që në raundin e parë të votimit.
• 07. 04. 2011
• 14:26

  Për kultivimin e bimëve mjekësore në zhdukje

  [Lajmi i Plote] Deutsche Welle - shqip

  Shenja:  Ballkani  

  Gjermania mbetet vendi kryesor që importon bimë medicinale dhe aromatike nga Shqipëria, mbi 70%. Nga mbledhja e pakujdesshme dhe abuzive, disa bimë të të rralla rrezikojnë të zhduken.
• 12:09

  Atifete Jahjaga kandidate për presidente e Kosovës

  [Lajmi i Plote] Deutsche Welle - shqip

  Shenja:  Ballkani  

  Atifete Jahjaga është kandidatja e nominuar për presidente të Kosovës, kurse Behgjet Pacolli tërheq kandidaturën. Këtë e parashikon marrëveshja politike e arritur mes partie PDK, LDK dhe AKR për një president koncensual.

• 00:13

  Kosovë: Arrihet marrëveshja për presidentin, shmangen zgjedhjet e jashtëzakonshme

  [Lajmi i Plote] Zeri Amerikes

  Shenja:  Ballkani  

  

  Udhëheqësit e tri partive politike në Kosovë, Partisë Demokratike, Lidhjes Demokratike të Kosovës dhe Aleancës Kosova e re, arritën një marrëveshje për tejkalimin e ngërçit politik dhe shmangien e zgjedhjeve të jashtëzakonshme. Pas disa ditë bisedimesh me ndërmjetësimin e ambasadorit amerikan Christopher Dell, kryetari i PDK-së Hashim Thaçi, ai LDK-së, Isa Mustafa dhe kryetari i AKR-së, Behgjet Pacolli, thanë se kanë arritur një marrëveshje që i jep fundit krizës politike të krijuar pas vendimit të Gjykatës Kushtetuese e cila e shpalli jo kushtetuese zgjedhjen e presidentit të Kosovës.

  Në tekstin e marrëveshjes të paraqitur nga kryeministri Hashim Thaçi thuhet se “udhëheqësit e AKR-së, LDK-së dhe PDK-së nominojnë Atifete Jahjagën si kandidate për presidente të Republikës së Kosovës dhe shprehim përkrahjen e plotë të partive tona respektive për kandidaturën e saj. Jemi të përkushtuar ta vëmë interesin e vendit, mbi atë tonin”. Kandidatja e emëruar nga tre udhëheqësit politik, është zyrtare e lartë e Policisë së Kosovës.

  Në tekstin e marrëveshjes thuhet se të tre udhëheqësit pajtohen që “menjëherë të formojnë një komision për reformën e zgjedhjeve presidenciale që do të hartojë amandamentet e nevojshme kushtetuese dhe çfarëdo legjislacioni të ndërlidhur të nevojshëm për të amandamentuar Kushtetutën e Republikës së Kosovës, në mënyrë që presidenti të zgjidhet në mënyrë të drejtpërdrejtë nga populli. Komisioni do të synojë të përfundojë punën e vetë brenda 6 deri 9 muaj nga data e themelimit të tij. Një anëtar i Kuvendit, i identifikuar nga koalicioni qeverisës do të udhëheq komisionin e themeluar për këtë qëllim”, thuhet në tekstin e marrëveshjes.  Ata janë pajtuar që zgjedhjet e para të drejtpërdrejta presidenciale në Republikën e Kosovës të mbahen jo më vonë se gjashtë muaj nga data në të cilën ndryshimet e nevojshme kushtetuese dhe legjislative hyjnë në fuqi.

  Po ashtu ata janë pajtuar që “menjëherë të formohet një komision për reformën e Ligjit për zgjedhjet e përgjithshme, i cili mes dispozitave tjera do të përkrah krijimin e më shumë qarqeve zgjedhore në Kosovë dhe do të hartojë ndryshimet e nevojshme legjislative dhe kushtetuese për të arritur këtë qëllim. Komisioni do të synojë të përfundojë punën e vetë brenda 8 deri në 12 muaj nga data e themelimit të tij. Një anëtar i Kuvendit i identifikuar nga partitë opozitare do të udhëheq komisionin e themeluar për këtë qëllim. Ligji i reformuar për zgjedhjet e përgjithshme do të përfshijë një dispozitë që thotë se zgjedhjet para të përgjithshme, sipas ligjit të amandamentuar do të mbahen jo më vonë se 18 muaj nga data në të cilën ligji i reformuar për zgjedhjet e përgjithshme me amandamentet e ndërlidhura kushtetuese hyn në fuqi”, thuhet në marrëveshjen e cila u mbështet nga ambasadori amerikan Christopher Dell.

  Zoti Dell  tha se “udhëheqësit u treguan të gatshëm t’i vendosin interesat e shtetit para interesave të tyre. Fakti që unë jam  me ta tregon se ata mund të punojnë për të mirën e këtij vendi”. Ai vlerësoi lartë edhe vendimin e zotit Pacolli për t’u tërhequr nga kandidatura e tij për postin e presidentit, prej nga u largua pas vendimit të Gjykatës Kushtetuese të Kosovës. Vetë zoti Pacolli tha ndërkaq se “koalicioni qeverisës do të vazhdojë, ndërkaq me qëllim të tejkalimit të kësaj krize politike dhe institucionale, unë jam tërhequr nga rikandidimi im për postin e Presidentit të Republikës”.

  Pas marrëveshjes së, pritet që Parlamenti i Kosovës të mblidhet për të zgjedhur presidentin, ndërsa përballë kandidates së propozuar me këtë marrëveshje duhet të vihet edhe një kandidat tjetër.

• 04. 04. 2011
• 16:31

  Çfarë po ndodh në Kosovë?

  [Lajmi i Plote] Deutsche Welle - shqip

  Shenja:  Ballkani  

  Në Kosovë akoma mbetet e paqartë rrjedha e zhvillimeve politike, nëse vendi do të ketë së shpejti një president të ri, apo do të shkojë drejt zgjedhjeve të parakohshme.
• 12:16

  Çfarë po ndodh me pronat e komuniteteve fetare?

  [Lajmi i Plote] Deutsche Welle - shqip

  Shenja:  Ballkani  

  Liderët e bashkësive Fetare Islame të vendeve të Ballkanit shqyrtuan në konferencën e mbajtur në Shkup çështjen e kthimit dhe të kompensimit të pronave të komuniteteve fetare të nacionalizuara në regjimet e kaluara.
• 02. 04. 2011
• 09:04

  Dialogu Kosovë- Serbi dhe perspektiva e tij

  [Lajmi i Plote] Deutsche Welle - shqip

  Shenja:  Ballkani  

  Kosova sërish gjendet në krizë të institucioneve. Kjo ka hedhur hije të rëndë edhe mbi dialogun Kosovë-Serb,i i cili në fillim të kësaj jave solli marrëveshjet e para parimore.
• 01. 04. 2011
• 15:34

  Kyper: Shkelje e ligjit po jo patjetër e kushtetutës

  [Lajmi i Plote] Deutsche Welle - shqip

  Shenja:  Ballkani  

  Gjykata Kushtetuese e Kosovës thotë se zgjedhja e Pacollit si president pa kundërkandidat ka shkelur nenin 86 të Kushtetutës së Kosovës. Edhe mungesa e kuorumit ishte antikushtetuese. Pse ndodhi kjo?
• 15:17

  Amnistia fiskale sjell debat në Shqipëri

  [Lajmi i Plote] Deutsche Welle - shqip

  Shenja:  Ballkani  

  Një projektligj i qeverisë shqiptare mbi aplikimin e amnistisë fiskale po përcillet me mjaft debate nga përfaqësuesit e biznesit dhe të politikës. Ekspertët kanë rezerva për momentin e zgjedhur për diskutimin e tij.
• 31. 03. 2011
• 13:18

  Ministri gjermani Mbrojtjes de Maiziere në Kosovë

  [Lajmi i Plote] Deutsche Welle - shqip

  Shenja:  Ballkani  

  Në Kosovë po qëndron për një vizitë ministri gjerman i Mbrojtjes, Tomas de Meziere. Ai vizitoi trupat gjermane të NATO-s dhe u takua me kolegun kosovar, Agim Çeku.
• 11:55

  Pacolli pezullon aktivitetin e tij si president i Kosovës

  [Lajmi i Plote] Deutsche Welle - shqip

  Shenja:  Ballkani  

  Behxhet Pacolli, e ka pranuar në tërësi vendimin e Gjykatës Kushtetuese, e cila konstatsoi se zgjedhja e tij president i Kosovës më datën 22 shkurt ishte jokushtetuese.
• 29. 03. 2011
• 18:18

  Deimel: Gjykata Kushtetuese duhet përshëndetur për rolin e verifikimit

  [Lajmi i Plote] Deutsche Welle - shqip

  Shenja:  Ballkani  

  Zëvendësdrejtoresha e Shoqatës së Evropës Juglindore, Dr. Johana Deimel analizon për DW situatën pas shpalljes antikushtetuese të mënyrës së zgjedhjes së Presidentit të Kosovës, Pacolli
• 12:15

  Mirë, por jo sa duhet - Kritika për paketën e shpëtimit të euros

  [Lajmi i Plote] Deutsche Welle - shqip

  Shenja:  Ballkani  

  Reforma më e madhe e Bashkimit Monetar Evropian u krye. 12 muaj pas gati falimentimit të Greqisë BE vendosi një strategji të përgjithshme për euron. Ajo tregon drejtimin e duhur, por nuk mjafton për qetësimin e tregjeve
• 11:35

  Kosovës do t'i kthehet regjistri civil dhe dokumentat e kadastrave

  [Lajmi i Plote] Deutsche Welle - shqip

  Shenja:  Ballkani  

  Në Bruksel përfundoi raundi i dytë e dialogut mes Prishtinës dhe Beogradit. Në këtë takim janë trajtuar temat si telekomunikacioni, furnizimi me energji elektrike, njohja e diplomave prej Serbisë dhe çështje të tjera.
• 09:58

  Gjykata kushtetuese: Zgjedhja e Pacollit jo kushtetuese

  [Lajmi i Plote] Deutsche Welle - shqip

  Shenja:  Ballkani  

  Gjykata Kushtetuese e shpalli  jo kushtetues vendimin e Parlamentit të Kosovës për zgjedhjen e Presidentit Behxhet Pacolli. Asnjëra nga institucionet qëndrore të vendit nuk kanë komentuar vendimin e Gjykatës.
• 09:43

  Regjistrimi në Kosovë do të jetë konform standardeve ndërkombëtare

  [Lajmi i Plote] Deutsche Welle - shqip

  Shenja:  Ballkani  

  Në Kosovë, me një prill fillon regjistrimi i popullsisë dhe i ekonomive familjare. Ky proces mbështetet nga organizata evropiane e statistikave, EUROSTAT
• 28. 03. 2011
• 13:54

  Pala kosovare dëshiron hapa përpara në bisedimet e sotme me Beogradin

  [Lajmi i Plote] Deutsche Welle - shqip

  Shenja:  Ballkani  

  Në Bruksel filloi raundi i dytë i bisedimeve mes delegacioneve të Prishtinës dhe Beogradit. Në këtë takim do të bisedohet për telekomunikacionin, energjinë elektrike, regjistrat civilë dhe çështje të tjera.
• 27. 03. 2011
• 13:16

  Të hënën vazhdon dialogu mes Kosovës dhe Serbisë

  [Lajmi i Plote] Deutsche Welle - shqip

  Shenja:  Ballkani  

  Të hënën (28.03.2011) vazhdon në Bruksel dialogu mes delegacioneve të Kosovës dhe Serbisë. Në rend dite janë energjia elektrike dhe kthimi i dokumentacionit kosovar nga Serbia në Kosovë.