Kreu i Bankës Botërore, Robert Zoellick, ka thënë se rimëkëmbja ekonomike globale prej krizës, është e brishtë dhe e pasigurt.
Duke folur në Meksikë, ai sugjeroi se në mbarë botën, kriza kishte çuar në varfëri gati mbi 60 milion njerëz.
"Parashikimi im me përafërsi është që numri i të varfërve ka shkuar mbi 50 deri në 60 milion në shkallë globale".
"Në Amerikën Latine ka 10 milion më shumë".
"Teksa ekonomia globale po rimëkëmbet është ende e pasigurt dhe ka shume brishtësi".
"Kjo është një prej arsyeve që ne të jemi vigjilent për t'u përpjekur të ndihmojmë, jo vetëm vendet më të varfëra, por rreth 70 për qind të njerëzve që jetojnë me më pak se 2 dollarë në ditë ne të ashtuquajturat vende më të ardhura mesatare", tha zoti Zoellick.
Kreu i Bankës Botërore tha se gjatë 20 viteve të fundit ishte shënuar një përparim i rëndësishëm për reduktimin e varfërisë në Kinë, Indi, Meksikë dhe Brazil.
Në Afrikën sub Sahariane, shtoi ai kishte ende probleme shumë të mëdha.